Matie 24:21 - A SƐB-SÕW

²¹ A ʋlɩ daar nɛ a, kpɩɛrʋ kpɛ̃ɛ bɛ na bɛ dãw nyɛ̃ a tẽw íru daar wa tɔ a ƴɛrɛŋa a, na be n be, ɛ́ a pùorí bɛ kʋ̃ lɛb nyɛ̃ a kpɩɛrʋ ŋa tɔ ɩ.

Matie 24:21 ပူးပေါင်းရင်းမြစ်များ

Ezekɩɛl 5:9

Ɩ̃ na ìr'ɩ a fʋ ƴãw mɛ̃ ɩ̃ na bɛ dãw ɩ ɛ́ kʋ̃ʋ wa ɩ towtow a, a fʋ ɩb na bɛ maal'ɩ wob a ƴãw.

Zowɛl 1:2

Nyɩ bɛrɛ wone, nyɩɩm nɩ-kore e, nyɩ za nyɩ yuo a nyɩ tobe, nyɩɩm na kpɩɛr a Zuda tẽw pʋɔ a! Yel ŋa tɔ ɩ n a nyɩ daar bɩɩ a nyɩ sãàkʋm-kore daar ɩ?

Zowɛl 2:2

Liw-varkpara bibir'ʋ, zũzuwe nɩ zũzuw-sɛblɛ bibir'ʋ. Sãsowe na yãwmɛ ɛ́ kpɛmɛ a, waar'a, a yɛ́r'a pàw a tan mɛ̃ a zi-wɛl-paala cãà a. Nɩr bɛ dãw nyɛ̃ a ɩ, ɛ́ nɩr kʋ̃ lɛb nyɛ̃ a ɩ a pùorí towtow ɛ.

Matie 24:20

Nyɩ puore zɛlɛ k'aa nyɩ zɔba taa wa ɩrɛ sa-kʋ̃ɔ zi-faa daar ɛ, bɩɩ pɩ̃ɛnʋ-bibir ɛ.

Matie 24:29

«Daadaalɛ, a kpɩɛrʋ á ŋá pùorí, a mʋ̃tɔ̃w na liw na, a cuw kʋ̃ lɛb pɛlɩ ɛ, a ŋmar-bie na yi n a salom zu pɔrɛ lore, ɛ́ a saa-zu kpɛnʋ bʋʋrɛ za na dam'a.

Markɩ 13:9

A nyɩɩm a, nyɩ gù nyɩ tʋɔra vla. Bɛ na nyɔw nyɩ na cen nɩ a ƴɛ̀rʋ-dɩb-lãw nɩbɛ niŋé nɩ a bɛ puoru-dirú, bɛ na ŋmɛ nyɩ nɩ faa faa, bɛ na tɛr nyɩ na cen nɩ na-kpɛ̃ɛ-lɩɛrbɛ nɩ na-mɩnɛ niŋé, a ɩ a mãa ƴãw, kɛ́ nyɩ tɩ dɩ a ɩ̃ dãsɩɛ a bɛ zie.

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

1 Tesalonikɩ 2:16

Bɛ bɛ sàwr tɩ na ƴɛ̀rɛ a Naaŋmɩn ƴɛ̀rʋ kʋ̀rɛ a nɩ-bʋʋr-yoru bɛ nyɛ̃ a faafʋ ɛ, à ŋá n'a bɛ ɩ a yel-bebe bɛ na maalɛ kʋralɛ a nʋɔr paalɩ. Ɛcɛ a Naaŋmɩn suur wa lo n a bɛ zu a baarʋ daar.

Yel-wula 16:18

Lɛ n'a a tɩ ɩ saa-nyɩwrʋ, kɔkɛɛ gɔmɛ nɩ a tẽsɔw-kɔbr na dam'ɩ fãw mɛ̃ bɛ na bɛ dãw nyɛ̃ ʋ dam'ɩ a fãw ŋa tɔ, a nɩsaal na tĩ kɛ́ be a tẽw zu a.

Yel-wula 7:14

Ɩ̃ tɩ sɔw ʋ na: «Ɩ̃ Zu-sob i, fʋ̃ʋ n'ʋ bãw.» Lɛ n'a ʋ tɩ yel mɛ̃: «Bɛlɛ n'ɩ a bɛl na yi a kpɩɛrʋ kpɛ̃ɛ pʋɔ wa a. Bɛ pɛ́w nɩ a bɛ kpar-wowr ɛ́ ɩ a pɛlɩ a Pele zɩ̃ɩ pʋɔ.