Matie 26:3 - A SƐB-SÕW

³ Lɛ n'a a bàwr-maal-nɩ-bɛrɛ, nɩ a Zifʋ nɩbɛ nɩ-kore, tɩ ɓã taa a Naaŋmɩn bàwr-maal-kara ʋl na tɩ dɩ kɛ́ Kayifʋ a yir.

Matie 26:3 ပူးပေါင်းရင်းမြစ်များ

Sɛb-sõw yielu 56:6

Bibie za, bɛ mɩ́ tɛwr'ɩ a ɩ̃ ƴɛ̀rʋ, tɩɛr-faar tɛwr'a bɛ mɩ́ tɩɛrɛ a ɩ̃ ƴãw.

Zeremi 11:19

A mãa a, ɩ̃ tɩ ɩ na mɛ̃ péli-pɔwlɛ bɛ na cere nɩ a kʋb zie a. Ɩ̃ bɛ tɩ bãw ʋlɩ bom nɛ bɛ na cɔbrɛ a ɩ̃ ƴãw a ɩ. Bɛ tɩ yere na: «Tɩ cɛ a tɩɛ na cãà kpɛmɛ a lɔb! Tɩ ír ʋ a nɩ-vʋʋrɩ tẽw pʋɔ bɛr, a ʋ yúor ta cãà pore ɩ!»

Zeremi 17:27

Ɛcɛ nyɩmɛ bɛ wa bɛr wõ m a, nyɩmɛ bɛ wa sàw de a pɩ̃ɛnʋ-bibir kʋ̀ m ʋ ɩ a ɩ̃ bibir a, nyɩmɛ wa tuore tuor yire nɩ a Zerizalɛm dɩ̃dɛɛ ƴãw a pɩ̃ɛnʋ-bibir a, ɩ̃ na ƴãw nɩ vũu a tẽ-kpɛ̃ɛ ŋa. A vũu na dɩ n a ʋ yir-vɩɛlɩ vɩɛlɩ ɛ́ kʋ̃ kpiiri ɛ.»

Matie 26:69

A Pɩɛr tɩ zɩ̃ n a yẽw a davʋra pʋɔ. Tõ-tõ-bi-pɔw kãw tɩ taw na pɩɛl'ʋ yel ʋ: «A fʋ̃ʋ mɩ̀, fʋ mɩ̀ tɩ tuur'ɩ a Galile tẽw Yeezu.»

Matie 27:27

A Pɩlatɩ sojarɩ tɩ tɛr'ɩ a Yeezu kpɛ n a Pɩlatɩ yir, tɩ bʋɔlɩ a bɛ taabɛ za bɛ wa ŋmãa viiri koli a Yeezu.

Markɩ 14:54

Pɩɛr tɩ zãá na, ɛ́ tuur a Yeezu tɩ kpɛ a bàwr-maal-kara yir davʋrá, ʋlɛ nɩ a tõ-tõ-biir zɩ̃ ʋʋrɛ vũu.

Markɩ 14:66

A Pɩɛr na tɩ be a davʋra pʋɔ a, a bàwr-maal-kara tõ-tõ-bi-pɔwle kãw tɩ ta na.

Markɩ 15:16

A sojarɩ tɩ tɛr'ɩ a Yeezu kpɛ n a nãà yir davʋrá, a pɛr lɛ kɛ́ a piretʋar pʋɔ, ɛ́ tɩ bʋɔlɩ a bɛ taabɛ za.

Luka 22:55

Bɛ na tɩ gbɔw vũu a davʋra sɔwlɩsɔw bɛ za lãw zɩ̃ a be a, a Pɩɛr mɩ̀ tɩ zɩ̃ n a bɛ sɔgɔ.

Luka 3:2

a lɛn daar a An nɩ Kayifʋ na tɩ ɩ a Zifʋ mɩnɛ bàwr-maal-karɩ a, lɛn daar'a a Zakari bidɛb Zã tɩ wõ a Naaŋmɩn ƴɛ̀rʋ a wɛja-kpalɛ pʋɔ.

Zã 11:57

A bàwr-maal-nɩ-bɛrɛ nɩ a Faarizɩ̃ɛ mɩnɛ tɩ ƴãw nɩ nʋɔr, kɛ́ sob nɛ wa bãw be ʋ na be a, a fɛr'a k'ʋʋ yel bɛ cen tɩ nyɔw ʋ.

Zã 18:24

Lɛ n'a a An tɩ ƴãw bɛ tɛr a Yeezu 'lẽ cen nɩ a bàwr-maal-kara Kayifʋ zie.

Zã 18:28

Al pùorí, bɛ tɩ tɛr'ɩ a Yeezu yi n a Kayifʋ zie cen nɩ a Ʋrɔm tẽw na-kpɛ̃ɛ-lɩɛrɛ yir. Biɓaara tɩ n'a. Bɛ bɛ tɩ kpɛ a Ʋrɔm tẽw na-kpɛ̃ɛ-lɩɛrɛ yir ɛ, kɛ́ bɛ taa wa páw dɛwr ɛ, tʋ̃ɔ́ dɩ a Tɔl-gãw cuw.