Matie 27:4 - A SƐB-SÕW

⁴ ɛ́ yel: «Ɩ̃ maal'ɩ yel-bier, ɩ̃ na nyɔw nɩr na bɛ sãw bom za a, kʋ̀ nyɩ a.» Ɛcɛ bɛ tɩ yel ʋ na: «A bɛ jɩ́rɛ tɩ ɛ! Fʋ yele n'a!»

Matie 27:4 ပူးပေါင်းရင်းမြစ်များ

1 Na-mɩnɛ 21:27

A Akab na tɩ wõ a ƴɛ̀rʋ á ŋá a, ʋ taw nɩ a ʋ kparɩ cɩɛrɩ, su vʋɔra kparʋ, ɛ́ mɩ́ tɛr mʋta-tuo. Ʋ mɩ́ tɩ su n a kparʋ ŋa gã nɩ, ɛ́ kʋɔlɛ.

2 Na-mɩnɛ 24:4

Ʋ tɩ ɩ na nɩ-yaga na bɛ sãw a kpi, a Zerizalɛm tẽ-kpɛ̃ɛ ɩ zɩ̃ɩ tɛwr, a Sore bɛ sàw dɩ suur ɛ.

A Zɔb sɛbɛ 13:4

Ɛ́ a nyɩɩm a, zir-pɛlɛ n'a nyɩ ŋmarɛ pàwr'ɩ a yel-mɩŋa. Nyɩ ɩ na mɛ̃ dɔwtarɩ na mɩ́ kʋ̀ bàal tɩ̃ɩ na bɛ sanɛ a.

A Zɔb sɛbɛ 16:2

Ɩ̃ wõ n a ƴɛ̀rʋ á ŋá taabɛ bɛ dɩ vuo ɩ. Nyɛ̃ mɔwl-mɔwlbɛ kãw a!

Sɛb-sõw yielu 94:21

Bɛ mɩ́ bɔbr'ɩ a nɩ-mɩn nyɔ-vʋʋrʋ íru, ɛ́ a nɩbɛ na bɛ sãw a, bɛ mɩ́ yel kɛ́ bɛ sãw na.

Eziptɩ tẽw yib 12:31

A Faarawɔ̃ tɩ bʋɔl'ɩ a Moyiir nɩ a Aarɔ̃ a tɩ̃ɩsɔw nɛ wa yel bɛ: «Nyɩ ìr yi zaa a ɩ̃ nɩbɛ sɔgɔ, nyɩmɛ nɩ a Ɩsɩrayɛl nɩbɛ. Nyɩ cen tɩ maalɩ a Sore mɛ̃ a lɛ nyɩ na yel a.

Eziptɩ tẽw yib 9:27

A Faarawɔ̃ tɩ bʋɔl'ɩ a Moyiir nɩ a Aarɔ̃ wa yel bɛ: «Ƴɛrɛŋa ʋl a, ɩ̃ sãw na, mãa nɩ a ɩ̃ nɩbɛ sãw na, a Sore n'ʋ tɛr a yel-mɩŋa.

Zʋkpaɩ 12:8

Nɩr na tɛr yã a n'ʋ bɛ mɩ́ danɛ, ɛ́ ɩrɛ sob nɛ a tɩ́ɛrʋ na bɛ tori a laar.

Zeremi 26:15

Ɛcɛ, nyɩ bãwnɩ a vla, nyɩmɛ wa kʋ m a, a nyɩɩm, a tẽ-kpɛ̃ɛ ŋa nɩ a ʋ nɩbɛ za a, nyɩ na ɩ n sãwna dem, nyɩ na kʋ nɩr na bɛ tɛr sãwna a zũú. Bʋ̃ʋ n'ʋ vɛ̃, a Sore n'ʋ sɩrɩ tõ m k'ɩ̃ɩ wa ɩ nyɩ wõ a ƴɛ̀rʋ á ŋá za.»

Zonasɩ 1:14

Lɛ n'a bɛ tɩ kõ bʋɔlɩ a Sore yel: «'Woi! Sore e, ta sàw a tɩ kũu yi a nɩr ŋa zie ɩ. Nɩr mɩ̀ na bɛ sãw tɩ a, ta sàw tɩ so a ʋ kũu ɛ. Bʋ̃ʋ n'ʋ vɛ̃, a fʋ̃ʋ Sore, fʋ̃ʋ n'ʋ tõ a lɛ fʋ na bɔbr a.»

Matie 27:19

A Pɩlatɩ na tɩ zɩ̃ a ƴɛ̀rʋ-dɩb zie a, a ʋ pɔw tɩ tõ na bɛ tɩ yel ʋ: «Taa tone nũu a nɩ-mɩŋa ŋa yele pʋɔ ɩ. Ɩ̃ wõ n tuo yaga zánʋ pʋɔ a dɩ̃a a ʋ ƴãw.»

Matie 27:54

A sojarɩ kʋba nɩ-kpɛ̃ɛ nɩ a sojarɩ bɛl na tɩ gù a Yeezu a na wa nyɛ̃ a tẽsɔw kɔbr damnʋ nɩ a yele á ŋá a, dɛ̃bɩ̃ɛ tɛr bɛ nɩ yaga ɛ̀ bɛ yere: «Sɩza n'a, a sob ŋa tɩ ɩ n Naaŋmɩn Bie.»

Luka 23:22

A Pɩlatɩ tɩ lɛb'a yel bɛ a gb'a ata sob ƴãw: «Bʋnʋ yel-faa n'ʋ ʋ maalɩ? Ɩ̃ bɛ nyɛ̃ bom za na sɛwnɩ kũu a ɩ. Ɩ̃ na ƴãw na bɛ fɔb ʋ, ɩ̃ɩ lɛb bɛr ʋ.»

Luka 23:41

Tɩɩm dem sɛw na: a tɩ ɩ-ɩrɩ san n'a tɩ yarɛ. Ɛcɛ ʋl bɛ maalɩ yel-faa kãw za ɩ.»

Luka 23:47

A sojarɩ kʋba nɩ-kpɛ̃ɛ na tɩ nyɛ̃ a yele á ŋá na ɩ a, ʋ danɩ nɩ a Naaŋmɩn yel: «Sɩza, a nɩr ŋa tɩ ɩ n Nɩ-mɩŋa!»

Zã 19:7

A Zifʋ mɩnɛ lɛb yel ʋ: «Tɩ tɛr'ɩ Naaŋmɩn wulu, ɛ́ a wulu ŋa tub ƴãw a, a fɛr'a k'ʋʋ kpi: ʋ na bʋɔlɛ ʋ tʋɔra Naaŋmɩn Bie a ƴãw!»

Nɩ-toni 13:28

Bɛ na saa bɛ tɩ nyɛ̃ yel na sɛwnɩ kũu a, bɛ ƴãw na k'aa Pɩlatɩ kʋ ʋ.

Ʋrɔm 3:19

Tɩ bãw na k'aa alɩ bome nɛ za a Naaŋmɩn wulu na yere a, ʋ yere na kʋ̀rɛ a Zifʋ mɩnɛ a Wulu ŋa na fɛrɛ a, kɛ́ nɩr za ta tʋ̃ɔ́ háa nʋɔr manɩ a ʋ yel-mɩŋa ɩ, ɛ́ bɛ nyɛ̃ a tẽ-daa za na tɛr sãwna a Naaŋmɩn niŋé a.

1 Timote 4:2

A zir-ŋmarbɛ na mɩ́ sɔwlɛ a bɛ pʋ-tɩɛrʋ a na taw bɛ na bɔr'ɩ, a zir-ŋmarbɛ bɛ ŋa tɩɛrʋ bɛ na cɩr bãwfʋ ƴãw nɩ kure na mʋ̃ɔ vũumí a.

Títɩ̀ 1:16

Bɛ mɩ́ yel'a kɛ́ bɛ bãw nɩ a Naaŋmɩn, ɛcɛ a bɛ ɩ-ɩrɩ wule kɛ́ lɛ bɛ n'a ɩ. Bɛ kpɛ n faa bɛ pɩɛl ɛ, zu-kpɛn dem na kʋ̃ tʋ̃ɔ́ yel-vla kãw za maalɩ a nɛbɛ.

Ebre 7:26

A bàwr-maal-kara tɔr za n'ɩ à ŋà a na tɩ fɛr kɛ́ tɩ tɛr a: ʋ ɩ n sõw, ʋ bɛ tɛr sãwna ɩ, ʋ vɩɛl'ɩ ʋ za. Bɛ bʋ́r ʋ na ʋ bɛ pʋɔ a yel-bebe dem pʋɔ ɩ, ɛ́ zɛw ʋ k'ʋ do gãw a salom.

1 Pɩɛr 1:19

Ɛcɛ zɩ̃ɩ na ɩ zɩ̃ɩ a n'a faa nyɩ, a Kɩrɩta zɩ̃ɩ, ʋl na ɩ a Pele na bɛ tɛr faalʋ nɩ dɛwr a.

1 Zã 3:12

A bɛ sɛw kɛ́ tɩ ŋmɛ̃ mɛ̃ a Kayɛ̃ a ɩ: ʋ na tɩ ɩ a Faalʋ sob nɩr a n'a so ʋ kʋ a ʋ yɛb. Ɛ́ bʋ̃ʋ ƴãw n'a ʋ tɩ kʋ ʋ? A ʋ ɩ-ɩrɩ bɛ tɩ vɩɛl ɛ, ɛ́ a ʋ yɛb dem tu a yel-mɩnʋ.

Yel-wula 11:10

Nʋ̃ɔ̀ na ɩrɛ nɩ a tẽw zu nɩbɛ a nɩbɛ bɛ ŋa kũu ƴãw. Bɛ na cɩlɛ na kʋ̀rɛ nɩ taa bome, bʋ̃ʋ n'ʋ vɛ̃, a ƴɛ̀r-manbɛ bɛ ŋa ayi tɩ dɔwrɩ bɛ nɩ yaga.

1 Samɩɛl 15:24

A Sawul tɩ yel'ɩ a Samɩɛl: «Ɩ̃ maal'ɩ yel-bier, ɩ̃ bɛ tu a lɛ a Sore na yel a ɩ, mɩ̀ bɛ lɛb tu a fʋ ƴɛ̀rʋ ɛ. A sojarɩ dɛ̃bɩ̃ɛ n'a ɩ̃ tɩ zɔrɛ, alɛ so ɩ̃ sàw a bɛ zɛlʋ.

1 Samɩɛl 15:30

A Sawul tɩ lɛb'a yel: «Ɩ̃ sãw na. Ƴɛrɛŋa a, ɩ̃ zɛlɛ fʋ na, ƴãw mɛ̃ a Ɩsɩrayɛl nɩbɛ nɩ-kore nɩ a Ɩsɩrayɛl nɩbɛ za niŋé. Lɛb wa mãa nɩ fʋ̃ʋ tɩ cen, ɩ̃ tɩ puori a Sore fʋ Naaŋmɩn.»

1 Samɩɛl 19:5

Ʋ sàw nɩ a kũu, ɛ́ cen tɩ zɛb'ɩ a Filisɩtɛ̃ dɔɔ kʋ ʋ, a Sore ɩ a Ɩsɩrayɛl zɛb tʋ̃ɔ́, zɛb-tʋ̃ɔ́fʋ na ɩ zɛb-tʋ̃ɔ́fʋ a, a ʋlɩ bibir nɛ. Fʋ tɩ nyɛ̃ ʋ na nʋ̃ɔ̀ kpɛ b. Bʋ̃ʋ pãa so fʋ na maalɩ yel-bier, fʋ na na kʋ a Daviir, a ɩ nɩr na bɛ tɛr sãwna a n'ʋ fʋ kʋ ɛ́ a bɛ tɛr pɛr a?»