Matie 9:18 - A SƐB-SÕW

¹⁸ A Yeezu na tɩ cãà ƴɛ̀rɛ à à ŋá a bɛ zie a, Zifʋ mɩnɛ nɩ-kpɛ̃ɛ kãw tɩ taw na ta lo gbĩ dume a ʋ niŋé ɛ́ yel: «A ɩ̃ pɔwyale ŋmãa nɩ vʋʋrʋ a ƴɛrɛŋa, ɛcɛ wa ír a fʋ nũu dɔwlɩ a ʋ zu, ʋʋ na lɛb'a vʋʋrɛ.»

Matie 9:18 ပူးပေါင်းရင်းမြစ်များ

2 Na-mɩnɛ 5:11

A Naaman tɩ nyɛ̃ nɩ suur tɔl cen nɩ. Ʋ tɩ yere na: «Ɩ̃ tɩ tɩ́ɛrɛ k'aa naaŋmɩn-ƴɛ̀r-manɛ na yi n a ʋ yir wa àr a ɩ̃ niŋé, puori a Sore ʋ Naaŋmɩn, ír a ʋ nũu tɔ n a zi-bàal, ɛ́ sanɩ a ɩ̃ kɔnʋ.

Matie 14:33

A po-tuurbɛ bɛl na tɩ be a gbor pʋɔ a, tɩ lo na gbĩ dume a ʋ niŋé ɛ́ yel: «Yel-mɩŋa sɩza, fʋ ɩ n Naaŋmɩn Bie!»

Matie 15:25

Ɛcɛ a pɔw tɩ wa na wa lo gbĩ dume a ʋ niŋé ɛ́ yel: «Sore e, sõw mɛ̃!»

Matie 17:14

Bɛ na tɩ tarɛ a zu-sɛbla zie a, nɩr kãw tɩ taw na ta a Yeezu zie, lo gbĩ dume,

Matie 20:20

Lɛ n'a a Zebede bidɛbr mã, tɩ taw ta a Yeezu zie nɩ a ʋ bibiir ayi. Ʋ tɩ lo na gbĩ dume a ʋ pile k'ʋʋ zɛlɩ bʋ̃-kãw.

Matie 28:17

Bɛ na wa nyɛ̃ ʋ a, bɛ lo na gbĩ dume puor'ʋ nɩ bɛ tʋɔra-siwru, ɛcɛ bɛ mɩnɛ tɩ cãà na bʋ́nɛ.

Matie 8:2

Bɛ wa bere na kɔ̃w kãw taw pɩɛl ʋ, lo gbĩ dume a ʋ niŋé ɛ́ yel ʋ: «Sore e, fʋ̃ʋ wa bɔbr a, fʋ na tʋ̃ɔ́ na ɩ ɩ̃ lɛb vɩɛl.»

Matie 8:25

A ʋ po-tuurbɛ tɩ taw na ta sɩ̃wnɛ ʋ yere nɩ: «Sore e, faa tɩ, tɩ kpiir a!»

Matie 9:17

Bɛ mɩ̀ bɛ dãw de divɛ̃-paala ƴãw wɔ-gbã-kore pʋɔ ɩ, alɛ bɛ ɩ lɛ, a wɔ-gban mɩ́ pur'a, a divɛ̃ cir, ɛ́ a wɔ-gban sãw. Bɛ nɩ̃ɛ na mɩ́ ƴãw divɛ̃-paala wɔ-gbã-paalɛ pʋɔ, lɛ n'a a za ayi mɩ́ gã.»

Matie 9:19

A Yeezu tɩ ìr'a tuur ʋ, ʋlɛ nɩ a ʋ po-tuurbɛ.

Matie 9:24

«Nyɩ taw zaa, a powle bɛ kpi ɛ, gʋ̃ɔ n'a ʋ gúre.» Ɛcɛ bɛ tɩ ɩrɛ ʋ na laar.

Luka 13:14

Ɛcɛ a puoru-dĩo nɩ-kpɛ̃ɛ tɩ nyɛ̃ nɩ suur, a Yeezu na tɩ sanɩ nɩr a pɩ̃ɛnʋ-bibir a ƴãw. A nɩ-kpɛ̃ɛ ŋa tɩ yel'ɩ a zu-sɛbla: «Bibie ayʋɔb'a be be a tome ƴãw, nyɩ mɩ́ wa a bibie á ŋá pʋɔ wa ƴãw bɛ sanɩ a nyɩ bàalʋ. Nyɩ ta mɩ́ wa a pɩ̃ɛnʋ-bibir ɛ.»

Luka 18:18

Zifʋ mɩnɛ nɩ-kpɛ̃ɛ kãw tɩ sowr'ɩ a Yeezu: «Wul-wul-kara a, fʋ̃ʋ na ɩ nɩ-vla a, bʋ̃ʋ n'ʋ a fɛr k'ɩ̃ɩ ɩrɛ tʋ̃ɔ́ páw a nyɔ-vʋʋrʋ na be kʋralɛ a?»

Luka 7:2

Zɩ̃ kɛ́ sojarɩ kʋba nɩ-kpɛ̃ɛ kãw tɩ tɛr'ɩ tõ-tõ-bie ʋ ɩ bàal ŋmaar vʋʋrʋ: a ʋ tõ-tõ-bi-mimi-mʋ̃ɔn tɩ n'ʋ.

Zã 11:25

A Yeezu lɛb yel ʋ: «Mãa n'ɩ a Kũu-pʋɔ-lɛb-yibu nɩ a Nyɔ-vʋʋrʋ. Ʋlɩ sob na sàw de m a, ʋlɛ saa kpi, ʋʋ na vʋʋrɛ na,

Zã 11:32

A Marya na tɩ ta a be a Yeezu na be a, ʋ na dɛ wa nyɛ̃ a Yeezu a, ʋ lo na gbĩ dume a ʋ pile ɛ́ yel ʋ: «Sore e, fʋ̃ʋ tɩ be ka a, a ɩ̃ yɛ-dɛb kʋ̃ʋ tɩ kpi ɛ.»

Nɩ-toni 13:15

A kanʋ na wa kanɩ a Naaŋmɩn wulu nɩ a naaŋmɩn-ƴɛ̀r-manbɛ sɛbr pʋɔ baar'a, a puoru-dĩo nɩ-bɛrɛ tɩ ƴãw na bɛ yel bɛ: «Yɛbr i, nyɩmɛ wa tɛr sõwfʋ ƴɛ̀r-bie na tʋ̃ɔ́ ƴɛ̀r sõw a nɩbɛ a, nyɩ de a ƴɛ̀rʋ.»

Nɩ-toni 28:8

Ƴã-tʋlʋ nɩ bin-zɩ̃ɩ tɩ gaal'ɩ a ʋ sãà. A Pol tɩ cen na tɩ puori ƴãw ʋ, ɛ́ ír nuru dɔwlɩ ʋ sanɩ ʋ.