Matie 4:23 - A SƐB-SÕW

²³ A Yeezu tɩ cɔlɛ nɩ a Galile tẽw za kanɛ nɩ a nɩbɛ a puoru-dirú, hiere nɩ a tẽ-vla Naalʋ Yel-nʋ̃ɔ̀, ɛ́ sanɛ bàal-pɛ-bʋʋrɛ za nɩ nɩ-kɔwlʋ bʋʋrɛ za a nɩbɛ zie.

Matie 4:23 ပူးပေါင်းရင်းမြစ်များ

Sɛb-sõw yielu 103:3

Ʋlɛ n'ʋ mɩ́ dɩ a fʋ sãwna suur kʋ̀ b, ɛ́ sanɩ a fʋ bàalʋ za.

Sɛb-sõw yielu 74:8

Bɛ yel'ɩ bɛ tʋɔra: «Tɩ na tʋ̃ɔ́ bɛ nɩ pẽlẽpẽlẽ.» Bɛ nyɩw nɩ a Naaŋmɩn puoru ziir za bɛr a tẽw pʋɔ.

Matie 11:5

a zɔn nyɛrɛ na, a wʋbr cere dẽdẽ, a kɔn lɛb vɩɛl, ɛ́ a won wone, a kũuni lɛbr yire, ɛ́ a Yel-nʋ̃ɔ̀ hieri ta a nan dem.

Matie 12:9

A Yeezu tɩ yi n a be cen a bɛ puoru-dĩó.

Matie 13:19

A sɔ́r nʋɔr a bʋ̃-bie na lo a, ɩ n a bɛlɩ dem na mɩ́ wõ a tẽ-vla Naalʋ ƴɛ̀rʋ ɛ́ bɛ bãw a pɛr a. A Faalʋ sob mɩ́ wa na wa ír a al bɛ na bʋ̀r a bɛ socir pʋɔ a.

Matie 13:54

ɛ́ cen a tẽw ʋl pʋɔ ʋ na tɩ bàa a, tɩ kanɛ nɩ a nɩbɛ a bɛ puoru-dĩo pʋɔ, kanɩ kanʋ a ɓãá bɛ nʋɔr, bɛ yere: «Nyɩnɛ n'a ʋ páw a yã-bãwfʋ ŋa? Ŋmɩŋmɩn n'a ʋ mɩ́ tʋ̃ɔ́ maalɩ a nɔ-ɓãa-yele á ŋá?

Matie 14:14

Ʋ na tɩ siwr a gbor pʋɔ a, ʋ nyɛ̃ nɩ zu-sɛbla na bɛ dɩ vuo a. Nɩbaalʋ tɩ kpɛ ʋ nɩ a bɛ ƴãw, ʋ sanɩ a bɛ bàalbɛ.

Matie 24:14

A Naaŋmɩn Naalʋ Yel-nʋ̃ɔ̀ ŋa na hier'a tɔ a tẽ-daa za, k'aa ʋ dãsɩɛ tʋ̃ɔ́ dɩ a nɩ-bʋʋr-yoru za zie. Lɛn daar'a a baarʋ daar pãa na ta.»

Matie 3:2

«Nyɩ lɩɛbɩ a nyɩ ɩb, a tẽ-vla Naalʋ pɩɛl'a.»

Matie 9:35

A Yeezu tɩ cɔlɛ nɩ a tẽ-bɛrɛ nɩ a teli, kanɛ nɩ a nɩbɛ a bɛ puoru-diru pʋɔ, ɛ́ hiere a tẽ-vla Naalʋ Yel-nʋ̃ɔ̀, ɛ́ sanɛ a bàalʋ za nɩ a nɩ-kɔwlʋ za.

Markɩ 1:14

Bɛ na wa nyɔw a Zã pàw baar'a, a Yeezu tɩ wa n a Galile lowr wa hiere a Naaŋmɩn Yel-nʋ̃ɔ̀ yere nɩ:

Markɩ 1:21

A Yeezu nɩ a ʋ po-tuurbɛ tɩ kpɛ n a Kafarnawɔm tẽw pʋɔ. A pɩ̃ɛnʋ-bibir na wa vɩɛrɛ wa báarɛ a, a Yeezu tɩ kpɛ n a bɛ puoru-dĩó tɩ kanɛ nɩ a nɩbɛ.

Markɩ 1:39

Lɛ n'a ʋ tɩ cɔlɛ a Galile tẽw lowr za hiere a Yel-nʋ̃ɔ̀ a puoru-dirú, diwr'ɩ a kɔ̃tɔ̃-faar.

Markɩ 3:10

Ʋ tɩ sanɩ nɩ bàalbɛ yaga, lɛ so ŋa za na mɩ́ tɩ tɛr wʋlʋ a, mɩ́ tɩ zɔrɛ waar k'ʋʋ wa tɔ ʋ.

Markɩ 6:2

A pɩ̃ɛnʋ-bibir na wa vɩɛ a, ʋ tɩ kanɛ nɩ nɩ a nɩbɛ a puoru-dĩó. A nɩ-yaga na tɩ bɛrɛ wone a ʋ ƴɛ̀rʋ a, tɩ nyɔw nɩ nʋɔr yere nɩ: «Nyɩnɛ n'a ʋ páw à á ŋá? Ɛ́ bʋ̃ʋ yã-bãwfʋ n'ɩ à á ŋá bɛ na kʋ̀ ʋ a, nɩ a nɔ-ɓãa-yele á ŋá ʋ na maalɛ a?

Markɩ 6:6

A bɛ Naaŋmɩn bɛ-sàw-deb tɩ ɓãá ʋ nɩ nʋɔr. A Yeezu tɩ cɔlɛ nɩ a Nazarɛtɩ tẽ-kpɔwlɩ kanɛ nɩ a nɩbɛ.

Luka 10:9

Nyɩ sanɛ a bàalbɛ a be, ɛ́ yere kʋ̀rɛ a tẽw dem: “A Naaŋmɩn Naalʋ ta nyɩ na.”

Luka 13:10

A Zifʋ mɩnɛ pɩ̃ɛnʋ-bibir kãw, a Yeezu tɩ kpɛ n a puoru-dĩó kanɛ nɩ a nɩbɛ.

Luka 16:16

«A Naaŋmɩn wulu nɩ a naaŋmɩn-ƴɛ̀r-manbɛ wulu tu na tɩ ta a Zã-Bati daar. Ɛcɛ a na tĩ a Zã-Bati daar a, a nɩbɛ wõ n a Naaŋmɩn Naalʋ Yel-nʋ̃ɔ̀ bɛ na hier'a, ɛ́ nɩsaal za mɩ́ ƴãw fãw bɔbr k'ʋʋ kpɛ a Naaŋmɩn Naalʋ pʋɔ.

Luka 20:1

Bibir kãw, a Yeezu tɩ be n a Ŋmɩn-yir-kpɛ̃ɛ pʋɔ kanɛ nɩ a nɩbɛ ɛ́ hiere a Yel-nʋ̃ɔ̀. Bɛ wa bere na a bàwr-maal-nɩ-bɛrɛ, nɩ a Naaŋmɩn wulu sɛ-sɛbrbɛ, nɩ a Zifʋ nɩbɛ nɩ-kore, wa ta a be,

Luka 4:14

A Yeezu tɩ lɛb'a wa a Galile, tɛr a Vʋʋrʋ Sõw kpɛnʋ, ɛ́ a ʋ yúor yi pàw a zie ʋl za.

Luka 5:17

Bibir kãw a Yeezu na tɩ kanɛ nɩ a nɩbɛ a, Faarizɩ̃ɛ mɩnɛ nɩ Naaŋmɩn wulu bãw-bãw-karɩ tɩ pʋɔ nɩ a nɩbɛ pʋɔ. Galile lowr tẽli za, nɩ Zude tẽw lowr tẽli nɩ Zerizalɛm n'a bɛ tɩ yi ɛ́ wa. A Sore fãw tɩ be n a Yeezu zie k'ʋ sanɛ bàalbɛ.

Luka 6:17

A Yeezu tɩ siw nɩ a tãw, ʋlɛ nɩ a ʋ nɩ-toni. Ʋ tɩ tɛw na àr zi-tɩ̃tal pʋɔ. A ʋ po-tuurbɛ yaga tɩ àr'ɩ a be, lãwnɩ zu-sɛbla na bɛ tɛr vuo ɛ́ yi a Zude tẽw za, nɩ Zerizalɛm, nɩ kʋ̃ɔ-kpɛ̃ɛ nʋɔr ten Tɩ́ɩ̀r nɩ Sɩdɔ̃ wa a.

Luka 6:6

A pɩ̃ɛnʋ-bibir ƴen sob, a Yeezu tɩ kpɛ n a Zifʋ mɩnɛ puoru-dĩó kanɛ nɩ a nɩbɛ. Nɩr kãw, a dʋrʋ nũu na tɩ kpi a, tɩ be n a be.

Luka 7:21

A ʋlɩ pɛr nɛ pʋɔ, a Yeezu tɩ sanɩ nɩ nɩ-yaga bàalʋ nɩ a bɛ nɩ-kɔwlʋ, diw kɔ̃tɔ̃-faar bɛr bɛ, ɛ́ ɩ zɔn yaga lɛb nyɛrɛ.

Luka 7:22

Al pùorí, ʋ tɩ sɔw na yel a nɩbɛ a Zã na tõ a: «Nyɩ cen tɩ manɩ a yele á ŋá nyɩ na nyɛ̃ ɛ́ wõ a kʋ̀ a Zã: a zɔn nyɛrɛ na, a wʋbr cere dẽdẽ, a kɔn lɛb'a vɩɛl, won lɛb'a wone, nɩ-kũuni lɛb'a vʋʋrɛ, a nan dem wone a Yel-nʋ̃ɔ̀,

Luka 8:1

Al pùorí, a Yeezu tɩ cɔlɛ nɩ a tẽ-bɛrɛ nɩ a tẽli kanɛ nɩ a nɩbɛ, ɛ́ hiere yere a Naaŋmɩn Naalʋ Yel-nʋ̃ɔ̀. A po-tuurbɛ pie nɩ ayi tɩ bɩɛlɛ ʋ na,

Luka 9:11

A zu-sɛbla na tɩ bãwnɩ a, bɛ tu ʋ na. A Yeezu tɩ tɛr bɛ nɩ vla, ɛ́ manɛ a Naaŋmɩn Naalʋ yele kʋ̀rɛ bɛ, ɛ́ sanɛ a bɛlɩ dem na tɛr a sanʋ yel-ɩra a.

Luka 9:60

Ɛcɛ a Yeezu tɩ yel ʋ na: «Bɛr a kũuni bɛ ũùne a bɛ kũuni, ɛ́ a fʋ̃ʋ a, cen tɩ yere a Naaŋmɩn Naalʋ na ta a.»

Zã 18:20

A Yeezu tɩ sɔw ʋ na: «Cãàmɩlɛ n'a ɩ̃ mɩ́ ƴɛ̀rɛ a nɩbɛ za niŋé, ɛ́ kanɛ nɩ bɛ a puoru-dirú nɩ a Ŋmɩn-yir-kpɛ̃ɛ pʋɔ, a be a Zifʋ mɩnɛ za na mɩ́ ɓã taa a. Ɩ̃ bɛ dãw sɔwlɩ ƴɛ̀r ƴɛ̀rʋ ɛ.

Zã 6:59

A kanʋ á ŋá n'a a Yeezu tɩ kanɩ nɩ a nɩbɛ a Zifʋ mɩnɛ puoru-dĩó a Kafarnawɔm tẽw.

Zã 7:1

Al pùorí, a Yeezu tɩ cɔlɛ nɩ a Galile. Ʋ bɛ tɩ sàw cɔlɛ a Zude tẽw ɛ, a Zifʋ mɩnɛ na tɩ bɔbr a ʋ kʋb a ƴãw.

Nɩ-toni 10:38

a Nazarɛtɩ Yeezu yele, Naaŋmɩn paal'ʋ na nɩ a Vʋʋrʋ Sõw fãw. Be za ʋ na mɩ́ tɩ tɔlɛ a, ʋ mɩ́ tɩ maalɛ nɩ a nɩbɛ vla, ɛ́ sanɛ a bɛlɩ dem na be a Gɛgɛra gbãgbaalʋ pʋɔ a. Naaŋmɩn tɩ sɩrɩ na be a ʋ zie.

Nɩ-toni 18:4

Pɩ̃ɛnʋ-bibir za, ʋ mɩ́ tɩ de nɩ a ƴɛ̀rʋ a puoru-dĩó, ƴãw fãw kanɛ kɛ́ a Zifʋ nɩ a Gɩrɛkɩ mɩnɛ sàw de a Yeezu yele.

Nɩ-toni 20:25

«Dɩ̃a na ta a, ɩ̃ bãwnɩ a na, nyɩɩm za sɔgɔ ɩ̃ na tu yi hieri a Naaŋmɩn Naalʋ dɩb a, nyɩ kʋ̃ lɛb nyɛ̃ a ɩ̃ niwn ɛ.

Nɩ-toni 28:31

hiere a Naaŋmɩn Naalʋ kʋ̀rɛ bɛ, ɛ́ ɓãá ƴãw bɛr bom za ɛ́ manɛ a Sore Yeezu Kɩrɩta yele kʋ̀rɛ bɛ, ɛ́ bom za bɛ piw ʋ sɔ́r ɛ.

Ʋrɔm 10:15

Ɛ́ ŋmɩŋmɩn n'a bɛ na ɩ hiere a ʋ yele, bɛlɛ bɛ wa tõ nɩbɛ a al ƴãw a? Mɛ̃ a lɛ a Sɛb-sõw na yel a: «Nyɛ̃ a yel-vɩɛlɩ yerbɛ waa na vɩɛl a!»