Matie 6:23 - A SƐB-SÕW

²³ ɛcɛ a fʋ mimie wa ɩ mimi-sãwnɩ a, a fʋ ƴã-gan za na be n lige pʋɔ. A na ɩ lɛ a, a cãà na be a fʋ pʋɔ a, wa ɩ lige a, nyɛ̃ lige na pãa sɛw a!»

Matie 6:23 ပူးပေါင်းရင်းမြစ်များ

Zʋkpaɩ 26:12

Fʋ̃ʋ wa nyɛ̃ nɩr ʋ yel k'ʋʋ ɩ n yã-bãwnɛ a, fʋ̃ʋ bãwnɩ a: fʋ na gùre bom dãbol sob zie a sa fʋ na na gùre bom a nɩr ŋa tɔ zie a.

Ɩzayi 8:20

nyɩ na sɔw na: «A wulu nɩ a Sore ƴɛ̀rʋ lɛb-deb'a fɛrɛ.» Nɩr bɛ wa ƴɛ̀r à à ŋá a, ʋ kʋ̃ nyɛ̃ a zi-wɛl-paala ɩ.

Zeremi 4:22

A Sore yere n'a: «A ɩ̃ nɩbɛ bol'a, bɛ bɛ bãw mɛ̃ ɩ. Bibiir na bɛ tɛr yã a nɛbɛ, bɛ bɛ bãw bom za ɩ. Bɛ bãw nɩ a faa maalʋ vla ɛ́ bɛ bãw a vla maalʋ ɛ.»

Matie 20:15

Ɩ̃ bɛ tɛr sɔ́r na ɩrɛ lɛ za ɩ̃ na bɔbr a nɩ a ɩ̃ bʋ̃-tɛrɩ ɛ? Bɩɩ nyuur ɩrɛ fʋ na ɩ̃ na ɩ nɩ-vla a?”»

Matie 6:22

«A mimie n'ɩ a ƴã-gan fɩ̃tɩlɛ. A fʋ mimie wa ɩ mimi-kpɛn a, a fʋ ƴã-gan za na be n cãà pʋɔ,

Markɩ 7:22

a pɔw-gaa-yel-bier, a tɛra nɔ̃w-zuo, a po-tuolu, a nɩsaal-libelibe ɩb, a pɩ̃ɔ-yele, a nyuur, a zʋmɛ, a pɔ̀lʋ, a dãbolu.

Luka 11:34

A fʋ mimie n'a ɩ a fʋ ƴã-gan fɩ̃tɩlɛ: a fʋ mimie wa ɩ mimi-kpɛn a, a fʋ ƴã-gan za mɩ́ be n cãà pʋɔ. Ɛcɛ a fʋ mimie wa ɩ mimi-sãwnɩ a, a fʋ ƴã-gan za mɩ́ be n lige pʋɔ.

Luka 8:10

Ʋ tɩ yel bɛ na: «A nyɩɩm a, Naaŋmɩn ɩ na nyɩ bãw a ʋ naalʋ yel-sɔwlɩ, ɛcɛ a ŋmaarɛ bɛl na cɛ a zie a, a mɩ́ ɩ n zʋkpaɩ, kɛ́ “bɛ tʋ̃ɔ́ mɩ́ jɩ́rɛ ɛ́ ta nyɛ̃ bom za ɩ, bɛrɛ wone ɛ́ ta bãw a pɛr ɛ.”»

Ʋrɔm 1:22

Bɛ na de bɛ tʋɔra bʋɔlɛ yã-bãwnbɛ a, bɛ lɩɛb'ɩ dãbole.

1 Korɛ̃tɩ 2:14

A nɩsaal nɩ a ʋ nɩsaalʋ tɛwr kʋ̃ tʋ̃ɔ́ sàw de a yel na yi a Naaŋmɩn Vʋʋrʋ zie a ɩ. A yel ŋa mɩ́ ɩ n gẽgemi a ʋ zie ʋ kʋ̃ tʋ̃ɔ́ bãw ʋ ɛ, a Vʋʋrʋ Sõw yõ na n'ʋ mɩ́ ɩ bɛ bãw a pɛr a ƴãw.

Efɛɛzɩ 4:18

Lige liw na pàw a bɛ yã. Bɛ bɛ pʋɔ a nyɔ-vʋʋrʋ a Naaŋmɩn na tɩrɛ a pʋɔ ɩ, bʋ̃ʋ n'ʋ vɛ̃, a bɛ zɔnʋ kpawl'ɩ a bɛ socie.

Efɛɛzɩ 5:8

Nyɩ tɩ dãw na be lige pʋɔ, ƴɛrɛŋa a, nyɩ lãw nɩ nɩ a Sore be cãà pʋɔ, nyɩ ɩrɛ mɛ̃ cãà pʋɔ bibiir a.

1 Zã 2:11

Ɛcɛ sob nɛ na hɩ̃ɛn a ʋ yɛb a, ʋ be n lige pʋɔ, ʋ cere nɩ lige pʋɔ ɛ́ bɛ bãw be ʋ na cere a ɩ, a lige na ɩ ʋ zɔ̃w a ƴãw.