Matie 24:27 - A SƐB-SÕW

²⁷ Mɛ̃ a lɛ a saa-nyɩwrʋ na mɩ́ yi a mʋ̃tɔ̃w puru zie tɩ ta a mʋ̃tɔ̃w kpɛb zie a, lɛ n'a a Nɩsaal Bie waa mɩ̀ na ŋmɛ̃.

Matie 24:27 ပူးပေါင်းရင်းမြစ်များ

A Zɔb sɛbɛ 37:3

Ʋ ɩ n a saa-tanʋ ta a salom zu ziir za, ɛ́ a saa-nyɩwrʋ tɔ a tẽw zu ziir za.

A Zɔb sɛbɛ 38:35

A saa na mɩ́ nyɩwrɩ a, fʋ̃ʋ n'ʋ mɩ́ tõ ʋ bɩɩ? Ʋ mɩ́ sàw nɩ a fʋ nʋɔr ɩ?

Ɩzayi 30:30

A Sore na ɩ na bɛ wõ a ʋ kɔkɔ-kpɛ̃w, ɛ́ bɛ na nyɛ̃ nɩ a ʋ kpãkpãw na siwr a ŋmɛb ƴãw a. Ʋ na wul'ɩ a ʋ suur na bɛ dɩ̃ɛnɛ a, vũu-zɛlɛ na dɩrɛ a pʋɔ, lãwnɩ saa na waar'ɩ sɛsɛb nɩ sa-bi-kube saa a.

Ezekɩɛl 1:14

A bʋ̃-vʋʋrɩ tɩ cere na ɛ́ waar fɔ̃w fɔ̃w za, mɛ̃ saa-nyɩwrʋ a.

Zakari 9:14

A Sore na sãá nɩ a ʋ nɩ-bʋʋrɛ zu-sɔw. A ʋ pĩi na cen na mɛ̃ saa na nyɩwrɩ a. A Sore Naaŋmɩn na pɛbl'ɩ a wɩ́ɛ, ʋ na lãw nɩ nɩ a saa-pɛrɩ́-dʋrʋ-lowr sa-pɛlɛ waar.

Malasɩ 3:2

Ãa n'ʋ na tʋ̃ɔ́ cãà, ʋlɛ wa ta a ʋlɩ bibir nɛ a? Ãa n'ʋ na cãà àr saaƴẽwn, ʋlɛ wa sãá a? Bʋ̃ʋ n'ʋ vɛ̃, ʋ ɩ na mɛ̃ kur-nyɩlɛ vũu a, mɛ̃ fɔbr pɛ́wrbɛ sɩfan a.

Matie 16:27

A Nɩsaal Bie na sɩrɩ na wa a ʋ Sãà yúor-vɩɛlʋ-danʋ pʋɔ, ʋlɛ nɩ a ʋ malkɩ mɩnɛ, lɛ n'a ʋ na mɩ́ ya ŋa za man nɩ a ʋ ɩb.

Matie 16:28

Yel-mɩŋa sɩza, ɩ̃ yere na kʋ̀rɛ nyɩ, a nɩbɛ na be a ka a, a bɛ pʋɔ a, bɛ mɩnɛ na nyɛ̃ nɩ a Nɩsaal Bie ʋ waar mɛ̃ nãà a, ɛ́ bɛ bãw kpi.»

Matie 24:26

Lɛ so, bɛlɛ wa yere kʋ̀rɛ nyɩ: “Nyɩ nyɛ̃, ʋ be n wɛja-kpalɛ pʋɔ”, nyɩ taa cere ɩ, bɩɩ: “Ʋlɛ n'ɩ ŋan sɔwlɩ ka”, nyɩ taa sàwr ɛ.

Matie 24:3

A Yeezu na tɩ zɩ̃ a Olivʋ tɩɩr tãw zu a, a ʋ po-tuurbɛ tɩ taw na pɩɛl ʋ bɛ tɛwr zie ɛ́ sowr'ʋ: «Yel kʋ̀ tɩ a lɛn daar a yele á ŋá na na ta a, nɩ a ʋlɩ bom nɛ na na ɩ a fʋ lɛb-waa nɩ a tẽw baarʋ bãwfʋ a.»

Matie 24:37

A lɛ a yele na tɩ ŋmɛ̃ a Nowe daar a, lɛ n'a a mɩ̀ na ŋmɛ̃ a Nɩsaal Bie waa daar.

Matie 24:39

Bɛ bɛ tɩ bãwnɩ yel ɛ, ɛ́ tɩ ta a lɛn daar a kʋ̃ɔ-paalʋ-kpɛ̃ɛ na wa tuo bɛ za a. À ŋá n'a a mɩ̀ na ŋmɛ̃ a Nɩsaal Bie waa daar.

Matie 24:44

Alɛ so, a nyɩɩm mɩ̀ a, nyɩ cɔbrɩ gùre, a tɛm ʋl nyɩ na bɛ bãw a n'ʋ a Nɩsaal Bie na wa.»

Matie 8:20

A Yeezu tɩ sɔw ʋ na: «A tʋrbaar tɛr'ɩ bɔwrɩ kpɩɛr, ɛ́ a mʋ̃ɔ pʋɔ lili tɛr cowr, ɛcɛ a Nɩsaal Bie ʋl bɛ tɛr zie na mɩ́ gã pɩ̃ɛnɩ ɛ.»

Zakɩ 5:8

A nyɩɩm mɩ̀, nyɩ nyɔw nyɩ tʋɔra, nyɩ kpɛmɛ socir, a Sore waa na pɩɛlɩ a ƴãw.

2 Pɩɛr 3:4

ɛ́ yere: «Ʋ bɛ yel k'ʋʋ na wa na ɩ? Ʋ wa? A tɩ sãà mɩnɛ na kpi wa tɔ dɩ̃a a, bom za cãà na ŋmɛ̃ a lɛ ʋ na tɩ ŋmɛ̃ a tẽw íru tib daar a.»