Matie 5:7 - A SƐB-SÕW

⁷ Zu-nʋ̃ɔ̀ dem'ɩ a bɛlɩ dem na zɔrɛ a bɛ taabɛ nɩbaalʋ a, bɛ mɩ̀ na zɔ n bɛ nɩbaalʋ.

Matie 5:7 ပူးပေါင်းရင်းမြစ်များ

2 Samɩɛl 17:28

A nɩbɛ bɛ ŋa tɩ wa n nɩ bʋ̃-ganɩ, píir kɔblʋ pɛnɛ, labɛ, lãwnɩ bʋ̃-dɩrɩ wa kʋ̀ a Daviir nɩ a ʋ taabɛ: ble, ɔɔzʋ, zɔ̃, bʋ̃-bie na sɛ̃ a, bɛ̃w-bʋʋrɛ kãw bɛ na bʋɔlɛ fɛɛvʋ nɩ lãtɩɩ a, sɩwr, kãá, náab nɩ pɛrʋ bʋ̀r-kãá. Bɛ tɩ sɩrɩ na tɩɛrɩ à ŋá: «A kɔ̃, a bàlʋ nɩ a kʋ̃ɔ-nyúur fɛr'ɩ a nɩbɛ bɛ ŋa a wɛja-kpalɛ pʋɔ.»

2 Samɩɛl 22:26

Sore e, fʋ ŋmɛ̃ n fʋ ŋmɛ̃a, a sob nɛ na bɛ lɛbr pùor a zie, fʋ bɛ tɛr sãwna, nɩr na bɛ tɛr sãwna a zie ɩ.

Sɛb-sõw yielu 112:4

Cãà mɩ́ pur'ɩ a lige pʋɔ a soci-vla sob ƴãw. Nɩ-mɩŋa nɩ nɩ-vla n'ʋ, su-ɓaarʋ sob'ʋ.

Sɛb-sõw yielu 112:9

Ʋ bɛ tɩrɛ zʋmnɛ nɩ ɛ, ʋ kʋ̀ n a nan dem, a ʋ mɩnʋ be n be kʋralɛ. A ʋ fãw kɛrɛ na lãwnɩ a ʋ yúor.

Sɛb-sõw yielu 18:25

Lɛ n'a a Sore maalɩ mɛ̃ tu n a ɩ̃ mɩnʋ, tu n a ɩ̃ nuru tõ-vɩɛlɩ ʋ na nyɛ̃ a.

Sɛb-sõw yielu 37:26

Ʋ zɔrɛ nɩ nɩbaalʋ kʋralɛ, ɛ́ pɛ̃wn a ʋ bome, ɛ́ a ʋ bibiir ɩ Naaŋmɩn maalʋ.

Zʋkpaɩ 11:17

Nɩr na nɔnɛ a ʋ taabɛ a maalɛ nɩ vla kʋ̀rɛ a ʋl mɩŋa. Ɛcɛ, nɩr na kpɛ po-tuo a dɔwrɛ nɩ ʋ tʋɔra.

Zʋkpaɩ 11:25

Nɩr na tɩrɛ a mɩ́ páw nɩ bʋ̃-yaga, nɩr na tɩrɛ kʋ̃ɔ bɛ nyúur a mɩ̀ na nyɛ̃ nɩ kʋ̃ɔ nyũ.

Zʋkpaɩ 14:21

Nɩr na ɩrɛ a ʋ tɔ laar a maalɛ nɩ yel-bier, ɛcɛ zu-nʋ̃ɔ̀ sob'ɩ sob nɛ na zɔrɛ a nan dem nɩbaalʋ a.

Zʋkpaɩ 19:17

Nɩr na kʋ̀ nã́w sob bom a pɛ̃w nɩ a Sore, ɛ́ a Sore na lɛb'a kʋ̀ ʋ.

Ɩzayi 57:1

Bɛ kʋrɛ nɩ a nɩ-mɩn, ɛ́ nɩr bɛ cɛlɛ be ɩ. A nɩ-vɩɛlɩ báarɛ na, ɛ́ nɩr bɛ bãwnɩ a ɩ. Ʋ̃ʋ, a nɩ-mɩn báarɛ na a nɩ-faar po-tuolu zũú.

A naaŋmɩn-ƴèr-manɛ Oze sɛbɛ 1:6

A Gomɛɛr tɩ lɛb'a tɛr pʋɔ dɔw powle, ɛ́ a Sore tɩ yel a Oze: «Por ʋ a yúor kɛ́ Lo-Uruhama, a pɛr lɛ kɛ́: Ɩ̃ bɛ nɔ̃w ʋ ɛ. Bʋ̃ʋ n'ʋ vɛ̃, ɩ̃ kʋ̃ lɛb wul a ɩ̃ nɔ̃wfʋ a Ɩsɩrayɛl yir nɩbɛ ɩ. Ɩ̃ kʋ̃ lɛb nɔ̃w bɛ towtow ɛ.

A naaŋmɩn-ƴèr-manɛ Oze sɛbɛ 2:1

Bibir kãw, a Ɩsɩrayɛl bibiir na yãwmɛ na mɛ̃ kʋ̃ɔ-kpɛ̃ɛ nʋɔr biire bɛ na kʋ̃ tʋ̃ɔ́ manɩ, ɛ́ kʋ̃ tʋ̃ɔ́ sɔ́r a. Ɛ́ a be a Naaŋmɩn na tɩ yere kʋ̀rɛ bɛ: «Nyɩ bɛ ɩ ɩ̃ nɩ-bʋʋrɛ ɩ», be n'a ʋ na bʋɔlɛ bɛ: «Naaŋmɩn na vʋʋrɛ a bibiir.»

A naaŋmɩn-ƴèr-manɛ Oze sɛbɛ 2:23

A ʋlɩ bibir nɛ a, a Sore n'ʋ yere, ɩ̃ na maal'ɩ a salom pʋ-tɩɛrʋ, ɛ́ a salom maalɩ a tẽsɔw pʋ-tɩɛrʋ.

Mise 6:8

Nɩsaal i, a Sore ɩ na fʋ bãw a ʋlɩ bom nɛ na vɩɛl a, nɩ a ʋlɩ bom nɛ ʋ na bɔbr a fʋ zie a: bom za bɛ n'ʋ, a bɛ ɩ kɛ́ fʋ tuur a yel-mɩnʋ, kɛ́ fʋ tɛr nɔ̃wfʋ ɩ-ɩrɩ, ɛ́ tɛr fʋ tʋɔra-siwru a fʋ Naaŋmɩn zie ɩ.

Markɩ 11:25

Ɛ́ nyɩmɛ wa àr a puoru ƴãw, ɛ́ wa tɛr'ɩ nɩr bom a, nyɩ dɩ suur kʋ̀ ʋ, kɛ́ a nyɩ Sãà na be a tẽ-vla pʋɔ a, mɩ̀ tʋ̃ɔ́ dɩ a nyɩ yel-bebe suur kʋ̀ nyɩ. [

Luka 6:35

A nyɩɩm n'a, nyɩ nɔnɛ a nyɩ dɔ̃ dem, nyɩ maalɛ bɛ vla ɛ́ pɛ̃wn bɛ a nyɩ bome, ɛ́ ta gùre kɛ́ bɛ mɩ̀ mɩ́ wa ɩ nyɩ a lɛ yáa a san ɛ. Lɛn daar'a a nyɩ sã-ya na ɩ bɛ́rʋ, ɛ́ nyɩ mɩ̀ ɩ a Naaŋmɩn-na-do-saa-bɛ-pɩɛl-a bibiir, ʋl na ɩ nɩ-vla a po-to-dem zie, nɩ a bɛlɩ dem zie fʋ na mɩ́ maalɩ vla ɛ́ bɛ bɛ ŋmɛlɛ kaar fʋ a.

Ʋrɔm 11:30

A koro za a, nyɩ tɩ zawr'ɩ a Naaŋmɩn nʋɔr, ɛcɛ ƴɛrɛŋa a, ʋ zɔ n a nyɩ nɩbaalʋ, a Ɩsɩrayɛl nɩbɛ na zawrɩ a nʋɔr a ƴãw.

1 Korɛ̃tɩ 7:25

A bɛlɩ dem na bɛ kul taa a, ɩ̃ bɛ tɛr wulu na yi a Sore zie a, na yel kɛ́ bɛ tuur ɛ. Lɛ mãa na nyɛ̃ a n'a ɩ̃ yere, mãa nɩsaal na sɛwnɩ kɛ́ nɩbɛ ta bʋ́nɛ nɩ mɛ̃ a Sore su-ɓaarʋ zũú a.

2 Korɛ̃tɩ 4:1

Su-ɓaarʋ zũú na n'a a Naaŋmɩn kʋ̀ tɩ a tõ-nʋɔr ŋa a, alɛ so tɩ bɛ be na bàl bɛr ɛ.

Efɛɛzɩ 4:32

Nyɩ ɩ nɩ-vɩɛlɩ a nyɩ cara pʋɔ, ɛ́ zɔrɛ taa nɩbaalʋ dɩrɛ nɩ suur kʋ̀rɛ taa, mɛ̃ a lɛ a Naaŋmɩn na dɩ suur kʋ̀ nyɩ a Kɩrɩta ƴãw a.

Kɔlɔsɩ 3:12

Nyɩ na ɩ a Naaŋmɩn nɩ-kaa-íri, ʋʋ ɩ nyɩ ɩ son, ʋʋ nɔ̃w nyɩ a zũú, nyɩ ɩ su-ɓaarʋ nɩbɛ, nɩsaal-pɔwlbɛ, nyɩ siwre nyɩ tʋɔra, nyɩ ɩ su-nʋ̃ɔ̀ nɩ su-zãánɩ nɩbɛ.

1 Timote 1:13

a mãa na tɩ dãw sãwnɛ a ʋ yúor, dɔwrɛ ʋ ɛ́ tʋʋr ʋ a. Bɛ-bãwfʋ n'a tɩ so à á ŋá za ɩ̃ na tɩ ɩrɛ a, a naaŋmɩn-sàw-deb bɛ tɩ be a ɩ̃ zie ɩ. Ɛcɛ, a Naaŋmɩn zɔ n ɩ̃ nɩbaalʋ.

1 Timote 1:16

Ɛcɛ Naaŋmɩn zɔ n a ɩ̃ nɩbaalʋ, k'aa Kɩrɩta Yeezu tʋ̃ɔ́ de niwn tĩ a ɩ̃ zie, mãa na kpɛ faa zuo a nɩbɛ za a, wul a ʋ su-bɛ-pawra ɩb za a sãá ɩ bãwfʋ a bɛlɩ dem za nãà wa sàw de a Naaŋmɩn, kɛ́ bɛ tʋ̃ɔ́ páw a nyɔ-vʋʋrʋ na be kʋralɛ a.

Ebre 4:16

A na ɩ lɛ a, nyɩ ɩ tɩ bɛr tɩɛrʋ ɛ́ taw ta a Naaŋmɩn naalʋ-dà-kɔw pɛr maalʋ na ʋr a. Tɩ na páw nɩ su-ɓaarʋ ɛ́ nyɛ̃ maalʋ a be, k'aa daar wa ta a, tɩɩm nyɛ̃ sõwfʋ.

Ebre 6:10

Naaŋmɩn ɩ n nɩ-mɩŋa, ʋ kʋ̃ yiiri a nyɩ tome bɛr ɛ, nɩ a ʋ nɔ̃wfʋ nyɩ na wul ʋ sãá, nyɩ na tɩ dãw kaa kɩrɩta-nɩbɛ zie ɛ́ cãà kaarɛ a bɛ zie a ƴɛrɛŋa a.

Zakɩ 2:13

A Naaŋmɩn wa maalɛ nɩ nɩr na bɛ zɔrɛ ʋ taabɛ nɩbaalʋ a ƴɛ̀rʋ a, ʋ mɩ̀ kʋ̃ tɛr nɩbaal-zɔba a ʋ zie ɩ, ɛcɛ nɩbaal-zɔrɛ bɛ zɔrɛ a ƴɛ̀rʋ-maalʋ ɛ.

Zakɩ 3:17

Ɛcɛ a yã-bãwfʋ na yi a Naaŋmɩn zie a, ʋ mɩ́ de nɩ niwn ɩ vɩɛlʋ tɛwr, al pùorí ʋ ɩ ƴã-ɓaarʋ, su-nʋ̃ɔ̀, nʋɔr-sàwfʋ. Ʋ mɩ́ ɩ n nɩbaal-zɔba nɩ ɩ-vɩɛlɩ tɛwr. Ʋ bɛ mɩ́ owre ɩ, ɛ́ bɛ sɔwlɛ a ʋ pʋ-tɩɛrʋ ɛ.

1 Pɩɛr 2:10

Nyɩɩm na bɛ tɩ ɩ a ʋ nɩ-bʋʋrɛ a, ƴɛrɛŋa a, nyɩ ɩ n a Naaŋmɩn nɩ-bʋʋrɛ. Nyɩɩm na bɛ tɩ páw a ʋ su-ɓaarʋ a, ƴɛrɛŋa a, nyɩ páw ʋ na.