Matie 24:29 - A SƐB-SÕW

²⁹ «Daadaalɛ, a kpɩɛrʋ á ŋá pùorí, a mʋ̃tɔ̃w na liw na, a cuw kʋ̃ lɛb pɛlɩ ɛ, a ŋmar-bie na yi n a salom zu pɔrɛ lore, ɛ́ a saa-zu kpɛnʋ bʋʋrɛ za na dam'a.

Matie 24:29 ပူးပေါင်းရင်းမြစ်များ

Ekilezɩasɩ 12:2

Lɛ n'a a mʋ̃tɔ̃w nɩ a cãà mɩ́ liw, a cuw nɩ ŋmar-bie mɩ̀, ɛ́ a zũzuwe mɩ́ lɛb wa a saa na mĩ baar'a.

Ɩzayi 13:10

A saa ŋmar-bi-beƴeni nɩ a al na mɩ́ ɓã taa a kʋ̃ cãà nyɩwrɛ ɩ. A mʋ̃tɔ̃w na mɩ́ pure na wa báarɛ ɛ́ liw, ɛ́ a cuw cãà kʋ̃ cãà caalɛ ɩ.

Ɩzayi 24:23

Vĩ na ɩrɛ nɩ a cuw, a mʋ̃tɔ̃w na nyɛ̃ nɩ vĩ. Bʋ̃ʋ n'ʋ vɛ̃, a Sore, a kpɛnʋ-za-sob, na dɩrɛ nɩ naalʋ a Zerizalɛm nɩ a Sɩyɔ̃ tãw zu. A ʋ yúor-vɩɛlʋ-danʋ na nyɩwrɛ nɩ a nɩ-kore niŋé.

Ɩzayi 34:4

A ŋmar-bi-yaga yaga ŋmarɛ na lore a za. A salom pìle na mɛ̃ sɛbɛ a. A salom zu bʋ̃-nyɩwrɩ za lore na mɛ̃ divɛ̃ tɩɛ bɩɩ kãkã-tɩɛ va-ŋmamɛ a.

Zowɛl 2:10

Alɛ wa tarɛ a, a tẽsɔw mɩ́ dam'a, ɛ́ a salom ɩ mɛ̃ ʋ lore na a, a mʋ̃tɔ̃w nɩ a cuw bɛ mɩ́ cãà caalɛ ɩ, ɛ́ a ŋmar-bie bɛ cãà nyɩwrɛ ɩ.

Amɔsɩ 5:20

A Sore bibir na ɩ n lige, ʋ kʋ̃ ɩ cãà ɩ. Liw-varkpara na bɛ tɛr cãà kãw za a.

Amɔsɩ 8:9

À ŋá n'a a Sore ɩ̃ Naaŋmɩn yere: a ʋlɩ bibir a, mʋ̃tɔ̃-tuo n'a ɩ̃ na ɩ a mʋ̃tɔ̃w kpɛ, mʋ̃tɔ̃-tuo, ɩ̃ na ɩ na a tẽw be lige pʋɔ.

Matie 24:21

A ʋlɩ daar nɛ a, kpɩɛrʋ kpɛ̃ɛ bɛ na bɛ dãw nyɛ̃ a tẽw íru daar wa tɔ a ƴɛrɛŋa a, na be n be, ɛ́ a pùorí bɛ kʋ̃ lɛb nyɛ̃ a kpɩɛrʋ ŋa tɔ ɩ.

Matie 24:8

A yele á ŋá za na ɩ na mɛ̃ 'wɔbrʋ na mɩ́ tĩ 'wɔbr pɔw a dɔwfʋ daar a.

2 Pɩɛr 3:10

A Sore waa bibir na vɩɛ na mɛ̃ nyãnyuge a. A ʋlɩ bibir nɛ a, a salom na dam'a ɩ gɔmɛ tɛwr ɛ́ bɔr. A salom zu bʋ̃-íri na nyɔw nɩ vũu dɩ nyɩl, a tẽw nɩ a bome al za na be a ʋ zu a kʋ̃ cãà ɩ.

Yel-wula 8:12

A malkɩ anaar sob tɩ pɛbl'ɩ a ʋ wɩ́ɛ. Bɛ tɩ ŋmɛ n a mʋ̃tɔ̃w na põ ziir ata a zi-been, nɩ a cuw na põ ziir ata a zi-been, lãwnɩ a ŋmar-bie na põ ziir atarɩ a zi-be-ƴeni, a ɩ lɛ a põ ziir-atarɩ á ŋá zi-be-ƴeni tɩ liw. A bibir cãà na põ ziir ata a, a zi-been cãà bɛ tɩ cãà caalɛ ɩ, ɛ́ lɛ n'a a mɩ̀ tɩ ŋmɛ̃ a tɩ̃ɩsɔw ƴãw.