Matie 7:7 - A SƐB-SÕW

⁷ «Nyɩ mɩ́ zɛlɩ, bɛ na kʋ̀ nyɩ na. Nyɩ mɩ́ bɔbr, nyɩ na páw na. Nyɩ mɩ́ kpàwrɩ a pan, bɛ na yuo nyɩ na.

Matie 7:7 ပူးပေါင်းရင်းမြစ်များ

Yele-za-pɛr-tib 26:32

A ʋlɩ bibir nɛ tɔr za a, a Ɩzaakɩ tõ-tõ-biir tɩ wa na wa manɩ bule kãw bɛ na tuwr a yele kʋ̀ ʋ. Bɛ tɩ yel ʋ na: «Tɩ páw nɩ kʋ̃ɔ.»

1 Na-mɩnɛ 3:5

A Gabaɔ̃ be a, a Salomɔ̃ tɩ nyɛ̃ nɩ a Sore tɩ̃ɩsɔw, zánʋ pʋɔ. A Naaŋmɩn tɩ yel ʋ na: «Bʋ̃ʋ n'ʋ ɩ̃ na kʋ̀ b? Zɛlɩ.»

Sɛb-sõw yielu 10:17

Sore e, fʋ mɩ́ tu n a su-siwri dem bʋ̃-bɔbrɩ pùor, fʋ mɩ́ ɩ na bɛ kpɛmɛ socir, fʋ mɩ́ ƴãw nɩ tobr,

Sɛb-sõw yielu 10:4

A ʋ pɔ̀l-ɩb pʋɔ a, a nɩ-faa bɛ cãà sowre bom za ɩ. «Naaŋmɩn bɛ ka ɩ», a ʋ tɩɛrʋ za n'ɩ a lɛ.

Sɛb-sõw yielu 119:12

Fʋ tɛr'ɩ puoru, Sore e, zanɩ nɩ mɛ̃ a fʋ pʋ-tɩɛrʋ ɩ̃ bãw ʋ.

Sɛb-sõw yielu 27:8

Ɩ̃ tɩ́ɛrɛ nɩ a ƴɛ̀rʋ ŋa fʋ na ƴɛ̀r a: «Nyɩ bɔbr a ɩ̃ niwn». Sore e, a fʋ niwn n'ʋ ɩ̃ bɔbr k'ɩ̃ɩ nyɛ̃.

Sɛb-sõw yielu 34:4

Nyɩ lãw nɩ mɛ̃ tɩ manɛ a Sore na ɩ kpɛ̃ɛ a, nyɩ ɩ tɩ lãw taa íre a ʋ yúor.

Sɛb-sõw yielu 37:4

Ɩ a Sore ʋ ɩ a fʋ nʋ̃ɔ̀, ʋʋ na mɩ́ kʋ̀ b'ɩ ʋlɩ bom nɛ fʋ na bɔbr a.

Sɛb-sõw yielu 50:15

Ɛ́ alɛ wa wone fʋ a ʋlɩ bibir nɛ a, fʋ̃ʋ bʋɔlɩ mɛ̃, ɩ̃ na faa fʋ na, ɛ́ fʋ na danɩ mɛ̃ na.

Sɛb-sõw yielu 69:32

Sore e, à ŋá n'a nʋmɛ a fʋ zie zuo nadɛr na tɛr ɩ́lɛ́ nɩ nafɩlɛ a.

Sɛb-sõw yielu 70:4

A bɛlɩ dem na mɩ́ la m a «'Ha'ha!» a, bɛ lɛb pùor, ɛ́ a vĩ ta sàw bɛ dʋɔ zu ɛ.

Sɛb-sõw yielu 86:5

Fʋ̃ʋ a, Sore e, fʋ ɩ n nɩ-vla, ɛ́ dɩrɛ suur, a fʋ nɔ̃wfʋ bɛ dɩ vuo a bɛlɩ dem na bʋɔlɛ fʋ a ƴãw ɛ.

Zʋkpaɩ 8:17

A mãa a, ɩ̃ nɔnɛ nɩ a bɛlɩ dem na nɔnɛ mɛ̃ a, ɛ́ a bɛlɩ dem na bɔbr mɛ̃ a na mɩ́ nyɛ̃ m'a.

A Yielu za pʋɔ yiel-vla vla 3:2

Ɩ̃ na ìr'a. Ɩ̃ na zɔ na cɔlɩ a tẽ-kpɛ̃ɛ, a sɛ́ɛ nɩ a tuor-taa ziir. Ɩ̃ na bɔ n a nɩr ɩ̃ na nɔnɛ a. Ɩ̃ bɔbr ʋ na ɛ́ bɛ nyɛrɛ ʋ ɛ.

Ɩzayi 30:19

Nyɩɩm, Sɩyɔ̃ tẽw nɩbɛ ɛ, nyɩɩm na kpɩɛr a Zerizalɛm a, nyɩ kʋ̃ lɛb kõ ɩ. Nyɩmɛ wa kone cɔwr a Sore a, ʋ na wul nyɩ nɩ a ʋ nɔ̃wfʋ. Ʋlɛ wa dɛ wõ a nyɩ kon a, ʋ na sɔw nyɩ na.

Zeremi 33:3

Bʋɔlɩ mɛ̃, ɩ̃ɩ na sɔw fʋ na. Ɩ̃ɩ na ɩ na fʋ bãw yel-sɔwl-bɛrɛ fʋ na bɛ bãw a.

Amɔsɩ 5:4

À ŋá n'a a Sore ƴɛ̀rɛ a Ɩsɩrayɛl yir nɩbɛ zie: «Nyɩ bɔbr mɛ̃ ɛ́ nyɩ na vʋʋrɛ na.

Matie 18:19

«Ɩ̃ mɩ̀ cãà na lɛb yere kʋ̀rɛ nyɩ, a tẽw zu ka a, nɩbɛ ayi a nyɩ pʋɔ wa wõ taa zɛlɛ bom a, a ɩ̃ Sãà na be a tẽ-vla pʋɔ a, na kʋ̀ bɛ na.

Matie 21:22

Bom nɛ za nyɩ nãà wa zɛlɛ a puoru pʋɔ nɩ naaŋmɩn-sàw-deb a, nyɩ na páw ʋ na.»

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

Matie 7:11

A nyɩɩm na ɩ nɩ-faar a, nyɩmɛ wa bãw bʋ̃-vɩɛlɩ mɩ́ kʋ̀ a nyɩ bibiir a, ŋmɩŋmɩn za n'a a nyɩ Sãà na be a tẽ-vla pʋɔ a, kʋ̃ kʋ̀ bʋ̃-vɩɛlɩ zuo lɛ, a bɛlɩ dem na zɛlɛ ʋ a?

Matie 7:8

Sob nɛ za na zɛlɛ a, bɛ mɩ́ kʋ̀ ʋ na, sob nɛ za na mɩ́ bɔbr a, ʋ mɩ́ páw na. Sob nɛ za na kpàwrɛ a pan a, bɛ mɩ́ yuo ʋ na.

Markɩ 11:24

Alɛ so ɩ̃ yere kʋ̀rɛ nyɩ: bom nɛ za nyɩ na mɩ́ zɛlɛ a puoru pʋɔ a, nyɩ sàw kɛ́ nyɩ páw ʋ na, ɛ́ nyɩ na páw ʋ na.

Luka 13:25

«A yir sob wa ìr pàw a pan baar'a, nyɩmɛ wa be a yẽw ɛ́ kpàwrɛ a pan yere nɩ: “Sore e, yuo tɩ”, ʋ na sɔw nyɩ na: “Ɩ̃ bɛ bãw nyɩ yib zie ɩ.”

Luka 18:1

A Yeezu tɩ lɔb'ɩ zʋkpar ŋa, k'ʋʋ wul a ʋ po-tuurbɛ a na fɛr kɛ́ bɛ puore kʋralɛ ɛ́ taa bɛrɛ towtow a.

Zã 15:16

Nyɩmɛ bɛ nɛbɛ kaa ír mɛ̃ ɩ, mãa n'ʋ kaa ír nyɩ, ɛ́ ƴãw kɛ́ nyɩ cen tɩ wɔ̃ wɔmɛ, ɛ́ a nyɩ wɔmɛ be kʋralɛ. Lɛ n'a a ɩ̃ Sãà na kʋ̀ nyɩ bom nɛ za nyɩ nãá zɛlɛ a ʋ zie a ɩ̃ yúor ƴãw a.

Zã 15:7

Nyɩmɛ wa lãw nɩ mɛ̃ ɛ́ tɛr a ɩ̃ ƴɛ̀rʋ a, nyɩ zɛlɩ a ʋlɩ bom nɛ nyɩ na bɔbr a, ɛ́ nyɩ na páw ʋ na.

Zã 4:10

A Yeezu tɩ sɔw ʋ na yel: «Fʋ̃ʋ tɩ ɩ mɛ̃ fʋ bãw nɩ a Naaŋmɩn bʋ̃-kʋ̀ra a, nɩ ãa n'ɩ a sob ŋa na yere a fʋ zie: “Kʋ̀ m kʋ̃ɔ ɩ̃ nyũ” a, fʋ̃ʋ n'ʋ nãá nɩ̃ɛ zɛlɩ ʋ, ʋʋ nãá kʋ̀ b'ɩ kʋ̃ɔ na bùle yire a.»

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

Ʋrɔm 3:11

yã-bãwnɛ bɛ ka be ɩ, nɩr kãw za bɛ su zu bɔbr a Naaŋmɩn ɛ.

Ebre 11:6

Ɛcɛ a sàw-deb bɛ wa ka be a, nɩr kʋ̃ tʋ̃ɔ́ pɛlɩ a Naaŋmɩn pʋɔ ɩ. Bʋ̃ʋ n'ʋ vɛ̃, sob nɛ na tawr pɩɛlɛ a Naaŋmɩn a, a fɛr'a k'ʋʋ sàw de k'aa Naaŋmɩn be na ɛ́ mɩ́ maalɩ a bɛlɩ dem na bɔbr ʋ a.

Zakɩ 5:15

A puoru ŋa tɔ na puori nɩ naaŋmɩn-sàw-deb a na faa nɩ a bàal: a Sore na nyɔw ʋ na ʋ lɛb ìr, ɛ́ ʋlɛ wa tɛr yel-bebe a, Naaŋmɩn na dɩ n suur kʋ̀ ʋ.

1 Zã 3:22

Ɛ́ bom za tɩ na zɛlɛ a, tɩ mɩ́ páw ʋ nɩ a ʋ zie, tɩ na sàwr a ʋ nɛ-ƴãwnɩ ɛ́ ɩrɛ a lɛ na pɛlɩ a ʋ pʋɔ a ƴãw.