Matie 4:24 - A SƐB-SÕW

²⁴ A ʋ yúor tɩ yi n a Siiri tẽw za, ɛ́ bɛ tɩ tɛr nɩbɛ, bàal-pɛ-bʋʋrɛ za nɩ wʋlɛ bʋʋrɛ za na tɩ fɛrɛ a, wa n a ʋ zie: kɔ̃tɔ̃-ìrbɛ, kũkũ-lorbɛ nɩ gbɛɛ. A Yeezu tɩ sanɩ bɛ na.

Matie 4:24 ပူးပေါင်းရင်းမြစ်များ

2 Samɩɛl 8:6

A Daviir tɩ zɩɩl'ɩ na-kpɛ̃ɛ-lɩɛrbɛ a Siiri tẽw dem ƴãw, bɛ lɩɛbɩ a Daviir tõ-tõ-biir, a fɛr kɛ́ bɛ yarɛ zu-yar. Zie nɛ za a Daviir na mɩ́ tɩ cen a zɛbr a, a Sore mɩ́ tɩ ɩ na ʋ zɛb tʋ̃ɔ́.

1 Na-mɩnɛ 10:1

A Saba tẽw pɔw-nãà tɩ wõ n a Salomɔ̃ yele, ìr wa k'ʋʋ wa sowr'ʋ sowru na kpɛmɛ a, ɩ ʋ kaa nyɛ̃ ʋ sɩrɩ na tɛr a yã-bãwfʋ ʋ.

1 Bibie za yel-manɩ 14:17

A lɛ n'a a Daviir yúor tɩ yi pàw a ten za, ɛ́ a Sore ɩ a nɩ-bʋʋr-yoru ten zɔrɛ ʋ.

1 Bibie za yel-manɩ 29:2

Nɩ ɩ̃ fãw za a, ɩ̃ cɔbrɩ nɩ a ɩ̃ Naaŋmɩn yir ƴãw: a salm-zɩɛ a salm-zɩɛ bome ƴãw, a salm-pla a salm-pla bome ƴãw, a kur-zɩɛ a kur-zɩɛ bome ƴãw, a kure a kure bome ƴãw, a dàar a dàar bome ƴãw, a onisɩ kʋsɛ-bi-nyɩlɩ nɩ a pɩ̃ɛmɛ kʋsɛbɛ, kʋsɛ-sɛblɛ nɩ kʋsɛ-zɩɩr zɩɩr, pɛlɛ pɛlɛ, ɓalɛ ɓalɛ nɩ kʋsɛ-vɩɛlɩ vɩɛlɩ pɛ-bʋʋrɛ za nɩ kʋsɛ-bɛrɛ bɛrɛ pɛlɛ bɛ dɩ vuo ɩ.

Eziptɩ tẽw yib 15:26

Ʋ tɩ yel bɛ na: «Nyɩmɛ wa sɩrɩ sàwr a mãa Sore nyɩ Naaŋmɩn nʋɔr, maalɛ a lɛ ɩ̃ na mɩ́ nyɛ̃ a tu sɔ́r a, nyɩmɛ wa bɛrɛ wone a ɩ̃ nɛ-ƴãwnɩ, ɛ́ tuur a ɩ̃ wulu za a, a bàalʋ ɩ̃ na ƴãw a Eziptɩ tẽw nɩbɛ a, ɩ̃ bɛ ƴãwnɛ nyɩ a bàalʋ á ŋá been kãw za ɩ. Bʋ̃ʋ n'ʋ vɛ̃, mãa n'ɩ a Sore na sanɛ nyɩ a.»

Matie 12:22

Lɛ n'a bɛ tɩ tɛr kɔ̃tɔ̃-ìre kãw, na ɩ zɔ̃w ɛ́ ɩ wõw-takpal a, wa n a Yeezu zie. Ʋ tɩ sanɩ ʋ na, ʋ ƴɛ̀rɛ ɛ́ nyɛrɛ.

Matie 14:1

A lɛn daar, a Galile tẽw nãà Erɔdɩ tɩ wõ na bɛ ƴɛ̀rɛ a Yeezu ƴɛ̀rʋ.

Matie 15:22

Kanãa tẽw pɔw kãw tɩ yi n a be wa ŋmɩɛr cɛlsɩ yere nɩ: «Sore e, Daviir bidɛb i, zɔ ɩ̃ nɩbaalʋ! Kɔ̃tɔn kãw dɔwrɛ nɩ a ɩ̃ pɔwyale bɛ dɩ vuo ɩ!»

Matie 17:15

ɛ́ yel: «Sore e, zɔ a ɩ̃ bie nɩbaalʋ. Ʋ lore nɩ kũkun ɛ́ a wone ʋ yaga za. Ʋ lore nɩ vũumí nɩ kʋ̃ɔmɩ́ kʋralɛ.

Matie 17:18

A Yeezu tɩ tanɩ nɩ a kɔ̃tɔn, ʋ yi zaa a bie zie, ʋʋ tɩ sanɩ a pɛr nɛ pʋɔ.

Matie 4:23

A Yeezu tɩ cɔlɛ nɩ a Galile tẽw za kanɛ nɩ a nɩbɛ a puoru-dirú, hiere nɩ a tẽ-vla Naalʋ Yel-nʋ̃ɔ̀, ɛ́ sanɛ bàal-pɛ-bʋʋrɛ za nɩ nɩ-kɔwlʋ bʋʋrɛ za a nɩbɛ zie.

Matie 8:28

A Yeezu na tɩ gãw a kʋ̃ɔ-kpɛ̃ɛ ta Gadara tẽw a, kɔ̃tɔ̃-ìrbɛ ayi kãw tɩ yi n yarʋ pʋɔ tuor'ʋ. A bɛ po-tuolu zũú, nɩr za bɛ tɩ sàw tuur a sɔ́r ʋl ɛ.

Matie 8:33

A doba-cɩ̃ɩnbɛ tɩ zɔ na kul a tẽw pʋɔ tɩ manɩ a za, lãwnɩ a kɔ̃tɔ̃-ìrbɛ yele.

Matie 8:6

yere nɩ: «Sore e, a ɩ̃ tõ-tõ-bie gbɛ̀r a gã a yir, ʋ wone nɩ tuo yaga za.»

Matie 9:26

A yel ŋa tɩ yi na pàw a zie ʋl za.

Matie 9:35

A Yeezu tɩ cɔlɛ nɩ a tẽ-bɛrɛ nɩ a teli, kanɛ nɩ a nɩbɛ a bɛ puoru-diru pʋɔ, ɛ́ hiere a tẽ-vla Naalʋ Yel-nʋ̃ɔ̀, ɛ́ sanɛ a bàalʋ za nɩ a nɩ-kɔwlʋ za.

Markɩ 1:28

Daadaalɛ, a Yeezu yúor tɩ yi n a Galile tẽw vuo za pʋɔ.

Markɩ 1:32

A zaanʋɔra na wa ta, a mʋ̃tɔ̃w kpɛ baarɩ a, a nɩbɛ tɛr'ɩ a bàalbɛ za nɩ a bɛlɩ dem za na ìre kɔ̃tɔmɛ a, wa n a Yeezu zie.

Markɩ 2:3

Nɩbɛ kãw tɩ wa tɛr'ɩ gbɛr wa n a ʋ zie, ƴãw nɩbɛ anaar tuo.

Markɩ 2:4

A nɩbɛ na tɩ yãwmɛ zuo bɛ kʋ̃ tʋ̃ɔ́ ta a ʋ niŋé a, bɛ do n a gàrʋ́ tɩ puo sule a be a Yeezu na be a, ɛ́ tur a gbɛr bɛr ʋ siw nɩ a ʋ bʋ̃-gana.

Markɩ 2:9

Abobe sob'a ɩ mɔlɛ zuo: ɩ̃ na na yel a gbɛr: “A fʋ yel-bebe suur dɩ na a”, bɩɩ ɩ̃ na na yel ʋ: “Ìr ɓáw a fʋ bʋ̃-gana cere nɩ a”?

Luka 2:2

A sɔ́rʋ dãw-niwn sob ŋa tɩ maal'ɩ a lɛn daar Kirinisi na tɩ ɩ a Ʋrɔm tẽw na-kpɛ̃ɛ-lɩɛrɛ a Siiri tẽw pʋɔ a.

Luka 4:14

A Yeezu tɩ lɛb'a wa a Galile, tɛr a Vʋʋrʋ Sõw kpɛnʋ, ɛ́ a ʋ yúor yi pàw a zie ʋl za.

Luka 4:38

A Yeezu na tɩ yi a puoru-dĩó a, ʋ cen nɩ Sɩmʋ̃ yir. Ƴã-tʋl-faa kãw tɩ tɛr'ɩ a Sɩmʋ̃ dɩɛm-mã. Bɛ tɩ zɛlɛ nɩ a Yeezu k'ʋʋ ɩ ɩb kãw a ʋ ƴãw.

Luka 5:15

A Yeezu yúor tɩ lɛb'a bãw yire yaga, ɛ́ zu-sɛbla na bɛ dɩ vuo a zɔrɛ gbone taa a ʋ zie kɛ́ bɛ tʋ̃ɔ́ bɛr wõ a ʋ ƴɛ̀rʋ, ʋʋ sanɩ a bɛ bàalʋ.

Luka 5:24

Ɛcɛ ɩ̃ bɔbr'a kɛ́ nyɩ bãwnɩ a, a Nɩsaal Bie tɛr'ɩ fãw a tẽw zu na tʋ̃ɔ́ dɩ a yel-bebe suur.» Lɛ n'a a Yeezu tɩ yel a gbɛr: «Ɩ̃ yere na kʋ̀rɛ fʋ, ìr ɓáw a fʋ bʋ̃-gana kule nɩ a fʋ yir.»

Luka 7:17

A Yel ŋa a Yeezu na tɩ maalɩ a, tɩ yi na làarɩ a Zude tẽw nɩ a ʋ tẽ-kõkowe za.

Zã 10:21

Ɛcɛ bɛ mɩnɛ tɩ yere na: «Kɔ̃tɔ̃-ìre ƴɛ̀rʋ bɛ n'ɩ à á ŋá ɩ. Kɔ̃tɔ̃-faa na tʋ̃ɔ́ na yuo zɔn mimie e?»

Nɩ-toni 10:38

a Nazarɛtɩ Yeezu yele, Naaŋmɩn paal'ʋ na nɩ a Vʋʋrʋ Sõw fãw. Be za ʋ na mɩ́ tɩ tɔlɛ a, ʋ mɩ́ tɩ maalɛ nɩ a nɩbɛ vla, ɛ́ sanɛ a bɛlɩ dem na be a Gɛgɛra gbãgbaalʋ pʋɔ a. Naaŋmɩn tɩ sɩrɩ na be a ʋ zie.

Nɩ-toni 15:23

Sɛbɛ ŋa n'ʋ bɛ tɩ kʋ̀ bɛ kɛ́ bɛ cen nɩ: «A Yeezu nɩ-toni nɩ a nɩ-kore, nyɩ yɛbr, puore nɩ a bɛ yɛbr bɛl na ɩ a nɩ-bʋʋr-yoru nɩbɛ ɛ́ be a Ãtɩɔsɩ, nɩ a Siiri nɩ a Silisi ten pʋɔ a.

Nɩ-toni 15:41

Ʋ tɩ cɔlɛ nɩ a Siiri nɩ a Silisi ten nyuwle a Lãw-yie naaŋmɩn-sàw-deb.

Nɩ-toni 28:9

Al pùorí, a kʋ̃ɔ-kpɛ̃ɛ-sɔgɔ-ten nɩbɛ za na tɩ ɩ bàalbɛ a, tɩ waar'ɩ a ʋ zie ʋ wa sanɛ bɛ.

Nɩ-toni 8:7

A kɔ̃tɔ̃-faar tɩ ŋmɩɛr'ɩ cɛlsɩ yire záarɛ nɩ a kɔ̃tɔ̃-ìrbɛ yaga zie. Nɩ-yaga na tɩ lore wɔblʋ bɩɩ gbɛr a tɩ sanɩ na.

Zozue 6:27

A Sore tɩ be n a Zozue zie, ɛ́ a Zozue yúor yi a tẽw za pʋɔ.