Matie 6:28 - A SƐB-SÕW

²⁸ A bʋ̃-suuri ƴãw a, bʋ̃ʋ n'ʋ so nyɩ mɩ́ dɩ tuo tɩɛrɛ? Nyɩ jɩ́r nyɛ̃ a lɛ a póru mɔ̃-puuru na mɩ́ bule ìre a: a bɛ tone wone tuo ɩ, bɛ wóbr pɛnɛ ɩ,

Matie 6:28 ပူးပေါင်းရင်းမြစ်များ

A naaŋmɩn-ƴèr-manɛ Oze sɛbɛ 14:5

À ŋá n'a a Sore yere: «A Ɩsɩrayɛl na zawrɩ mɛ̃ bɛr a, ɩ̃ na sanɩ nɩ a ʋ sãwna ŋa, ɩ̃ na nɔnɛ ʋ na bɛ dɩ vuo ɩ, a ɩ̃ suur kʋ̃ cãà ìr a ʋ ƴãw ɛ.

Matie 10:10

Nyɩ ta tɛr kɔr lo n a sɔ́r ɛ, ta tɛr kparɩ ayi ɛ, ta tɛr nafawr ɛ, ta tɛr dabɔl ɛ. A tõ-tõ-bie sɛwnɩ nɩ a ʋ nʋɔr-dɩb.

Matie 6:25

«Lɛ so ɩ̃ yere kʋ̀rɛ nyɩ: a nyɩ nyɔ-vʋʋrʋ ƴãw a, nyɩ ta tɩɛrɛ bʋ̃ʋ n'ʋ nyɩ na dɩ ɛ, ɛ́ a nyɩ ƴã-gan ƴãw a, nyɩ ta tɩɛrɛ bʋ̃ʋ n'ʋ nyɩ na su ɛ. A nyɔ-vʋʋrʋ bɛ zuo a bʋ̃-dɩrɩ ɛ? Ɛ́ a ƴã-gan bɛ zuo a bʋ̃-suuri ɛ?

Matie 6:27

Nyɩ buor sob'ʋ na tɩɛrɛ za, wa ɩ a ʋ nyɔ-vʋʋrʋ ʋ wõwme dɔwlɩ blã?

Matie 6:31

A na ɩ lɛ a, nyɩ ta mɩ́ dɩ tuo tɩɛrɛ yere nɩ: bʋ̃ʋ n'ʋ tɩ na dɩ? Bʋ̃ʋ n'a tɩ na nyũ? Bʋ̃ʋ n'ʋ tɩ na su ɛ?

Luka 10:41

A Sore tɩ sɔw ʋ na yel: «Marta a, Marta a, fʋ bàlɛ nɩ fʋ tʋɔra yel-yaga ƴãw,

Luka 12:11

Bɛlɛ wa nyɔw nyɩ cere nɩ puoru-diru pʋɔ bɩɩ na-mɩnɛ nɩ niw-dierbɛ zie ƴɛ̀rʋ-maalʋ ƴãw a, nyɩ ta dɩ tuo bɔbr a lɛ nyɩ na na ɩ, bɩɩ ƴɛ̀r faa nyɩ tʋɔra a ɩ.

Luka 12:22

Al pùorí, a Yeezu tɩ yel'ɩ a ʋ po-tuurbɛ: «Alɛ n'a so ɩ̃ yere kʋ̀rɛ nyɩ: nyɩ ta bàlɛ nyɩ tʋɔra a bʋ̃-dɩrɩ nɩ a bʋ̃-suuri ƴãw ɛ.

Luka 12:27

Nyɩ nyɛ̃ a mɔ̃-puuru a, a bɛ tɛbr fomie ɛ, bɛ wóbr pɛnɛ ɩ, ɛcɛ mãa n'ʋ yere kʋ̀rɛ nyɩ, a Salomɔ̃ nɩ a ʋ vɩɛlʋ za bɛ tɩ su ta a been kãw za ɩ.

Luka 3:11

A Zã tɩ sɔw bɛ na: «Nɩr wa tɛr kparɩ ayi a, ʋ̃ʋ ír kʋ̀ a ʋ tɔ na bɛ tɛr ʋ a, ɛ́ nɩr na tɛr a dɩrɛ a, ʋ mɩ̀ ɩrɛ a lɛ.»

Filib 4:6

Nyɩ ɓãá ƴãw bɛr tɩɛrʋ, ɛ́ a yele za pʋɔ a, nyɩ mɩ́ puore zɛlɛ nɩ a Naaŋmɩn yãayãa ɛ́ lãwnɩ barka puoru, ʋ tʋ̃ɔ́ mɩ́ bãw a nyɩ bʋ̃-bɔbra.

1 Pɩɛr 5:7

A yele al za na ƴãwnɛ nyɩ tɩɛrʋ a, nyɩ de a kʋ̀ ʋ, bʋ̃ʋ n'ʋ vɛ̃ ʋ kaarɛ nɩ nyɩ zie.