Matie 24:31 - A SƐB-SÕW

³¹ Ʋ na tõ n a ʋ malkɩ mɩnɛ nɩ a wɩ-kpɛ̃ɛ a tẽ-daa lõbowe anaar za, bɛ tɩ bʋɔlɩ a ʋ nɩ-kaa-íri a tẽ-daa zu ziir za ɓã taa.»

Matie 24:31 ပူးပေါင်းရင်းမြစ်များ

Sɛb-sõw yielu 22:27

A bãbàalbɛ na dɩ na tɩw. Bɛlɩ dem na bɔbr a Sore a, bɛ danɛ ʋ ɛ́ tɛr nyɔ-vʋʋr-wogo!

Sɛb-sõw yielu 67:7

A tẽsɔw bʋ̃-kʋ́ɔrɩ maal'a, a Naaŋmɩn, a tɩ Naaŋmɩn maalɛ tɩ na!

Sɛb-sõw yielu 81:3

Nyɩ ŋmɛ a bʋ̃-ŋmɩɛrɩ ƴãw, nyɩ dibri a kʋɔr, nyɩ ŋmɛ a korijom bàalʋbàalʋ, lãwnɩ a pɛ̀nɛ́.

Eziptɩ tẽw yib 19:16

A deyere daarɩ́ biɓaara a, a saa tɩ tanɛ na, ɛ́ nyɩwrɛ, ɛ́ zʋ̀ʋr-sɛbla tɩ pàw a tãw. Ɩɩl mɩ̀ tɩ pɛblɛ nɩ kpɛ̃w kpɛ̃w za. Dɛ̃bɩ̃ɛ tɩ nyɔw nɩ a nɩbɛ a pɛnɛ-sɛwr pʋɔ, bɛ màwr.

Ɩzayi 11:12

Ʋ na zɛw nɩ bãwfʋ k'ʋʋ yel a nɩ-bʋʋrɛ bɛ ŋa ʋ na na lɛb ɓã a Ɩsɩrayɛl nɩbɛ taa a, bɛl bɛ na diw a bɛ tẽw pʋɔ cen nɩ a, nɩ ʋ na na lɛb ɓã a Zuda nɩbɛ taa na yàarɩ be a tẽw lõbowe anaar a.

Ɩzayi 13:5

A Sore nɩ a bɛlɩ dem ʋ na na wul'ɩ a ʋ suur a, yi n tẽ-zãána, bɛ yi n a tẽw tʋra ƴãw waar. Bɛ na wa sãw nɩ a tẽw za bɛr.

Ɩzayi 27:13

A ʋlɩ bibir nɛ a, a ɩɩl-kpɛ̃ɛ na pɛbl'a. Lɛ n'a a bɛlɩ dem na tɩ bɔr be a Asiiri tẽw a, nɩ a bɛl bɛ na tɩ diw cen nɩ a Eziptɩ tẽw a, na lɛb wa. Bɛ na wa gbĩ n dume gũu tɩ tɔ tẽw a Sore niŋé, a tãw-sõw zu, a Zerizalɛm.

Ɩzayi 42:10

Nyɩ yieli yiel-paala a Sore ƴãw. Nyɩ danɛ ʋ a tẽw baarʋ zie, nyɩɩm na duwre a kʋ̃ɔ-kpɛ̃ɛ zu a, nɩ bom za na paalɩ ʋ a, nɩ nyɩɩm, nɩ-bʋʋrɛ na zãá a.

Ɩzayi 43:6

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n.

Ɩzayi 45:22

Nyɩɩm na wɩɛr tɩ kpɩɛr a tẽw baarʋ zie a, nyɩ lɩɛbɩ cɔw mɛ̃, ɛ́ nyɩ na nyɛ̃ nɩ a faafʋ. Bʋ̃ʋ n'ʋ vɛ̃, mãa n'ɩ a Naaŋmɩn, kãw bɛ lɛb ka be ɩ.

Ɩzayi 49:18

Jɩ́r a ziir za kaa nyɛ̃: a fʋ bibiir za ɓanɛ nɩ taa, bɛ waar'ɩ a fʋ zie. A Sore yere na: Ɩ̃ taa bɛ wa vʋʋrɛ! Alɛ bɛ ɩ lɛ, bɛ na ɩ na mɛ̃ pɩ̃ɛmɛ fʋ na ƴãw a, mɛ̃ kpàwr pɔw na ƴãw nɩ yúor a na sɛ a.

Ɩzayi 60:4

Dʋɔ a zu a ziir za ɛ́ nyɛ̃: bɛ za ɓanɛ nɩ taa, bɛ waar'ɩ a fʋ zie. A fʋ bidɛbr yi n zi-zãána tarɛ, ɛ́ nɩbɛ pɛ̀w pɛ̀w a fʋ pɔwyaar.

Zakari 14:5

Nyɩ na tu n a fʋɔla ŋa na be a tan cara pʋɔ a zɔ. Bʋ̃ʋ n'ʋ vɛ̃, a fʋɔla na cen na tɩ ta a Asal tẽw. Nyɩ na zɔ na mɛ̃ a nyɩ sãàkʋm-kore na tɩ zɔ, a Zuda tẽw nãà Ozɩasɩ daar, a tẽsɔw-kɔbr damnʋ bibir a. Lɛ n'a a Sore ɩ̃ Naaŋmɩn na ta, ʋlɛ nɩ a malkɩ mɩnɛ na tone a ʋ tome a.

Zakari 2:6

Ɩ̃ tɩ sowr'ʋ na: «Nyɩnɛ na fʋ cere?» Ʋ sɔw mɛ̃: «Zerizalɛm'a, k'ɩ̃ɩ tɩ manɩ a ʋ wogo nɩ a ʋ yɛ̀lʋ.»

Zakari 6:5

Ʋ tɩ sɔw mɛ̃ na: «A sɛsɛbr anaar'a. A tɩ be n a tẽw za Sore niŋé, ɛcɛ ƴɛrɛŋa a, a cere na.»

Zakari 9:10

Ʋ na ír'ɩ a zɛbr-torkori bɛr a Efarayim, nɩ a wie a Zerizalɛm. Ʋ na kár'ɩ a zɛbr tamɛ bɛr. Ʋ na ƴãw nɩ a ƴã-ɓaarʋ a nɩ-bʋʋrɛ pʋɔ, ʋ na so nɩ a zie, kʋ̃ɔ-kpɛ̃ɛ tɩ tɔ n kʋ̃ɔ-kpɛ̃ɛ, a Efaratɩ man tɩ tɔ n a tẽw baarʋ zie.

Zakari 9:14

A Sore na sãá nɩ a ʋ nɩ-bʋʋrɛ zu-sɔw. A ʋ pĩi na cen na mɛ̃ saa na nyɩwrɩ a. A Sore Naaŋmɩn na pɛbl'ɩ a wɩ́ɛ, ʋ na lãw nɩ nɩ a saa-pɛrɩ́-dʋrʋ-lowr sa-pɛlɛ waar.

Matie 13:41

a Nɩsaal Bie na tõ n a ʋ malkɩ mɩnɛ a ʋ Naalʋ tẽw pʋɔ, bɛ wa tuur'ɩ a bɛlɩ dem za na ɩrɛ a bɛ taabɛ bɛ farɛ lore a, nɩ a bɛlɩ dem za na ɩrɛ ɩ-faar a,

Matie 24:22

A Naaŋmɩn bɛ tɩ ŋmãa a bibie a mɩnɛ bɛr a, nɩr kʋ̃ʋ tɩ cɛ ɩ. Ɛcɛ ʋ ŋmãa nɩ a bibie a mɩnɛ bɛr a ʋ nɩ-kaa-íri zũú.

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Matie 24:32

«Zʋkpar'ʋ a kãkã-tɩɛ mɩ́ lɔb kʋ̀ nyɩ: a ʋ wuli wa vore ʋʋ tɔmnɛ va-palɛ a, nyɩ mɩ́ bãw k'aa nyĩi daar tarɛ na.

Matie 25:31

«A Nɩsaal Bie wa lɛb wa n yúor-vɩɛlʋ-danʋ a, ʋlɛ nɩ a ʋ malkɩ mɩnɛ za a, ʋ na zɩ̃ n a ʋ naalʋ-dà-kɔw zu.

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Markɩ 13:27

Ʋ na tõ n a malkɩ mɩnɛ a tẽ-daa lõbowe za, a tẽw pɛrɩ́ tɩ tɔ a tẽw zũú, bɛ tɩ bʋɔlɩ a ʋ nɩ-kaa-íri ɓã taa.»

Luka 24:47

ɛ́ bɛ na tĩ nɩ a Zerizalɛm ɛ́ hieri yel a ɩb-lɩɛbʋ yele kʋ̀ a nɩ-bʋʋrɛ za, a ʋ yúor ƴãw, bɛ tʋ̃ɔ́ páw a bɛ yel-bebe suur.”

Zã 11:52

Ɛcɛ a bɛl tɛwr ƴãw kʋ̃ n'a ɩ, a mɩ̀ na ɩ n a Naaŋmɩn bibiir na yaarɩ a ziir za a ƴãw, k'ʋʋ lɛb ɓã bɛ taa bɛ ɩ been.

Ʋrɔm 10:18

Lɛ n'a ɩ̃ pãa sowre: a Zifʋ mɩnɛ taa ɩrɛ bɛ wa wõ a yel ŋa ʋ? Bʋnʋ ɩ, bɛ wõ ʋ na! À ŋá n'a a Sɛb-sõw yere: «A bɛ kɔkɔr yi na làarɩ a tẽw za, ɛ́ a bɛ ƴɛ̀rʋ tɔ a tẽw baarʋ ziir za.»

1 Korɛ̃tɩ 15:52

daƴen daadaa, tɩ na lɩɛb'ɩ fɔ̃wlɛ a wɩ-pɛ-baara wa pɛblɩ a. Bʋ̃ʋ n'ʋ vɛ̃, a wɩ́ɛ wa pɛblɩ a, a kũuni na lɛb'a yi kʋ̃ lɛb kpi towtow ɛ, ɛ́ a tɩɩm ƴã-gamɛ na lɩɛb'a.

Efɛɛzɩ 1:10

a tɩ faafʋ tome daar nãà wa ta a. Ʋ tɩ tɩɛrɛ na k'ʋʋ ɓã bom za na be a salom zu nɩ a tẽw zu a taa, ʋ ɓã a za taa na-kpɛ̃ɛ been pile na ɩ a Kɩrɩta a.

Wulu-ayi-sob 30:4

Bɛlɛ saa na tɛr nyɩ cen nɩ a tẽw baarʋ ziir a, a Sore nyɩ Naaŋmɩn na cen na tɩ tɛr nyɩ a be.

Wulu-ayi-sob 4:32

Nyɩ tɩɛrɩ a koro za yele nyɛ̃, a alɩ bome nɛ na ɩ a koro za, ɛ́ nyɩ wa bãw be a, a lɛ a Naaŋmɩn na tĩ kɛ́ ír a nɩsaalbɛ a tẽw zu a. Nyɩ tɩɛrɩ a alɩ yele za na ɩ a tẽ-daa tib zie tɩ tɔ a baarʋ zie a. Nɔ-ɓãa-yel ŋa tɔ dãw na ɩ ɩ? Nɩr dãw na wõ bɛ manɩ a yel ŋa tɔ ɔ?

1 Tesalonikɩ 4:16

Bʋ̃ʋ n'ʋ vɛ̃, a cɛl wa ŋmɛ a, a malkɩ-kpɛ̃ɛ kɔkɔr wa yi a, a Naaŋmɩn wɩ́ɛ wa pɛblɩ a, a Sore mɩŋa na yi n a salom zu siw. Lɛ n'a a kũuni bɛl na lãw nɩ a Kɩrɩta a na de niwn lɛb yi a kũu pʋɔ.

2 Tesalonikɩ 2:1

Yɛbr i, a tɩ Sore Yeezu Kɩrɩta waa, nɩ tɩ na na ɓã taa a ʋ zie a ƴãw a, tɩ zɛlɛ nyɩ na:

Ebre 12:19

wɩ́ɛ kɔkɔr nɩ nɩr kɔkɔr ɛ. A Ɩsɩrayɛl bibiir na tɩ wõ a kɔkɔr ŋa a, bɛ tɩ zɛlɛ na kɛ́ ƴɛ̀rʋ ta lɛb ƴɛ̀r dɔwlɩ ɛ.

Yel-wula 1:20

A ŋmar-bie ayopõi fʋ na nyɛ̃ a ɩ̃ dʋrʋ nũú a, nɩ a salm-zɩɛ fɩ̃tɩlɩ ayopõi pɛr na sɔwlɩ a n'ɩ ŋa: a ŋmar-bie ayopõi ɩ n a Lãw-yie ayopõi malkɩ mɩnɛ, ɛ́ a fɩ̃tɩlɩ ayopõi ɩ a Lãw-yie ayopõi.»

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

Yel-wula 7:1

À á ŋá pùorí, ɩ̃ tɩ nyɛ̃ nɩ malkɩ anaar bɛ àr a tẽw gõgone anaar ƴãw. Bɛ tɩ nyɔw nɩ a tẽw sɛsɛbr anaar tɛr, kɛ́ sɛsɛb za taa fure a tẽw zu, a kʋ̃ɔ-kpɛ̃ɛ zu nɩ tɩɛ kãw za zu ɛ.

Yel-wula 8:2

Al pùorí ɩ̃ nyɛ̃ a malkɩ mɩnɛ ayopõi bɛl na mɩ́ àr a Naaŋmɩn niŋé a. Bɛ tɩ kʋ̀ bɛ nɩ wɩɩr ayopõi.