Matie 5:37 - A SƐB-SÕW

³⁷ Ʋ̃ʋ wa n'a a, nyɩ yel: “Ʋ̃ʋ”, ʋ̃ʋ'hʋ̃ wa n'a a, nyɩ yel: “Ʋ̃ʋ'hʋ̃”, a tɛwr'a, ƴɛ̀r-dɔwla za mɩ́ yi n a Faalʋ sob zie.»

Matie 5:37 ပူးပေါင်းရင်းမြစ်များ

Matie 13:19

A sɔ́r nʋɔr a bʋ̃-bie na lo a, ɩ n a bɛlɩ dem na mɩ́ wõ a tẽ-vla Naalʋ ƴɛ̀rʋ ɛ́ bɛ bãw a pɛr a. A Faalʋ sob mɩ́ wa na wa ír a al bɛ na bʋ̀r a bɛ socir pʋɔ a.

Matie 13:38

a púo n'ɩ a tẽ-daa, a ka-bʋʋr-vla n'ɩ a tẽ-vla Naalʋ nɩbɛ, a narsɩ n'ɩ a Faalʋ sob nɩbɛ,

Matie 15:19

A nɩsaal socir pʋɔ sɩrɩ n'a a tɩɛr-faar, nɩbɛ kʋb, pɔw-gaa, nɩ-fa-ɩb, nyãnyuwlu, dãsɩ-ziri nɩ zʋmɛ mɩ́ yire.

Matie 5:36

Mɩ̀ ta mɩ́ pɔ n a fʋ zu ɛ, fʋ kʋ̃ tʋ̃ɔ́ ɩ a fʋ zukɔbr been kãw za ʋ pɛlɩ bɩɩ sɔb ɛ.

Matie 6:13

Ta sàw a bɛlʋ ta tɩ ɛ, ɛ́ faa tɩ a Faalʋ sob nuru pʋɔ. [Fʋ̃ʋ sɩrɩ so naalʋ nɩ kpɛnʋ nɩ danʋ, a yome yome za. Amɛn.]”

Zã 17:15

Ɩ̃ bɛ zɛlɛ kɛ́ fʋ ír bɛ a tẽ-daa zu ɛ, ɩ̃ zɛlɛ na kɛ́ fʋ gùre bɛ a Faalʋ sob ƴãw.

Zã 8:44

Gɛgɛra n'ɩ a nyɩ sãà, ɛ́ nyɩ bɔbr a nyɩ sãà pʋ-tɩɛrʋ maalʋ. A pɛr-tib daar za n'a ʋ ɩ nɩ-kʋrɛ: ʋ bɛ dãw be yel-mɩŋa pʋɔ ɩ, yel-mɩŋa bɛ ka a ʋ pʋɔ ɩ. Ʋlɛ wa ŋmarɛ a ziri a, a ʋ dem mɩ́ n'a, ʋ na ɩ zir-ŋmarɛ nɩ a ziri sãà a ƴãw.

Efɛɛzɩ 4:25

A na ɩ à ŋá a, nyɩ bɛr a ziri: ŋa za mɩ́ yel a yel-mɩŋa kʋ̀ a ʋ tɔ sob, tɩ za na ɩ ƴã-gã-been ɓɛrmɛ a ƴãw.

Efɛɛzɩ 6:16

Ɛ́ baa zuo a za, nyɩ de a naaŋmɩn-sàwfʋ ʋ ɩ a zɛbr-kur-pãgala, ʋ na sõw nyɩ na nyɩ kpiiri a pime vũu a Faalʋ sob na tɛbr'ɩ nyɩ a.

Kɔlɔsɩ 3:9

Nyɩ ta cãà ŋmarɛ ziri ƴãwnɛ taa ɩ, bʋ̃ʋ n'ʋ vɛ̃, nyɩ yaa nɩ a nɩsaal-kʋra nɩ a ʋ ɩ-ɩrɩ za bɛr,

Kɔlɔsɩ 4:6

Nyɩ mɩ́ ɩ a nyɩ ƴɛ̀rʋ nʋmɛ kʋralɛ mɛ̃ bom bɛ na ƴãw nyaarʋ a, ɛ́ sõwne a nɩbɛ. Nyɩ mɩ́ bãw a sɔwfʋ sɔw vla kʋ̀ ŋa za.

2 Tesalonikɩ 3:3

Ɛcɛ a Sore ŋmɛ̃ n ʋ ŋmɛ̃a: ʋ na kʋ̀ nyɩ nɩ fãw ɛ́ piw nyɩ tɛr a Faalʋ sob ƴãw.

Zakɩ 5:12

Ɛcɛ baa zuo a za, ɩ̃ yɛbr i, nyɩ ta mɩ́ pɔ ɩ: nyɩ ta mɩ́ pɔ n a saa ɩ, nyɩ ta mɩ́ pɔ n a tẽ-gan ɛ, nyɩ mɩ̀ ta mɩ́ pɔ pɔb-bʋʋrɛ kãw za ɩ. A nyɩ ʋ̃ʋ ʋ mɩ́ ɩ ʋ̃ʋ, ɛ́ a nyɩ ʋ̃ʋ'hʋ̃ ɩ ʋ̃ʋ'hʋ̃, a Naaŋmɩn taa wa maalɛ nɩ nyɩ ƴɛ̀rʋ ɛ.

1 Zã 2:13

Sãà mɩnɛ ɛ, ɩ̃ sɛbr nyɩ na kɛ́ nyɩ bãw nɩ a sob nɛ na be a pɛr-tib daar za a. Pɔlbili i, ɩ̃ sɛbr nyɩ na kɛ́ nyɩ zɛb'a tʋ̃ɔ́ a Faalʋ sob.

1 Zã 3:12

A bɛ sɛw kɛ́ tɩ ŋmɛ̃ mɛ̃ a Kayɛ̃ a ɩ: ʋ na tɩ ɩ a Faalʋ sob nɩr a n'a so ʋ kʋ a ʋ yɛb. Ɛ́ bʋ̃ʋ ƴãw n'a ʋ tɩ kʋ ʋ? A ʋ ɩ-ɩrɩ bɛ tɩ vɩɛl ɛ, ɛ́ a ʋ yɛb dem tu a yel-mɩnʋ.

1 Zã 5:18

Tɩ bãwnɩ a na kɛ́ Naaŋmɩn bʋ̃-dɔwra za bɛ maalɛ yel-bier ɛ, a Naaŋmɩn Bie gù ʋ na, ɛ́ a Faalʋ sob kʋ̃ tʋ̃ɔ́ ɩ ʋ bom ɛ.