Matie 5:18 - A SƐB-SÕW

¹⁸ Yel-mɩŋa sɩza, ɩ̃ yere na kʋ̀rɛ nyɩ: a lɛn daar za a salom nɩ a tẽw na na cãà be a, kan-bi-pʋrɩ kãw za nɩ kan-bi-ŋmale kãw za kʋ̃ yi zaa a Wulu pʋɔ ɩ, ɛ́ gù a yele za baarʋ daar.

Matie 5:18 ပူးပေါင်းရင်းမြစ်များ

Sɛb-sõw yielu 102:26

Fʋ̃ʋ n'ʋ ír a tẽw a koro za, ɛ́ a fʋ nuru n'a maalɩ a salom.

Sɛb-sõw yielu 111:8

A bɛ lɩɛbɛ towtow ɛ, a na ɩ yel-mɩŋa ɛ́ tu sɔ́r a ƴãw.

Sɛb-sõw yielu 119:152

Koro za n'a ɩ̃ bãwnɩ k'aa lɛ fʋ na yel a be n be kʋralɛ.

Ɩzayi 40:8

A mʋ̃ɔ mɩ́ ko na ɛ́ a va-puuru vàr, ɛcɛ a Sore tɩ Naaŋmɩn ƴɛ̀rʋ na be n be kʋralɛ.»

Ɩzayi 44:26

Ɛcɛ ɩ̃ mɩ́ ɩ n a ɩ̃ tõ-tõ-bie ƴɛ̀rʋ tu, ɛ́ ɩ a lɛ a ɩ̃ nɩ-toni na yel a maalɩ. Ɩ̃ yere nɩ a Zerizalɛm ƴãw: “Nɩbɛ na lɛb'a kpɛ ʋ, bɛ na lɛb a libri a ʋ deboru”. Ɩ̃ yere nɩ a Zuda tẽ-bɛrɛ ƴãw: “Bɛ na lɛb'a mɛ a”.

Ɩzayi 51:6

Nyɩ úori a salom nyɛlɛ, al pùorí nyɩ jɩ́r a tẽw a pile ka: a salom na bɔr a mɛ̃ zʋ̀ʋ́r a, a tẽw na zaw na mɛ̃ kparʋ a, ɛ́ a ʋ nɩbɛ kpiir mɛ̃ nazʋʋr a. Ɛcɛ a ɩ̃ faafʋ na be n be kʋralɛ, ɛ́ a mɩnʋ ɩ̃ na waar'ɩ a kʋ̃ tɛr baarʋ daar ɛ.

Matie 10:15

Yel-mɩŋa sɩza, ɩ̃ yere na kʋ̀rɛ nyɩ, a ƴɛ̀rʋ-dɩb bibir a, bɛ kʋ̃ dɔwrɩ a Sodɔm nɩ a Gomɔɔr ten dem man a tẽw nɛ dem ɛ.»

Matie 10:23

Bɛlɛ wa diwr nyɩ tẽw kãw a, nyɩɩm zɔ cen tẽ-yũo pʋɔ, yel-mɩŋa sɩza, ɩ̃ yere kʋ̀rɛ nyɩ, nyɩ kʋ̃ zɔ cɔlɩ a Ɩsɩrayɛl ten baarɩ ɛ, ɛcɛ a Nɩsaal Bie wa.

Matie 10:42

Yel-mɩŋa sɩza, ɩ̃ yere na kʋ̀rɛ nyɩ, nɩr na ƴãw a bibi-cãpili bɛ ŋa kãw ʋ nyũ, ŋmale pʋɔ kʋ̃ɔ ɓaarʋ saa n'a a, ʋ na ɩ a ɩ̃ po-tuure a ƴãw a, ʋ kʋ̃ guu a ʋ maalʋ ɛ.»

Matie 11:11

Yel-mɩŋa sɩza, ɩ̃ yere na kʋ̀rɛ nyɩ, a pɔwbɛ bʋ̃-dɔwrɩ za pʋɔ a, kãw za bɛ be be ɩ kpɛ̃ɛ zuo a Zã-Bati ɛ, ɛcɛ a tẽ-vla Naalʋ pʋɔ nɩ-pʋrɩ pʋrɩ ɩ n kpɛ̃ɛ zuo ʋ.

Matie 13:17

Yel-mɩŋa sɩza, ɩ̃ yere na kʋ̀rɛ nyɩ, naaŋmɩn-ƴɛ̀r-manbɛ yaga nɩ nɩ-mɩn yaga tɩ bɔbr'a kɛ́ bɛ nyɛ̃ a yele á ŋá nyɩ na nyɛrɛ a, ɛ́ bɛ nyɛ̃ a ɩ, kɛ́ bɛ wõ a yele á ŋá nyɩ na wone a, ɛ́ bɛ wõ a ɩ.»

Matie 16:28

Yel-mɩŋa sɩza, ɩ̃ yere na kʋ̀rɛ nyɩ, a nɩbɛ na be a ka a, a bɛ pʋɔ a, bɛ mɩnɛ na nyɛ̃ nɩ a Nɩsaal Bie ʋ waar mɛ̃ nãà a, ɛ́ bɛ bãw kpi.»

Matie 17:20

Ʋ tɩ sɔw bɛ na: «A nyɩ naaŋmɩn-sàw-deb na dɩ nã́w a n'a so. Yel-mɩŋa sɩza ɩ̃ yere na kʋ̀rɛ nyɩ, a nyɩ naaŋmɩn-sàw-deb tɩ bɛrmɛ mɛ̃ seneve bir a, nyɩ nãá mɩ́ yel'ɩ a tãw ŋa: “Ìr a ka ɛ́ cen ka”, ʋʋ nãá mɩ́ cen na, ɛ́ nyɩ kʋ̃ʋ mɩ́ ɩ bom za gu ɛ. [

Matie 18:18

«Yel-mɩŋa sɩza, ɩ̃ yere na kʋ̀rɛ nyɩ, bom nɛ za nyɩ na na 'lẽ a tẽw zu ka a, mɩ̀ na 'lẽ nɩ a tẽ-vla pʋɔ, ɛ́ bom nɛ za nyɩ na na cɛ̀r bɛr a tẽw zu ka a, mɩ̀ na cɛ̀r'ɩ a tẽ-vla pʋɔ.»

Matie 18:3

ɛ́ yel: «Yel-mɩŋa sɩza, ɩ̃ yere na kʋ̀rɛ nyɩ, nyɩmɛ bɛ wa lɩɛbɩ a nyɩ ɩb ŋmɛ̃ mɛ̃ a bibi-cãpili a, nyɩ kʋ̃ kpɛ a tẽ-vla Naalʋ pʋɔ ɩ.

Matie 19:23

Lɛ n'a a Yeezu tɩ yel a ʋ po-tuurbɛ: «Yel-mɩŋa sɩza, ɩ̃ yere na kʋ̀rɛ nyɩ: nɩr na kpɛ naalʋ a, a ʋ tẽ-vla Naalʋ pʋɔ kpɛb na kpɛmɛ na.

Matie 19:28

A Yeezu tɩ yel bɛ na: «Yel-mɩŋa sɩza, ɩ̃ yere na kʋ̀rɛ nyɩ, a lɛn daar a yele nãà wa lɩɛbɛ paalɛ a, a lɛn daar a Nɩsaal Bie nãà wa zɩ̃ a ʋ yúor-vɩɛlʋ-danʋ naalʋ-dà-kɔw zu a, a nyɩɩm na tu m a, nyɩ mɩ̀ na zɩ̃ n naalʋ-dà-kɔwr pie nɩ ayi zu, kɛ́ nyɩ maal'ɩ a Ɩsɩrayɛl yie dɔwlʋ pie nɩ ayi a ƴɛ̀rʋ.

Matie 21:21

A Yeezu tɩ sɔw bɛ na: «Yel-mɩŋa sɩza, ɩ̃ yere na kʋ̀rɛ nyɩ: bibir kãw nyɩmɛ wa tɛr a naaŋmɩn-sàwfʋ ɛ́ bɛ bʋ́nɛ a, à à ŋá ɩ̃ na ɩ a kãkã-tɩɛ a, lɛ tɛwr bɛ n'a nyɩ na mɩ́ tʋ̃ɔ́ ɩ ɛ, ɛcɛ nyɩmɛ mɩ̀ saa mɩ́ yel a tãw ŋa: “Ìr a ka tɩ lo a kʋ̃ɔ-kpɛ̃ɛ pʋɔ a”, a na tu n a lɛ.

Matie 21:31

A bɛ ayi pʋɔ a, buor sob'ʋ maalɩ a ʋ sãà pʋ-tɩɛrʋ?» Bɛ tɩ sɔw na: «A dãw-niwn sob'ʋ.» Lɛ n'a a Yeezu tɩ yel bɛ: «Yel-mɩŋa sɩza, ɩ̃ yere na kʋ̀rɛ nyɩ: zuru-yar-dierbɛ nɩ pɔw-yɛmɛ na dãw nyɩ nɩ a Naaŋmɩn Naalʋ pʋɔ.

Matie 23:36

Yel-mɩŋa sɩza, ɩ̃ yere na kʋ̀rɛ nyɩ, à á ŋá za na lɛb'a lo a dɩ̃a nɩbɛ bɛ ŋa zu.»

Matie 24:2

Ʋ tɩ de nɩ a ƴɛ̀rʋ yel bɛ: «Mɛ̃ nyɩ taa nyɛ̃ à á ŋá za? Yel-mɩŋa sɩza, ɩ̃ yere na kʋ̀rɛ nyɩ, kʋsɩɛr kʋ̃ cãà dɔwlɩ kʋsɩɛr zu a ka ɩ: bɛ na ŋmɛr'ɩ a za bɛr.»

Matie 24:47

Yel-mɩŋa sɩza, ɩ̃ yere na kʋ̀rɛ nyɩ, a zu-sob na ƴãw na ʋ kaarɛ a ʋ bʋ̃-tɛrɩ za zie.

Matie 25:12

Ɛcɛ ʋ tɩ sɔw na: “Yel-mɩŋa sɩza, ɩ̃ yere na kʋ̀rɛ nyɩ, ɩ̃ bɛ bãw nyɩ ɛ.”»

Matie 25:40

A nãà na sɔw bɛ na: “Yel-mɩŋa sɩza, ɩ̃ yere na kʋ̀rɛ nyɩ, sãw nɛ za nyɩ na ɩ à à ŋá a pʋrmɛ bɛ ŋa kãw zie na ɩ a ɩ̃ yɛbr a, mãa zie n'a nyɩ ɩ a lɛ.”

Matie 25:45

A nãà na sɔw bɛ na: “Yel-mɩŋa sɩza, ɩ̃ yere na kʋ̀rɛ nyɩ, sãw nɛ za nyɩ na bɛ ɩ à à ŋá a pʋrmɛ bɛ ŋa kãw zie a, mãa zie mɩ̀ n'a nyɩ bɛ ɩ a lɛ ɩ.”

Matie 5:26

Yel-mɩŋa sɩza, ɩ̃ yere na kʋ̀rɛ fʋ: fʋ̃ʋ bɛ wa ya tɩ tɔ a wɛ-bi-pɛ-baara a, fʋ bɛ be za na yi a be ɩ.»

Matie 6:16

«Nyɩmɛ mɩ́ wa tɛr a mʋta-tuo a, nyɩ ta mɩ́ kʋɔlɛ mɛ̃ a nɩsaal-libelibe a ɩ, bɛ mɩ́ sãw nɩ niwn k'aa nɩbɛ za nyɛ̃ bɛ na tɛr a mʋta-tuo a. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ.

Matie 6:2

A na ɩ à ŋá a, fʋ̃ʋ wa kʋ̀rɛ bom nɩ-kɔmɛ a, ta ɩrɛ gɔmɛ a nɩbɛ niŋé mɛ̃ a lɛ a nɩsaal-libelibe na mɩ́ ɩrɛ a puoru-diru pʋɔ nɩ a sɛ́ɛ pʋɔ, k'aa nɩbɛ tʋ̃ɔ́ danɛ bɛ a ɩ. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ baarɩ.

Matie 8:10

A Yeezu na tɩ wõ a ƴɛ̀r-bie á ŋá a, ʋ nyɔw nɩ nʋɔr, ɛ́ yel a bɛlɩ dem na tɩ tuur ʋ a: «Yel-mɩŋa sɩza, ɩ̃ yere na kʋ̀rɛ nyɩ: ɩ̃ bɛ nyɛ̃ a naaŋmɩn-sàwfʋ ŋa tɔ nɩr kãw za zie a Ɩsɩrayɛl tẽw pʋɔ ɩ.

Markɩ 10:15

Yel-mɩŋa sɩza, ɩ̃ yere na kʋ̀rɛ nyɩ, nɩr bɛ wa dier a Naaŋmɩn Naalʋ yele mɛ̃ bibile a, ʋ bɛ be na kpɛ ʋ pʋɔ ɩ.»

Markɩ 10:29

A Yeezu tɩ sɔw ʋ na: «Yel-mɩŋa sɩza n'a ɩ̃ yere kʋ̀rɛ nyɩ: nɩr kʋ̃ zawrɩ ʋ yir, ʋ yɛbr, ʋ yeepuuli, ʋ mã, ʋ sãà, ʋ bibiir nɩ a ʋ póru bɛr, a mãa nɩ a Yel-nʋ̃ɔ̀ ƴãw,

Markɩ 11:23

Yel-mɩŋa sɩza n'a ɩ̃ yere kʋ̀rɛ nyɩ, nɩr wa yel a tãw ŋa: “Ìr a ka cen tɩ lo kʋ̃ɔ-kpɛ̃ɛ pʋɔ”, ɛ́ bɛ bʋ́nɛ a ʋ tɩɛrʋ pʋɔ, ɛ́ sàw de nɩ ʋ pʋɔ za k'aa na tu n a lɛ a, ʋ na nyɛ̃ na a tu a lɛ a ʋ zie.

Markɩ 12:43

A Yeezu tɩ bʋɔl'ɩ a ʋ po-tuurbɛ tɩ yel bɛ: «Yel-mɩŋa sɩza, ɩ̃ yere na kʋ̀rɛ nyɩ, a pɔw-kʋɔr nã́w sob ŋa ƴãw na zuo a nɩbɛ za na ƴãw a libie a daga pʋɔ a.

Markɩ 13:30

Yel-mɩŋa sɩza n'a ɩ̃ yere kʋ̀rɛ nyɩ, a dɩ̃a nɩbɛ bɛ ŋa kʋ̃ kpi baarɩ sɛr ɛ, ɛcɛ a yele á ŋá ta.

Markɩ 14:18

Bɛ na tɩ zɩ̃ dɩrɛ a, a Yeezu tɩ yel'a: «Yel-mɩŋa sɩza, ɩ̃ yere na kʋ̀rɛ nyɩ, a nyɩ kãw na lãw dɩrɛ nɩ mɛ̃ a, na mɩl mɛ̃ na nyɔw tɩr.»

Markɩ 14:25

Yel-mɩŋa sɩza, ɩ̃ yere na kʋ̀rɛ nyɩ, ɩ̃ kʋ̃ lɛb nyũ a divɛ̃ towtow ɛ, ɛ́ gùre a ʋlɩ bibir nɛ ɩ̃ na na lɛb nyũ a, a ɩ dã-paala a Naaŋmɩn Naalʋ pʋɔ a.»

Markɩ 14:30

A Yeezu sɔw yel ʋ: «Yel-mɩŋa sɩza, ɩ̃ yere na kʋrɛ fʋ, a fʋ̃ʋ tɔr za a, a dɩ̃a tɩ̃ɩsɔw, nʋra kʋ̃ kõ gb'a ayi sɛr ɛ, ɛ́ fʋ ciiri gb'a ata ɛ́ fʋ bɛ bãw mɛ̃ ɩ.»

Markɩ 14:9

Yel-mɩŋa sɩza n'a ɩ̃ yere kʋ̀rɛ nyɩ: zie nɛ za bɛ nãà wa hiere a Yel-nʋ̃ɔ̀ a tẽ-daa za zu a, bɛ mɩ̀ na mɩ́ manɩ nɩ à á ŋá a pɔw ŋa na ɩ a, cãà tɩɛrɛ nɩ a ʋ yele.»

Markɩ 3:28

Sɩza n'a ɩ̃ yere kʋ̀rɛ nyɩ, bɛ na dɩ n a nɩsaalbɛ yel-bebe za suur kʋ̀ bɛ, lãwnɩ a zʋmɛ al za bɛ nãà wa tʋ a Naaŋmɩn a.

Markɩ 6:11

Zie kãw dem bɛ wa sàw de nyɩ a, ɛ́ bɛ bɛrɛ wone a nyɩ ƴɛ̀rʋ a, nyɩɩm yi a be ɛ́ tɛb tɛb a nyɩ gbɛ́ɛ uuru bɛr, a na wul bɛ na kɛ́ bɛ sãw na.»

Markɩ 8:12

A Yeezu vʋʋrɩ fãaa, ɛ́ yel: «Bʋ̃ʋ n'ʋ so a dɩ̃a nɩbɛ bɛ ŋa bɔbr kɛ́ bɛ nyɛ̃ bãwfʋ? Yel-mɩŋa n'a ɩ̃ yere kʋ̀rɛ nyɩ, a dɩ̃a nɩbɛ bɛ ŋa bɛ nyɛrɛ bãwfʋ been kãw za ɩ.»

Markɩ 9:1

A Yeezu tɩ cãà na yere kʋ̀rɛ bɛ: «Yel-mɩŋa sɩza, ɩ̃ yere na kʋ̀rɛ nyɩ, a nɩbɛ na be a ka a, bɛ mɩnɛ na nyɛ̃ nɩ a Naaŋmɩn Naalʋ ʋ ta nɩ fãw, ɛ́ bɛ bãw kpi.»

Markɩ 9:41

Ɛ́ sob nɛ za nãà wa kʋ̀ nyɩ ŋmale pʋɔ kʋ̃ɔ, nyɩ na ɩ kɩrɩta-nɩbɛ a ƴãw a, yel-mɩŋa sɩza, ɩ̃ yere na kʋ̀rɛ nyɩ, ʋ kʋ̃ guu a ʋ sã-ya ɩ.»

Luka 11:51

a na tĩ a Abɛl tɩ ta n a Zakari bɛ na kʋ a bàwr-maal-kuur nɩ a zi-sõw cará a. Yel-mɩŋa sɩza, ɩ̃ yere na kʋ̀rɛ nyɩ, a dɩ̃a nɩbɛ bɛ ŋa na nyɛ̃ nɩ dɔwrʋ a yele á ŋá ƴãw.

Luka 12:37

Zu-nʋ̃ɔ̀ dem'ɩ a tõ-tõ-biir bɛl, a bɛ zu-sob nãà wa ta nyɛ̃ bɛ bɛr gʋ̃ɔ ɛ́ zɩ̃ gùre ʋ a! Sɩza n'a ɩ̃ yere kʋ̀rɛ nyɩ: ʋl mɩŋa na su n a ʋ tõ-tõ-kparɩ, ɛ́ ƴãw bɛ zɩ̃, ʋ kʋ̀ bɛ a bʋ̃-dɩrɩ.

Luka 13:35

Alɛ so, Naaŋmɩn na zawr'ɩ a nyɩ yir bɛr kʋ̀ nyɩ. Ɩ̃ɩ yere na kʋ̀rɛ nyɩ, nyɩ kʋ̃ lɛb nyɛ̃ m ɛ́ tɩ ta a lɛn daar nyɩ nãà wa yel: “A Naaŋmɩn, ʋ maalɩ a sob nɛ na waar a Sore yúor ƴãw a!”»

Luka 16:17

A salom nɩ a tẽw na tɔl'ɩ mɔlɛ lɛ zuo a Naaŋmɩn wulu yel-cãpile kãw za na na tɔl a.»

Luka 18:17

Yel-mɩŋa sɩza, ɩ̃ yere na kʋ̀rɛ nyɩ: nɩr bɛ wa sàw de a Naaŋmɩn Naalʋ mɛ̃ bibile a, ʋ kʋ̃ kpɛ a ʋ pʋɔ ɩ.»

Luka 18:29

A Yeezu tɩ sɔw bɛ na: «Yel-mɩŋa sɩza, ɩ̃ yere na kʋ̀rɛ nyɩ, sob nɛ na sàw bɛr a ʋ yir, a ʋ pɔw, a ʋ yɛbr, a ʋ nɩbɛ bɩɩ a ʋ bibiir a Naaŋmɩn Naalʋ ƴãw a,

Luka 23:43

A Yeezu lɛb yel ʋ: «Yel-mɩŋa sɩza n'a ɩ̃ yere kʋ̀rɛ fʋ, a dɩ̃a, fʋ na lãwnɩ mɛ̃ na be a tẽ-vla pʋɔ.»

Luka 4:24

A Yeezu tɩ lɛb'a yel ƴãw pʋɔ: «Sɩza n'a ɩ̃ yere kʋ̀rɛ nyɩ: nɩr bɛ dier naaŋmɩn-ƴɛ̀r-manɛ yele a ʋ tẽ-dɔwra pʋɔ ɩ.

Zã 1:51

A Yeezu tɩ cãà na yel ƴãw pʋɔ: «Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩ na nyɛ̃ nɩ a salom ʋ yuo, ɛ́ a Naaŋmɩn malkɩ mɩnɛ be a Nɩsaal Bie zu-sɔw siwr ɛ́ dúor.»

Zã 10:1

«Yel-mɩŋa sɩza sɩza n'a ɩ̃ yere kʋ̀rɛ nyɩ, ʋlɩ sob na bɛ tuur a zaw dɩ̃dɔr ƴãw kpɩɛr a píir zaw pʋɔ, ɛ́ mɩ́ tu zi-yoru do kpɛ a, ʋ ɩ n nyãnyuge, nyãnyu-nɩ-kʋrɛ.

Zã 10:7

A Yeezu tɩ lɛb'a yel bɛ: «Yel-mɩŋa sɩza sɩza n'a ɩ̃ yere kʋ̀rɛ nyɩ: mãa n'ɩ a píir zaw dɩ̃dɔr.

Zã 12:24

Yel-mɩŋa sɩza sɩza n'a ɩ̃ yere kʋ̀rɛ nyɩ: a ka-bir wa lo a tẽw bɛ wɛ a, ʋ mɩ́ gã nɩ ʋ yõ. Ɛcɛ ʋlɛ wa wɛ a, ʋ mɩ́ wɔ̃ n wɔmɛ yaga.

Zã 13:16

Yel-mɩŋa sɩza sɩza n'a ɩ̃ yere kʋ̀rɛ nyɩ: tõ-tõ-bie bɛ zuore a ʋ nɩ-kpɛ̃ɛ ɩ, ɛ́ nɩr bɛ na tõ a, bɛ zuore a ʋlɩ sob nɛ na tõ ʋ a ɩ.

Zã 13:38

A Yeezu tɩ yel ʋ na: «Fʋ na de nɩ a fʋ nyɔ-vʋʋrʋ tɩr a ɩ̃ ƴãw yaa? Yel-mɩŋa sɩza sɩza, ɩ̃ yere na kʋ̀rɛ fʋ, nʋra kʋ̃ kõ sɛr ɛ, ɛ́ fʋ na ciir'ɩ gb'a ata kɛ́ fʋ bɛ bãw mɛ̃ ɩ.»

Zã 14:12

Yel-mɩŋa sɩza sɩza n'a ɩ̃ yere kʋ̀rɛ nyɩ, ʋlɩ sob na sàw de m a, ʋ mɩ̀ na tõ n a tome ɩ̃ na tõ a, ʋ na tõ n tõ-bɛrɛ gãw lɛ mɩ̀: ɩ̃ na cere a Naaŋmɩn Sãà zie a ƴãw.

Zã 16:20

Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩ na tɛr'ɩ pʋ-sãwna kone ŋmɩɛr'ɩ cɛlsɩ ɛ́ a tẽ-daa cɩlɛ. Nyɩ na tɛr'ɩ pʋ-sãwna, ɛcɛ a nyɩ kpɩɛrʋ na lɩɛb'ɩ nʋ̃ɔ̀.

Zã 16:23

«A na ɩ à ŋá a, a ʋlɩ bibir nɛ a, nyɩ kʋ̃ lɛb sowre mɛ̃ bom za ɩ. Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩmɛ wa zɛlɛ bom a ɩ̃ Sãà zie a ɩ̃ yúor ƴãw a, ʋ na kʋ̀ nyɩ na.

Zã 21:18

Yel-mɩŋa sɩza sɩza n'a ɩ̃ yere kʋ̀rɛ fʋ: fʋ na tɩ ɩ pɔlbile a lɛn daar a, fʋ mɩ́ tɩ sɛ n a fʋ kpàwr fʋ tʋɔra cere nɩ be fʋ na bɔbr a. Fʋ̃ʋ wa kor a, fʋ na mɩ́ zɛw nɩ a kpãkpamɛ ɛ́ nɩ-yũo sɛ b a kpàwr, ɛ́ tɛr fʋ cere nɩ ʋlɩ zie nɛ fʋ na bɛ bɔbr a.»

Zã 3:11

Yel-mɩŋa sɩza sɩza, ɩ̃ yere na kʋ̀rɛ fʋ: bom tɩ na bãw a ƴɛ̀rʋ n'a tɩ ƴɛ̀rɛ, bom tɩ na nyɛ̃ a dãsɩɛ n'a tɩ dɩrɛ, ɛ́ nyɩ bɛ sàw dier a tɩ dãsɩɛ ɩ.

Zã 3:3

A Yeezu tɩ sɔw ʋ na: «Yel-mɩŋa sɩza sɩza n'a ɩ̃ yere kʋ̀rɛ fʋ: nɩr bɛ wa lɛb dɔw a, ʋ kʋ̃ tʋ̃ɔ́ nyɛ̃ a Naaŋmɩn Naalʋ ɛ.»

Zã 3:5

A Yeezu tɩ sɔw na: «Yel-mɩŋa sɩza sɩza n'a ɩ̃ yere kʋ̀rɛ fʋ: sob nɛ za na bɛ lɛb dɔw kʋ̃ɔ nɩ Vʋʋrʋ Sõw pʋɔ dɔwfʋ a, ʋ kʋ̃ tʋ̃ɔ́ kpɛ a Naaŋmɩn Naalʋ pʋɔ ɩ.

Zã 5:19

A Yeezu tɩ lɛb'a yel bɛ: «Yel-mɩŋa sɩza sɩza n'a ɩ̃ yere kʋ̀rɛ nyɩ: a Bie kʋ̃ tʋ̃ɔ́ nyɛ̃ ʋ tʋɔra ɩrɛ bom ɛ. Bom nɛ ʋ na nyɛ̃ a Sãà ʋ ɩrɛ a, ʋl yõ n'ʋ ʋ mɩ̀ mɩ́ ɩrɛ. Bom nɛ a Sãà na mɩ́ ɩrɛ a, a Bie mɩ̀ mɩ́ ɩrɛ ʋ nɩ a lɛ tɔr za.

Zã 6:26

A Yeezu tɩ sɔw bɛ na: «Yel-mɩŋa sɩza sɩza n'a ɩ̃ yere kʋ̀rɛ nyɩ, yel-na-ɩ-bãwfʋ-sãá nyɩ nyɛ̃ a ƴãw bɛ n'a nyɩ bɔbr mɛ̃ ɩ, dipɛ̃ nyɩ na páw 'wɔb sɛw a ƴãw n'a.

Zã 6:32

A Yeezu tɩ yel bɛ na: «Yel-mɩŋa sɩza sɩza n'a ɩ̃ yere kʋ̀rɛ nyɩ: Moyiir bɛ n'ʋ kʋ̀ nyɩ a salom zu dipɛ̃ ɩ, ɩ̃ Sãà n'ʋ kʋ̀rɛ nyɩ a dipɛ̃-sɩza na yi a salom zu a.

Zã 6:47

Yel-mɩŋa sɩza sɩza n'a ɩ̃ yere kʋ̀rɛ nyɩ: ʋlɩ sob na sàw de a, ʋ tɛr'ɩ a nyɔ-vʋʋrʋ na be kʋralɛ a.

Zã 6:53

A Yeezu tɩ yel bɛ na: «Yel-mɩŋa sɩza sɩza n'a ɩ̃ yere kʋ̀rɛ nyɩ: nyɩmɛ bɛ wa 'wɔbr a Nɩsaal Bie ƴã-gã-nɛn, ɛ́ nyúur a ʋ zɩ̃ɩ a, a nyɔ-vʋʋrʋ kʋ̃ be a nyɩ zie ɩ.

Zã 8:34

A Yeezu tɩ sɔw bɛ na: «Yel-mɩŋa sɩza sɩza n'a ɩ̃ yere na kʋ̀rɛ nyɩ, sob nɛ na maalɛ yel-bier a, ʋ ɩ n a yel-bier gbãgbaa.

Zã 8:51

Yel-mɩŋa sɩza sɩza, ɩ̃ yere na kʋ̀rɛ nyɩ: nɩr wa dier a ɩ̃ ƴɛ̀rʋ a, ʋ bɛ be za na kpi ɛ.»

Zã 8:58

A Yeezu tɩ sɔw bɛ na: «Yel-mɩŋa sɩza sɩza, ɩ̃ yere na kʋ̀rɛ nyɩ, a Abraham na bɛ tɩ be sɛr a, ɩ̃ be na.»

1 Pɩɛr 1:25

ɛcɛ a Sore ƴɛ̀rʋ be n kʋralɛ.» Ɛ́ a ƴɛ̀rʋ ŋa n'ɩ a Yel-nʋ̃ɔ̀ bɛ na hieri kʋ̀ nyɩ a.

Yel-wula 20:11

Ɩ̃ lɛb tɩ nyɛ̃ nɩ naalʋ-dà-kɔw-pla kpɛ̃ɛ nɩ a sob nɛ na zɩ̃ a ʋ zu a. A tẽsɔw nɩ a salom tɩ bɔr'ɩ a ʋ niŋé, bɛ bɛ lɛb nyɛ̃ a ɩ.