Matie 3:16 - A SƐB-SÕW

¹⁶ A Yeezu na tɩ de a suob wa baarɩ a, ʋ yi n a kʋ̃ɔmɩ́. A ʋlɩ pɛr nɛ pʋɔ, a salom tɩ yuo na, ʋʋ nyɛ̃ a Naaŋmɩn Vʋʋrʋ ʋ siwr waar a ʋ zu mɛ̃ naŋmam a,

Matie 3:16 ပူးပေါင်းရင်းမြစ်များ

Ɩzayi 11:2

A Sore Vʋʋrʋ na siw ʋ na: yã-bãwfʋ nɩ yele jielu Vʋʋrʋ, yã-wulu nɩ fãw Vʋʋrʋ, bãwfʋ nɩ Sore zɔba Vʋʋrʋ.

Ɩzayi 42:1

A Sore yere na: Nyɛ̃ a ɩ̃ tõ-tõ-bie ɩ̃ na tɩ̀ɛ a, a ɩ̃ nɩ-kaa-íra na pɛlɩ a ɩ̃ pʋɔ a. Ɩ̃ ƴãw nɩ a ɩ̃ Vʋʋrʋ a ʋ zu, k'ʋʋ ɩ a nɩ-bʋʋrɛ bãw a lɛ-na-tu-sɔr-a.

Ɩzayi 59:21

A Sore yere na ƴãw pʋɔ: «Ɛ́ a mãa a, nyɛ̃ a wõ-taa ɩ̃ na maalɛ nɩ a nɩbɛ bɛ ŋa a: A ɩ̃ vʋʋrʋ be n a nyɩ zu, ɩ̃ɩ ƴãw nɩ a ɩ̃ ƴɛ̀rʋ a nyɩ nɛ̃ɛ́. Nyɩmɛ so a, a nyɩ bibiir so a, nɩ a bɛ bibiir mɩ̀ bibiir, a ƴɛrɛŋa nɩ kʋralɛ. Ɩ̃ bɛ lɛb dier a a nyɩ zie towtow ɛ. A mãa, a Sore, mãa n'ʋ yere.»

Ɩzayi 61:1

A Sore Naaŋmɩn Vʋʋrʋ be n a ɩ̃ zu. Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃ k'ɩ̃ɩ tɩ yel yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ mɔwlɩ a pʋ-sãwna dem, k'ɩ̃ɩ tɩ hieri yel a nɩbɛ bɛ na diw cen nɩ a, kɛ́ bɛ na lɛb'a so bɛ tʋɔra, nɩ a nɩbɛ na be a gaso pʋɔ a, kɛ́ bɛ na lɛb'a nyɛ̃ a mʋ̃tɔ̃w cãà.

Ezekɩɛl 1:1

A ɩ̃ yome lɩzɛr'ɩ pie sob, a cuwr anaar sob, a bibie anũu sob, a mãa Ezekɩɛl na ɩ a bàwr-maalɛ Buuzɩ bidɛb a, ɩ̃ tɩ pʋɔ nɩ a Zifʋ mɩnɛ bɛl bɛ na tɩ diw cen nɩ a pʋɔ, a Kebaar man nʋɔr. Ɩ̃ tɩ nyɛ̃ nɩ a salom ʋ yuo, ɛ́ a Naaŋmɩn tɩ tɩr bʋ̃-nyɛrɩ kʋ̀ m ɩ̃ nyɛ̃.

Markɩ 1:10

Ʋ na tɩ yire a kʋ̃ɔ pʋɔ daadaalɛ a, ʋ tɩ nyɛ̃ nɩ a salom ʋ tawr yuore, ɛ́ a Vʋʋrʋ Sõw siwr a ʋ zu mɛ̃ naŋmam a,

Zã 1:51

A Yeezu tɩ cãà na yel ƴãw pʋɔ: «Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩ na nyɛ̃ nɩ a salom ʋ yuo, ɛ́ a Naaŋmɩn malkɩ mɩnɛ be a Nɩsaal Bie zu-sɔw siwr ɛ́ dúor.»

Zã 3:34

Bʋ̃ʋ n'ʋ vɛ̃, sob nɛ a Naaŋmɩn na tõ a yere nɩ a Naaŋmɩn ƴɛ̀r-bie, a Naaŋmɩn kʋ̀rɛ ʋ nɩ a ʋ Vʋʋrʋ bɛ tɛr manʋ ɛ.

Nɩ-toni 1:22

a na tĩ a Zã suob ʋ na de a, ɛ́ tɩ ta a ʋlɩ bibir nɛ bɛ na lɛb ír ʋ a tɩ sɔgɔ a, a fɛr'a k'aa bɛ ƴen sob kãw pʋɔ a tɩ pʋɔ ɩ a ʋ kũu-pʋɔ-lɛb-yibu dãsɩɛ sob.»

Nɩ-toni 7:56

Ʋ tɩ yel'a: «Ɩ̃ nyɛ̃ nɩ a salom k'ʋ yuo, ɛ́ a Nɩsaal Bie àr a Naaŋmɩn dʋrʋ lowr.»

1 Zã 5:6

A Yeezu Kɩrɩta n'ʋ wa n a ʋ suob kʋ̃ɔ nɩ a ʋ kũu zɩ̃ɩ. A kʋ̃ɔ tɛwr bɛ n'a ʋ wa n ɛ, ʋ wa n nɩ a kʋ̃ɔ nɩ a zɩ̃ɩ. Ɛ́ a Vʋʋrʋ Sõw n'ʋ dɩrɛ a dãsɩɛ kɛ́ sɩza n'a, a Vʋʋrʋ Sõw na ɩ a yel-mɩŋa a ƴãw.