Matie 25:10 - A SƐB-SÕW

¹⁰ Bɛ na tɩ cere a kãá dab a, a dɛb-sãan tɩ ta na. A bɛl na tɩ cɔbrɩ baarɩ a, páw ʋ na kpɛ a kul-taa cuw dɩb dĩó, ɛ́ bɛ kpa a pan.

Matie 25:10 ပူးပေါင်းရင်းမြစ်များ

Yele-za-pɛr-tib 7:16

Dʋ̃-pɛ-bʋʋrɛ za, bʋ̃-daa nɩ bʋ̃-pɔw, tɩ kpɛ na mɛ̃ a lɛ a Naaŋmɩn na tɩ yel a. Al pùorí, a Sore tɩ nyɔw nɩ a pan pàw a Nowe.

Sɛb-sõw yielu 95:11

Lɛ n'a ɩ̃ nyɛ̃ suur pɔ à ŋá: «Bɛ kʋ̃ ta a ɩ̃ pɩ̃ɛnʋ zie ɩ.»

Matie 24:42

A na ɩ lɛ a, nyɩ bɛr gʋ̃ɔ, nyɩ na bɛ bãw a ʋlɩ bibir a nyɩ Sore na na wa a ƴãw.

Matie 24:43

Nyɩ bãwnɩ a na, a yir sob mɩ́ tɩ bãw tɛm nɛ a nyãnyuge na na wa a, ʋ nãá mɩ́ bɛr'ɩ gʋ̃ɔ, ɛ́ kʋ̃ʋ mɩ́ sàw ʋ kpɛ a ʋ yir pʋɔ ɩ.

Matie 24:44

Alɛ so, a nyɩɩm mɩ̀ a, nyɩ cɔbrɩ gùre, a tɛm ʋl nyɩ na bɛ bãw a n'ʋ a Nɩsaal Bie na wa.»

Matie 25:6

A zie na wa bɩ põ-zɛ̃-taa a, bɛ wõ n cɛl: “A dɛb-sãan n'ɩ ŋan! Nyɩ yi tuor'ʋ!”

Matie 7:21

«A bɛlɩ dem na mɩ́ yere a ɩ̃ zie: “Sore e, Sore e”, bɛlɛ bɛ nɛbɛ na kpɛ a tẽ-vla Naalʋ pʋɔ ɩ. A bɛl na maalɛ a ɩ̃ Sãà na be a tẽ-vla pʋɔ a pʋ-tɩɛrʋ a, bɛlɛ nɛbɛ na kpɛ a tẽ-vla Naalʋ pʋɔ.

Luka 12:35

«Nyɩ cɔbrɩ gù a tome, ɛ́ tɔ̃w a nyɩ fɩ̃tɩlɩ tɛr.

Luka 13:25

«A yir sob wa ìr pàw a pan baar'a, nyɩmɛ wa be a yẽw ɛ́ kpàwrɛ a pan yere nɩ: “Sore e, yuo tɩ”, ʋ na sɔw nyɩ na: “Ɩ̃ bɛ bãw nyɩ yib zie ɩ.”

Kɔlɔsɩ 1:12

Nyɩ puore a Naaŋmɩn Sãà yãanɩ nɩ nʋ̃ɔ̀, ʋl na ɩ nyɩ na tʋ̃ɔ́ páw a na-bʋ̃-vɩɛlɩ ʋ na cɔbrɩ bin a tẽ-vla cãà pʋɔ cɛlɛ nɩ a ʋ nɩ-sori a.

2 Timote 4:8

Ƴɛrɛŋa a, a mɩnʋ sã-ya gùre mɛ̃ na. A ƴɛ̀rʋ-maalʋ bibir wa vɩɛ a, a Sore na ɩ ƴɛ̀r-maalɛ na tuur yel-mɩŋa a na de ʋ na kʋ̀ m. Ɛcɛ mãa yõ kʋ̃ n'ʋ ɛ, ʋ mɩ̀ na de ʋ na kʋ̀ a bɛlɩ dem za na gùre nɩ nɔ̃wfʋ a daar ʋl ʋ nãà wa sãá a.

1 Pɩɛr 1:13

Lɛ so, nyɩ cɔbrɩ gù a tome, nyɩ mɩ́ nyɔw nyɩ tʋɔra a dɩb nɩ a nyub ƴãw, ɛ́ de a nyɩ tɩɛrʋ za ƴãw a maalʋ ʋl ƴãw bɛ na na kʋ̀ nyɩ, a lɛn daar a Yeezu Kɩrɩta nãà wa lɛb wul ʋ tʋɔra a.

Yel-wula 1:7

Nyɛ̃, ʋ be n a zũzuge pʋɔ waar, nɩsaal za na nyɛ̃ ʋ na, lãwnɩ a bɛlɩ dem na cɔ̀r ʋ col a. A tẽw zu yie dɔwlʋ za na kone nɩ a ʋ kuor. Sɩza n'a. Amɛn.

Yel-wula 19:7

Nyɩ ɩ tɩ cɩlɛ, ɛ́ nʋ̃ɔ̀ ɩrɛ tɩ, nyɩ ɩ tɩ zɛwr a ʋ yúor! Bʋ̃ʋ n'ʋ vɛ̃, a Pele kul-taa maalʋ ta na, a ʋ pɔw cɔbr'ɩ ʋ tʋɔra.

Yel-wula 22:20

A sob nɛ na dɩrɛ a yele á ŋá dãsɩɛ a yere na: «Ʋ̃ʋ, ɩ̃ kʋ̃ yaa kɛ́ wa ɩ!» Amɛn! Sore Yeezu u, wa!