Matie 4:4 - A SƐB-SÕW

⁴ Ɛcɛ a Yeezu tɩ sɔw na: «Bɛ sɛb'ɩ à ŋá: “Bʋ̃-dɩrɩ tɛwr bɛ n'a guole a nɩsaal ɛ, ƴɛ̀rʋ za na yire a Naaŋmɩn nʋɔrɩ́ a, mɩ̀ guole ʋ na.”»

Matie 4:4 ပူးပေါင်းရင်းမြစ်များ

Eziptɩ tẽw yib 16:15

A Ɩsɩrayɛl nɩbɛ tɩ jɩ́r'a kaa, ɛ́ sowre taa: «Bʋ̃ʋ n'a?» Bɛ sɩrɩ bɛ tɩ bãw alɩ bome nɛ na n'a a ɩ. A Moyiir tɩ sɔw bɛ: «A dipɛ̃ a Sore na kʋ̀rɛ nyɩ kɛ́ nyɩ 'wɔb a n'a.

Eziptɩ tẽw yib 16:35

A Ɩsɩrayɛl nɩbɛ tɩ dɩ n a mãan yome lɩz'a ayi, ɛ́ gù bɛ wa tɩ ta tẽw nɩbɛ na kpɩɛr a. A mãan n'a bɛ tɩ dɩrɛ tɩ ta n a Kanãa tẽw tʋr-bɔw ƴãw.

Eziptɩ tẽw yib 16:8

A Moyiir tɩ cãà na yel: «Nyɩ na nyɛ̃ na bãw k'aa Sore n'ʋ, a lɛn daar ʋ nãà wa kʋ̀ nyɩ nɛn nyɩ 'wɔb a zaanʋɔra, ɛ́ a biɓaara ʋ kʋ̀ nyɩ dipɛ̃ a man nyɩ a. Bʋ̃ʋ n'ʋ vɛ̃, a Sore wõ n a zɛbr nyɩ na zɛbr'ɩ ʋ a. A tɩɩm a, tɩmɛ mɩ̀ n'ɩ ã-mɩnɛ? Tɩmɛ bɛ nɛbɛ nyɩ zɛbr'ɩ ɛ, a Sore sɩrɩ n'ʋ nyɩ zɛbr'ɩ.»

Eziptɩ tẽw yib 23:15

A dãw-niwn sob na ɩ n a dipɛ̃ na bɛ ƴãw dãbɩl a cuw: a Abɩb cuw pʋɔ a, nyɩ na 'wɔbr'ɩ dipɛ̃ na bɛ ƴãw dãbɩl a bibie ayopõi ƴãw, mɛ̃ a lɛ ɩ̃ na yel kʋ̀ nyɩ a. Bʋ̃ʋ n'ʋ vɛ̃, a cuw ʋl pʋɔ n'a nyɩ yi a Eziptɩ. Nyɩ bɛ waar wa nyɛrɛ mɛ̃ nɩ nũ-zawlɛ ɩ.

Matie 15:11

Bom nɛ na kpɩɛr a nʋɔrɩ́ a, ʋlɛ bɛ n'ʋ dɛwr a nɩsaal ɛ. Bom nɛ na yire a nʋɔrɩ́ a, ʋlɛ n'ʋ dɛwr a nɩsaal.»

Matie 4:10

Lɛ n'a a Yeezu yel ʋ: «Cen taw zaa, Sɩtaana a! Bɛ sɛb'a: “A Sore fʋ Naaŋmɩn yõ n'ʋ fʋ na mɩ́ lo gbĩ dume puori nɩ fʋ tʋɔra-siwru, ʋl yõ n'ʋ fʋ na maalɛ.”»

Matie 4:7

A Yeezu tɩ sɔw na: «Bɛ mɩ̀ cãà na sɛb: “Fʋ kʋ̃ ɩ a Sore fʋ Naaŋmɩn kaa ɩ.”»

Markɩ 7:20

Ʋ tɩ yere na: «Alɩ bome nɛ na yire a nɩsaal pʋ̃ɔmɩ a, alɛ n'a dɛwr a nɩsaal.

Luka 4:12

Ɛcɛ a Yeezu tɩ sɔw ʋ na: «Bɛ yel'a kɛ́: “Ta bɛlɩ a Sore fʋ Naaŋmɩn ɛ.”»

Luka 4:4

Ɛcɛ a Yeezu tɩ sɔw ʋ na: «Bɛ sɛb'a yel: “Bʋ̃-dɩrɩ tɛwr bɛ n'a guole a nɩsaal ɛ.”»

Luka 4:8

Ɛcɛ a Yeezu tɩ yel ʋ na: «Bɛ sɛb'a kɛ́: “A Sore fʋ Naaŋmɩn yõ n'ʋ fʋ na gbine dume puore nɩ fʋ tʋɔra-siwru, ʋl yõ n'ʋ fʋ na maalɛ.”»

Zã 15:26

Ɩ̃ na kʋ̀ nyɩ nɩ Gùre na na yi a ɩ̃ Sãà zie a. Ʋlɛ n'ɩ a yel-mɩŋa Vʋʋrʋ na yi a ɩ̃ Sãà zie a. Ʋlɛ wa wa a, ʋl mɩŋa na dɩ n a ɩ̃ dãsɩɛ.

Zã 6:63

A Naaŋmɩn Vʋʋrʋ n'ʋ tɩrɛ a nyɔ-vʋʋrʋ, nɩsaal yõ kʋ̃ tʋ̃ɔ́ ɩ ɩb kãw za ɩ. A ƴɛ̀r-bie ɩ̃ na ƴɛ̀r kʋ̀ nyɩ a, a ɩ n Vʋʋrʋ nɩ nyɔ-vʋʋrʋ.

Ʋrɔm 15:4

A yele al za na sɛb a Sɛb-sõw pʋɔ a koro za a, tɩɩm wulu ƴãw n'a a sɛb, k'aa su-nyɔwra nɩ a mɔwlʋ a na kʋ̀rɛ tɩ a zũú, tɩ tʋ̃ɔ́ tɛr a tɩɛrʋ a Naaŋmɩn ƴãw.

Efɛɛzɩ 6:17

Nyɩ sàw de a faafʋ mɛ̃ kpawɔ-kpow nyɩ na vɔblɩ a, ɛ́ tɛr a Vʋʋrʋ Sõw zɛbr-sɔ-kpɛ̃ɛ, a pɛr lɛ kɛ́ a Naaŋmɩn ƴɛ̀rʋ.

Wulu-ayi-sob 8:3

A na ɩ lɛ a, ʋ ɩ na nyɩ bãw a kpɩɛrʋ, ɛ́ ɩ nyɩ bãw a kɔ̃ tuo, al pùorí, ʋ kʋ̀ nyɩ a mãan nyɩ dɩ, a bʋ̃-dɩra ŋa nyɩɩm nɩ a nyɩ sãàkʋm-kore na bɛ tɩ bãw a. À ŋá a, ʋ wul nyɩ na kɛ́ bʋ̃-dɩra tɛwr bɛ n'a guole a nɩsaal ɛ, ƴɛ̀rʋ za na yire a Naaŋmɩn nʋɔrɩ́ a guole ʋ na.