Matie 6:24 - A SƐB-SÕW

²⁴ «Nɩr za kʋ̃ tʋ̃ɔ́ ɩ na-mɩnɛ ayi tõ-tõ-bie ɩ: ʋ na hɩ̃ɛn nɩ a dãw-niwn sob, ɛ́ nɔnɛ a ayi sob, bɩɩ ʋ na tu n a kãw pùor, ɛ́ bɛr a kãw. Nyɩ kʋ̃ tʋ̃ɔ́ lãw ɩ a Naaŋmɩn nɩ a libir tõ-tõ-biir ɛ.»

Matie 6:24 ပူးပေါင်းရင်းမြစ်များ

Yele-za-pɛr-tib 47:17

Lɛ n'a bɛ tɩ wa n a bɛ dʋn wa kʋ̀ a Zuzɛb, ʋʋ kʋ̀ bɛ bʋ̃-dɩrɩ lɩɛr'ɩ a bɛ wie, a bɛ píir, a bɛ bʋʋr, a bɛ nĩi nɩ a bɛ bòn. Ʋ tɩ kʋ̀ bɛ nɩ a bʋ̃-dɩrɩ, a ʋlɩ yũon nɛ, lɩɛr'ɩ a bɛ dʋn za.

1 Na-mɩnɛ 18:21

A Eli tɩ taw na ta a nɩbɛ za niŋé ɛ́ yel à ŋá: «Debor daar'a nyɩ na mɩ́ ƴaw gol gbɛ́r ŋa zu, ɛ́ lɛb ƴaw gol gbɛ́r ŋa zu tɩ ta? A Sore wa n'ɩ a Naaŋmɩn a, nyɩ puore ʋ! Báàl wa n'ɩ a Naaŋmɩn a, nyɩ puore ʋ!» Ɛcɛ a nɩbɛ pʋɔ a, nɩr za bɛ tɩ sɔw ʋ ɛ.

2 Na-mɩnɛ 17:41

À ŋá n'a bɛ tɩ ƴãwnɛ a Sore, ɛ́ mɩ̀ cãà maalɛ a bɛ tɩbɛ. A bɛ bibiir nɩ a bɛ bʋʋrɛ a bɛ pùorí tɩ cãà na cow ɩrɛ à à ŋá, wa tɔ a dɩ̃a.

Ezekɩɛl 20:39

À ŋá n'a a mãa Sore Naaŋmɩn yere kʋ̀rɛ nyɩ, Ɩsɩrayɛl nɩbɛ ɛ: A nyɩ kãw za na tʋ̃ɔ́ na cen tɩ maalɛ a ʋ ŋmɩn-bɛlɛbɛlɛ! Ɛcɛ a pùorí a, a na ɩ n fɛrʋ kɛ́ nyɩ sàwr mɛ̃. Nyɩ kʋ̃ lɛb ɩrɛ a ɩ̃ yo-sõw laar, kʋ̀rɛ nɩ bʋ̃-kʋ̀rɩ a nyɩ ŋmɩn-bɛlɛbɛlɛ ɩ.

Sofoni 1:5

Ɩ̃ na kʋ n a bɛlɩ dem na mɩ́ do a garʋ́ tɩ lo vɔblɩ muru ŋmar-bie niŋé a, a bɛlɩ dem na ƴãwnɛ a, ɛ́ mɩ́ pɔ n a ɩ̃ yúor ɛ́ lɛb pɔ n a ŋmɩn Mɩlkɔm yúor a.

Matie 4:10

Lɛ n'a a Yeezu yel ʋ: «Cen taw zaa, Sɩtaana a! Bɛ sɛb'a: “A Sore fʋ Naaŋmɩn yõ n'ʋ fʋ na mɩ́ lo gbĩ dume puori nɩ fʋ tʋɔra-siwru, ʋl yõ n'ʋ fʋ na maalɛ.”»

Luka 16:11

Nyɩ bɛ wul'a kɛ́ nyɩ ɩ n nɩ-mɩn a nyãnyu-libie yele pʋɔ ɩ, ɛ́ ãa n'ʋ na sàw de bʋ̃-sɩza kʋ̀ nyɩ nyɩ kaarɛ?

Luka 16:13

«Tõ-tõ-bie kãw za kʋ̃ tʋ̃ɔ́ nɩ-bɛrɛ ayi tome tõ ɩ: alɛ bɛ ɩ lɛ, ʋ na hɩ̃ɛn nɩ a dãw-niwn sob ɛ́ nɔnɛ a ayi sob, bɩɩ a dãw-niwn sob'ʋ ʋ na tu, ɛ́ bɛ ŋmɛlɛ kaar a ayi sob ɛ. Nyɩ kʋ̃ tʋ̃ɔ́ lãw ɩ a Naaŋmɩn nɩ a libir tõ-tõ-biir ɛ.»

Luka 16:9

«Ɛcɛ mãa yere na kʋ̀rɛ nyɩ, nyɩ de a nyãnyu-libie á ŋá ír'ɩ bárɩ, alɛ bɛ wa cãà a nyɩ nũú a, a bárɩ bɛ ŋa bɛ̃ɛ de nyɩ a kpɛb ziir na bɛ tɛr sãwfʋ daar a pʋɔ.

Galasi 1:10

A ƴɛrɛŋa a, nɩsaalbɛ nɛbɛ ɩ̃ bɔbr kɛ́ bɛ kpɛ m bɩɩ Naaŋmɩn n'ʋ? Nɩsaalbɛ nɛbɛ ɩ̃ bɔbr k'ɩ̃ɩ ɩrɛ nʋ̃ɔ̀ kpɩɛr bɩɩ? Mãa tɩ cãà ɩ mɛ̃ ɩ̃ bɔbr'a k'ɩ̃ɩ ɩrɛ nʋ̃ɔ̀ kpɩɛr a nɩsaalbɛ a, ɩ̃ kʋ̃ʋ ɩ a Kɩrɩta tõ-tone ɩ.

1 Timote 6:17

Yel kʋ̀ a tẽw ŋa zu tɛra dem kɛ́ bɛ ta zɛwr bɛ tʋɔra ɩ, kɛ́ bɛ ta ƴãw a bɛ tɩɛrʋ a na-bome á ŋá na na tɔl a ƴãw ɛ, kɛ́ bɛ ƴãw a bɛ tɩɛrʋ a Naaŋmɩn ƴãw, ʋl na kʋ̀rɛ tɩ bʋ̃-vɩɛlɩ za bɛ dɩ vuo kɛ́ tɩ wone nɩ nʋ̃ɔ̀ a.

2 Timote 4:10

Bʋ̃ʋ n'ʋ vɛ̃, a Demasɩ zawrɩ mɛ̃ na bɛr ɛ́ tɔl cen Tesalonikɩ, ʋ na nɔ̃w a tẽw ŋa zu yele a ƴãw. Kɩrɛsãsɩ cen nɩ Galasi, Títɩ̀ cen Dalmasɩ.

Zakɩ 4:4

Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.

Zozue 24:15

Ɛcɛ nyɩmɛ bɛ wa bɔbr kɛ́ nyɩ maalɛ a Sore a, nyɩɩm kaa ír a dɩ̃a sob nɛ nyɩ na bɔbr kɛ́ nyɩ maalɛ a: a ŋmɩmɛ al a nyɩ sãà mɩnɛ na maalɩ a Efaratɩ gãwn a n'a bɩɩ a Amoritɩ mɩnɛ sɔgɔ nyɩ na kpɩɛr a ŋmɩmɛ n'a. Mãa nɩ a ɩ̃ yir dem a, a Sore n'ʋ tɩ na maalɛ.»

1 Samɩɛl 7:3

Lɛ n'a a Samɩɛl tɩ yel a Ɩsɩrayɛl nɩbɛ za: «Alɛ wa ɩ a nyɩ pʋɔ za n'ʋ nyɩ lɛb waar'ɩ a Sore zie a, nyɩɩm bɛr a ŋmɩn-yoru puoru nɩ a Asɩtarte mɩnɛ puoru. Nyɩ lɩɛbɩ a nyɩ socir za tu n a Sore, nyɩ puore a ʋl yõ, ʋʋ na faa nyɩ nɩ a Filisɩtɛ̃ mɩnɛ nuru pʋɔ.»