Matie 6:25 - A SƐB-SÕW

²⁵ «Lɛ so ɩ̃ yere kʋ̀rɛ nyɩ: a nyɩ nyɔ-vʋʋrʋ ƴãw a, nyɩ ta tɩɛrɛ bʋ̃ʋ n'ʋ nyɩ na dɩ ɛ, ɛ́ a nyɩ ƴã-gan ƴãw a, nyɩ ta tɩɛrɛ bʋ̃ʋ n'ʋ nyɩ na su ɛ. A nyɔ-vʋʋrʋ bɛ zuo a bʋ̃-dɩrɩ ɛ? Ɛ́ a ƴã-gan bɛ zuo a bʋ̃-suuri ɛ?

Matie 6:25 ပူးပေါင်းရင်းမြစ်များ

Sɛb-sõw yielu 55:22

A ʋ nʋɔr ƴɛ̀rɛ nɩ nɔ-kãá, ɛ́ zɛbr tɩɛrʋ be a ʋ socir pʋɔ. A ʋ ƴɛ̀r-bie mɩ́ nʋmɛ na gãw sɩwr, ɛcɛ sɔ̀rʋ bɛ na vɔ̃ a n'a.

Zeremi 45:5

Ɛ́ fʋ̃ʋ bɔbr yel-bɛrɛ fʋ na tɩɛrɛ a maalʋ. Ta cãà tɩɛrɛ a ɩ. Bʋ̃ʋ n'ʋ vɛ̃, a mãa, a Sore, ɩ̃ yere na: Ɩ̃ na ɩ na a kpɩɛrʋ páw bʋ̃-vʋʋra za. Ɛcɛ, bom ŋa n'ʋ ɩ̃ na ɩ fʋ páw: Zie nɛ za fʋ na cere a, fʋ na mɩ́ tɛr'ɩ a nyɔ-vʋʋrʋ.”»

Matie 10:19

Bɛlɛ wa nyɔw nyɩ cere nɩ a ƴɛ̀rʋ-dɩb zie a, nyɩ ta dɩ tuo bɔbr a ƴɛ̀r-bie al nyɩ na na yel bɩɩ a lɛ nyɩ na na ƴɛ̀r a ɩ. A ƴɛ̀rʋ daar wa ta a, a ƴɛ̀r-bie al na wa n a nyɩ nʋɔrɩ́.

Matie 13:22

A gʋʋr pʋɔ a bʋ̃-bie na lo a, ɩ n a bɛlɩ dem na mɩ́ wõ a Naaŋmɩn ƴɛ̀rʋ, ɛ́ a tẽw zu ka yele tɩɛrʋ nɩ a naalʋ bɛlʋ fɩɩrɩ a ƴɛ̀rʋ kʋ, ʋ bɛ wɔ̃ bom za a.

Matie 6:31

A na ɩ lɛ a, nyɩ ta mɩ́ dɩ tuo tɩɛrɛ yere nɩ: bʋ̃ʋ n'ʋ tɩ na dɩ? Bʋ̃ʋ n'a tɩ na nyũ? Bʋ̃ʋ n'ʋ tɩ na su ɛ?

Matie 6:34

A na ɩ lɛ a, nyɩ ta zɔrɛ dɛ̃bɩ̃ɛ a bio ƴãw ɛ, a bio na tɛr'ɩ a ʋ mɩŋa tɩɛrʋ. Bibir za nɩ ʋ bàlʋ.»

Markɩ 13:11

Bɛlɛ wa nyɔw nyɩ cere nɩ a ƴɛ̀rʋ zie a, nyɩ ta dɩ tuo bɔbr a lɛ nyɩ na na yel a ɩ, nyɩ yel a ƴɛ̀r-bie al nãà wa be a nyɩ nʋɔrɩ́ a lɛn daar a. Nyɩmɛ bɛ nɛbɛ na ƴɛ̀rɛ ɩ, Vʋʋrʋ Sõw n'ʋ.

Markɩ 4:19

ɛcɛ a tẽw zu yele, a naalʋ bɛlʋ nɩ a bʋ̃-bɔbrɩ mɩ́ kpɛ n a bɛ socie pʋɔ fɩɩrɩ a Naaŋmɩn ƴɛ̀rʋ kʋ, ʋ bɛ tʋ̃ɔ́ wɔ̃ ɩ.

Luka 12:11

Bɛlɛ wa nyɔw nyɩ cere nɩ puoru-diru pʋɔ bɩɩ na-mɩnɛ nɩ niw-dierbɛ zie ƴɛ̀rʋ-maalʋ ƴãw a, nyɩ ta dɩ tuo bɔbr a lɛ nyɩ na na ɩ, bɩɩ ƴɛ̀r faa nyɩ tʋɔra a ɩ.

Luka 8:14

A bʋ̃-bie al na lo a gʋʋr pʋɔ a, n'ɩ a bɛlɩ dem na mɩ́ wõ a Naaŋmɩn ƴɛ̀rʋ ɛ́ bɛr a yel-bɔbrɩ, a naalʋ nɩ a tẽw zu nʋ̃ɔ̀ fɩɩrɩ bɛ kʋ a bɛ cenu pʋɔ, ɛ̀ bɛ bɛ tʋ̃ɔ́ wɔ̃ wɔmɛ a.

Ʋrɔm 8:32

Ʋ bɛ jɩɩrɩ a ʋl mɩŋa Bie bɛr ɛ, ʋ nɩ̃ɛ na de ʋ tɩr bɛ kʋ a tɩ za ƴãw: ŋmɩŋmɩn za n'a ʋ kʋ̃ kʋ̀ tɩ bom za zawla lãwnɩ a ʋ Bie?

1 Korɛ̃tɩ 7:32

Ɩ̃ bɔbr'a kɛ́ nyɩ nãá ta tɛr niw-sʋba kãw za ɩ. Dɛb na bɛ kul pɔw a, a Sore yele tɩɛrʋ n'a ʋ mɩ́ tɛr, ʋ mɩ́ bɔbr'a k'ʋʋ ɩrɛ a pɛlɩ a Sore pʋɔ.

Filib 4:6

Nyɩ ɓãá ƴãw bɛr tɩɛrʋ, ɛ́ a yele za pʋɔ a, nyɩ mɩ́ puore zɛlɛ nɩ a Naaŋmɩn yãayãa ɛ́ lãwnɩ barka puoru, ʋ tʋ̃ɔ́ mɩ́ bãw a nyɩ bʋ̃-bɔbra.

2 Timote 2:4

Nɩr za na kpɛ sojarɩ tome pʋɔ a mɩ́ bɛr'ɩ a nɩ-zawlɛ nyɔ-vʋʋrʋ yele, ʋlɛ wa bɔbr k'ʋʋ pɛlɩ a ʋ nɩ-kpɛ̃ɛ pʋɔ a.

1 Pɩɛr 5:7

A yele al za na ƴãwnɛ nyɩ tɩɛrʋ a, nyɩ de a kʋ̀ ʋ, bʋ̃ʋ n'ʋ vɛ̃ ʋ kaarɛ nɩ nyɩ zie.