Matie 21:29 - A SƐB-SÕW

²⁹ A bie nɛ tɩ sɔw na: “Ɩ̃ bɛ cere ɩ”, ɛ́ blã wa pʋɔ ʋ nyɛ̃ a bɛ vɩɛl ɛ, ʋ cen.

Matie 21:29 ပူးပေါင်းရင်းမြစ်များ

Eziptɩ tẽw yib 4:28

A Moyiir tɩ man nɩ a ƴɛ̀rʋ al za a Sore na tɩ tõ n ʋ a, kʋ̀ a Aarɔ̃, nɩ a nɔ-ɓãa-yele al za ʋ na tɩ yel k'ʋʋ tɩ maalɩ a.

Zeremi 44:16

«Fʋ na saa yel k'aa Sore yúor ƴãw n'a fʋ ƴɛ̀rɛ a tɩ zie a, tɩ bɛ bɛrɛ wone a fʋ ƴɛ̀rʋ ɛ.

Zonasɩ 3:2

«Ìr cen a Nɩnɩɩvʋ tẽ-kpɛ̃ɛ pʋɔ, tɩ hieri a ƴɛ̀rʋ ɩ̃ na kʋ̀ b a kʋ̀ ʋ.»

Sɔr-nɛ́ɛ 10:30

A Hobab tɩ sɔw na: «Ɩ̃ bɛ waar ɛ, ɩ̃ na lɛb'a kul a ɩ̃ tẽw nɩ a ɩ̃ yir.»

Matie 21:28

A Yeezu tɩ cãà na lɛb yel: «Nyɩ tɩɛr'ɩ ŋmɩn yel ŋa ƴãw? Nɩr kãw tɩ tɛr'ɩ bibiir ayi. Ʋ tɩ yel'ɩ a dãw-niwn sob: “Ɩ̃ bie e, cen tɩ tõ a divɛ̃ tɩɩr púo pʋɔ a dɩ̃a.”

Matie 21:30

A sãà tɩ cen nɩ a ayi sob zie tɩ yel a ʋlɩ bʋ̃-been nɛ. Ʋ tɩ sɔw na: “Ɩ̃ sãà a, ɩ̃ cere na”, ɛ́ bɛ cen ɛ.

Matie 21:31

A bɛ ayi pʋɔ a, buor sob'ʋ maalɩ a ʋ sãà pʋ-tɩɛrʋ?» Bɛ tɩ sɔw na: «A dãw-niwn sob'ʋ.» Lɛ n'a a Yeezu tɩ yel bɛ: «Yel-mɩŋa sɩza, ɩ̃ yere na kʋ̀rɛ nyɩ: zuru-yar-dierbɛ nɩ pɔw-yɛmɛ na dãw nyɩ nɩ a Naaŋmɩn Naalʋ pʋɔ.

Nɩ-toni 26:20

Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a.

1 Korɛ̃tɩ 6:11

À ŋá n'a nyɩ mɩnɛ tɩ ŋmɛ̃. Ɛcɛ bɛ so n a nyɩ dɛwr bɛr nyɩ, bɛ ɩ na nyɩ lɩɛbɩ nɩ-son nɩ nɩ-mɩn a Sore Yeezu Kɩrɩta yúor ƴãw nɩ a tɩ Naaŋmɩn Vʋʋrʋ Sõw ƴãw.