Matie 4:10 - A SƐB-SÕW

¹⁰ Lɛ n'a a Yeezu yel ʋ: «Cen taw zaa, Sɩtaana a! Bɛ sɛb'a: “A Sore fʋ Naaŋmɩn yõ n'ʋ fʋ na mɩ́ lo gbĩ dume puori nɩ fʋ tʋɔra-siwru, ʋl yõ n'ʋ fʋ na maalɛ.”»

Matie 4:10 ပူးပေါင်းရင်းမြစ်များ

1 Bibie za yel-manɩ 21:1

A Sɩtaana tɩ wa ìr'a bɔbr a Ɩsɩrayɛl nɩbɛ faa, lɛ n'a ʋ tɩ bɛlɩ a Daviir ƴãw k'ʋʋ sɔ́r a Ɩsɩrayɛl nɩbɛ.

A Zɔb sɛbɛ 1:12

Lɛ n'a a Sore tɩ yel a Sɩtaana: «Ɩ̃ sàw na, fʋ̃ʋ so a ʋ bʋ̃-tɛrɩ za. Ɛcɛ taa wa nanɩ tʋɔr a ʋl tɔr za ɩ.» A Sɩtaana tɩ lɛb'a yi a Sore zie be tɔl cen.

A Zɔb sɛbɛ 1:6

Zɩ̃ kɛ́ a bibir ʋl a Naaŋmɩn malkɩ mɩnɛ na mɩ́ cen tɩ manɩ a bɛ tome kʋ̀ a Sore a tɩ vɩɛ na. A Sɩtaana mɩ̀ tɩ pʋɔ na cen.

A Zɔb sɛbɛ 2:1

A bibir ʋl a Naaŋmɩn malkɩ mɩnɛ na mɩ́ cen tɩ manɩ a bɛ tome kʋ̀ a Sore a tɩ vɩɛ na. A Sɩtaana mɩ̀ tɩ pʋɔ na cen k'ʋʋ tɩ manɩ a ʋ tome.

Sɛb-sõw yielu 109:6

À ŋá n'a bɛ ƴɛ̀rɛ a ɩ̃ ƴãw: «Tɩ kaa ír nɩ-faa ʋ ìr àr a ʋ ƴãw, nɩr na manɛ a ʋ sãwna a, ʋ àr a ʋ dʋrʋ lowr.

Eziptɩ tẽw yib 23:25

A mãa yõ, a Sore nyɩ Naaŋmɩn, mãa n'ʋ nyɩ na maalɛ. A lɛn daar a, ɩ̃ na maal'ɩ a nyɩ bʋ̃-dɩra nɩ a nyɩ bʋ̃-nyúura, ɛ́ ɩ a bàalʋ a taw zãá nɩ nyɩ.

Ɩzayi 30:22

A nyɩ dàar bɩɩ kure tɩbɛ bɛ na nyɩl salm-pla nɩ salm-zɩɛ pàw a, nyɩ na nyɛ̃ a na a ɩ dɛwr. Nyɩ na lɔb a na bɛr mɛ̃ bʋ̃-dɛgɛ a, ɛ́ nyɩ na yel a na: «Nyɩ yi a ka!»

Matie 16:23

Ɛcɛ a Yeezu tɩ lɩɛb'a yel a Pɩɛr: «Cen taw zaa a ɩ̃ zie, Sɩtaana a! Fʋ piwr mɛ̃ nɩ sɔ́r. A fʋ tɩɛrʋ bɛ ɩ Naaŋmɩn dem ɛ, nɩsaalbɛ dem'a.»

Markɩ 1:13

Ʋ tɩ be n a be bibie lɩz'a ayi, ɛ́ a Sɩtaana bɛlɛ ʋ. Ʋlɛ nɩ wɛ-dʋn tɩ lãw na kpɩɛr, ɛ́ malkɩ mɩnɛ kaarɛ a ʋ zie.

Luka 10:18

A Yeezu tɩ yel bɛ na: «Ɩ̃ mɩ́ tɩ nyɛ̃ nɩ a Sɩtaana ʋ yi a salom zu wa lo mɛ̃ saa na nyɩwrɩ a.

Luka 11:18

A Sɩtaana mɩ̀ wa bʋ́r lɛb ŋmɛlɩ zɛbr'ɩ ʋ tʋɔra a, ŋmɩŋmɩn n'a a ʋ naalʋ-tẽw na àr, nyɩ na yel kɛ́ Bɛlɩzebul fãw n'a ɩ̃ diwr'ɩ a kɔ̃tɔmɛ a.

Luka 13:16

Ɛcɛ a pɔw ŋa na ɩ a Abraham bʋʋrɛ pɔwyaa, a Sɩtaana 'lẽ yome pie nɩ ani n'ɩ à ŋá a, a bɛ tɩ sɛw k'ɩ̃ɩ cɛ̀r ʋ bɛr a pɩ̃ɛnʋ-bibir ɛ?»

Luka 22:3

Lɛ n'a a Sɩtaana tɩ kpɛ a Zuda bɛ na bʋɔlɛ Ɩsɩkarɩɔtɩ a pʋɔ. Ʋ tɩ ɩ n a Yeezu nɩ-toni pie nɩ ayi ƴen sob.

Luka 22:31

A Sore tɩ yel'a: «Sɩmʋ̃ ʋ, Sɩmʋ̃ ʋ, Sɩtaana zɛlɩ na k'ʋʋ dam nyɩ mɛ̃ pɔw na tɛtɛwr zɛla a.

Luka 4:8

Ɛcɛ a Yeezu tɩ yel ʋ na: «Bɛ sɛb'a kɛ́: “A Sore fʋ Naaŋmɩn yõ n'ʋ fʋ na gbine dume puore nɩ fʋ tʋɔra-siwru, ʋl yõ n'ʋ fʋ na maalɛ.”»

Zã 13:27

A pɛr nɛ pʋɔ a Yeezu na kʋ̀ ʋ a dipɛ̃ a n'a a Sɩtaana kpɛ a Zuda pʋɔ. A lɛ n'a a Yeezu tɩ yel ʋ: «A ton ʋl a na fɛr kɛ́ fʋ tõ a, tõ ʋ fɔ̃w.»

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Nɩ-toni 5:3

Lɛ n'a a Pɩɛr tɩ yel ʋ: «Ananɩasɩ i, bʋ̃ʋ n'ʋ so a Sɩtaana só fʋ tɩ zɛ̃ à ŋá, kɛ̀ fʋ ŋmãa ziri kʋ̀ a Vʋʋrʋ Sõw? Fʋ gbab'ɩ a púo libie ŋmãa tɛr.

1 Korɛ̃tɩ 5:5

nyɩ de a nɩr ŋa tɔ ƴãw Sɩtaana nũú a ʋ ƴã-gan kũu ƴãw, k'aa ʋ sɩ́ɛ páw a faafʋ a Sore waa bibir.

1 Korɛ̃tɩ 7:5

Nyɩ ta sɩbr taa a lãw-taa, ɛ́ a bɛ ɩ kɛ́ nyɩ wõ n taa ŋmãa bɛr blãlɛ ƴãw kɛ́ nyɩ tʋ̃ɔ́ puori ɛ. Al pùorí, nyɩ lɛb lãwnɛ taa, alɛ bɛ ɩ lɛ, nyɩ nãà tɛrɛ nɩ nyɩ tʋɔra guur lo a Sɩtaana bɛ̀lʋ pʋɔ.

2 Korɛ̃tɩ 11:14

À á ŋá za dɛ bɛ ɩ nɔ-ɓãan ɛ: a Sɩtaana tɔr za mɩ́ bɛ̀lɩ na ɩ cãà malkɩ.

2 Korɛ̃tɩ 12:7

Ɛ́ a yele á ŋá bɛ na wul mɛ̃ ɩ̃ nyɛ̃ a, a na tɩ ɩ nɔ-ɓãa-yele a zũú n'a bɛ ƴãw 'wɔbrʋ kãw a ɩ̃ ƴã-ganɩ́: Sɩtaana malkɩ bɛ na ƴãw k'ʋʋ ŋmɩɛr mɛ̃ k'ɩ̃ɩ taa wa nanɩ zɛwr ɩ̃ tʋɔra a.

2 Korɛ̃tɩ 2:11

k'aa Sɩtaana ta bɛ̀lɩ tɩ nyɔw ɛ, bʋ̃ʋ n'ʋ vɛ̃, tɩ bɛ ɩ zɔn a ʋ pʋ-tɩɛrʋ ƴãw ɛ.

Wulu-ayi-sob 10:20

Nyɩ zɔrɛ a Sore nyɩ Naaŋmɩn, nyɩ tone ʋ, nyɩ tu a ʋl yõ pùor, ɛ́ mɩ́ pɔ n a ʋ yúor yõ.

Zakɩ 4:7

A na ɩ lɛ a, nyɩ mɩ́ bɛr nyɩ tʋɔra kʋ̀ a Naaŋmɩn. Nyɩ mɩ́ bà gbɛ́r a Gɛgɛra niŋé, ʋʋ na zɔ na zãá nɩ nyɩ.

Zozue 24:14

A Zozue tɩ yel'a ƴãw pʋɔ: «A na ɩ à ŋá a, nyɩ zɔrɛ a Sore, ɛ́ maalɛ ʋ nɩ nyɩ pʋɔ za, taa lɛbr pùor ɛ. Nyɩ lɔb a ŋmɩmɛ a nyɩ sãàkʋm-kore na tɩ maalɛ a Efaratɩ gãwn nɩ a Eziptɩ tẽw a bɛr, ɛ́ maalɛ a Sore.

1 Pɩɛr 5:9

Nyɩ bà gbɛ́ɛ a ʋ niŋé ɛ́ kpɛmɛ a naaŋmɩn-sàwfʋ pʋɔ, ɛ́ bãwnɩ a tuo á ŋá tɛɛ za mɩ̀ na gùre a nyɩ yɛbr na be a tẽ-daa zu a.

1 Samɩɛl 7:3

Lɛ n'a a Samɩɛl tɩ yel a Ɩsɩrayɛl nɩbɛ za: «Alɛ wa ɩ a nyɩ pʋɔ za n'ʋ nyɩ lɛb waar'ɩ a Sore zie a, nyɩɩm bɛr a ŋmɩn-yoru puoru nɩ a Asɩtarte mɩnɛ puoru. Nyɩ lɩɛbɩ a nyɩ socir za tu n a Sore, nyɩ puore a ʋl yõ, ʋʋ na faa nyɩ nɩ a Filisɩtɛ̃ mɩnɛ nuru pʋɔ.»