Matie 26:13 - A SƐB-SÕW

¹³ Yel-mɩŋa sɩza, ɩ̃ yere na kʋ̀rɛ nyɩ: a tẽ-daa zu zie nɛ za bɛ nãà wa hiere a Yel-nʋ̃ɔ̀ ŋa a, bɛ mɩ̀ na mɩ́ man nɩ a ʋlɩ bom nɛ a pɔw ŋa na ɩ a, tɛr'ɩ a ʋ tɩɛrʋ.»

Matie 26:13 ပူးပေါင်းရင်းမြစ်များ

Sɛb-sõw yielu 112:6

A nɩ-mɩŋa bɛ be za na lo ɩ, a nɩbɛ na tɛr'ɩ a ʋ tɩɛrʋ kʋralɛ.

Ɩzayi 52:9

Zerizalɛm deboru u, nyɩ ŋmɩɛr nʋ̃ɔ̀ cɛlsɩ: a Sore mɔwlɛ nɩ a ʋ nɩbɛ, ʋ yarɛ na dier a Zerizalɛm.

Matie 24:14

A Naaŋmɩn Naalʋ Yel-nʋ̃ɔ̀ ŋa na hier'a tɔ a tẽ-daa za, k'aa ʋ dãsɩɛ tʋ̃ɔ́ dɩ a nɩ-bʋʋr-yoru za zie. Lɛn daar'a a baarʋ daar pãa na ta.»

Matie 28:19

A na ɩ lɛ a, nyɩ cen tɩ ɩ a nɩ-bʋʋrɛ za bɛ lɩɛbɩ a ɩ̃ po-tuurbɛ, nyɩ kʋ̀rɛ bɛ a suob a Sãà nɩ a Bie nɩ a Vʋʋrʋ Sõw yúor ƴãw,

Markɩ 13:10

Ɛcɛ a fɛr'a kɛ́ a Yel-nʋ̃ɔ̀ ƴɛ̀rʋ ta a ten za baarɩ.

Markɩ 14:9

Yel-mɩŋa sɩza n'a ɩ̃ yere kʋ̀rɛ nyɩ: zie nɛ za bɛ nãà wa hiere a Yel-nʋ̃ɔ̀ a tẽ-daa za zu a, bɛ mɩ̀ na mɩ́ manɩ nɩ à á ŋá a pɔw ŋa na ɩ a, cãà tɩɛrɛ nɩ a ʋ yele.»

Markɩ 16:15

Al pùorí, ʋ tɩ yel bɛ na: «Nyɩ cen a tẽ-daa za zu tɩ hiere a Yel-nʋ̃ɔ̀ kʋ̀rɛ a bʋ̃-íri za.

Luka 24:47

ɛ́ bɛ na tĩ nɩ a Zerizalɛm ɛ́ hieri yel a ɩb-lɩɛbʋ yele kʋ̀ a nɩ-bʋʋrɛ za, a ʋ yúor ƴãw, bɛ tʋ̃ɔ́ páw a bɛ yel-bebe suur.”

Nɩ-toni 10:4

A Kɔrnɛɩ tɩ jɩ́r ʋ nɩ gbẽgbẽ, ɛ́ dɛ̃bɩ̃ɛ nyɔw ʋ, ʋ sɔw: «Ɛ́ bʋnʋ, Sore e?» A malkɩ tɩ lɛb yel ʋ: «Naaŋmɩn nyɛ̃ nɩ a lɛ fʋ na sõwne a nɩbɛ a, ʋ sàw na de a fʋ puoru, ʋ bɛ yiiri fʋ bɛr ɛ.

Ʋrɔm 10:18

Lɛ n'a ɩ̃ pãa sowre: a Zifʋ mɩnɛ taa ɩrɛ bɛ wa wõ a yel ŋa ʋ? Bʋnʋ ɩ, bɛ wõ ʋ na! À ŋá n'a a Sɛb-sõw yere: «A bɛ kɔkɔr yi na làarɩ a tẽw za, ɛ́ a bɛ ƴɛ̀rʋ tɔ a tẽw baarʋ ziir za.»

Ʋrɔm 15:19

nɩ yele na ɩ bãwfʋ sãá a fãw, nɩ yel bãw-guuri nɩ a Naaŋmɩn Vʋʋrʋ Sõw fãw. À ŋá n'a ɩ̃ tĩ a Zerizalɛm ɛ́ yel a Kɩrɩta Yel-nʋ̃ɔ̀ vla za gʋɔr'ɩ tɩ ta n Ɩlɩɩrɩ.

2 Korɛ̃tɩ 10:18

A sob nɛ na nyɛ̃ ʋ tʋɔra ʋ ɩ nɩ-vla a, a ʋ yele bɛ n'a bɛ mɩ́ de ɩ, sob nɛ a Sore na yel k'ʋʋ ɩ n nɩ-vla a n'ʋ.

Kɔlɔsɩ 1:23

Ɛcɛ a fɛr'a kɛ́ a nyɩ naaŋmɩn-sàwfʋ ɩ nyɩ kpɛmɛ, bà gbɛ́r àr, ta sàw bom za taw nyɩ zãá nɩ a nyɩ tɩɛrʋ ʋl nyɩ na tɛr a ɩ, a lɛn daar za nyɩ na tɩ wõ a Yel-nʋ̃ɔ̀ a. A Yel-nʋ̃ɔ̀ ŋa hier'a ta bʋ̃-íra za a tẽw zu, ɛ́ a mãa Pol, ɩ̃ lɩɛb'ɩ a Yel-nʋ̃ɔ̀ ŋa tõ-tone.

Kɔlɔsɩ 1:6

A Yel-nʋ̃ɔ̀ manɛ na yaarɛ ɛ́ wɔnɛ wɔmɛ a tẽ-daa za zu, mɛ̃ a lɛ ʋ na tɩ ɩ a nyɩ sɔgɔ a ʋlɩ bibir nɛ za nyɩ na wõ bɛ ƴɛ̀r a Naaŋmɩn maalʋ ƴɛ̀rʋ, ɛ́ nyɩ nyɛ̃ lɛ ʋ na sɩrɩ ŋmɛ̃ a.

1 Timote 2:6

ʋlɛ n'ʋ de ʋ tʋɔra tɩr k'ʋʋ ya de a nɩsaalbɛ za. A daar na wa ta a, ʋ dɩ n a dãsɩɛ ŋa

Ebre 6:10

Naaŋmɩn ɩ n nɩ-mɩŋa, ʋ kʋ̃ yiiri a nyɩ tome bɛr ɛ, nɩ a ʋ nɔ̃wfʋ nyɩ na wul ʋ sãá, nyɩ na tɩ dãw kaa kɩrɩta-nɩbɛ zie ɛ́ cãà kaarɛ a bɛ zie a ƴɛrɛŋa a.

Yel-wula 14:6

Al pùorí, ɩ̃ tɩ nyɛ̃ nɩ malkɩ yũo ʋ laarɛ a saa-zu za. Ʋ tɩ tɛr'ɩ Yel-nʋ̃ɔ̀ na be kʋralɛ a na yel kʋ̀ a bɛlɩ dem na kpɩɛr a tẽw zu a: tẽw za, dɔwlʋ za, ƴɛ̀r-pɛ-bʋʋrɛ za nɩ nɩ-bʋʋrɛ za.

1 Samɩɛl 2:30

A na ɩ à ŋá a, a mãa Sore, a Ɩsɩrayɛl Naaŋmɩn, à ŋá n'a ɩ̃ yere kʋ̀rɛ fʋ: ɩ̃ tɩ yel'a k'aa fʋ yir nɩbɛ nɩ a fʋ dɔwlʋ nɩbɛ mɔ̃ mɩ̀ na ɩ n a ɩ̃ bàwr-maalbɛ kʋralɛ. Ɛcɛ ƴɛrɛŋa a, mãa n'ʋ yere: lɛ bɛ cãà n'a ɩ. Bʋ̃ʋ n'ʋ vɛ̃, ɩ̃ ƴãwnɛ nɩ bɛlɩ dem na ƴãwnɛ mɛ̃ a, ɛ́ bɛlɩ dem na bɛ ƴãwnɛ mɛ̃ a, bɛ mɩ̀ kʋ̃ nyɛ̃ ƴãwfʋ ɛ.