Matie 21:26 - A SƐB-SÕW

²⁶ Ɛ́ tɩmɛ wa yel kɛ́ nɩsaalbɛ zie n'a, a na fɛr'a kɛ́ tɩ bãwnɩ a a zu-sɛbla na kʋ̃ bɛr tɩ a. Bʋ̃ʋ n'ʋ vɛ̃, a nɩbɛ za zie a, a Zã tɩ ɩ n naaŋmɩn-ƴɛ̀r-manɛ.»

Matie 21:26 ပူးပေါင်းရင်းမြစ်များ

Ɩzayi 57:11

Ãa dɛ̃bɩ̃ɛ n'a fʋ tɩ zɔrɛ, ãa n'ʋ fʋ tɩ zɔrɛ ŋma a ziri, yiiri mɛ̃ bɛr bɛ cãà tɛr a ɩ̃ tɩɛrʋ? Mãa a, ɩ̃ ɩ n gbili a koro za, alɛ n'a so fʋ bɛ zɔrɛ mɛ̃ ɩ.

Matie 11:9

A na ɩ lɛ a, bʋ̃ʋ n'ʋ nyɩ cen tɩ nyɛ̃? Naaŋmɩn-ƴɛ̀r-manɛ n'ʋ bɩɩ? Ʋ̃ʋ, mãa n'ʋ yere kʋ̀rɛ nyɩ, ʋ zuo nɩ naaŋmɩn-ƴɛ̀r-manɛ.

Matie 14:5

A Erɔdɩ tɩ bɔbr'ɩ a Zã kʋb, ʋʋ tɩ zɔrɛ nɩ a zu-sɛbla dɛ̃bɩ̃ɛ, bɛl zie a, a Zã tɩ ɩ n naaŋmɩn-ƴɛ̀r-manɛ.

Matie 21:11

A zu-sɛbla tɩ sɔw na: «A naaŋmɩn-ƴɛ̀r-manɛ Yeezu na yi Nazarɛtɩ, Galile tẽw a n'ʋ.»

Matie 21:25

A suob a Zã na tɩ tɩrɛ a, nyɩnɛ n'a ʋ tɩ yi? Naaŋmɩn zie n'a bɩɩ nɩsaalbɛ zie n'a?» Bɛ tɩ tɩɛr'ɩ bɛ pʋɔ à ŋá: «Tɩmɛ wa yel kɛ́ Naaŋmɩn zie n'a a, ʋ na yel tɩ na: “Ɛ́ bʋ̃ʋ n'ʋ so nyɩ bɛ sàw de ʋ?”

Matie 21:27

Lɛ n'a bɛ tɩ sɔw à ŋá kʋ̀ a Yeezu: «Tɩ bɛ bãw ɛ.» Ʋ mɩ̀ lɛb yel bɛ: «Ɩ̃ mɩ̀ kʋ̃ yel kʋ̀ nyɩ a be ɩ̃ na páw a sɔ́r ɩrɛ à à ŋá a ɩ.»

Matie 21:46

Bɛ tɩ bɔbr'a kɛ́ bɛ nyɔw ʋ, ɛcɛ bɛ tɩ zɔ n a zu-sɛbla dɛ̃bɩ̃ɛ, bʋ̃ʋ n'ʋ vɛ̃, a zu-sɛbla zie a, a Yeezu tɩ ɩ n naaŋmɩn-ƴɛ̀r-manɛ.

Markɩ 11:32

Ɛcɛ tɩ na sàw na yel: “Nɩsaalbɛ zie n'a ʋ yi i?”» Bɛ tɩ zɔrɛ nɩ a zu-sɛbla dɛ̃bɩ̃ɛ. A nɩbɛ za zie a, a Zã tɩ sɩrɩ na ɩ naaŋmɩn-ƴɛ̀r-manɛ.

Markɩ 12:12

A Zifʋ mɩnɛ Nɩ-kore tɩ bɔbr'ɩ a Yeezu nyɔwfʋ, ɛcɛ bɛ tɩ zɔrɛ nɩ a zu-sɛbla dɛ̃bɩ̃ɛ. Bɛ tɩ bãwnɩ a na kɛ́ bɛlɛ nɛbɛ ʋ lɔb a zʋkpar ŋa jɩɛr'ɩ. Bɛ tɩ bɛr ʋ na ɛ́ tɔlɛ cere.

Markɩ 6:20

Bʋ̃ʋ n'ʋ vɛ̃, a Erɔdɩ tɩ zɔrɛ nɩ a Zã, ʋ tɩ bãwnɩ a na ʋ na ɩ nɩ-mɩŋa nɩ nɩ-sõw a, ɛ́ ʋ bɛ tɩ sàwr ʋ ƴãw ɛ. Ʋlɛ wa tɩ bɛrɛ wone a Zã ƴɛ̀rʋ a, ʋ bɛ mɩ́ bãw lɛ za ʋ na na yel a ɩ, ɛ́ mɩ́ tɩ cãà nɔnɛ a ʋ ƴɛ̀rʋ bɛr-wob.

Luka 20:19

A Naaŋmɩn wulu sɛ-sɛbrbɛ nɩ a bàwr-maal-nɩ-bɛrɛ tɩ bɔbr'ɩ a Yeezu nyɔwfʋ a pɛr nɛ pʋɔ, ɛcɛ bɛ tɩ zɔ n a nɩbɛ dɛ̃bɩ̃ɛ. Bɛ tɩ bãwnɩ a na bɛlɛ na nɛbɛ ʋ lɔb a zʋkpar jɩɛr'ɩ a.

Luka 20:6

Ɛ́ tɩmɛ wa yel kɛ́: “Nɩsaalbɛ zie n'a”, a nɩbɛ na lɔb'ɩ tɩ nɩ kʋsɛbɛ kʋ, bʋ̃ʋ n'ʋ vɛ̃, bɛ tɩ bãwnɩ a na k'aa Zã ɩ n naaŋmɩn-ƴɛ̀r-manɛ.»

Luka 22:2

A bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ tɩ bɔbr'ɩ a lɛ bɛ na na ɩ kʋ a Yeezu a. Ɛcɛ bɛ tɩ zɔrɛ nɩ a nɩbɛ dɛ̃bɩ̃ɛ.

Zã 5:35

A Zã tɩ ɩ na mɛ̃ fɩ̃tɩlɛ bɛ na mɩ́ tɔ̃w ʋ caalɛ a: ɛ́ nyɩ sàw a cãà ŋa caalɩ nyɩ blã, ɛ́ a tɩ ɩ nyɩ nʋ̃ɔ̀.

Zã 9:22

A dɔwrbɛ na tɩ zɔrɛ a Zifʋ mɩnɛ dɛ̃bɩ̃ɛ a n'a so bɛ ƴɛ̀r à à ŋá. A Zifʋ mɩnɛ tɩ wõ n taa, kɛ́ nɩr wa yere kɛ́ a Yeezu ɩ n a Kɩrɩta a, kɛ́ bɛ̃ɛ diw a sob a puoru-dĩó.

Nɩ-toni 5:26

Lɛ n'a a Ŋmɩn-yir-kpɛ̃ɛ sojarɩ nɩ-kpɛ̃ɛ tɩ tɛr a ʋ nɩbɛ cen nɩ kɛ́ bɛ tɩ tɛr a nɩ-toni wa n. Ɛcɛ bɛ bɛ tɩ ɩ n fãw ɛ, bɛ tɩ zɔrɛ nɩ dɛ̃bɩ̃ɛ a nɩbɛ nãà wa lɔbr'ɩ bɛ kʋsɛbɛ a ƴãw.