Matie 21:34 - A SƐB-SÕW

³⁴ A wɔmɛ pɔrʋ daar na wa ta a, ʋ tõ n a ʋ tõ-tõ-biir a divɛ̃ tɩɩr po-kʋ́ɔrbɛ zie kɛ́ bɛ tɩ tɩr a ʋ dem.

Matie 21:34 ပူးပေါင်းရင်းမြစ်များ

Ɩzayi 5:4

Bʋ̃ʋ n'ʋ ɩ̃ nãá tʋ̃ɔ́ lɛb ɩ a ɩ̃ divɛ̃ tɩɩr púo ƴãw ɛ́ bɛ ɩ? Ɩ̃ tɩ gùre nɩ wɔ̃-vɩɛlɩ a ʋ zie, bʋ̃ʋ n'ʋ so ʋ wa wɔ̃ wɔ̃-faar?

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Matie 21:35

Ɛcɛ a divɛ̃ tɩɩr po-kʋ́ɔrbɛ tɩ nyɔw nɩ a ʋ tõ-tõ-biir, pɔb a kãw, kʋ a ƴen sob, ɛ́ lɔb a kãw nɩ kʋsɛbɛ kʋ.

Matie 21:38

Ɛcɛ a divɛ̃ tɩɩr po-kʋ́ɔrbɛ na wa nyɛ̃ a bie a, bɛ yel'a kʋ̀ taa: “A gbã-dɩrɛ n'ʋ. Nyɩ wa tɩ nyɔw ʋ kʋ ɛ́ so a gbã-dɩ-bome!”

Matie 21:40

A na ɩ à ŋá a, a divɛ̃ tɩɩr púo sob wa wa a, ʋ na ɩ n a divɛ̃ tɩɩr po-kʋ́ɔrbɛ bɛ ŋa ŋmɩn?»

Matie 21:41

Bɛ tɩ sɔw ʋ na: «Ʋ na kʋ n a nɩ-faar bɛ ŋa po-to-kʋb, ɛ́ de a divɛ̃ tɩɩr púo kʋ̀ nɩ-yoru, a daar mɩ́ wa ta bɛ kʋ̀ ʋ a wɔmɛ.»

Matie 22:3

Ʋ tɩ tõ n a ʋ tõ-tõ-biir kɛ́ bɛ cen tɩ bʋɔlɩ a nɩbɛ ʋ na bʋɔlɩ a cuw dɩb ƴãw a. Ɛcɛ bɛ bɛ tɩ bɔbr a waa ɩ.

Markɩ 12:1

Al pùorí, a Yeezu tɩ tĩ na lɔbr zʋkpaɩ kʋ̀rɛ bɛ. Ʋ tɩ yel'a: «Nɩr kãw tɩ kɔ n divɛ̃ tɩɩr púo. Ʋ tɩ mɛ n dacin viiri koli ʋ, ɛ́ tuw bɔw a wɔmɛ nɛbrʋ ƴãw, ɛ́ maalɩ a bʋ̃-gùre zaba. Al pùorí, ʋ de ʋ na kʋ̀ nɩbɛ kɛ́ bɛ kaarɛ, ɛ́ yɔ.

Markɩ 12:7

Ɛcɛ a po-kaarbɛ bɛ ŋa tɩ yel'a kʋ̀ taa: “A gbã-dɩrɛ n'ɩ à ŋà! Nyɩ wa tɩ kʋ ʋ, ɛ́ tɩ na so nɩ a púo.”

Markɩ 12:9

A Yeezu tɩ sowri bɛ na: «Bʋ̃ʋ n'ʋ a púo sob na ɩ? Ʋ na wa na wa kʋ a po-kaarbɛ ɛ́ de a púo kʋ̀ nɩ-yoru.

Luka 20:9

Al pùorí, a Yeezu tɩ lɔb'ɩ zʋkpar ŋa kʋ̀ a zu-sɛbla: «Nɩr kãw tɩ ƴãw nɩ púo sɛl divɛ̃ tɩɩr. Ʋ tɩ de ʋ na kʋ̀ nɩbɛ kɛ́ bɛ kaarɛ, ɛ́ bɛ wa lãw a wɔmɛ, ʋʋ yi yɔb na tɩ kɔwrɩ.