A Sore tɩ lɛb'a yel mɛ̃: «A fʋ̃ʋ nɩsaal bie, yel a ɩ̃ yúor ƴãw a lili-pɛ-bʋʋrɛ za nɩ a wɛ-dʋn: Nyɩ yi a ziir za wa, nyɩ ɓã taa pʋɔ a bàwr ɩ̃ na maalɛ kʋ̀rɛ nyɩ a pʋɔ. Ʋ na ɩ n bàwr-kpɛ̃ɛ a Ɩsɩrayɛl tẽw tan zu. Nyɩ na 'wɔb'ɩ ƴã-gã-nɛn ɛ́ nyũ zɩ̃ɩ.
A bɛ wie garɛ na zuo nyoru, a zɔrɛ nɩ fɔ̃w zuo a wɛ-baar na mɩ́ bawlɛ a zaanʋɔra a. A bɛ wi-zɔmnbɛ garɛ na, bɛ yi n zi-zãána ɛ́ waar, bɛ ƴaw na waar mɛ̃ sɩla na siwr fiii a ʋ bʋ̃-dɩra zu a.
A po-tuurbɛ tɩ de nɩ a ƴɛ̀rʋ sowr'ʋ: «Nyɩnɛ n'a à á ŋá za na ɩ, Sore e?» Ʋ tɩ sɔw bɛ na: «A be a bʋ̃-kũu na na be a, be n'a a sidume mɩ̀ na gbone taa.»
A Sore na ɩ na nɩ-bʋʋrɛ nyɩ na bɛ wone a ƴɛ̀rʋ a, yi zi-zãána, yi a tẽw baarʋ zie, ɛ́ wa a nyɩ ƴãw. Bɛ na wa siw nɩ a nyɩ zu, mɛ̃ sɩla na mɩ́ siw a ʋ bʋ̃-nyɔwra zu a.
