Matie 6:2 - A SƐB-SÕW

² A na ɩ à ŋá a, fʋ̃ʋ wa kʋ̀rɛ bom nɩ-kɔmɛ a, ta ɩrɛ gɔmɛ a nɩbɛ niŋé mɛ̃ a lɛ a nɩsaal-libelibe na mɩ́ ɩrɛ a puoru-diru pʋɔ nɩ a sɛ́ɛ pʋɔ, k'aa nɩbɛ tʋ̃ɔ́ danɛ bɛ a ɩ. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ baarɩ.

Matie 6:2 ပူးပေါင်းရင်းမြစ်များ

Sɛb-sõw yielu 112:9

Ʋ bɛ tɩrɛ zʋmnɛ nɩ ɛ, ʋ kʋ̀ n a nan dem, a ʋ mɩnʋ be n be kʋralɛ. A ʋ fãw kɛrɛ na lãwnɩ a ʋ yúor.

Sɛb-sõw yielu 37:21

A nɩ-faa mɩ́ pɛ̃w na ɛ́ bɛ lɛb tɩr ɛ, ɛcɛ a nɩ-mɩŋa ʋl zɔrɛ nɩ nɩbaalʋ mɩ́ tɩr.

Zʋkpaɩ 19:17

Nɩr na kʋ̀ nã́w sob bom a pɛ̃w nɩ a Sore, ɛ́ a Sore na lɛb'a kʋ̀ ʋ.

Zʋkpaɩ 20:6

Nɩ-yaga mɩ́ yere na bɛ na ɩ nɩ-vɩɛlɩ a. Ɛcɛ nɩr fʋ na bɛ bʋ́nɛ nɩ a, ãa n'ʋ na tʋ̃ɔ́ nyɛ̃ ʋ?

Ekilezɩasɩ 11:2

Ɛcɛ ta de a fʋ na-bome za ƴãw zi-been ɛ, bʋ̃ʋ n'ʋ vɛ̃, fʋ bɛ bãw a yel-faa ʋl na na tʋ̃ɔ́ ta a tẽw zu a ɩ.

Ɩzayi 10:6

Nɩ-bʋʋrɛ na bɛ tu m'a ƴãw n'a ɩ̃ tõ ʋ, nɩbɛ na kʋrɛ mɛ̃ suur a ƴãw n'a ɩ̃ yel k'ʋʋ cen, tɩ zà ɛ́ wob a bɛ na-bome, tɩ nɛb nɛb bɛ mɛ̃ sɛ́ɛ zu mɛ̃mɛrɛ a.

Ɩzayi 58:7

Ʋlɛ n'ɩ kɛ́ fʋ mɩ́ ɩ a fʋ bʋ̃-dɩra kʋ̀ a kɔ̃ sob, kɛ́ fʋ mɩ́ tɛr a nan dem na bɛ tɛr kpɛb zie a, kpɛ n a fʋ yir, kɛ́ fʋ mɩ́ kʋ̀ bʋ̃-suuri a bɛlɩ dem na bɛ tɛr a a, ɛ́ taa lɩɛbɛ kpaar cɔwr a fʋ yɛb ɛ.

Ɩzayi 9:17

A po-tuolu 'lere na mɛ̃ vũu na dɩrɛ a gɔ̀-pɛ-bʋʋrɛ za a. A nyɔw nɩ a tuw pʋɔ va-pɔrɛ, ɛ́ ɩ zʋ̀ʋ́r ŋmɛlɛ dúor a salom zu.

A naaŋmɩn-ƴèr-manɛ Oze sɛbɛ 8:1

Dʋ̃ a wɩ́ɛ! Kpɩɛrʋ siwr'ɩ a Sore tẽw pʋɔ mɛ̃ sɩla a. Bʋ̃ʋ n'ʋ vɛ̃, à ŋá n'a a Sore yere: «A Ɩsɩrayɛl nɩbɛ sãw nɩ mãa nɩ a bɛl wõ-taa bɛr, bɛ zawr'ɩ a ɩ̃ wulu bɛr.

Matie 15:7

Nɩsaal-libelibe bɛ ŋa! A naaŋmɩn-ƴɛ̀r-manɛ Ɩzayi tɩ ƴɛ̀r'ɩ vla càar'ɩ nyɩ, a lɛn daar ʋ na tɩ ƴɛ̀r a ƴɛ̀r-bie á ŋá a:

Matie 16:3

Ɛ́ a biɓaara nyɩ yel: “Dɩ̃a a, a zie kʋ̃ vɩɛl ɛ, a salom na ɩ zɩɛ wʋlʋlʋ a ƴãw.” A na ɩ lɛ a, nyɩ bãw nɩ a salom ŋmɛ̃a jɩ́rʋ, ɛ́ kʋ̃ tʋ̃ɔ́ bãw a dɩ̃a zie ŋa bãwfʋ al jɩ́rʋ ɛ.

Matie 22:18

Ɛcɛ a Yeezu na tɩ bãw a bɛ yã-faa a, ʋ yel bɛ na: «Nɩsaal-libelibe bɛ ŋa! Bʋ̃ʋ n'ʋ so nyɩ bɔbr kɛ́ nyɩ ŋmãa a ɩ̃ pùor?

Matie 23:5

A bɛ ɩb za a, bɛ mɩ́ ɩrɛ na k'aa nɩsaalbɛ nyɛ̃ bɛ. Lɛ n'a, a Naaŋmɩn wulu bãwfʋ bɛ na mɩ́ ƴãw a gbẽé nɩ a kpãkpamɛ ƴãw a, bɛ mɩ́ ɩ a yɛlmɛ, ɛ́ ɩ a kparɩ zʋɔrɛ a wõwme.

Matie 23:6

Bɛ nɔnɛ nɩ a nɩ-bɛrɛ dà-kɔwr a cuwr zie, nɩ a niŋé dà-kɔwr a puoru-diru pʋɔ.

Matie 24:51

Ʋ na diw ʋ na bɛr, ɛ́ ƴãw ʋ nɩsaal-libelibe pʋɔ, be n'a kon na kone 'wɔbr'ɩ nyɩmɛ.»

Matie 5:18

Yel-mɩŋa sɩza, ɩ̃ yere na kʋ̀rɛ nyɩ: a lɛn daar za a salom nɩ a tẽw na na cãà be a, kan-bi-pʋrɩ kãw za nɩ kan-bi-ŋmale kãw za kʋ̃ yi zaa a Wulu pʋɔ ɩ, ɛ́ gù a yele za baarʋ daar.

Matie 6:16

«Nyɩmɛ mɩ́ wa tɛr a mʋta-tuo a, nyɩ ta mɩ́ kʋɔlɛ mɛ̃ a nɩsaal-libelibe a ɩ, bɛ mɩ́ sãw nɩ niwn k'aa nɩbɛ za nyɛ̃ bɛ na tɛr a mʋta-tuo a. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ.

Matie 6:3

Fʋ̃ʋ a, fʋ̃ʋ wa kʋ̀rɛ bom nɩ-kɔmɛ a, a fʋ gʋba nũu, ʋ ta bãw ʋlɩ bom nɛ a fʋ dʋrʋ nũu na ɩrɛ a ɩ.

Matie 6:5

«Nyɩmɛ wa puore a, nyɩ ta mɩ́ ɩrɛ mɛ̃ a nɩsaal-libelibe a ɩ: bɛ mɩ́ nɔnɛ na kɛ́ bɛ àr saaƴẽwn a puoru-diru pʋɔ nɩ a sɔ-carɩ pʋɔ puore, k'aa nɩbɛ za tʋ̃ɔ́ nyɛ̃ bɛ. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ baarɩ.

Matie 7:5

Nɩsaal-libelibe ŋa, ír a wɛw bɛr a fʋ mimirí baarɩ, lɛ n'a fʋ na nyɛrɛ ír a sàwr bɛr a fʋ yɛb mimirí.»

Markɩ 12:39

Bɛ mɩ́ bɔbr'ɩ a nidaa dà-kɔwr a puoru-dirú nɩ a cuwr zie.

Markɩ 7:6

Ʋ sɔw yel bɛ: «Nyɩɩm nɩsaal-libelibe bɛ ŋa! A nyɩ ƴãw n'a a naaŋmɩn-ƴɛ̀r-manɛ Ɩzayi tɩ dãw ƴɛ̀r a ƴɛ̀r-bie á ŋá bɛ na sɛb a: “Nʋɔr tɛwr'ʋ a nɩbɛ bɛ ŋa ƴãwnɛ nɩ mɛ̃, ɛcɛ a bɛ socie zãá nɩ mɛ̃ na.

Luka 11:41

Nyɩ nɩ̃ɛ de a nyɩ koli-nyúura pʋɔ bome nɩ a nyɩ laar pʋɔ bome sõw nɩ nɩ-kɔmɛ, ɛ́ bom za na ɩ n bʋ̃-vla a nyɩ zie.

Luka 11:43

Baw-bio dem n'ɩ nyɩ Faarizɩ̃ɛ mɩnɛ ɛ! Nyɩ nɔnɛ nɩ a nɩ-bɛrɛ dà-kɔwr zu zɩma a puoru-dirú, ɛ́ nɔnɛ kɛ́ a nɩbɛ puore nyɩ a nɩ-yaga tuor-taa ziir.

Luka 12:33

Nyɩ de a bome nyɩ na tɛr a, kʋɔrɩ sõw nɩ nɩ-kɔmɛ. Nyɩ bɔ wɛr-wʋʋr na bɛ zawr a, nɩ na-bome nyɩ na kʋ̃ bɔ gù a tẽ-vla pʋɔ a, a be nyãnyuge na bɛ pɩɛlɛ a, be gume na bɛ dɩrɛ a.

Luka 12:56

Nɩsaal-libelibe bɛ ŋa! Nyɩ mɩ́ tʋ̃ɔ́ na bãw a salom nɩ a tẽsɔw ŋmɛ̃a, ɛ́ bʋ̃ʋ n'ʋ so nyɩ bɛ bãwnɛ a ƴɛrɛŋa zie ŋmɛ̃a?»

Luka 13:15

A Sore tɩ sɔw ʋ na: «Nɩsaal-libelibe bɛ ŋa! A nyɩ buor sob'ʋ bɛ mɩ́ cɛ̀r a ʋ náab bɩɩ a ʋ bõw cen nɩ tɩ ƴãw a kʋ̃ɔ a pɩ̃ɛnʋ-bibir?

Luka 20:46

«Nyɩ gù nyɩ tʋɔra a Naaŋmɩn wulu sɛ-sɛbrbɛ ƴãw: bɛ mɩ́ bɔbr'a kɛ́ bɛ su kpar-wowr cɔlɛ gʋɔr'ɩ, ɛ́ nɔnɛ kɛ́ a nɩbɛ puore bɛ a nɩ-yaga tuor-taa ziir, ɛ́ nɔnɛ a niŋé dà-kɔwr a puoru-dirú nɩ a cuwr dɩb ziir.

Luka 6:24

Ɛcɛ baw-bio dem n'ɩ nyɩ, nyɩɩm na-mɩnɛ, nyɩ páw nɩ a nyɩ mɔwlʋ baarɩ!

Luka 6:42

Ŋmɩŋmɩn n'a fʋ na tʋ̃ɔ́ yel a fʋ yɛb: “Ɩ̃ yɛb i, alɛ ɩ̃ ír sàwr bɛr a fʋ mimirí!” Ɛ́ a fʋ̃ʋ mɩŋa nɩ̃ɛ bɛ nyɛ̃ a wɛw na be a fʋ mimirí a? Nɩsaal-libelibe ŋa! De niwn ír a wɛw bɛr a fʋ mimirí, lɛ n'a fʋ na nyɛrɛ pãa ír a sàwr bɛr a fʋ yɛb mimirí.»

Zã 13:29

A Zuda na n'ʋ tɩ tɛr a wɛr-wʋɔ a, bɛ mɩnɛ tɩ manɛ kɛ́ a Yeezu yel ʋ na k'ʋʋ da a bome al za na sɛw a cuw ƴãw a, bɩɩ k'ʋʋ kʋ̀ bom kãw a nan dem.

Zã 5:41

Nɩsaalbɛ zie bɛ n'a ɩ̃ bɔbr a danʋ ɛ.

Zã 5:44

Nyɩ zɛwr'ɩ taa yée, ɛ́ bɛ bɔbr a yúor ʋl na yi Naaŋmɩn yõ zie a ɩ, ŋmɩŋmɩn n'a nyɩ na tʋ̃ɔ́ sàw de ʋ?

Zã 7:18

Nɩr na nyɛ̃ ʋ tʋɔra ƴɛ̀rɛ a, ʋ bɔbr'ɩ ʋ tʋɔra yúor-vɩɛlʋ-danʋ. Ɛcɛ ʋlɩ sob nɛ na bɔbr a sob nɛ na tõ ʋ a yúor-vɩɛlʋ-danʋ a, sob nɛ yõ n'ʋ yere yel-mɩŋa, ʋ bɛ bãw ziri ɛ.

Nɩ-toni 10:2

Ʋlɛ nɩ a ʋ yir dem za tɩ zɔrɛ na ɛ́ ƴãwnɛ a Naaŋmɩn. Ʋ tɩ sõwne nɩ a Zifʋ mɩnɛ nɩ-kɔmɛ bɛ dɩ vuo ɩ, ɛ́ puore a Naaŋmɩn kʋralɛ.

Nɩ-toni 10:31

ɛ́ yel mɛ̃: “Kɔrnɛɩ i, Naaŋmɩn wõ n a fʋ puoru, ʋ bɛ yiiri a fʋ nɩ-kɔmɛ sõwfʋ bɛr ɛ.

Nɩ-toni 10:4

A Kɔrnɛɩ tɩ jɩ́r ʋ nɩ gbẽgbẽ, ɛ́ dɛ̃bɩ̃ɛ nyɔw ʋ, ʋ sɔw: «Ɛ́ bʋnʋ, Sore e?» A malkɩ tɩ lɛb yel ʋ: «Naaŋmɩn nyɛ̃ nɩ a lɛ fʋ na sõwne a nɩbɛ a, ʋ sàw na de a fʋ puoru, ʋ bɛ yiiri fʋ bɛr ɛ.

Nɩ-toni 11:29

Lɛ n'a a po-tuurbɛ tɩ yel kɛ́ ŋa za na mɩ́ tɩr'ɩ lɛ ʋ na tʋ̃ɔ́ a, ɛ̀ bɛ tɩr sõwfʋ kʋ̀ a yɛbr na kpɩɛr a Zude a.

Nɩ-toni 24:17

«Yome yaga tɩ tɔl'a, ɩ̃ɩ wa lɛb wa a Zerizalɛm nɩ sõwfʋ a ɩ̃ nɩ-bʋʋrɛ ƴãw, nɩ Naaŋmɩn de-kʋ̀b bome.

Nɩ-toni 9:36

Pɔw kãw tɩ be n a Zope tẽw ɩ a Sore po-tuure. Ʋ tɩ dɩ na kɛ́ Tabɩta, ɛ́ bɛ bʋɔlɛ Dɔrkasɩ a gɩrɛkɩ kɔkɔr pʋɔ, a pɛr lɛ kɛ́ Wala. A ɩ-vɩɛlɩ maalʋ nɩ a nɩ-kɔmɛ sõwfʋ tɩ n'ɩ a ʋ tome.

Ʋrɔm 12:8

Sob nɛ na páw maalʋ a taabɛ kpaalʋ ƴãw a, ʋ kpaalɛ bɛ. Sob nɛ na pone a ʋ bʋ̃-tɛrɩ a, ʋ ta tɩrɛ zʋmnɛ nɩ ɛ. Sob nɛ na tɛr a niw-diere tome a, ʋ ƴãw fãw tone. Sob nɛ na sõwne a bãbàalbɛ a, ʋ sõwne bɛ nɩ pʋ-pɩɛlʋ.

1 Korɛ̃tɩ 13:3

Mãa saa de a ɩ̃ bʋ̃-tɛrɩ za põ kʋ̀ a kɔ̃ dem, mãa saa de a ɩ̃ ƴã-gan ƴãw vũumí a, mãa bɛ wa tɛr a nɔ̃wfʋ a, ɩ̃ bɛ páwr bom za a pʋɔ ɩ.

Galasi 2:10

A bɛ zɛlʋ tɛwr tɩ n'ɩ kɛ́ tɩ tɛr a Zerizalɛm Lãw-yir nan dem tɩɛrʋ, ɛ́ lɛn tɔr za n'a ɩ̃ ƴãw fãw ɩ.

Efɛɛzɩ 4:28

Sob nɛ na tɩ dãw zure a, ʋ bɛr a nyãnyuwlu ɛ́ nɩ̃ɛ ƴãw fãw tone nɩ a ʋ nuru, mɛ̃ a lɛ a na sɛw a, tʋ̃ɔ́ mɩ́ páw bom ɩ kʋ̀ sob nɛ na bɛ tɛr a.

1 Tesalonikɩ 2:6

Tɩ na ɩ a Kɩrɩta nɩ-toni a ƴãw, tɩ nãá tʋ̃ɔ́ na dɩ nɩ-kpɛ̃ɛnʋ a nyɩ zu. Ɛcɛ tɩ bɛ dãw bɔ yúor nɩr za zie ɩ, a nyɩɩm zie bɩɩ nɩ-yoru zie ɩ. Tɩ nɩ̃ɛ na tɛr su-baalʋ yaga a nyɩ sɔgɔ, mɛ̃ mã na kaarɛ a ʋ bibiir zie nɩ nɔ̃wfʋ a.

1 Timote 6:18

Yel kʋ̀ bɛ kɛ́ bɛ maalɛ a vla, ɛ́ kpɛ ɩ-vɩɛlɩ naalʋ, kɛ́ bɛ sàw tɩrɛ yaga ɛ́ pone a bɛ bome kʋ̀rɛ a bɛ taabɛ.

Filemɔ̃ 1:7

Yɛb i, a fʋ nɔ̃wfʋ kʋ̀ m'ɩ nʋ̃ɔ̀ yaga nɩ mɔwlʋ, bʋ̃ʋ n'ʋ vɛ̃, a fʋ nɔ̃wfʋ sɩrɩ na ɩ a kɩrɩta-nɩbɛ socie a lɛb kpɛmɛ.

Ebre 13:16

Nyɩ taa yiire a nɩbɛ maalʋ nɩ a sõw-taa bɛrɛ ɩ, a bàwr á ŋá taabɛ n'a mɩ́ nʋmɛ a Naaŋmɩn zie.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.

1 Samɩɛl 15:30

A Sawul tɩ lɛb'a yel: «Ɩ̃ sãw na. Ƴɛrɛŋa a, ɩ̃ zɛlɛ fʋ na, ƴãw mɛ̃ a Ɩsɩrayɛl nɩbɛ nɩ-kore nɩ a Ɩsɩrayɛl nɩbɛ za niŋé. Lɛb wa mãa nɩ fʋ̃ʋ tɩ cen, ɩ̃ tɩ puori a Sore fʋ Naaŋmɩn.»