Matie 5:42 - A SƐB-SÕW

⁴² Nɩr wa zɛlɛ bom a fʋ zie a, kʋ̀ ʋ, ɛ́ ta gùr pùor cɔw a sob nɛ na bɔbr pɛ̃wfʋ a fʋ zie a ɩ.»

Matie 5:42 ပူးပေါင်းရင်းမြစ်များ

Sɛb-sõw yielu 37:21

A nɩ-faa mɩ́ pɛ̃w na ɛ́ bɛ lɛb tɩr ɛ, ɛcɛ a nɩ-mɩŋa ʋl zɔrɛ nɩ nɩbaalʋ mɩ́ tɩr.

Zʋkpaɩ 19:17

Nɩr na kʋ̀ nã́w sob bom a pɛ̃w nɩ a Sore, ɛ́ a Sore na lɛb'a kʋ̀ ʋ.

Zʋkpaɩ 21:26

A bibi-ɓil za a, a ʋ mimir mɩ́ zaalɛ nɩ a ʋ taabɛ dem ƴãw! Ɛcɛ a nɩ-mɩŋa mɩ́ tɩr'a bɛ tɩ gbab bom bin ɛ.

Ekilezɩasɩ 11:6

Alɛ n'a so, a biɓaara a, bʋ̀r a bʋ̃-bʋrɩ ɛ́ ta bɛr a tome tɩ ta a zaanʋɔra a ɩ. Bʋ̃ʋ n'ʋ vɛ̃, tõ-buor'ʋ na maalɩ, ŋa n'ʋ bɩɩ ŋa n'ʋ? Fʋ bɛ bãw ɛ. Kapaw a za ayi vɩɛl'a.

Matie 5:41

Nɩr wa fɛrɛ fʋ kɛ́ fʋ de a ʋ tuor tuo cen nɩ kilo been a, ɩ nyɩ cen kilo ayi.

Luka 11:41

Nyɩ nɩ̃ɛ de a nyɩ koli-nyúura pʋɔ bome nɩ a nyɩ laar pʋɔ bome sõw nɩ nɩ-kɔmɛ, ɛ́ bom za na ɩ n bʋ̃-vla a nyɩ zie.

Ʋrɔm 12:20

Lɛ nɩ kɛ́: «Kɔ̃ wa kpɩɛr a fʋ dɔ̃ sob a, fʋ̃ʋ kʋ̀ ʋ bʋ̃-dɩrɩ ʋ dɩ, kʋ̃ɔ-nyúur wa kpɩɛr ʋ a, fʋ̃ʋ kʋ̀ ʋ kʋ̃ɔ ʋ nyũ, bʋ̃ʋ n'ʋ vɛ̃, fʋ na ɩrɛ à à ŋá a, a ɩ na mɛ̃ vũu-bie n'a fʋ mʋ̃ɔnɛ dɔwlɛ a ʋ zũú a.»

Ebre 13:16

Nyɩ taa yiire a nɩbɛ maalʋ nɩ a sõw-taa bɛrɛ ɩ, a bàwr á ŋá taabɛ n'a mɩ́ nʋmɛ a Naaŋmɩn zie.

Ebre 6:10

Naaŋmɩn ɩ n nɩ-mɩŋa, ʋ kʋ̃ yiiri a nyɩ tome bɛr ɛ, nɩ a ʋ nɔ̃wfʋ nyɩ na wul ʋ sãá, nyɩ na tɩ dãw kaa kɩrɩta-nɩbɛ zie ɛ́ cãà kaarɛ a bɛ zie a ƴɛrɛŋa a.

Zakɩ 1:27

A Naaŋmɩn Sãà niŋé a, a puoru na vɩɛl ɛ́ ɩ sɩza a n'ɩ ŋa: ɛ́ fʋ kaarɛ a bi-kpebe nɩ a pɔw-kɔbɛ zie a bɛ kpɩɛrʋ pʋɔ, ɛ́ gùre fʋ tʋɔra a tẽ-daa dɛwr za ƴãw.