Matie 26:38 - A SƐB-SÕW

³⁸ Lɛ n'a ʋ tɩ yel bɛ: «Pʋ-sãwna faar'a na kʋ m, nyɩ be a ka, ɛ́ lãw nɩ mɛ̃ puore ɛ́ bɛr gʋ̃ɔ.»

Matie 26:38 ပူးပေါင်းရင်းမြစ်များ

Sɛb-sõw yielu 116:3

A kũu mie tɩ 'lẽ m'a baarɩ, a kpɩmɛ tẽw bamɛ tɩ fɩɩrɩ mɛ̃ na, pʋl-vʋ̃ɔ nɩ kpɩɛrʋ tɩ tɛr mɛ̃ nɩ yaga za.

Sɛb-sõw yielu 42:5

Ɩ̃ lɛb'a tɩɛrɛ ɛ́ ƴãw cɩrɛ mɛ̃, a lɛn daar ɩ̃ na mɩ́ tɩ pʋɔ a nidaa dem pʋɔ, cere a Naaŋmɩn yir a, lãwnɩ zu-sɛbla na maalɛ cuw a, ɛ́ cáarɛ nɩ nʋ̃ɔ̀ puore a Naaŋmɩn barka a.

A Yielu za pʋɔ yiel-vla vla 5:3

Ɩ̃ yaar'ɩ a ɩ̃ bʋ̃-suuri, ɩ̃ bɛ lɛb suur ɛ! A ɩ̃ gbɛ́ɛ n'a ɩ̃ pɛ́wr wa báarɛ à ŋá, ɩ̃ bɛ lɛb dɛwr a bɛrɛ ɩ!

Ɩzayi 53:10

Ɛcɛ a Sore kʋ̀ n yel-mɩŋa a ʋ tõ-tõ-bie a kpɩɛrʋ na dĩ a. Ɛ́ a sob nɛ na lɩɛrɩ nɩbɛ de a ʋ nyɔ-vʋʋrʋ tɩr a, ʋ ɩ na k'ʋ lɛb nyɛ̃ àrʋ zie. A ʋ tõ-tõ-bie na tɛr'ɩ bʋʋrɛ ɛ́ cãà vʋʋrɩ cɛlɩ. Ʋlɛ n'ʋ na ɩ a Sore pʋ-tɩɛrʋ maalɩ.

Ɩzayi 53:12

Alɛ n'a so ɩ̃ ƴãwnɛ ʋ a nɩbɛ na ɩ bɛrɛ zuo bɛ za a pʋɔ. Ʋlɛ nɩ a gãdaar nɛbɛ na lãw põ a zɛbr na-bome bɛ na fa a. Bʋ̃ʋ n'ʋ vɛ̃, ʋ nyɛ̃ nɩ ʋ tʋɔra sàw a kũu, ɛ́ bɛ sɔ́r ʋ ƴãw a nɩ-faar pʋɔ, ʋ tuo nɩ nɩ-yaga yaga faalʋ, ɛ́ ɩ a yel-bebe dem tãpɛlʋ sob.»

Ɩzayi 53:3

A nɩbɛ za tɩ jewr'ʋ na ɛ́ zawr'ʋ bɛr. Nɩr na wone tuo a tɩ n'ʋ, nɩr na mili nɩ a 'wɔbrʋ a. Ʋ tɩ ɩ na mɛ̃ nɩr nɩr za na bɛ bɔbr k'ʋʋ jɩ́r kaa a. Tɩ tɩ jewr'ʋ na, tɩ tɩ nyɛ̃ ʋ na ʋ bɛ ɩ bom za ɩ.

Matie 25:13

A Yeezu tɩ yel bɛ na: «A na ɩ lɛ a, nyɩ bɛr gʋ̃ɔ ɛ́ gùre, nyɩ na bɛ bãw a bibir nɩ a tɛm a ƴãw.»

Markɩ 14:34

Ʋ tɩ yel bɛ na: «Pʋ-sãwna tɛr mɛ̃ na faar na kʋ. Nyɩ be a ka ɛ́ bɛr gʋ̃ɔ.»

Zã 12:27

«Ɛcɛ a ƴɛrɛŋa a, a ɩ̃ tɩɛrʋ dam'a. Ɩ̃ yel kɛ́ bo? Kɛ́ a ɩ̃ Sãà faa mɛ̃ a daar ŋa yel-kpɩɛrɩ pʋɔ bɩɩ? Ɛcɛ a yel-kpɩɛrɩ daar ŋa tɔr za ƴãw n'a ɩ̃ wa.

Ʋrɔm 8:32

Ʋ bɛ jɩɩrɩ a ʋl mɩŋa Bie bɛr ɛ, ʋ nɩ̃ɛ na de ʋ tɩr bɛ kʋ a tɩ za ƴãw: ŋmɩŋmɩn za n'a ʋ kʋ̃ kʋ̀ tɩ bom za zawla lãwnɩ a ʋ Bie?

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Galasi 3:13

A Kɩrɩta ya na ír tɩ bɛr a Naaŋmɩn wulu ŋmɛ-ƴãw pʋɔ, ʋl mɩŋa na lɩɛbɩ nɩ-ŋmɛ-ƴãwna a tɩ ƴãw a. Bʋ̃ʋ n'ʋ vɛ̃, a Sɛb-sõw yel'ɩ à ŋá: «Nɩr za na yawlɩ dàa zu a ɩ n nɩ-ŋmɛ-ƴãwna.»

1 Pɩɛr 2:24

ʋl na tuo a tɩ yel-bebe a ʋ ƴã-gan pʋɔ a da-gara zu, kɛ́ tɩ kpi ta cãà pʋɔ yel-bier pʋɔ, ɛ́ vʋʋrɛ vʋʋrʋ na tu yel-mɩnʋ a, a ʋl natɩɛ na sanɩ nyɩ a.

1 Pɩɛr 3:18

A Kɩrɩta tɔr za wõ n tuo daƴen daadaa a yel-bebe ƴãw, ʋl na ɩ nɩ-mɩŋa a. Ʋ wõ n tuo a nɩ-faar ƴãw, k'ʋʋ tɛr nyɩ cen nɩ a Naaŋmɩn zie. Bɛ kʋ ʋ na, ʋ kpi a ƴã-gan kũu, ɛ́ a Vʋʋrʋ Sõw ɩ ʋ lɛb vʋʋrɛ.

1 Pɩɛr 4:7

A yele za baarʋ pɩɛl'a, lɛ so nyɩ mɩ́ nyɔw nyɩ tʋɔra a dɩb nɩ a nyub ƴãw, mɩ́ tʋ̃ɔ́ puori.