Matie 23:34 - A SƐB-SÕW

³⁴ Lɛ so, nyɩ nyɛ̃, ɩ̃ tone nɩ naaŋmɩn-ƴɛ̀r-manbɛ, nɩ yã-bãwnbɛ, nɩ Naaŋmɩn wulu sɛ-sɛbrbɛ a nyɩ zie. Nyɩ na kʋ n bɛ mɩnɛ, ɛ́ kpa bɛ mɩnɛ da-gara zu, nyɩ na fɔb'ɩ bɛ mɩnɛ a nyɩ puoru-diru pʋɔ, ɛ́ diw bɛ tẽw ŋa tɩ sãá nɩ tẽw ŋa,

Matie 23:34 ပူးပေါင်းရင်းမြစ်များ

2 Na-mɩnɛ 21:10

Lɛ n'a a Sore tɩ ƴãw a ʋ tõ-tõ-biir, a naaŋmɩn-ƴɛ̀r-manbɛ, ƴɛ̀r à ŋá:

2 Bibie za yel-manɩ 24:21

Lɛ n'a a nɩbɛ tɩ bʋ taa a Zekarɩa ƴãw, ɛ́ a nãà ƴãw bɛ lɔb'ɩ ʋ kʋsɛbɛ a Sore yir-kpɛ̃ɛ davʋra pʋɔ.

Zʋkpaɩ 11:30

A nɩ-mɩŋa ɩ na mɛ̃ tɩɛ na tɩrɛ nyɔ-vʋʋrʋ a, ɛ́ a yã-bãwnɛ mɩ́ páw a nɩbɛ socie.

Zeremi 26:8

A Zeremi na tɩ ƴɛ̀r a ƴɛ̀rʋ, a Sore na tɩ ƴãw a nʋɔr kʋ̀ ʋ k'ʋʋ ƴɛ̀r kʋ̀ a nɩbɛ a, wa baarɩ a, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ za tɩ nyɔw ʋ na ɛ́ yere: «Fʋ sɛwnɩ nɩ kũu!»

Zeremi 36:26

Ʋ nɩ̃ɛ na tɩ yel kʋ̀ a nãà bidɛb, Yeramɩɛl, nɩ Azirɩɛl bidɛb, Serayahu, nɩ Avɩdɩɛl bidɛb, Selemɩahu, kɛ́ bɛ nyɔw a sɛ-sɛbrɛ Barukɩ nɩ a naaŋmɩn-ƴɛ̀r-manɛ Zeremi. Ɛcɛ a Sore tɩ sɔwlɩ bɛ na.

Matie 10:23

Bɛlɛ wa diwr nyɩ tẽw kãw a, nyɩɩm zɔ cen tẽ-yũo pʋɔ, yel-mɩŋa sɩza, ɩ̃ yere kʋ̀rɛ nyɩ, nyɩ kʋ̃ zɔ cɔlɩ a Ɩsɩrayɛl ten baarɩ ɛ, ɛcɛ a Nɩsaal Bie wa.

Matie 13:52

Ʋ lɛb yel bɛ: «A na ŋmɛ̃ à ŋá a, Naaŋmɩn wulu sɛ-sɛbrɛ za na bãw a tẽ-vla Naalʋ yele a, ŋmɛ̃ na taa nɩ yir sob na mɩ́ ír bʋ̃-paalɛ nɩ bʋ̃-kore a ʋ na-bome pʋɔ a.»

Matie 23:31

À ŋá n'a nyɩ mɩ́ ƴɛ̀r nyɔw nyɩ tʋɔra: a bɛlɩ dem na kʋ a naaŋmɩn-ƴɛ̀r-manbɛ a, bʋ̃-dɔwrɩ n'ɩ nyɩ.

Luka 24:47

ɛ́ bɛ na tĩ nɩ a Zerizalɛm ɛ́ hieri yel a ɩb-lɩɛbʋ yele kʋ̀ a nɩ-bʋʋrɛ za, a ʋ yúor ƴãw, bɛ tʋ̃ɔ́ páw a bɛ yel-bebe suur.”

Zã 16:2

Bɛ na diw nyɩ na bɛr a Zifʋ mɩnɛ puoru-dirú. Mɔ̃ mɩ̀, bio waar'a na vɩɛ, bɛ na mɩ́ nyɔw nyɩ kʋ ɛ́ tɩɛrɛ kɛ́ bàwr'ʋ bɛ maalɩ kʋ̀ a Naaŋmɩn.

Zã 20:21

Ʋ tɩ lɛb'a maal yel bɛ: «A ƴã-ɓaarʋ, ʋ be a nyɩ zie! Mɛ̃ a lɛ a ɩ̃ Sãà na tõ m a, lɛ n'a ɩ̃ mɩ̀ tone nyɩ.»

Nɩ-toni 1:8

Ɛcɛ a Vʋʋrʋ Sõw na siw nɩ a nyɩ zu, kʋ̀ nyɩ fãw, ɛ́ nyɩ na ɩ n ɩ̃ dãsɩɛ nɩbɛ a Zerizalɛm, a Zude nɩ a Samaari ten za pʋɔ, tɩ tɔ n a tẽw baarʋ ziir za.»

Nɩ-toni 11:27

A alɩ bibie nɛ pʋɔ, naaŋmɩn-ƴɛ̀r-manbɛ tɩ yi n Zerizalɛm ɛ́ siw wa a Ãtɩɔsɩ.

Nɩ-toni 12:2

Ʋ tɩ ƴãw na bɛ kʋ a Zã yɛb Zakɩ nɩ zɛbr-sɔ-kpɛ̃ɛ.

Nɩ-toni 13:1

A Ãtɩɔsɩ Lãw-yir pʋɔ, naaŋmɩn-ƴɛ̀r-manbɛ nɩ kã-kanbɛ tɩ be n be: Banabasɩ nɩ Sɩmɩ̃ɔ bɛ na kpɔwrɛ bʋɔlɛ Nɩ-sɛbla a, Lisiisɩ na yi Sɩɩrɛn a, nɩ Manayɛn na ɩ a Galile tẽw nàle Erɔdɩ bibi-daarɩ tu-ta-tɔ a, pãa de nɩ Sol.

Nɩ-toni 14:19

Ɛcɛ a Ãtɩɔsɩ nɩ a Ɩkonɩɔm tẽw Zifʋ mɩnɛ tɩ wa na wa lɩɛbɩ a zu-sɛbla tɩɛrʋ, ƴãw bɛ tu bɛ, ɛ́ lɔb a Pol nɩ kʋsɛbɛ, ɛ́ nyɔw ʋ vu yi n bɛr a tẽw pʋɔ, ɛ́ tɩɛrɛ k'ʋʋ kpi na.

Nɩ-toni 15:32

A Zuda nɩ a Sɩlasɩ mɩ̀ na tɩ ɩ naaŋmɩn-ƴɛ̀r-manbɛ a, bɛ tɩ ƴɛ̀r'ɩ yaga a bɛ zie, kɛ́ bɛ tʋ̃ɔ́ sõw bɛ ɛ́ tɩɛ bɛ a naaŋmɩn-sàw-deb pʋɔ.

Nɩ-toni 5:40

ɛ́ ƴãw bɛ lɛb bʋɔlɩ a nɩ-toni wa n, wa ƴãw bɛ fɔb bɛ, ɛ́ yel kʋ̀ bɛ kɛ́ bɛ taa lɛb wa ƴɛ̀rɛ a Yeezu yúor ƴãw towtow ɛ, ɛ́ lɛb bɛr bɛ.

1 Korɛ̃tɩ 2:6

Yã-bãwfʋ ƴɛ̀rʋ n'a tɩ sɩrɩ ƴɛ̀rɛ a kɩrɩta-nɩbɛ bɛl na bɩ nɩbɛ a bɛ naaŋmɩn-sàw-deb pʋɔ a sɔgɔ, yã-bãwfʋ na bɛ ɩ tẽw ŋa zu dem, bɛ lɛb ɩ tẽw ŋa zu na-mɩnɛ dem a n'ʋ, bɛl be n kũu ƴãw.

1 Korɛ̃tɩ 3:10

Mɛ̃ a lɛ a Naaŋmɩn na kʋ̀ m a maalʋ a, ɩ̃ sʋ̃ɔ́ nɩ a yir pɛr mɛ̃ nɩr na sɩrɩ bãw a yir ŋmãafʋ yele a, ɛ́ nɩ-yũo mɩɛr dɔwlɛ. Ɛcɛ ŋa za, ʋ mɩ́ gù vla a lɛ ʋ na mɩɛr a.

Kɔlɔsɩ 1:28

A Kɩrɩta ŋa yele n'a tɩ manɛ, kpaalɛ nɩ nɩr za, wule nɩ nɩr za nɩ yã-bãwfʋ, kɛ́ tɩ tʋ̃ɔ́ ɩ nɩr za vɩɛl ʋ za lãwnɩ a Kɩrɩta.

1 Tesalonikɩ 2:16

Bɛ bɛ sàwr tɩ na ƴɛ̀rɛ a Naaŋmɩn ƴɛ̀rʋ kʋ̀rɛ a nɩ-bʋʋr-yoru bɛ nyɛ̃ a faafʋ ɛ, à ŋá n'a bɛ ɩ a yel-bebe bɛ na maalɛ kʋralɛ a nʋɔr paalɩ. Ɛcɛ a Naaŋmɩn suur wa lo n a bɛ zu a baarʋ daar.

Ebre 11:37

Bɛ tɩ lɔb'ɩ bɛ mɩnɛ nɩ kʋsɛbɛ kʋ, fɔw bɛ mɩnɛ ŋma ziir ayiri nɩ sɔ-nyɩmɛ, kʋ bɛ mɩnɛ nɩ zɛbr-sɔ-kpɛ̃ɛ. Bɩɩ bɛ mɩ́ tɩ cɔlɛ na gʋɔr, su píir bɩɩ bʋʋr gamɛ kparɩ. Bɛ bɛ tɩ tɛr bom ɛ, ɛ́ bɛ ɩrɛ a kpɩɛr bɛ, dɔwrɛ nɩ bɛ.

Yel-wula 11:10

Nʋ̃ɔ̀ na ɩrɛ nɩ a tẽw zu nɩbɛ a nɩbɛ bɛ ŋa kũu ƴãw. Bɛ na cɩlɛ na kʋ̀rɛ nɩ taa bome, bʋ̃ʋ n'ʋ vɛ̃, a ƴɛ̀r-manbɛ bɛ ŋa ayi tɩ dɔwrɩ bɛ nɩ yaga.