Matie 6:16 - A SƐB-SÕW

¹⁶ «Nyɩmɛ mɩ́ wa tɛr a mʋta-tuo a, nyɩ ta mɩ́ kʋɔlɛ mɛ̃ a nɩsaal-libelibe a ɩ, bɛ mɩ́ sãw nɩ niwn k'aa nɩbɛ za nyɛ̃ bɛ na tɛr a mʋta-tuo a. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ.

Matie 6:16 ပူးပေါင်းရင်းမြစ်များ

2 Samɩɛl 12:16

A Daviir tɩ zɛlɩ nɩ a Sore a bie ƴãw. Ʋ tɩ nyɔw nɩ mʋta-tuo tɛrʋ, ɛ́ a tɩ̃ɩsɔw ʋlɛ wa kpɩɛr a ʋ dĩó a gaa a, tẽsɔw n'a ʋ mɩ́ tɩ gã.

2 Samɩɛl 12:21

A ʋ tõ-tõ-biir tɩ sowr'ʋ na: «Bʋ̃ʋ n'ɩ à à ŋá fʋ na ɩrɛ a? A bie na tɩ cãà vʋʋrɛ a, fʋ tɩ tɛr'ɩ mʋta-tuo, ɛ́ kone a ʋ ƴãw, ɛ́ ƴɛrɛŋa ʋ nɩ̃ɛ wa kpi fʋ ìr dɩrɛ!»

1 Na-mɩnɛ 21:27

A Akab na tɩ wõ a ƴɛ̀rʋ á ŋá a, ʋ taw nɩ a ʋ kparɩ cɩɛrɩ, su vʋɔra kparʋ, ɛ́ mɩ́ tɛr mʋta-tuo. Ʋ mɩ́ tɩ su n a kparʋ ŋa gã nɩ, ɛ́ kʋɔlɛ.

Neemi 1:4

Ɩ̃ na tɩ wõ a yele á ŋá a, ɩ̃ zɩ̃ na kone. Pʋ-sãwna tɩ tɛr mɛ̃ nɩ bibi-yaga, ɩ̃ɩ tɛr a mʋta-tuo. Ɩ̃ tɩ nyɔw nɩ a Naaŋmɩn na be a salom zu a puoru,

Sɛb-sõw yielu 109:24

Ɩ̃ gal'ɩ a bʋ̃-dɩrɩ bɛ tɩ cãà tʋ́ɔr àrɛ saaƴẽwn ɛ, ɩ̃ cɛ nɩ kɔbɛ tɛwr, a bʋ̃-dɩrɩ na bɛ ka be a ƴãw.

Sɛb-sõw yielu 35:13

Bɛ na mɩ́ tɩ ɩ bàalbɛ a, ɩ̃ mɩ́ tɩ wul'ɩ a ɩ̃ pʋ-sãwna, ɩ̃ mɩ́ tɩ tɛr'ɩ mʋta-tuo dɔwrɛ nɩ ɩ̃ tʋɔra, ɛ́ a ɩ̃ puoru tɩɛrʋ waar a ɩ̃ zie kʋralɛ.

Sɛb-sõw yielu 69:10

Yel-mɩŋa, a fʋ yir nɔ̃wfʋ dɩrɛ mɛ̃ na mɛ̃ vũu a. A fʋ zʋm-tʋʋrbɛ zʋmɛ lɛbr'a lore a ɩ̃ zu.

Malasɩ 3:14

À ŋá n'a nyɩ yel: “A Naaŋmɩn tome tob bɛ tɛr pɛr ɛ. Tɩ sàw nɩ a ʋ nɛ́ɛ, ɛ́ tu a kpɩɛrʋ daar tub a Sore kpɛnʋ-za-sob niŋé, ɛ́ a ɩ zawla.

Matie 6:1

«Nyɩ gùre nyɩ tʋɔra vla, taa wa tuur a nyɩ puoru yel-bɛrɛ kɛ́ a sãá a nɩbɛ nyɛ̃ nyɩ ɛ, alɛ bɛ ɩ lɛ, nyɩ kʋ̃ páw maalʋ a nyɩ Sãà na be a tẽ-vla pʋɔ a zie ɩ.

Matie 6:2

A na ɩ à ŋá a, fʋ̃ʋ wa kʋ̀rɛ bom nɩ-kɔmɛ a, ta ɩrɛ gɔmɛ a nɩbɛ niŋé mɛ̃ a lɛ a nɩsaal-libelibe na mɩ́ ɩrɛ a puoru-diru pʋɔ nɩ a sɛ́ɛ pʋɔ, k'aa nɩbɛ tʋ̃ɔ́ danɛ bɛ a ɩ. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ baarɩ.

Matie 6:5

«Nyɩmɛ wa puore a, nyɩ ta mɩ́ ɩrɛ mɛ̃ a nɩsaal-libelibe a ɩ: bɛ mɩ́ nɔnɛ na kɛ́ bɛ àr saaƴẽwn a puoru-diru pʋɔ nɩ a sɔ-carɩ pʋɔ puore, k'aa nɩbɛ za tʋ̃ɔ́ nyɛ̃ bɛ. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ baarɩ.

Markɩ 2:18

Bibir kãw, a Zã po-tuurbɛ nɩ a Faarizɩ̃ɛ mɩnɛ tɩ ìr'a tɛr a mʋta-tuo. Lɛ n'a nɩbɛ bɛ mɩnɛ kãw tɩ wa sowri a Yeezu: «Bʋ̃ʋ n'ʋ so a Zã po-tuurbɛ nɩ a Faarizɩ̃ɛ mɩnɛ po-tuurbɛ tɛr a mʋta-tuo, ɛ́ a fʋ̃ʋ po-tuurbɛ bɛl bɛ tɛr a mʋta-tuo?»

Luka 18:12

Ɩ̃ mɩ́ tɛr'ɩ mʋta-tuo gb'a ayi a kɔsɩɛr-been pʋɔ, ɩ̃ mɩ́ põ nɩ a ɩ̃ bome ziir pie ír zi-been kʋ̀ b.”

Luka 2:37

ʋ ɩ a pɔw-kʋɔr tɩ ta a yome lɩz'a anaar nɩ anaar. Ʋ bɛ tɩ cere zãánɛ nɩ a Zerizalɛm Ŋmɩn-yir-kpɛ̃ɛ ɩ, ɛ́ tone a Naaŋmɩn mʋ̃tɔ̃w nɩ tɩ̃ɩsɔw. Ʋ mɩ́ tɩ tɛr'ɩ mʋta-tuo ɛ́ puore.

Nɩ-toni 10:30

Lɛ n'a a Kɔrnɛɩ tɩ de a ƴɛ̀rʋ yel: «Bibie ata n'ɩ à ŋá, à à ŋá tɔ won, zaanʋɔra gbele ata sãw, ɩ̃ tɩ be n a ɩ̃ yir puore, wa bere nɩr kãw na su fɔbr na nyɩwrɛ a, wa àr a ɩ̃ niŋé,

Nɩ-toni 14:23

Bɛ tɩ kaa na ír nɩ-kore a Lãw-yie been been kaafʋ ƴãw, ɛ́ bɛ na tɩ puori tɛr'ɩ mʋta-tuo wa baar'a, bɛ de nɩ a nɩbɛ bɛ ŋa, na tɩ ƴãw a bɛ tɩɛrʋ a Sore ƴãw a, kʋ̀ ʋ.

1 Korɛ̃tɩ 7:5

Nyɩ ta sɩbr taa a lãw-taa, ɛ́ a bɛ ɩ kɛ́ nyɩ wõ n taa ŋmãa bɛr blãlɛ ƴãw kɛ́ nyɩ tʋ̃ɔ́ puori ɛ. Al pùorí, nyɩ lɛb lãwnɛ taa, alɛ bɛ ɩ lɛ, nyɩ nãà tɛrɛ nɩ nyɩ tʋɔra guur lo a Sɩtaana bɛ̀lʋ pʋɔ.

2 Korɛ̃tɩ 11:27

Tõ-kpɛn ƴãw mɛ̃ nɩ bàlʋ nɩ hanʋ. Gb'a à ŋá za, ɩ̃ bɛ ũù mimir ɛ. Kɔ̃ nɩ kʋ̃ɔ-nyúur kpɛ m'a. Gb'a a ŋmɩn za, ɩ̃ tɛr'ɩ mʋta-tuo. Ƴawr kpɛ m'a, ɩ̃ bɛ tɩ tɛr bʋ̃-suuri ɛ.

2 Korɛ̃tɩ 6:5

Bɛ pɔb tɩ na, ɛ́ nyɔw tɩ ƴãw gaso pʋɔ. Bɛ dam'ɩ a zu-sɛbla ƴãw ʋ ìr a tɩ ƴãw, tɩ tõ na tɩ bàl, tɩ bɛ ũù mimir ɛ, tɩ bɛ dɩ bom ɛ.