Matie 5:3 - A SƐB-SÕW

³ «Zu-nʋ̃ɔ̀ dem n'ɩ a bɛlɩ dem na ɩ nan dem a bɛ pʋ-tɩɛrʋ pʋɔ a, bɛlɛ so a tẽ-vla Naalʋ.

Matie 5:3 ပူးပေါင်းရင်းမြစ်များ

2 Bibie za yel-manɩ 33:12

A ʋ kpɩɛrʋ pʋɔ a, a Manase tɩ lɔb'ɩ nuru zɛlɩ nɩ a Sore ʋ Naaŋmɩn: ʋ tɩ sàw nɩ a ʋ sãwna a ʋ sãà mɩnɛ Naaŋmɩn niŋé,

2 Bibie za yel-manɩ 33:19

A ʋ puoru nɩ a lɛ a Naaŋmɩn na sàw de a a, a ʋ yel-bebe nɩ a lɛ za ʋ na zawrɩ a Naaŋmɩn bɛr a, a ziir al ʋ na ƴãw a maalʋ-ziir, ɛ́ bà dà-barɩ nɩ ŋmɩmɛ dasuli ɛ́ wa bãw sàw a ʋ sãwna a Naaŋmɩn niŋé a, a za sɛb'a ƴãw a Hozaɩ ɩ-ɩrɩ sɛbɛ pʋɔ.

2 Bibie za yel-manɩ 33:23

Ɛcɛ ʋ bɛ sàw a ʋ sãwna a Sore niŋé ɩ, mɛ̃ a lɛ a ʋ sãà Manase na tɩ ɩ a. Ʋ nɩ̃ɛ na maalɩ yel-bebe yaga yaga zuo ʋ.

2 Bibie za yel-manɩ 34:27

A dam'ɩ a fʋ socir, fʋ siwri fʋ tʋɔra a ɩ̃ niŋé, fʋ na wõ a lɛ ɩ̃ na yel a Zerizalɛm nɩ a ʋ nɩbɛ ƴãw a zũú, fʋ taw nɩ a fʋ kparɩ cɩɛrɩ ɛ́ kõ cir mʋta-kʋ̃ɔ. A na ɩ à ŋá a, a mãa mɩ̀ a, ɩ̃ wõ n a fʋ dem, mãa n'ʋ yere kʋ̀rɛ fʋ,

2 Bibie za yel-manɩ 7:14

a lɛn daar a, a ɩ̃ nɩ-bʋʋrɛ, a nɩ-bʋʋrɛ bɛl ɩ̃ na kʋ̀ a ɩ̃ yúor a, bɛlɛ wa siwri bɛ tʋɔra ɛ́ puore a, bɛlɛ wa bɔbr mɛ̃, ɛ́ zawrɩ a bɛ ɩ-faar bɛr a, a mãa, ɩ̃ na be n a salom zu ɛ́ bɛr wõ bɛ, ɩ̃ na dɩ n a bɛ yel-bebe suur kʋ̀ bɛ, ɛ́ lɛb maalɩ a tẽw ƴãw.

A Zɔb sɛbɛ 42:6

Lɛ so, ɩ̃ lɩɛb'ɩ a ɩ̃ ƴɛ̀rʋ ɩ̃ na tɩ ƴɛ̀r a bɛr, ɩ̃ sàw nɩ a ɩ̃ sãwna, ɛ́ siwre ɩ̃ tʋɔra zɩ̃ a tanɛ pʋɔ nɩ a tãpɛlʋ pʋɔ.

Sɛb-sõw yielu 1:1

Zu-nʋ̃ɔ̀ sob'ɩ a nɩr ʋl na bɛ tuur a nɩ-faar wulu a, na bɛ cɔwrɛ a yel-bebe dem a, na bɛ zɩnɛ a Naaŋmɩn-ɩ-laarbɛ sɔgɔ a!

Sɛb-sõw yielu 112:1

Aleluya! Zu-nʋ̃ɔ̀ sob'ɩ a nɩr na zɔrɛ a Sore, ɛ́ nɔnɛ a ʋ nɛ-ƴãwnɩ a.

Sɛb-sõw yielu 128:1

Zerizalɛm dob daar yielu. Zu-nʋ̃ɔ̀ dem'ɩ a bɛlɩ dem za na zɔrɛ a Sore, ɛ́ tuur a ʋ sɛ́ɛ a.

Sɛb-sõw yielu 146:5

Zu-nʋ̃ɔ̀ sob'ɩ sob nɛ a Zakɔb Naaŋmɩn na ɩ a sõwne a, ʋʋ mɩ́ ƴãw a ʋ tɩɛrʋ a Sore ʋ Naaŋmɩn ƴãw a!

Sɛb-sõw yielu 2:12

Nyɩ ƴãwnɛ ʋ, alɛ bɛ ɩ lɛ, ʋ nãà mab'a nyɛ̃ suur nyɩ kpi a sɔ́r zu, bʋ̃-bile blã, ɛ́ a ʋ suur mɩ́ 'lere na mɛ̃ vũu a. Zu-nʋ̃ɔ̀ dem'ɩ a bɛlɩ dem za na zɔrɛ kpɩɛr a ʋ naayir a!

Sɛb-sõw yielu 34:18

A nɩ-mɩn mɩ́ kõ na, a Sore wõ a, ɛ́ mɩ́ faa bɛ bɛr a bɛ kpɩɛrʋ za pʋɔ.

Sɛb-sõw yielu 41:1

Yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Sɛb-sõw yielu Daviir na maalɩ a n'ʋ.

Sɛb-sõw yielu 51:17

Sore e, yuo a ɩ̃ nʋɔr, ɩ̃ tʋ̃ɔ́ danɛ fʋ.

Sɛb-sõw yielu 84:12

Yel-mɩŋa, a Sore ɩ n mʋ̃tɔ̃w nɩ zɛbr-kur-pãgala. A Sore mɩ́ tɩr'ɩ a maalʋ nɩ a yúor, ʋ bɛ sɩbr bʋ̃-vla kãw za, a bɛlɩ dem na ɩrɛ vla a ɩ.

Zʋkpaɩ 16:19

Fʋ̃ʋ siwre fʋ tʋɔra lãw nɩ a nan dem a, alɛ sa fʋ na na lãw nɩ pɔ̀lʋ dem põ zɛb-tʋ̃ɔ́fʋ bome a.

Zʋkpaɩ 29:23

A nɩsaal pɔ̀lʋ na siwr'ʋ na, ɛcɛ su-siwra sob na nyɛ̃ nɩ ƴãwfʋ.

Zʋkpaɩ 8:32

«Ƴɛrɛŋa a, ɩ̃ bibiir i, nyɩ bɛrɛ wone mɛ̃. Zu-nʋ̃ɔ̀ dem'ɩ a bɛlɩ dem na tuur a lɛ ɩ̃ na yere a.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 61:1

A Sore Naaŋmɩn Vʋʋrʋ be n a ɩ̃ zu. Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃ k'ɩ̃ɩ tɩ yel yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ mɔwlɩ a pʋ-sãwna dem, k'ɩ̃ɩ tɩ hieri yel a nɩbɛ bɛ na diw cen nɩ a, kɛ́ bɛ na lɛb'a so bɛ tʋɔra, nɩ a nɩbɛ na be a gaso pʋɔ a, kɛ́ bɛ na lɛb'a nyɛ̃ a mʋ̃tɔ̃w cãà.

Ɩzayi 66:2

A bome á ŋá za a, ɩ̃ nuru n'a maalɩ a, mãa so a, a mãa Sore, mãa n'ʋ yere. Ɛcɛ a ʋlɩ sob ɩ̃ na mɩ́ jɩ́rɛ a, ʋlɛ n'ɩ a bãbàal, a pʋ-sãwna sob, a sob nɛ ɩ̃ na mɩ́ ƴɛ̀r ʋ màwr a.

Mise 6:8

Nɩsaal i, a Sore ɩ na fʋ bãw a ʋlɩ bom nɛ na vɩɛl a, nɩ a ʋlɩ bom nɛ ʋ na bɔbr a fʋ zie a: bom za bɛ n'ʋ, a bɛ ɩ kɛ́ fʋ tuur a yel-mɩnʋ, kɛ́ fʋ tɛr nɔ̃wfʋ ɩ-ɩrɩ, ɛ́ tɛr fʋ tʋɔra-siwru a fʋ Naaŋmɩn zie ɩ.

Matie 11:25

A lɛn daar, a Yeezu tɩ de nɩ a ƴɛ̀rʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a yã-bãwnbɛ nɩ a bãw-bãwnbɛ zie, ɛ́ wul a a bibi-cãpili a.

Matie 11:6

Zu-nʋ̃ɔ̀ sob'ɩ a ʋlɩ sob nɛ na kʋ̃ zawrɩ a ɩ̃ sàw-deb bɛr a.»

Matie 13:16

Ɛcɛ a nyɩɩm a, zu-nʋ̃ɔ̀ dem'ɩ nyɩ, a nyɩ mimie na nyɛrɛ, ɛ́ a nyɩ tobe wone a.

Matie 19:14

Lɛ n'a a Yeezu tɩ yel: «Nyɩ bɛr a bibiir bɛ wa a ɩ̃ zie, ɛ́ ta diwr bɛ bɛrɛ ɩ, bʋ̃ʋ n'ʋ vɛ̃, a bɛlɩ dem na ŋmɛ̃ taa nɩ bɛ a, bɛlɛ so a tẽ-vla Naalʋ.»

Matie 24:46

Zu-nʋ̃ɔ̀ sob'ɩ a tõ-tõ-bie ŋa, a ʋ zu-sob nãá wa ta nyɛ̃ ʋ tone a ton ŋa a.

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Matie 3:2

«Nyɩ lɩɛbɩ a nyɩ ɩb, a tẽ-vla Naalʋ pɩɛl'a.»

Matie 8:11

Ɩ̃ yere na kʋ̀rɛ nyɩ, nɩ-yaga na yi n saa-pɛrɩ́ nɩ mʋ̃tɔ̃w-kpɛb-lowr wa lãw nɩ a Abraham nɩ a Ɩzaakɩ nɩ a Zakɔb a tẽ-vla Naalʋ cuw dɩb pʋɔ,

Markɩ 10:14

A Yeezu na tɩ nyɛ̃ a lɛ a, ʋ nyɛ̃ nɩ suur, ɛ́ yel a ʋ po-tuurbɛ: «Nyɩ bɛr a bibiir bɛ wa a ɩ̃ zie, nyɩ ta diwr bɛ bɛrɛ ɩ, a bɛlɩ dem na ŋmɛ̃ taa nɩ bɛ a, bɛlɛ so a Naaŋmɩn Naalʋ.

Luka 11:28

Ɛcɛ a Yeezu ʋl tɩ sɔw ʋ na: «Zu-nʋ̃ɔ̀ dem nɩ̃ɛ n'ɩ a bɛlɩ dem na mɩ́ wõ a Naaŋmɩn ƴɛ̀rʋ, ɛ́ de tɛr a!»

Luka 18:14

Mãa n'ʋ yere kʋ̀rɛ nyɩ, a zuru-yar-diere ŋa tɩ páw nɩ a vɩɛlʋ lɛb siw kul'ɩ a ʋ yir, ɛ́ bɛr a Faarizɩ̃ɛ. Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Luka 22:29

Ɛ́ a mãa a, ɩ̃ so nɩ a naalʋ na kʋ̀ nyɩ, mɛ̃ a lɛ a ɩ̃ Sãà na so ʋ kʋ̀ m a:

Luka 22:30

nyɩ na dɩ na ɛ́ nyũ a ɩ̃ bʋ̃-dɩrɩ dɩb zie, a ɩ̃ naalʋ-dɩb daar, ɛ́ nyɩ na zɩ̃ n naalʋ-dà-kɔwr zuru maal'ɩ a Ɩsɩrayɛl dɔwlʋ pie nɩ ayi a ƴɛ̀rʋ.»

Luka 4:18

«A Sore Vʋʋrʋ siw mɛ̃ na, ʋ kaa na ír mɛ̃ ka nũu ƴãw mɛ̃ k'ɩ̃ɩ tɩ yel a Yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ hieri a faafʋ kʋ̀ a gaso pʋɔ dem, ɛ́ yel a zɔn kɛ́ bɛ na lɛb'a nyɛrɛ, k'ɩ̃ɩ tɩ faa a bɛlɩ dem bɛ na dɔwrɛ a,

Zã 20:29

A Yeezu tɩ yel ʋ na: «Fʋ na nyɛ̃ m a bɛ n'a fʋ sàw de e? Zu-nʋ̃ɔ̀ dem'ɩ a bɛl na bɛ nyɛ̃ ɛ́ sàw de a!»

Wulu-ayi-sob 8:2

Nyɩ lɛb tɩɛrɩ a sɔ́r ʋl za a Sore nyɩ Naaŋmɩn na ƴãw nyɩ cen a wɛja-kpalɛ pʋɔ, yome lɩz'a ayi a. Ʋ ɩ na nyɩ nyɛ̃ kpɩɛrʋ, k'ʋʋ ɩ nyɩ kaa, bãw ʋlɩ bom nɛ na be a nyɩ pʋ̃ɔmɩ a, ɛ́ mɩ̀ bãw, nyɩ na sàwr'ɩ a ʋ nɛ-ƴãwnɩ bɩɩ nyɩ kʋ̃ sàwr.

Zakɩ 1:10

ɛ́ a yɛb ʋl na tɛr a a, ʋ cɩlɛ a Naaŋmɩn na siwre ʋ a ƴãw. Bʋ̃ʋ n'ʋ vɛ̃, ʋ na tɔl'a mɛ̃ mɔ̃-puuru a.

Zakɩ 1:12

Zu-nʋ̃ɔ̀ sob'ɩ a nɩr ʋl na mɩ́ dɩ kanyir a kpɩɛrʋ pʋɔ a. Bɛlɛ wa ɩ ʋ kaa baar'a, ʋ na páw nɩ a dɛpaal-kpawʋɔ na ɩ a nyɔ-vʋʋrʋ na be kʋralɛ, a Naaŋmɩn na yel k'ʋʋ na kʋ̀ n a bɛlɩ dem na nɔnɛ ʋ a.

Zakɩ 2:5

Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?

Yel-wula 19:9

A malkɩ tɩ yel mɛ̃ na: «Sɛb yel: zu-nʋ̃ɔ̀ dem'ɩ a bɛl bɛ na bʋɔlɩ kɛ́ bɛ wa a Pele kul-taa cuw dɩb zie a.» Ʋ tɩ lɛb'a yel mɛ̃: «A ƴɛ̀rʋ á ŋá ɩ n Naaŋmɩn ƴɛ̀rʋ tɛɛ za.»

Yel-wula 22:14

Zu-nʋ̃ɔ̀ dem'ɩ a bɛlɩ dem na pɛ́wr a bɛ kparɩ, kɛ́ bɛ tʋ̃ɔ́ tɛr sɔ́r dɩ a nyɔ-vʋʋrʋ tɩɛ wɔmɛ, ɛ́ tu a dɩ̃dɛɛ ƴãw kpɛ a tẽw pʋɔ a.

Yel-wula 3:17

Fʋ yere nɩ à ŋá: “Ɩ̃ tɛr a na, ɩ̃ kpɛ n naalʋ, bom za tuo bɛ kpɩɛr mɛ̃ ɩ.” Ɛ́ nɩ̃ɛ bɛ bãw kɛ́ fʋ bɛ tɛr ŋmɛ̃a ɩ, kɛ́ fʋ ɩrɛ nɩ nɩbaalʋ, kɛ́ fʋ ɩ n nã́w sob, zɔ̃w ɛ́ ɩ ƴã-gan zawla ɩ!