Matie 23:9 - A SƐB-SÕW

⁹ Nyɩ ta bʋɔlɛ nɩr za a tẽw zu ka kɛ́ nyɩ “Sãà” ɩ, Sãà been yõ n'ʋ nyɩ tɛr, a ʋl na be a tẽ-vla pʋɔ a.

Matie 23:9 ပူးပေါင်းရင်းမြစ်များ

2 Na-mɩnɛ 13:14

A Elize na tɩ ìr, ɩ bàal, ɛ́ a ɩ a ʋ kũu-kʋra bàalʋ a, a Ɩsɩrayɛl tẽw nãà, Zowasɩ, tɩ cen nɩ a ʋ zie. Ʋ tɩ gũu na cɔw ʋ, ɛ́ kone yere nɩ: «Ɩ̃ sãà a! Ɩ̃ sãà a! Fʋ zɛ̃ na mɛ̃ a Ɩsɩrayɛl zɛbr-torkori za, nɩ a wi-zɔmnbɛ za a!»

2 Na-mɩnɛ 2:12

A Elize tɩ nyɛ̃ na, ɛ́ cɩɩrɛ yere: «Ɩ̃ sãà a! Ɩ̃ sãà a! Fʋ tɩ zɛ̃ na mɛ̃ a Ɩsɩrayɛl zɛbr-torkori za, nɩ a wi-zɔmnbɛ za a!» Al pùorí, ʋ bɛ lɛb cãà nyɛ̃ a Eli ɛ. Lɛ n'a ʋ tɩ nyɔw a ʋ kparɩ taw cɩɛrɩ ziir ayi.

2 Na-mɩnɛ 6:21

A Ɩsɩrayɛl tẽw nãà na tɩ nyɛ̃ a sojarɩ bɛ ŋa za a, ʋ sowr'ɩ a Elize: «Ɩ̃ sãà a, ɩ̃ kʋ bɛ bɩɩ?»

Malasɩ 1:6

A mãa, a Sore Kpɛnʋ-za-sob, ɩ̃ yere nɩ à ŋá kʋ̀rɛ a bàwr-maalbɛ: «Bie mɩ́ ƴãwnɛ nɩ ʋ sãà, ɛ́ tõ-tõ-bie ƴãwnɛ a ʋ nɩ-kpɛ̃ɛ. Ɛcɛ, mãa wa ɩ sãà a, a ƴãwfʋ wa nyɩ na ƴãwnɛ mɛ̃ a? Ɛ́ mãa wa ɩ nɩ-kpɛ̃ɛ a, a ƴãwfʋ a na fɛr kɛ́ nyɩ ƴãwnɛ mɛ̃ a, ʋ wa? Nyɩ bɛ bʋɔlɛ mɛ̃ nɩr ɛ, ɛ́ yere: “Nyɩn lowr'a tɩ bɛ bʋɔlɩ fʋ nɩr?”

Matie 23:10

Nyɩ mɩ̀ ta ƴãw bɛ bʋɔlɛ nyɩ: “Zu-sob” ɛ, Zu-sob been n'ʋ nyɩ tɛr, a Kɩrɩta n'ʋ.

Matie 6:32

Tɩbɛ dem nɛbɛ mɩ́ bɔbr à á ŋá za kʋralɛ. Ɛcɛ a nyɩ Sãà na be a tẽ-vla pʋɔ a, bãwnɩ a na nyɩ na tɛr à á ŋá za yel-ɩra a.

Matie 7:11

A nyɩɩm na ɩ nɩ-faar a, nyɩmɛ wa bãw bʋ̃-vɩɛlɩ mɩ́ kʋ̀ a nyɩ bibiir a, ŋmɩŋmɩn za n'a a nyɩ Sãà na be a tẽ-vla pʋɔ a, kʋ̃ kʋ̀ bʋ̃-vɩɛlɩ zuo lɛ, a bɛlɩ dem na zɛlɛ ʋ a?

Nɩ-toni 22:1

«Ɩ̃ yɛbr nɩ ɩ̃ sãà mɩnɛ ɛ, nyɩ pãa wõ a ƴɛ̀rʋ ɩ̃ na tɛr a nyɩ zie, k'ɩ̃ɩ ƴɛ̀r faa ɩ̃ tʋɔra a.»

1 Korɛ̃tɩ 4:15

Sɩza n'a, nyɩmɛ saa na tɛr wul-wulbɛ bɛ ta tùr-pie (10 000) a Kɩrɩta pʋɔ a, ɛcɛ nyɩ bɛ tɛr sãà yaga ɩ. Mãa n'ʋ ɩ nyɩ lɩɛbɩ kɩrɩta-nɩbɛ, a Yel-nʋ̃ɔ̀ ɩ̃ na hieri kʋ̀ nyɩ a zũú.

2 Korɛ̃tɩ 6:18

Ɩ̃ na ɩ n sãà a nyɩ zie, ɛ́ nyɩ ɩ bidɛbr nɩ pɔwyaar a ɩ̃ zie, a Sore kpɛnʋ-za-sob'ʋ yel.»

Ebre 12:9

Tɩ tɩ tɛr'ɩ a tɩ sãà mɩnɛ a tẽw zu ka, bɛ kpãànɛ tɩ, ɛ́ tɩ ƴãwnɛ bɛ, ɛ́ bɛ nãà yere a tɩ Sãà na be a tẽ-vla pʋɔ a? A fɛr'a kɛ́ tɩ sàwr a ʋ nʋɔr, ʋʋ kʋ̀ tɩ a nyɔ-vʋʋrʋ.

1 Zã 3:1

Nyɩ nyɛ̃ a Naaŋmɩn Sãà na nɔ̃w tɩ sɛw, tɩ ƴãw bɛ bʋɔlɛ tɩ Naaŋmɩn bibiir a! Ɛ́ tɩ ɩ ʋ na! A lɛ n'a so a tẽ-daa bɛ bãw tɩ ɛ, ʋ na bɛ bãw a Naaŋmɩn a ƴãw.