Matie 5:48 - A SƐB-SÕW

⁴⁸ Lɛ so, a nyɩɩm a, nyɩ vɩɛl nyɩ za, mɛ̃ a lɛ a nyɩ tẽ-vla pʋɔ Sãà na vɩɛl ʋ za a.»

Matie 5:48 ပူးပေါင်းရင်းမြစ်များ

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

2 Samɩɛl 22:31

A Naaŋmɩn ɩ n sɔr-wule na vɩɛl ʋ za a, a ʋ ƴɛ̀rʋ bɛ tɛr bʋnʋ ɛ. Bɛlɩ dem za na mɩ́ zɔ kpɛ a ʋ naayir a, ʋ ɩ na mɛ̃ zɛbr-kur-pãgala na mɩ́ piw bɛ a.

Sɛb-sõw yielu 37:37

Jɩ́rɛ a nɩ-vla, ɛ́ nyɛ̃ a nɩr na cere dẽdẽ a: a nɩr na nɔnɛ a ƴã-ɓaarʋ a mɩ́ tɛr'ɩ bʋʋrɛ.

Levitɩ mɩnɛ 11:44

A mãa a, ɩ̃ ɩ n a Sore nyɩ Naaŋmɩn: nyɩ ɩrɛ mɛ̃ nɩ-son a, ɩ̃ na ɩ sõw a ƴãw. A na ɩ à ŋá a, nyɩ ta tʋɔr a dʋ̃-cãcãpili á ŋá na damnɛ a tẽsɔw zu a, dɛwr nyɩ tʋɔra ɩ.

Levitɩ mɩnɛ 19:2

k'ʋʋ tɛr a wulu á ŋá a Ɩsɩrayɛl nɩbɛ lãw za zie: «Nyɩ ɩ nɩ-son, a mãa Sore nyɩ Naaŋmɩn na ɩ sõw a ƴãw!»

Levitɩ mɩnɛ 20:26

«Nyɩ ɩ nɩ-son, be a ɩ̃ tome ƴãw, ɩ̃ na ɩ sõw a ƴãw, a mãa, a Sore. Ɩ̃ ɩ na nyɩ ɩ nyɩ tʋɔra a nɩ-bʋʋr-yoru sɔgɔ, k'ɩ̃ɩ tʋ̃ɔ́ so nyɩ.»

Matie 5:16

Lɛ mɩ̀ n'a, a nyɩ cãà, ʋ caalɛ a nɩsaalbɛ, kɛ̀ bɛ tʋ̃ɔ́ nyɛrɛ a nyɩ ɩ-vɩɛlɩ ɛ́ íre a nyɩ Sãà na be a tẽ-vla pʋɔ a yúor-vɩɛlʋ-danʋ.»

Matie 5:45

Lɛ n'a nyɩ na sɩrɩ ɩ a nyɩ Sãà na be a tẽ-vla pʋɔ a bibiir. Bʋ̃ʋ n'ʋ vɛ̃, ʋ mɩ́ ɩ n a ʋ mʋ̃tɔ̃w pur a po-to-dem nɩ a nɩ-vɩɛlɩ ƴãw, ɛ́ ɩ a saa mĩ kʋ̀ a nɩ-mɩn nɩ a bɛlɩ dem na bɛ ɩ nɩ-mɩn a.

Matie 5:47

Ɛ́ nyɩmɛ wa puore a nyɩ yɛbr tɛwr a, yel-sɩza buor sob'ʋ nyɩ mɩ́ maalɩ? A tɩbɛ dem tɛɛ za mɩ̀ ɩrɛ nɩ a lɛ.

Luka 6:36

Nyɩ ɩ nɩ-bàal-zɔrbɛ mɛ̃ a lɛ a nyɩ Sãà na ɩ nɩ-bàal-zɔrɛ a.»

Luka 6:40

Po-tuure bɛ zuore ʋ nɩ-kpɛ̃ɛ ɩ, ɛcɛ po-tuure za, a ʋ nɩ-kpɛ̃ɛ na wul vla a, na ŋmɛ̃ na taa nɩ a ʋ nɩ-kpɛ̃ɛ.

2 Korɛ̃tɩ 13:11

Ƴɛrɛŋa a, yɛbr i, nyɩ cɩlɛ, nyɩ ƴãw fãw ɩrɛ kɛ́ nyɩ vɩɛl tɩ tɔ, nyɩ kpaalɛ taa, nyɩ lãw taa tɩɛrʋ, nyɩ tɛr a ƴã-ɓaarʋ, ɛ́ a nɔ̃wfʋ nɩ a ƴã-ɓaarʋ Naaŋmɩn na be n a nyɩ zie.

2 Korɛ̃tɩ 13:9

Tɩ mɩ̀ cɩlɛ na, tɩ na mɩ́ wa ɩ bãbàalbɛ ɛcɛ nyɩ tɛr fãw a. Lɛ so tɩ mɩ́ puore kɛ́ nyɩ vɩɛl bɛ cɛ ɩ.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Efɛɛzɩ 3:1

Alɛ n'a so a mãa, Pol, ɩ̃ puore a Naaŋmɩn. Ɩ̃ be n a gaso pʋɔ a Yeezu Kɩrɩta tome ɩ̃ na tone a nyɩɩm nɩ-bʋʋr-yoru ƴãw a zũú.

Wulu-ayi-sob 18:13

Nyɩɩm ƴãw a, nyɩ tu a Sore nyɩ Naaŋmɩn nɩ a nyɩ pʋɔ za.

Wulu-ayi-sob 27:10

Nyɩ bɛrɛ wone a ʋ ƴɛ̀rʋ, nyɩ sàwr a ʋ nɛ-ƴãwnɩ nɩ a ʋ wulu ɩ̃ na kʋ̀rɛ nyɩ a dɩ̃a a.»

Kɔlɔsɩ 1:28

A Kɩrɩta ŋa yele n'a tɩ manɛ, kpaalɛ nɩ nɩr za, wule nɩ nɩr za nɩ yã-bãwfʋ, kɛ́ tɩ tʋ̃ɔ́ ɩ nɩr za vɩɛl ʋ za lãwnɩ a Kɩrɩta.

Kɔlɔsɩ 4:12

A Epafarasɩ na ɩ a nyɩ nɩr a, ʋ mɩ̀ puore nyɩ na. A Yeezu Kɩrɩta tõ-tõ-bie ŋa tʋlɛ nɩ a puoru ƴãw, puore kʋ̀rɛ nyɩ kʋralɛ, kɛ́ nyɩ tʋ̃ɔ́ tɛ nyɩgɛ ɛ́ bɩ nɩbɛ baar a Kɩrɩta sɔ́r pʋɔ, maalɛ a Naaŋmɩn pʋ-tɩɛrʋ za.

Zakɩ 1:4

Ɛcɛ a nyɩ kanyir ɩb, ʋ mɩ́ sãá vla kɛ̀ nyɩ tʋ̃ɔ́ mɩ́ vɩɛl nyɩ za, ta tɛr faalʋ ɛ, bom za ta cɛ nyɩ ɛ.

1 Zã 3:3

Ɛ́ nɩsaal za na ƴãw a tɩɛrʋ ŋa tɔ a ʋ ƴãw a, mɩ́ ƴãw nɩ fãw vɩɛl mɛ̃ a Kɩrɩta na vɩɛl a.