Matie 9:15 - A SƐB-SÕW

¹⁵ A Yeezu tɩ sɔw bɛ na: «Kul-taa cuw dem na tʋ̃ɔ́ na tɛr pʋ-sãwna lɛn daar za a dɛb-sãan na be a bɛ sɔgɔ a bɩɩ? Ɛcɛ bibie waar'a na vɩɛ, bɛ na ír a dɛb-sãan a bɛ sɔgɔ, lɛn daar'a bɛ na mɩ́ tɛr a mʋta-tuo.

Matie 9:15 ပူးပေါင်းရင်းမြစ်များ

Ɩzayi 22:12

A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.

Matie 9:14

A Zã-Bati po-tuurbɛ tɩ taw na ta a Yeezu zie sowr'ʋ: «Bʋ̃ʋ n'ʋ so tɩɩm nɩ a Faarizɩ̃ɛ mɩnɛ mɩ́ tɛr a mʋta-tuo, ɛ́ a fʋ po-tuurbɛ bɛl, bɛ mɩ́ tɛr?»

Matie 9:16

Bɛ bɛ dãw de pɛn-paala ɓe n kpar-kʋra ɩ, a pɛn-paala ŋa mɩ́ tawr'ɩ a kpar-kʋra pɛn, a vʋɔr mɩ́ lɛb bãw yɛ̀lɩ.

Markɩ 2:19

A Yeezu tɩ sɔw na yel bɛ à ŋá: «Nyɩ tɩɛrɛ kɛ́ a dɛb-sãan na tʋ̃ɔ́ na cãà be a kul-taa cuw dem sɔgɔ, ɛ́ bɛ tɛr a mʋta-tuo bɩɩ? Lɛn daar za a dɛb-sãan na be a bɛ sɔgɔ a, bɛ kʋ̃ tʋ̃ɔ́ tɛr a mʋta-tuo ɩ.

Markɩ 2:20

Ɛcɛ bio kãw na vɩɛ na bɛ wa ír a dɛb-sãan a bɛ zie, a lɛn daar a, bɛ mɩ̀ na tɛr'ɩ a mʋta-tuo.

Luka 17:22

Lɛ n'a ʋ tɩ yel a ʋ po-tuurbɛ: «Bibie waar'a na vɩɛ, ɛ̀ nyɩ na bɔbr kɛ́ nyɩ nyɛ̃ a Nɩsaal Bie daar mʋ̃tɔ̃-been yõ, ɛ́ kʋ̃ nyɛ̃ ʋ ɛ.

Luka 5:34

A Yeezu tɩ sɔw na yel bɛ: «Nyɩ tɩɛrɛ kɛ́ nyɩ na tʋ̃ɔ́ na fɛr kul-taa cuw dem ƴãw bɛ tɛr mʋta-tuo ɛ́ a dɛb-sãan be a bɛ zie e?

Luka 5:35

Ɛcɛ bibie na vɩɛ na bɛ ír a dɛb-sãan a bɛ zie, a lɛn daar a, bɛ na mɩ́ tɛr'ɩ a mʋta-tuo.»

Zã 16:6

Ɛcɛ ɩ̃ na yel à á ŋá kʋ̀ nyɩ a n'a so pʋ-sãwna tɛr nyɩ yaga za.

Zã 3:29

Ʋlɩ sob na so a pɔw-sãan a, ʋlɛ n'ɩ a dɛb-sãan. Ɛ́ a dɛb-sãan bá a, ʋ mɩ́ àr'a kɔw ʋ, bɛrɛ wone a ʋ ƴɛ̀rʋ, ɛ́ a dɛb-sãan kɔkɔr ɩrɛ ʋ nʋ̃ɔ̀ yaga. A ɩ̃ nʋ̃ɔ̀ n'ɩ à ŋà, ʋ vɩɛl'a bɛ cɛ ɩ.

Nɩ-toni 14:23

Bɛ tɩ kaa na ír nɩ-kore a Lãw-yie been been kaafʋ ƴãw, ɛ́ bɛ na tɩ puori tɛr'ɩ mʋta-tuo wa baar'a, bɛ de nɩ a nɩbɛ bɛ ŋa, na tɩ ƴãw a bɛ tɩɛrʋ a Sore ƴãw a, kʋ̀ ʋ.

1 Korɛ̃tɩ 7:5

Nyɩ ta sɩbr taa a lãw-taa, ɛ́ a bɛ ɩ kɛ́ nyɩ wõ n taa ŋmãa bɛr blãlɛ ƴãw kɛ́ nyɩ tʋ̃ɔ́ puori ɛ. Al pùorí, nyɩ lɛb lãwnɛ taa, alɛ bɛ ɩ lɛ, nyɩ nãà tɛrɛ nɩ nyɩ tʋɔra guur lo a Sɩtaana bɛ̀lʋ pʋɔ.

2 Korɛ̃tɩ 11:27

Tõ-kpɛn ƴãw mɛ̃ nɩ bàlʋ nɩ hanʋ. Gb'a à ŋá za, ɩ̃ bɛ ũù mimir ɛ. Kɔ̃ nɩ kʋ̃ɔ-nyúur kpɛ m'a. Gb'a a ŋmɩn za, ɩ̃ tɛr'ɩ mʋta-tuo. Ƴawr kpɛ m'a, ɩ̃ bɛ tɩ tɛr bʋ̃-suuri ɛ.

Yel-wula 19:9

A malkɩ tɩ yel mɛ̃ na: «Sɛb yel: zu-nʋ̃ɔ̀ dem'ɩ a bɛl bɛ na bʋɔlɩ kɛ́ bɛ wa a Pele kul-taa cuw dɩb zie a.» Ʋ tɩ lɛb'a yel mɛ̃: «A ƴɛ̀rʋ á ŋá ɩ n Naaŋmɩn ƴɛ̀rʋ tɛɛ za.»

Yel-wula 21:2

Ɩ̃ɩ tɩ nyɛ̃ nɩ a tẽ-sõw, a Zerizalɛm paala, na yi a Naaŋmɩn zie a salom zu siwr a, ʋ ɩ mɛ̃ pɔw-sãan na ƴãw ʋ pɩ̃ɛmɛ a ʋ sɩr ƴãw a.