Matie 8:26 - A SƐB-SÕW

²⁶ Ʋ tɩ yel bɛ na: «Bʋ̃ʋ n'ʋ so nyɩ zɔrɛ dɛ̃bɩ̃ɛ, nyɩɩm a naaŋmɩn-sàwfʋ na bɛ saalɩ a?» Lɛ n'a ʋ tɩ ìr àr ɛ́ tanɩ a sɛsɛb nɩ a kʋ̃ɔ-kpɛ̃ɛ, a zie ŋmãa vʋʋrʋ cɩ̃ɩɩ!

Matie 8:26 ပူးပေါင်းရင်းမြစ်များ

Sɛb-sõw yielu 65:7

Fʋ ɩ n a tan a kpɛmɛ àr nɩ a fʋ fãw, fʋ sɛ n a kpɛnʋ mɛ̃ kpàwr a.

Sɛb-sõw yielu 89:9

Sore Naaŋmɩn Kpɛnʋ-za-sob i, ãa n'ʋ ŋmɛ̃ mɛ̃ a fʋ̃ʋ a? Fãw nɩ fʋ na ŋmɛ̃ fʋ ŋmɛ̃a a viir'a koli fʋ.

Ɩzayi 63:12

A cenu daar a, ʋlɛ n'ʋ tɩ̀ɛ a Moyiir nɩ a ʋ kpãkpã-kpɛ̃w. Ʋ ɓar'ɩ a kʋ̃ɔ-kpɛ̃ɛ kʋ̃ɔ a bɛ niŋé, k'ʋʋ tʋ̃ɔ́ páw yúor na be kʋralɛ a.

Nahum 1:4

Ʋ mɩ́ tanɩ nɩ a kʋ̃ɔ-kpɛ̃ɛ ʋ ko, ʋ mɩ́ ɩ n a mamɛ za a sɩr. Lɛ n'a a Basan dʋn mʋ̃ɔ 'wɔbrʋ ziir mʋ̃ɔ̀, nɩ a Karmɛl tãw za mɩ́ mʋ̃ɔ̀ mʋ̃ɔ̀, ɛ́ a Libã tɩ-puuru vàr vàr.

Habakukɩ 3:8

Sore e, a mamɛ n'a bɩɩ, a mamɛ n'a mɩ́ ƴãw fʋ nyɛ̃ a suur bɩɩ? A kʋ̃ɔ-kpɛ̃ɛ n'ʋ fʋ mɩ́ nyɛ̃ nɩ a suur pi kɔkɛɛ bɩɩ? Fʋ mɩ́ do n a zũzuge zu mɛ̃ zɛbr-torko zu, a wie na wɩɛr'ɩ fʋ a zɛb-tʋ̃ɔ́fʋ zie a.

Matie 16:8

Ɛcɛ a Yeezu tɩ bãwnɩ a na yel bɛ: «Naaŋmɩn-sàwfʋ pʋrɩ dem bɛ ŋa! Bʋ̃ʋ n'ʋ so nyɩ tɩɛrɛ nyɩ pʋɔ yere nɩ nyɩ na bɛ tɛr dipɛ̃ a?

Matie 17:20

Ʋ tɩ sɔw bɛ na: «A nyɩ naaŋmɩn-sàw-deb na dɩ nã́w a n'a so. Yel-mɩŋa sɩza ɩ̃ yere na kʋ̀rɛ nyɩ, a nyɩ naaŋmɩn-sàw-deb tɩ bɛrmɛ mɛ̃ seneve bir a, nyɩ nãá mɩ́ yel'ɩ a tãw ŋa: “Ìr a ka ɛ́ cen ka”, ʋʋ nãá mɩ́ cen na, ɛ́ nyɩ kʋ̃ʋ mɩ́ ɩ bom za gu ɛ. [

Matie 6:30

A Naaŋmɩn mɩ́ wa su a póru pʋɔ mʋ̃ɔ à ŋá a, al na mɩ́ be dɩ̃a ɛ́ bio bɛ na lɔb a ƴãw vũumí a, ʋ na ɩ n ŋmɩn kʋ̃ su nyɩ vla zuo lɛ, nyɩɩm a naaŋmɩn-sàwfʋ na bɛ saalɩ a!

Matie 8:27

A nɩbɛ tɩ nyɔw nɩ nʋɔr yere nɩ: «Ãa n'ɩ a sob ŋa, a sɛsɛb nɩ a kʋ̃ɔ-kpɛ̃ɛ za wa sàwr a ʋ nʋɔr?»

Luka 4:35

A Yeezu tɩ tanɩ ʋ na yel: «Pàw a nʋɔr ɛ́ yi zaa a nɩr ŋa pʋɔ!» A kɔ̃tɔ̃-faa tɩ nyɔw nɩ a dɛb nɛ lɔb'ɩ tẽw a nɩbɛ sɔgɔ, ɛ́ yi ɛ́ bɛr ʋ, ɛ́ bɛ sãw ʋ zie za ɩ.

Ʋrɔm 4:20

Ʋ bɛ tɩ bʋnɩ nɩ a lɛ a Naaŋmɩn na yel a ɩ. A ʋ sàw-deb nɩ̃ɛ na lɛb tɩ ɩ ʋ kpɛmɛ ɛ́ danɩ a Naaŋmɩn.

Yel-wula 10:2

Ʋ tɩ tɛr'ɩ sɛble na yuo a, a ʋ nũú. Ʋ tɩ bin nɩ a dʋrʋ gbɛ́r a kʋ̃ɔ-kpɛ̃ɛ zu, ɛ́ bin a gʋba gbɛ́r a tẽw zu.