Matie 20:8 - A SƐB-SÕW

⁸ A zaanɔ-ɓaar na wa ta a, a divɛ̃ tɩɩr púo sob tɩ yel'ɩ a ʋ bʋ̃-kaarɛ: “Bʋɔlɩ a tõ-tõ-biir wa kʋ̀ ŋa za a ʋ sã-ya. Tĩ a bɩɛr-waarbɛ zie tɩ baar'ɩ a dãw-waarbɛ.”

Matie 20:8 ပူးပေါင်းရင်းမြစ်များ

Yele-za-pɛr-tib 15:2

A Abram tɩ sɔw na: «Sore Naaŋmɩn i, bʋnʋ ƴãw n'a fʋ na dɩ tuo kʋ̀rɛ mɛ̃ bom? Ɩ̃ kule na ɛ́ bɛ tɛr bie ɩ, ɛ́ Eliezɛɛr na yi Damasɩ a n'ʋ na so a ɩ̃ yir.»

Yele-za-pɛr-tib 43:19

Bɛ na tɩ ta a yir cɛ na kpɛ a, bɛ tɩ taw na ta a Zuzɛb bʋ̃-kaarɛ zie yel ʋ:

Levitɩ mɩnɛ 19:13

«Nyɩ taa nɛbr nɩr za ɩ, ɛ́ taa zure bom za ɩ. Nyɩ ta tɛr a tõ-tõ-bie sã-ya tɩ dãw nɩ bio ɛ.

Matie 20:7

Bɛ tɩ sɔw ʋ na: “Nɩr za bɛ de tɩ a tome ɩ so lɛ.” Ʋ yel bɛ: “Nyɩ mɩ̀ cen a ɩ̃ divɛ̃ tɩɩr púo pʋɔ.”

Matie 20:9

Lɛ n'a a zaanʋɔra tõ-tõ-biir tɩ wa, ŋa za mɩ́ wa páw a bibi-been tome sã-ya libir.

Matie 25:19

A tɩ kɔwrɩ na, ɛ́ a tõ-tõ-biir bɛ ŋa nɩ-kpɛ̃ɛ wa lɛb wa, wa ƴãw kɛ́ bɛ manɩ a ʋ libie yele.

Matie 25:31

«A Nɩsaal Bie wa lɛb wa n yúor-vɩɛlʋ-danʋ a, ʋlɛ nɩ a ʋ malkɩ mɩnɛ za a, ʋ na zɩ̃ n a ʋ naalʋ-dà-kɔw zu.

Luka 10:7

Nyɩ be a yir nɛ pʋɔ, dɩrɛ ɛ́ nyúur a alɩ bome nɛ bɛ nãà wa kʋ̀rɛ nyɩ a: a tõ-tone sɛwnɩ nɩ a ʋ sã-ya. Nyɩ ta cɔlɛ a yie ɩ.

Luka 12:42

A Sore tɩ sɔw na: «Bʋ̃-kaarɛ vla buor sob'ʋ, bãw yã, a zu-sob na ƴãw k'ʋ dɩ nɩ-kpɛ̃ɛnʋ a ʋ yir nɩbɛ zu, kɛ́ a daar mɩ́ wa ta a, ʋ̃ʋ manɩ a ble kʋ̀ bɛ?

Luka 8:3

Zan, a Kuza na ɩ a Erɔdɩ bʋ̃-kaarɛ a pɔw, Sizan nɩ pɔw-yaga bɛ mɩnɛ na tɩ kaarɛ a Yeezu nɩ a ʋ po-tuurbɛ zie nɩ a bɛ bʋ̃-tɛrɩ a.

2 Korɛ̃tɩ 5:10

Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.

Wulu-ayi-sob 24:15

Nyɩ mɩ́ kʋ̀ ʋ a ʋ sã-ya bibir za. Nyɩ mɩ́ ya ʋ ɛ́ a mʋ̃tɔ̃w bãw kpɛ. Bʋ̃ʋ n'ʋ vɛ̃, nã́w sob'ʋ, ɛ́ mɩ́ tɛr a ʋ sã-ya yel-ɩra fɔ̃w fɔ̃w. Nyɩmɛ wa ɩ ʋ kõ kʋ̀ a Sore a, ʋ na ɩ n yel-bier a nyɩ zie.

Títɩ̀ 1:7

Bʋ̃ʋ n'ʋ vɛ̃, a fɛr'a k'aa Lãw-yir-kaarɛ ta tɛr sãwna bɛ yere ɩ, ʋ na kaarɛ a Naaŋmɩn yele zie a ƴãw: ʋ ta ɩrɛ pɔ̀lʋ ɛ, ta ɩ suur sob ɛ, ʋ ta ɩ dã-nyúure nɩ nɔ-haa-bɔbrɛ ɩ, ʋ ta ɩrɛ nyãnyu-ɩb ɛ.

Ebre 9:28

lɛ n'a a Kɩrɩta, mɩ̀ na de ʋ tʋɔra maal'ɩ bàwr gb'a been daadaa k'ʋʋ ír nɩ-yaga yaga yel-bebe bɛr a, nãá wa sãá a gb'a ayi sob ƴãw, ɛ́ a kʋ̃ ɩ yel-bier ír-bɛrʋ ƴãw ɛ, ɛ́ ɩ a bɛlɩ dem na gùre ʋ a faafʋ ƴãw.

1 Pɩɛr 4:10

A Naaŋmɩn maalʋ a nyɩ been been na mɩ́ páw a, ʋ mɩ́ de ʋ tone nɩ a ʋ taabɛ vla ƴãw. Lɛ n'a nyɩ na ɩ nɩbɛ na kaarɛ a Naaŋmɩn maalʋ zie vla a, a Naaŋmɩn maalʋ na ɩ tɛɛtɛɛ a.

Urutɩ 2:6

A ɔɔzʋ cɩɛrbɛ nɩ-kpɛ̃ɛ sɔw: «A Mowab tẽw pɔw pɔl ʋl na bɩɛlɩ a Nowemi yi n a Mowab tẽw lɛb wa n a n'ʋ.