Matie 9:2 - A SƐB-SÕW

² Nɩbɛ bɛ mɩnɛ tɩ tuo nɩ gbɛr bʋ̃-gana zu wa n a ʋ zie. A Yeezu na tɩ nyɛ̃ bɛ sàw de a Naaŋmɩn a, ʋ yel'ɩ a gbɛr: «Ɩ̃ bie e, ɓãá ƴãw, a fʋ yel-bebe suur dɩ na.»

Matie 9:2 ပူးပေါင်းရင်းမြစ်များ

Ekilezɩasɩ 9:7

A lɛ pʋɔ a, mɩ́ dɩ a fʋ bʋ̃-dɩra nɩ nʋ̃ɔ̀, ɛ́ nyũ a fʋ divɛ̃ nɩ cɩlʋ, bʋ̃ʋ n'ʋ vɛ̃, koro kãw za n'a Naaŋmɩn sàw de a fʋ tome.

Ɩzayi 44:22

A fʋ nɩ-gaara ɩ-ɩrɩ a, ɩ̃ ɩ na a bɔr mɛ̃ zũzuwr a, ɛ́ a fʋ sãwna baarɩ mɛ̃ ulu a. Lɛb wa a ɩ̃ zie, ɩ̃ ɩ n a fʋ ya-diere.»

Matie 14:27

Ɛcɛ a Yeezu tɩ ƴɛ̀r a sɔw bɛ daadaalɛ yel: «Nyɩ nyɔw nyɩ mɩŋa, mãa n'ʋ, nyɩ ta zɔrɛ dɛ̃bɩ̃ɛ ɩ!»

Matie 4:24

A ʋ yúor tɩ yi n a Siiri tẽw za, ɛ́ bɛ tɩ tɛr nɩbɛ, bàal-pɛ-bʋʋrɛ za nɩ wʋlɛ bʋʋrɛ za na tɩ fɛrɛ a, wa n a ʋ zie: kɔ̃tɔ̃-ìrbɛ, kũkũ-lorbɛ nɩ gbɛɛ. A Yeezu tɩ sanɩ bɛ na.

Matie 6:12

Dɩ a tɩ sãwna suur kʋ̀ tɩ, mɛ̃ a lɛ a tɩɩm tɛɛ za na mɩ́ dɩ suur kʋ̀ a bɛlɩ dem na sãw tɩ a.

Matie 8:10

A Yeezu na tɩ wõ a ƴɛ̀r-bie á ŋá a, ʋ nyɔw nɩ nʋɔr, ɛ́ yel a bɛlɩ dem na tɩ tuur ʋ a: «Yel-mɩŋa sɩza, ɩ̃ yere na kʋ̀rɛ nyɩ: ɩ̃ bɛ nyɛ̃ a naaŋmɩn-sàwfʋ ŋa tɔ nɩr kãw za zie a Ɩsɩrayɛl tẽw pʋɔ ɩ.

Matie 8:16

A zaanʋɔra na wa ta a, bɛ tɛr'ɩ kɔ̃tɔ̃-ìrbɛ yaga wa n a Yeezu zie. Ʋ tɩ diw nɩ a kɔ̃tɔ̃-faar nɩ ƴɛ̀r-bi-been yõ ɛ́ sanɩ a bàalbɛ za,

Matie 9:22

Ɛcɛ a Yeezu na tɩ lɩɛbɩ nyɛ̃ ʋ a, ʋ yel ʋ na: «Ɩ̃ pɔwyaa a, ta zɔrɛ dɛ̃bɩ̃ɛ ɩ, a fʋ naaŋmɩn-sàwfʋ faa fʋ na.» Ɛ́ a pɛr nɛ pʋɔ a, a pɔw bàalʋ tɩ sanɩ na.

Matie 9:5

Abobe sob'a ɩ mɔlɛ zuo, ɩ̃ na na yel: “A fʋ yel-bebe suur dɩ na”, bɩɩ ɩ̃ na na yel: “Ìr cere a?”

Matie 9:6

Ɩ̃ bɔbr'a kɛ́ nyɩ bãwnɩ a, a Nɩsaal Bie tɛr'ɩ a yel-bebe suur-dɩ-kʋ̀b fãw a tẽw zu ka.» Lɛ n'a ʋ tɩ yel a gbɛr: «Ìr ɓáw a fʋ bʋ̃-gana kule nɩ a fʋ yir.»

Markɩ 1:32

A zaanʋɔra na wa ta, a mʋ̃tɔ̃w kpɛ baarɩ a, a nɩbɛ tɛr'ɩ a bàalbɛ za nɩ a bɛlɩ dem za na ìre kɔ̃tɔmɛ a, wa n a Yeezu zie.

Markɩ 10:49

A Yeezu tɩ tɛw na àr ɛ́ yel: «Nyɩ bʋɔl'ʋ.» Bɛ tɩ bʋɔl'ɩ a zɔ̃w ɛ́ yel ʋ: «Nyɔw fʋ mɩŋa, ìr, ʋ bʋɔlɛ fʋ na!»

Markɩ 5:34

Ɛcɛ a Yeezu tɩ yel ʋ na: «Ɩ̃ pɔwyaa a, a fʋ naaŋmɩn-sàw-deb faa fʋ na: cere nɩ ƴã-ɓaarʋ ɛ́ a fʋ bàalʋ baarɩ.»

Markɩ 6:50

Bɛ za tɩ sɩrɩ na nyɛ̃ ʋ, ɛ́ dɛ̃bɩ̃ɛ tɩ nyɔw bɛ yaga za. A daadaalɛ, ʋ tɩ ƴɛ̀r'a sɔw bɛ yel: «Nyɩ nyɔw nyɩ mɩŋa! Mãa n'ʋ, nyɩ ta zɔrɛ dɛ̃bɩ̃ɛ ɩ!»

Zã 16:33

Ɩ̃ yel'ɩ à á ŋá kʋ̀ nyɩ kɛ́ nyɩ lãw nɩ mɛ̃ tɛr a ƴã-ɓaarʋ. Pʋ-sãwna pʋɔ n'a nyɩ be a tẽ-daa ŋa zu, ɛcɛ nyɩ ƴãw fãw, ɩ̃ zɛb'a tʋ̃ɔ́ a tẽ-daa.»

Zã 2:25

Ʋ bɛ tɩ gù kɛ́ nɩr wa dɩ a nɩsaal dãsɩɛ a ʋ zie ɩ, ʋl mɩŋa tɩ bãw nɩ ʋlɩ bom nɛ na be a nɩsaal socir pʋɔ a.

Zã 21:5

A Yeezu tɩ yel bɛ na: «Bibiir i, nyɩ tɛr'ɩ zʋ́mɛ́ ɛ?» Bɛ sɔw: «Ʋ̃ʋ'hʋ̃.»

Nɩ-toni 14:9

Ʋ tɩ bɛrɛ na wone a Pol ƴɛ̀rʋ. A Pol tɩ jɩ́r ʋ nɩ gbẽgbẽ, ɛ́ nyɛ̃ ʋ tɛr a naaŋmɩn-sàwfʋ a na tʋ̃ɔ́ faa ʋ.

Nɩ-toni 19:12

Lɛ so bɛ mɩ́ tɩ de niwn-pɛn-fɩɛlɩ, bɩɩ pɛnɛ na tɔ a Pol ƴã-gan a, tɩ dɔl pàw a bàalbɛ. A bàalbɛ mɩ́ tɩ sanɩ na, ɛ́ a kɔ̃tɔ̃-faar yi ɛ́ bɛr bɛ.

Nɩ-toni 23:11

A ʋlɩ tɩ̃ɩsɔw, a Sore tɩ wa n a Pol zie wa yel ʋ: «Ƴãw fãw! Fʋ dɩ n a ɩ̃ dãsɩɛ a Zerizalɛm ka. Lɛ n'a a fɛr kɛ́ fʋ mɩ̀ dɩ a ɩ̃ dãsɩɛ a Ʋrɔm.»

Ʋrɔm 5:11

Ɛ́ a za cãà bɛ n'a ɩ, a Naaŋmɩn ƴãw n'a nʋ̃ɔ̀ ɩrɛ tɩ a tɩ Sore Yeezu Kɩrɩta zũú, ʋl na n'ʋ so tɩɩm nɩ a Naaŋmɩn lɛb kpɛ taa ƴɛrɛŋa a.

Zakɩ 2:18

Ɛcɛ kapaw nɩr na yel'a: «Fʋ̃ʋ a, fʋ tɛr'ɩ a naaŋmɩn-sàw-deb, ɛ́ mãa tɛr a ɩ-ɩrɩ.» Lɛn daar'a ɩ̃ na sɔw ʋ: «Wul mɛ̃ a lɛ a fʋ naaŋmɩn-sàw-deb na na tʋ̃ɔ́ be be ɛ́ bɛ tɛr ɩ-ɩrɩ a. Mãa a, a ɩ-ɩrɩ pʋɔ n'a ɩ̃ na wul fʋ a ɩ̃ naaŋmɩn-sàw-deb.»