Matie 24:14 - A SƐB-SÕW

¹⁴ A Naaŋmɩn Naalʋ Yel-nʋ̃ɔ̀ ŋa na hier'a tɔ a tẽ-daa za, k'aa ʋ dãsɩɛ tʋ̃ɔ́ dɩ a nɩ-bʋʋr-yoru za zie. Lɛn daar'a a baarʋ daar pãa na ta.»

Matie 24:14 ပူးပေါင်းရင်းမြစ်များ

Ezekɩɛl 7:10

A ƴɛ̀rʋ-dɩb bibir vɩɛ na, a nyɩ daar ta na. A gãda-faa-ɩb bʋʋl'a pàw a ziir za. A pɔ̀l-ɩb yɛ̀r'a.

Matie 10:7

Nyɩ hiere a sɔ́r zu k'aa tẽ-vla Naalʋ taw na pɩɛlɩ.

Matie 18:19

«Ɩ̃ mɩ̀ cãà na lɛb yere kʋ̀rɛ nyɩ, a tẽw zu ka a, nɩbɛ ayi a nyɩ pʋɔ wa wõ taa zɛlɛ bom a, a ɩ̃ Sãà na be a tẽ-vla pʋɔ a, na kʋ̀ bɛ na.

Matie 24:3

A Yeezu na tɩ zɩ̃ a Olivʋ tɩɩr tãw zu a, a ʋ po-tuurbɛ tɩ taw na pɩɛl ʋ bɛ tɛwr zie ɛ́ sowr'ʋ: «Yel kʋ̀ tɩ a lɛn daar a yele á ŋá na na ta a, nɩ a ʋlɩ bom nɛ na na ɩ a fʋ lɛb-waa nɩ a tẽw baarʋ bãwfʋ a.»

Matie 24:6

Nyɩ na wone nɩ zɛbr na zɛbr pɩɛlɩ a gɔmɛ, ɛ́ wone bɛ ƴɛ̀rɛ zɛbr na zãá a ƴɛ̀rʋ. Nyɩ ta sàw pʋ̀lá vʋ̃ɔnɛ nyɩ ɛ. A fɛr'a k'aa ta, ɛcɛ a cãà kʋ̃ ɩ a tẽw baarʋ n'a ɩ.

Matie 4:23

A Yeezu tɩ cɔlɛ nɩ a Galile tẽw za kanɛ nɩ a nɩbɛ a puoru-dirú, hiere nɩ a tẽ-vla Naalʋ Yel-nʋ̃ɔ̀, ɛ́ sanɛ bàal-pɛ-bʋʋrɛ za nɩ nɩ-kɔwlʋ bʋʋrɛ za a nɩbɛ zie.

Matie 9:35

A Yeezu tɩ cɔlɛ nɩ a tẽ-bɛrɛ nɩ a teli, kanɛ nɩ a nɩbɛ a bɛ puoru-diru pʋɔ, ɛ́ hiere a tẽ-vla Naalʋ Yel-nʋ̃ɔ̀, ɛ́ sanɛ a bàalʋ za nɩ a nɩ-kɔwlʋ za.

Markɩ 13:10

Ɛcɛ a fɛr'a kɛ́ a Yel-nʋ̃ɔ̀ ƴɛ̀rʋ ta a ten za baarɩ.

Luka 2:1

A lɛn daar, a Sezaar Ogusi tɩ ƴãw nɩ nʋɔr kɛ́ bɛ sɔ́r a tẽ-daa zu-sɛbla za bãw bɛ nʋɔr.

Luka 24:47

ɛ́ bɛ na tĩ nɩ a Zerizalɛm ɛ́ hieri yel a ɩb-lɩɛbʋ yele kʋ̀ a nɩ-bʋʋrɛ za, a ʋ yúor ƴãw, bɛ tʋ̃ɔ́ páw a bɛ yel-bebe suur.”

Luka 4:5

A Gɛgɛra tɩ tɛr ʋ na do n zie na zɛw a zu, tɩ ƴãw k'ʋ bɛl daƴen daadaa nyɛ̃ a tẽ-daa na-mɩnɛ naalʋ-ten za,

Nɩ-toni 1:2

tɩ ta n a ʋlɩ bibir nɛ bɛ na ír ʋ do n a tẽ-vla a. A Vʋʋrʋ Sõw n'ʋ tɩ ƴãw ʋ ƴɛ̀r a ʋ ƴɛ̀r-pɛ-baara kʋ̀ a ʋ nɩ-toni ʋ na tɩ kaa ír a, ɛ́ pãa bãw do a tẽ-vla pʋɔ.

Nɩ-toni 11:28

Vʋʋrʋ Sõw tɩ caal'ɩ a bɛ ƴen sob, na dɩ kɛ́ Agabisɩ a, ʋ yel kɛ́ kɔ̃-kpɛ̃ɛ kʋ̃ yaa kɛ́ lo a tẽ-daa za zu ɛ. A kɔ̃ ʋl wa sɩrɩ na lo a Ʋrɔm tẽw na-kpɛ̃ɛ Kuloor daar.

Nɩ-toni 17:31

Sɩza n'a, ʋ ƴãw nɩ bibir ʋ na na maal'ɩ a tẽ-daa ƴɛ̀rʋ na tu yel-mɩŋa a. Ʋ kaa na ír nɩr a ƴɛ̀rʋ-maalʋ ŋa ƴãw. À ŋá n'a ʋ tɩ ɩ a sãá a nɩbɛ za zie, a lɛn daar ʋ na tɩ ɩ a nɩr ŋa lɛb yi a kũuni pʋɔ a.»

Nɩ-toni 17:6

Bɛ na tɩ bɔ a Pol nɩ a Sɩlasɩ gù a, bɛ nyɔw nɩ a Zazɔ̃ nɩ a yɛbr bɛ mɩnɛ cen nɩ a tẽw ƴɛ̀r-dɩrbɛ zie, tɩ ŋmɩɛr cɛlsɩ yere nɩ: «A nɩbɛ bɛ ŋa na dam a tẽ-daa za a, ƴɛrɛŋa a, bɛ be n a ka.

Nɩ-toni 19:27

A na ɩrɛ nɩ à ŋá, bɛ kʋ̃ʋ wa cãà ƴɛ̀rɛ vla a tɩ ton ŋa ƴãw ɛ. Ɛ́ lɛb waar, a tɩ ŋmɩn-pɔw-kpɛ̃ɛ Atemisɩ yir kʋ̃ cãà tɛr yúor ɛ. Ɛ́ alɛ wa ɩ à à ŋá a, a ŋmɩn-pɔw ŋa kʋ̃ cãà tɛr yúor ɛ, ʋl bɛ na puore ɛ́ ƴãwnɛ a Azi ka nɩ a tẽ-daa za zu a.»

Nɩ-toni 20:25

«Dɩ̃a na ta a, ɩ̃ bãwnɩ a na, nyɩɩm za sɔgɔ ɩ̃ na tu yi hieri a Naaŋmɩn Naalʋ dɩb a, nyɩ kʋ̃ lɛb nyɛ̃ a ɩ̃ niwn ɛ.

Ʋrɔm 10:18

Lɛ n'a ɩ̃ pãa sowre: a Zifʋ mɩnɛ taa ɩrɛ bɛ wa wõ a yel ŋa ʋ? Bʋnʋ ɩ, bɛ wõ ʋ na! À ŋá n'a a Sɛb-sõw yere: «A bɛ kɔkɔr yi na làarɩ a tẽw za, ɛ́ a bɛ ƴɛ̀rʋ tɔ a tẽw baarʋ ziir za.»

Kɔlɔsɩ 1:23

Ɛcɛ a fɛr'a kɛ́ a nyɩ naaŋmɩn-sàwfʋ ɩ nyɩ kpɛmɛ, bà gbɛ́r àr, ta sàw bom za taw nyɩ zãá nɩ a nyɩ tɩɛrʋ ʋl nyɩ na tɛr a ɩ, a lɛn daar za nyɩ na tɩ wõ a Yel-nʋ̃ɔ̀ a. A Yel-nʋ̃ɔ̀ ŋa hier'a ta bʋ̃-íra za a tẽw zu, ɛ́ a mãa Pol, ɩ̃ lɩɛb'ɩ a Yel-nʋ̃ɔ̀ ŋa tõ-tone.

Kɔlɔsɩ 1:6

A Yel-nʋ̃ɔ̀ manɛ na yaarɛ ɛ́ wɔnɛ wɔmɛ a tẽ-daa za zu, mɛ̃ a lɛ ʋ na tɩ ɩ a nyɩ sɔgɔ a ʋlɩ bibir nɛ za nyɩ na wõ bɛ ƴɛ̀r a Naaŋmɩn maalʋ ƴɛ̀rʋ, ɛ́ nyɩ nyɛ̃ lɛ ʋ na sɩrɩ ŋmɛ̃ a.

Ebre 1:6

Ɛcɛ a lɛn daar a Naaŋmɩn na tɩ ƴãw a ʋ Bi-dãw-dɔwra ʋ waar a tẽ-daa zu a, ʋ tɩ yere na: «A Naaŋmɩn malkɩ mɩnɛ za, bɛ gbine dume a ʋ niŋé.»

Ebre 2:5

A nɩdaar tẽw ƴɛ̀rʋ tɩ na ƴɛ̀rɛ a, malkɩ mɩnɛ bɛ nɛbɛ a Naaŋmɩn ƴãw bɛ dɩ naalʋ a ʋ zu ɛ.

Yel-wula 14:6

Al pùorí, ɩ̃ tɩ nyɛ̃ nɩ malkɩ yũo ʋ laarɛ a saa-zu za. Ʋ tɩ tɛr'ɩ Yel-nʋ̃ɔ̀ na be kʋralɛ a na yel kʋ̀ a bɛlɩ dem na kpɩɛr a tẽw zu a: tẽw za, dɔwlʋ za, ƴɛ̀r-pɛ-bʋʋrɛ za nɩ nɩ-bʋʋrɛ za.

Yel-wula 16:14

Kɔ̃tɔmɛ sɩrɩ n'a! A maalɛ nɩ yel-bãw-guuri! A mɩ́ cen nɩ a tẽ-daa za na-mɩnɛ zie k'aa tɩ bʋɔlɩ bɛ ɓã taa a Naaŋmɩn kpɛnʋ-za-sob zɛbr bibi-kpɛ̃ɛ ƴãw.

Yel-wula 3:10

Ɩ̃ na yel kɛ́ fʋ dɩ kanyir fʋ sàw a, ɩ̃ mɩ̀ na gù b'ɩ a kpɩɛrʋ daar, a kpɩɛrʋ na na páw a tẽ-daa za k'ʋʋ ɩ a tẽw zu nɩbɛ kaa a.