Matie 6:13 - A SƐB-SÕW

¹³ Ta sàw a bɛlʋ ta tɩ ɛ, ɛ́ faa tɩ a Faalʋ sob nuru pʋɔ. [Fʋ̃ʋ sɩrɩ so naalʋ nɩ kpɛnʋ nɩ danʋ, a yome yome za. Amɛn.]”

Matie 6:13 ပူးပေါင်းရင်းမြစ်များ

Yele-za-pɛr-tib 22:1

A yele á ŋá pùorí a, a Naaŋmɩn tɩ ɩ n a Abraham kaa. Ʋ tɩ bʋɔl'ʋ na: «Abraham i!» Ʋ sɔw: «Mãa n'ɩ ŋan.»

1 Na-mɩnɛ 1:36

A Yehoyada bidɛb Benaya tɩ sɔw nɩ a nãà: «Ɩ̃ nãà a, fʋ ƴɛ̀r'ɩ vla! A Sore fʋ Naaŋmɩn mɩŋa n'ʋ ƴɛ̀r'ɩ a fʋ nʋɔr.

1 Bibie za yel-manɩ 16:36

A Sore, a Ɩsɩrayɛl Naaŋmɩn, ʋ tɛr'ɩ puoru yome yome za. A lãw nɩbɛ za tɩ sɔw na: «Amɛn! Aleluya!»

1 Bibie za yel-manɩ 29:11

Sore e, fʋ̃ʋ na ɩ kpɛ̃ɛ bɛ tɛr tɔ a, fʋ̃ʋ so a fãw nɩ a kpɛnʋ, a ƴãwfʋ nɩ a yúor-vɩɛlʋ-danʋ. Fʋ̃ʋ so bom za a salom zu nɩ a tẽw zu. Fʋ̃ʋ n'ɩ a nãà, fʋ̃ʋ so a bome za.

1 Bibie za yel-manɩ 4:10

A Yaebɛsɩ tɩ puor'ɩ à ŋá: «Ɩsɩrayɛl Naaŋmɩn i, sàw kʋ̀ m a fʋ maalʋ. Ɩ a ɩ̃ bʋ̃-tɛrɩ yãwmɛ dɔwlɩ, piw mɛ̃ tɛr nɩ a fʋ nũu, ɛ́ ɩ a baw-bio nɩ a kpɩɛrʋ zãá nɩ mɛ̃!» A Naaŋmɩn tɩ ɩ n a lɛ ʋ na zɛlɩ a.

Sɛb-sõw yielu 10:16

A Sore dɩrɛ nɩ naalʋ kʋralɛ, a nɩ-bʋʋr-yoru kʋ̃ cãà be a ʋ tẽw pʋɔ ɩ.

Sɛb-sõw yielu 106:48

A Sore, Ɩsɩrayɛl Naaŋmɩn, so danʋ! A koro za nɩ kʋrakʋralɛ. A nɩbɛ za na yel'a: «Amɛn! Aleluya!»

Sɛb-sõw yielu 22:28

A ta-tẽw dem za na lɛb'a bãwnɩ a, ɛ́ bɛ na lɛb'a wa a Sore zie. A nɩ-bʋʋr-yoru yie za na wa na wa gbĩ dume a ʋ niŋé.

Sɛb-sõw yielu 41:13

Fʋ tɩɛ mɛ̃ na tɛr, ɩ̃ za na n'ɩ ŋan a, ɛ́ fʋ na ɩ na k'ɩ̃ be a fʋ niŋé kʋralɛ.

Sɛb-sõw yielu 47:2

Nyɩɩm nɩ-bʋʋrɛ za a, nyɩ puore nuru carcarcar! Nyɩ ŋmɩɛr nʋ̃ɔ̀ cɛlsɩ cáarɛ nɩ a Naaŋmɩn ƴãw,

Sɛb-sõw yielu 47:7

Nyɩ yiele danɛ nɩ a Naaŋmɩn, nyɩ yiele, nyɩ yiele danɛ nɩ a tɩ nãà, nyɩ yiele!

Sɛb-sõw yielu 72:19

A ʋ yúor-vɩɛlʋ-danʋ, ʋ paalɩ a tẽw za! Amɛn! Lɛb maal Amɛn!

Sɛb-sõw yielu 89:52

Sore e, a fʋ dɔ̃ dem tʋ n a nãà fʋ na kaa ír a, ʋ cere na ɛ́ bɛ tʋʋr.

Eziptɩ tẽw yib 15:18

Sore e, fʋ dɩrɛ nɩ naalʋ kʋralɛ!

Zʋkpaɩ 30:8

Ɩ a bom nɛ na bɛ tori a nɩ a ziri a zãá nɩ mɛ̃, ta bɛr mɛ̃ ɩ̃ be nã́w pʋɔ zuo bɩɩ ɩ̃ kpɛ naalʋ zuo ɩ. Kʋ̀ m a alɩ bome nɛ tɛwr ɩ̃ na sɛw k'ɩ̃ɩ tɛr tʋ̃ɔ́ vʋʋrɛ nɩ a.

Zeremi 15:21

Ɩ̃ na ìr fʋ nɩ a nɩ-faar nuru pʋɔ, ɩ̃ na ìr fʋ nɩ a po-to-fãw dem nuru pʋɔ.»

Zeremi 28:6

«Amɛn! A Sore, ʋ ɩ a lɛ! A Sore, ʋ tu a fʋ naaŋmɩn-ƴɛ̀r-manɛ ƴɛ̀rʋ fʋ na ƴɛ̀r a pùor, ʋ ɩ a Ŋmɩn-yir-kpɛ̃ɛ bome yi a Babɩlɔn lɛb wa a ka, lãwnɩ a nɩbɛ za bɛ na diw cen nɩ a be a!

Sɔr-nɛ́ɛ 5:22

A kʋ̃ɔ á ŋá na waar'ɩ ŋmɛ-ƴãw a, a kpɛ a fʋ púorí ɩ fʋ kpel púor, ɛ́ a fʋ pʋɔ ɩ pʋ-ãan!” A pɔw na sɔw na: “Amɛn! Ʋ̃ʋ, a ɩ a lɛ!”

Matie 26:41

Nyɩ bɛr gʋ̃ɔ ɛ́ puore taa wa lore a bɛlʋ pʋɔ ɩ. A nɩsaal mɩ́ bɔbr'ɩ sɩza, ɛ́ bɛ tɛr fãw ɛ.»

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Matie 5:37

Ʋ̃ʋ wa n'a a, nyɩ yel: “Ʋ̃ʋ”, ʋ̃ʋ'hʋ̃ wa n'a a, nyɩ yel: “Ʋ̃ʋ'hʋ̃”, a tɛwr'a, ƴɛ̀r-dɔwla za mɩ́ yi n a Faalʋ sob zie.»

Matie 6:10

a fʋ naalʋ, ʋ wa, a fʋ pʋ-tɩɛrʋ, ʋ maalɩ a tẽw zu mɛ̃ a tẽ-vla pʋɔ a.

Zã 17:15

Ɩ̃ bɛ zɛlɛ kɛ́ fʋ ír bɛ a tẽ-daa zu ɛ, ɩ̃ zɛlɛ na kɛ́ fʋ gùre bɛ a Faalʋ sob ƴãw.

1 Korɛ̃tɩ 10:13

A bɛlʋ al za na ta nyɩ a, ɩ n a al na tarɛ a nɩsaalbɛ a. A lɛ a Naaŋmɩn na yel k'ʋʋ na ɩ na a, ʋ bɛ mɩ́ lɩɛb'a bɛr ɛ, ɛ́ bɛ mɩ́ lɛb sàw kɛ̀ bɛ̀lʋ na zuo a nyɩ fãw a ta nyɩ ɛ. A bɛ̀lʋ wa ta nyɩ a, ʋ na kʋ̀ nyɩ nɩ a fãw nyɩ tʋ̃ɔ́ a bɛ̀lʋ, ɛ́ yi zaa a bɛ̀lʋ pʋɔ.

1 Korɛ̃tɩ 14:16

Bʋ̃ʋ n'ʋ vɛ̃, a Vʋʋrʋ Sõw yõ wa n'ʋ ƴãw fʋ puore yãanɩ puoru a, ŋmɩŋmɩn n'a a lãw pʋɔ nɩ-zawlɛ na ƴãw «Amɛn» sɔw a fʋ yãanɩ puoru, bɛ na bɛ bãw a lɛ fʋ na yere a?

2 Korɛ̃tɩ 1:20

A maalʋ al za a Naaŋmɩn na yel k'ʋʋ na tɩr a a, a ʋ pʋɔ n'a a za «ʋ̃ʋ» be. A na ɩ lɛ a, a Yeezu Kɩrɩta n'ʋ so tɩ mɩ́ sɔw «Amɛn», a Naaŋmɩn yúor-vɩɛlʋ-danʋ ƴãw.

Galasi 1:4

A Kɩrɩta de nɩ ʋ tʋɔra tɩr a tɩ yel-bebe ƴãw, k'ʋʋ tʋ̃ɔ́ faa tɩ a dɩ̃a zie ŋa na bɛ vɩɛl a pʋɔ, mɛ̃ a lɛ a Naaŋmɩn tɩ Sãà na bɔbr a.

Wulu-ayi-sob 8:16

A wɛja-kpalɛ ŋa pʋɔ a, ʋ kʋ̀ nyɩ nɩ a mãan, bʋ̃-dɩra a nyɩ sãàkʋm-kore na bɛ tɩ bãw a. Ʋ ɩ na nyɩ nyɛ̃ kpɩɛrʋ, k'ʋʋ ɩ nyɩ kaa, ɛ́ wa maalɩ nyɩ vla a pùorí.

Wulu-ayi-sob 8:2

Nyɩ lɛb tɩɛrɩ a sɔ́r ʋl za a Sore nyɩ Naaŋmɩn na ƴãw nyɩ cen a wɛja-kpalɛ pʋɔ, yome lɩz'a ayi a. Ʋ ɩ na nyɩ nyɛ̃ kpɩɛrʋ, k'ʋʋ ɩ nyɩ kaa, bãw ʋlɩ bom nɛ na be a nyɩ pʋ̃ɔmɩ a, ɛ́ mɩ̀ bãw, nyɩ na sàwr'ɩ a ʋ nɛ-ƴãwnɩ bɩɩ nyɩ kʋ̃ sàwr.

1 Tesalonikɩ 1:10

Nyɩ gùre nɩ a Yeezu, a ʋ Bie, na na yi a tẽ-vla pʋɔ lɛb wa a, ʋl ʋ na ɩ k'ʋ lɛb yi a kũuni pʋɔ a, ʋl na faarɛ tɩ a Naaŋmɩn ƴɛ̀rʋ maalʋ bibir na pɩɛl'a ƴãw a.

2 Tesalonikɩ 3:3

Ɛcɛ a Sore ŋmɛ̃ n ʋ ŋmɛ̃a: ʋ na kʋ̀ nyɩ nɩ fãw ɛ́ piw nyɩ tɛr a Faalʋ sob ƴãw.

1 Timote 1:17

A yome za Nãà, a Naaŋmɩn-been yõ tẽtẽ na bɛ tɛr kũu daar, ɛ́ nɩr kʋ̃ tʋ̃ɔ́ nyɛ̃ nɩ mimir a, ʋlɛ so ƴãwfʋ nɩ yúor-vɩɛlʋ-danʋ, a yome yome za. Amɛn.

Ebre 11:36

Bɛ mɩ̀ tɩ ɩ n bɛ mɩnɛ la ɛ́ fɔb bɛ, ɛ́ ƴãw bɛ mɩnɛ bamɛ lɔb ƴãw gaso pʋɔ.

1 Pɩɛr 5:8

Nyɩ mɩ́ nyɔw nyɩ tʋɔra a dɩb nɩ a nyub ƴãw, nyɩ bɛr gʋ̃ɔ! A nyɩ dɔ̃ sob, a Gɛgɛra, lanɛ na viire mɛ̃ gbẽw na ùore bɔbr'ɩ nɩr k'ʋʋ vɔl a.

2 Pɩɛr 2:9

A wul'a k'aa Sore na tʋ̃ɔ́ na faa a bɛlɩ dem na ƴãwnɛ ʋ a bɛr a tuo pʋɔ, ɛ́ tɛr a nɩ-faar gùre nɩ a ƴɛ̀rʋ-maalʋ bibir, k'ʋʋ ƴãw bɛ dɔwrʋ.

1 Zã 3:8

Sob nɛ na maalɛ a yel-bier a, Gɛgɛra so ʋ. A Gɛgɛra na ɩ yel-bier-maalɛ a pɛr-tib daar za a ƴãw. Yel ŋa ƴãw n'a a Naaŋmɩn Bie wa: k'ʋʋ wa sãw a Gɛgɛra tome bɛr.

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.

Yel-wula 19:1

Al pùorí, ɩ̃ tɩ wõ n kɔkɔ-kpɛ̃w na ɩ mɛ̃ zu-sɛbla na bɛ dɩ vuo a kɔkɔr a, a salom zu. Ʋ tɩ yere na: «Aleluya! A tɩ Naaŋmɩn so a faafʋ, a danʋ nɩ a kpɛnʋ.

Yel-wula 19:4

A nɩ-kore lɩzɛr'ɩ anaar nɩ a bʋ̃-vʋʋrɩ anaar tɩ gbĩ n dume puori a Naaŋmɩn na zɩ̃ a naalʋ-dà-kɔw zu a, nɩ bɛ tʋɔra-siwru ɛ́ yel: «Amɛn! Aleluya!»

Yel-wula 2:10

Ta zɔrɛ a tuo fʋ na na wõ a dɛ̃bɩ̃ɛ ɩ. Nyɛ̃, a Gɛgɛra na ƴãw nɩ nyɩ mɩnɛ gaso pʋɔ k'ʋʋ ɩ nyɩ kaa, ɛ́ nyɩ na nyɛ̃ nɩ kpɩɛrʋ bibie pie. Taa lɛbr pùor ɛ, ɛ́ tɩ ta a fʋ kũu daar, ɩ̃ɩ na kʋ̀ b'ɩ a zɛb-tʋ̃ɔ́fʋ kpawʋɔ na ɩ a nyɔ-vʋʋrʋ a.

Yel-wula 21:4

Ʋ na fɩɛl'ɩ mʋta-kʋ̃ɔ za bɛr a bɛ mimié. Kũu kʋ̃ lɛb cãà be ɩ, kuor nɩ cɛlsɩ nɩ kpɩɛrʋ kʋ̃ lɛb cãà be ɩ. Bʋ̃ʋ n'ʋ vɛ̃, a koro za zie tɔl'a.»

Yel-wula 3:10

Ɩ̃ na yel kɛ́ fʋ dɩ kanyir fʋ sàw a, ɩ̃ mɩ̀ na gù b'ɩ a kpɩɛrʋ daar, a kpɩɛrʋ na na páw a tẽ-daa za k'ʋʋ ɩ a tẽw zu nɩbɛ kaa a.

Yel-wula 3:14

Sɛb yel a Lawdise tẽw Lãw-yir malkɩ: «À ŋá n'a a Amɛn, a dãsɩ-dɩrɛ mɩŋa na bɛ lɛbr pùor a yere, ʋl na ɩ a Naaŋmɩn bʋ̃-íri za yib zie a:

Yel-wula 5:13

Ɩ̃ mɩ̀ tɩ wõ n a bʋ̃-íri za a salom zu, a tẽw zu, a tẽw pile nɩ a kʋ̃ɔ-kpɛ̃ɛ pʋɔ, a tẽ-daa bʋ̃-íri za a yere: «A sob nɛ na zɩ̃ a naalʋ-dà-kɔw zu a, nɩ a Pele, bɛlɛ so danʋ, ƴãwfʋ, yúor-zɛwfʋ nɩ kpɛnʋ a yome yome za!»