Matie 7:14 - A SƐB-SÕW

¹⁴ Ɛcɛ a nyɔ-vʋʋrʋ dɩ̃dɔr ɩ n fɩɩra, ɛ́ a ʋ sɔ́r kpɛmɛ, ɛ́ nɩbɛ blãlɛ n'a mɩ́ nyɛ̃ ʋ.»

Matie 7:14 ပူးပေါင်းရင်းမြစ်များ

Sɛb-sõw yielu 16:11

Fʋ na ɩ na ɩ̃ bãw a nyɔ-vʋʋrʋ sɔ́r. Nʋ̃ɔ̀ na bɛ dɩ vuo a n'a bɛ mɩ́ nyɛ̃ a fʋ niŋé, nʋ̃ɔ̀-togoko kʋralɛ, a fʋ dʋrʋ lowr.

Zʋkpaɩ 8:20

Mɩnʋ sɔ́r zu n'a ɩ̃ mɩ́ cere, a lɛ na mɩ́ tu sɔ́r a sɔrle zu.

Ɩzayi 30:21

Alɛ wa fɛr kɛ́ nyɩ tu dʋrʋ bɩɩ gʋba a, nyɩ na wõ n ƴɛ̀r-bie á ŋá a nyɩ zikurí: «Nyɩ nyɛ̃ a sɔ́r a na fɛr kɛ́ nyɩ de a.»

Ɩzayi 35:8

Sɔ́r na be n a be bɛ bʋɔlɛ sɔr-sõw. Dɛwr sob kãw za bɛ tuur ʋ ɛ, bʋ̃ʋ n'ʋ vɛ̃, a Sore mɩŋa n'ʋ na puo ʋ, ɛ́ a dãbole bɛ waar wa bɔrɛ gʋɔr a ʋ zu ɛ.

Ɩzayi 57:14

A Sore yel a: «Nyɩ maalɩ a sɔ́r, nyɩ ɩ fɔ̃w, nyɩ puo a sɔ́r, nyɩ ír a bome na piw a ɩ̃ nɩ-bʋʋrɛ sɔ́r a bɛr.»

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

Matie 20:16

A Yeezu tɩ yel a ƴãw pʋɔ: «À ŋá n'a a po-pàwrbɛ na ɩ niw-dierbɛ, ɛ́ a niw-dierbɛ ɩ po-pàwrbɛ.»

Matie 22:14

Sɩza n'a, nɩ-yaga nɛbɛ bɛ bʋɔlɩ, ɛcɛ blãlɛ n'a bɛ kaa ír.»

Matie 7:13

«Nyɩ tu a dɩ̃dɔ-fɩɩra ƴãw kpɛ. Bʋ̃ʋ n'ʋ vɛ̃, a bɔrʋ dɩ̃dɔr yɛlmɛ na, ɛ́ a ʋ sɔ́r ɩ mɔlɛ, ɛ́ nɩ-yaga nɛbɛ tuur ʋ.

Matie 7:15

«Nyɩ gùre nyɩ tʋɔra a naaŋmɩn-ƴɛ̀r-man-bɛlɛbɛlɛ mɩnɛ ƴãw. Bɛ mɩ́ sɔwl'ɩ bɛ tʋɔra ɩ mɛ̃ pi-nyan a, waar a nyɩ zie, ɛcɛ a bɛ pʋ̃ɔmɩ bɛ ɩ wɛ-bà-karɩ.

Markɩ 8:34

Al pùorí, ʋ tɩ bʋɔl'ɩ a zu-sɛbla nɩ a ʋ po-tuurbɛ wa yel bɛ: «Nɩr wa bɔbr k'ʋʋ tuur mɛ̃ a, a fɛr'a k'ʋʋ ta tɩɛrɛ a ʋ mɩŋa yele ɩ, ʋ ɓáw a ʋ da-gara tuo tuur'ɩ mɛ̃.

Luka 12:32

«Nyɩ ta zɔrɛ dɛ̃bɩ̃ɛ ɩ, nyɩɩm na ɩ mɛ̃ zaw-pʋrɩ dʋn a. A pɛlɩ nɩ a nyɩ Sãà pʋɔ ʋ kʋ̀ nyɩ a tẽ-vla Naalʋ.

Zã 16:2

Bɛ na diw nyɩ na bɛr a Zifʋ mɩnɛ puoru-dirú. Mɔ̃ mɩ̀, bio waar'a na vɩɛ, bɛ na mɩ́ nyɔw nyɩ kʋ ɛ́ tɩɛrɛ kɛ́ bàwr'ʋ bɛ maalɩ kʋ̀ a Naaŋmɩn.

Zã 16:33

Ɩ̃ yel'ɩ à á ŋá kʋ̀ nyɩ kɛ́ nyɩ lãw nɩ mɛ̃ tɛr a ƴã-ɓaarʋ. Pʋ-sãwna pʋɔ n'a nyɩ be a tẽ-daa ŋa zu, ɛcɛ nyɩ ƴãw fãw, ɩ̃ zɛb'a tʋ̃ɔ́ a tẽ-daa.»

Nɩ-toni 14:22

Bɛ tɩ ɩ na a po-tuurbɛ kpɛ socie ɛ́ bɛr dɛ̃bɩ̃ɛ. Bɛ tɩ kanɛ nɩ bɛ na yere kɛ́ bɛ ƴãw fãw tɛr a naaŋmɩn-sàwfʋ kʋralɛ, bɛ mɩ̀ tɩ yere nɩ à ŋá kʋ̀rɛ bɛ: «A fɛr'a kɛ́ tɩ nyɛ̃ dɔwrʋ yaga a Naaŋmɩn Naalʋ pʋɔ kpɛb ƴãw.»

Ʋrɔm 12:2

Nyɩ ta de a nyɩ ɩb tuur'ɩ a dɩ̃a zie ŋa ɩb ɛ, ɛcɛ nyɩ bɛr a Naaŋmɩn ʋ lɩɛbɩ nyɩ ɛ́ kʋ̀ nyɩ yã-paala. Lɛ n'a nyɩ na mɩ́ tʋ̃ɔ́ jɛl bãw a Naaŋmɩn pʋ-tɩɛrʋ: ʋlɩ bom nɛ na vɩɛl a, ʋlɩ bom nɛ na pɛlɩ a ʋ pʋɔ a, ʋlɩ bom nɛ na vɩɛl ʋ za bɛ cɛ a.

Ʋrɔm 9:32

Bʋ̃ʋ n'ʋ so? Bɛ bɛ tɩ bɔbr kɛ́ bɛ pɛlɩ a Naaŋmɩn pʋɔ a sàw-deb zũú ɛ, ɛ́ tɩɛrɛ kɛ́ bɛ pɛlɩ a ʋ pʋɔ a bɛ ɩ-ɩrɩ zũú. Bɛ ŋmɛ n gbɛ́r a gbɛ-ŋmɛ-kʋsɩɛr ƴãw,