Matie 20:21 - A SƐB-SÕW

²¹ A Yeezu tɩ sowr'ʋ na: «Bʋ̃ʋ n'ʋ fʋ bɔbr?» Ʋ sɔw: «Nyɛ̃ a ɩ̃ bidɛbr ayi bɛ ŋa, ƴãw kãw zɩ̃ a fʋ dʋrʋ lowr ɛ́ kãw zɩ̃ a fʋ gʋba lowr a fʋ naalʋ pʋɔ.»

Matie 20:21 ပူးပေါင်းရင်းမြစ်များ

1 Na-mɩnɛ 2:19

Lɛ n'a ʋ tɩ cen a Salomɔ̃ zie, k'ʋʋ tɩ ƴɛ̀r a Adonɩasɩ ƴɛ̀rʋ. A nãà tɩ ìr'ɩ a ʋ naalʋ-dà-kɔw zu, tuor'ʋ, tɩ gũu yaga za a ʋ niŋé, al pùorí ʋ lɛb zɩ̃ a naalʋ-dà-kɔw zu. Ʋ tɩ ƴãw na bɛ bin a naalʋ-dà-kɔw kãw a ʋ dʋrʋ lowr, a ʋ mã zɩ̃.

1 Na-mɩnɛ 3:5

A Gabaɔ̃ be a, a Salomɔ̃ tɩ nyɛ̃ nɩ a Sore tɩ̃ɩsɔw, zánʋ pʋɔ. A Naaŋmɩn tɩ yel ʋ na: «Bʋ̃ʋ n'ʋ ɩ̃ na kʋ̀ b? Zɛlɩ.»

Sɛb-sõw yielu 110:1

Daviir yielu. Sɛb-sõw yielu. A Sore Naaŋmɩn yel'ɩ a nãà ɩ̃ sore: «Wa zɩ̃ a ɩ̃ dʋrʋ lowr, ɛ́ gù ɩ̃ tɩ ɩ a fʋ dɔ̃ dem bɛ lɩɛbɩ a fʋ gbɛ́ɛ dɔwlʋ zie.»

Sɛb-sõw yielu 45:9

A mɩ́ɩ̀r, a kanɛl, nɩ a alowɛsɩ nyũu, pàw nɩ a fʋ bʋ̃-suuri za. Korijom ŋmɩɛrʋ na ɩrɛ fʋ nʋ̃ɔ̀ a, ŋmɩɛr'a yire a fʋ diru bɛ na maalɩ, ɛ́ ƴãw wɔb nyɩmɛ bʋ̃-vɩɛlɩ a pʋɔ.

Zeremi 45:5

Ɛ́ fʋ̃ʋ bɔbr yel-bɛrɛ fʋ na tɩɛrɛ a maalʋ. Ta cãà tɩɛrɛ a ɩ. Bʋ̃ʋ n'ʋ vɛ̃, a mãa, a Sore, ɩ̃ yere na: Ɩ̃ na ɩ na a kpɩɛrʋ páw bʋ̃-vʋʋra za. Ɛcɛ, bom ŋa n'ʋ ɩ̃ na ɩ fʋ páw: Zie nɛ za fʋ na cere a, fʋ na mɩ́ tɛr'ɩ a nyɔ-vʋʋrʋ.”»

Matie 18:1

A ʋlɩ tɛm nɛ, a Yeezu po-tuurbɛ tɩ taw na pɩɛl'ʋ, ɛ́ sowr'ʋ: «Ãa n'ʋ ɩ kpɛ̃ɛ zuo a nɩbɛ za a tẽ-vla Naalʋ pʋɔ?»

Matie 19:28

A Yeezu tɩ yel bɛ na: «Yel-mɩŋa sɩza, ɩ̃ yere na kʋ̀rɛ nyɩ, a lɛn daar a yele nãà wa lɩɛbɛ paalɛ a, a lɛn daar a Nɩsaal Bie nãà wa zɩ̃ a ʋ yúor-vɩɛlʋ-danʋ naalʋ-dà-kɔw zu a, a nyɩɩm na tu m a, nyɩ mɩ̀ na zɩ̃ n naalʋ-dà-kɔwr pie nɩ ayi zu, kɛ́ nyɩ maal'ɩ a Ɩsɩrayɛl yie dɔwlʋ pie nɩ ayi a ƴɛ̀rʋ.

Matie 20:22

A Yeezu tɩ sɔw na: «Nyɩ bɛ bãw a ʋlɩ bom nɛ nyɩ na zɛlɛ a ɩ. Nyɩ na tʋ̃ɔ́ na nyũ a tuo koli-nyúura ʋl ɩ̃ na na nyũ a?» Bɛ tɩ sɔw na: «Tɩ na tʋ̃ɔ́ na.»

Matie 20:32

A Yeezu tɩ tɛw na àr ɛ́ bʋɔlɩ bɛ wa sowri: «Bʋ̃ʋ n'ʋ nyɩ bɔbr k'ɩ̃ɩ ɩ kʋ̀ nyɩ?»

Markɩ 10:51

A Yeezu tɩ sowri ʋ na: «Bʋ̃ʋ n'ʋ fʋ bɔbr k'ɩ̃ɩ ɩ kʋ̀ b?» A zɔ̃w tɩ sɔw na: «Arabuni i, ɩ̃ lɛb nyɛrɛ!»

Markɩ 16:19

A Sore Yeezu na wa ƴɛ̀r a bɛ zie à à ŋá baar'a, bɛ ír ʋ na do n a tẽ-vla pʋɔ, ʋ tɩ zɩ̃ a Naaŋmɩn dʋrʋ lowr.

Markɩ 6:22

A Erodɩadɩ nɛ pɔwyaa tɩ kpɛ n a cuw dɩb dĩó tɩ ƴaw bɩnɛ vla, kɛ̀ nʋ̃ɔ̀ kpɛ a Erɔdɩ nɩ a ʋ cuw dem. A nãà tɩ yel'ɩ a powle: «Zɛlɩ bom nɛ za fʋ na bɔbr a, ɩ̃ɩ na kʋ̀ fʋ na!»

Luka 18:41

«Bʋ̃ʋ n'ʋ fʋ bɔbr k'ɩ̃ɩ ɩ kʋ̀ b?» Ʋ tɩ sɔw na: «Sore e, ɩ ɩ̃ lɛb nyɛrɛ!»

Luka 19:11

A nɩbɛ na tɩ bɛrɛ wone a ƴɛ̀r-bie á ŋá a, a Yeezu tɩ lɔb'ɩ zʋkpar ƴãw pʋɔ, ʋ na tɩ pɩɛlɛ a Zerizalɛm, ɛ́ a nɩbɛ tɩ manɛ kɛ́ a Naaŋmɩn Naalʋ na sãá nɩ a pɛr nɛ pʋɔ a.

Luka 22:24

A ʋ po-tuurbɛ tɩ wa zɛbr'ɩ taa a bɛ cara pʋɔ, kɛ́ a bɛ buor sob'ʋ na tʋ̃ɔ́ ɩ a bɛ za kpɛ̃ɛ.

Zã 15:7

Nyɩmɛ wa lãw nɩ mɛ̃ ɛ́ tɛr a ɩ̃ ƴɛ̀rʋ a, nyɩ zɛlɩ a ʋlɩ bom nɛ nyɩ na bɔbr a, ɛ́ nyɩ na páw ʋ na.

Nɩ-toni 1:6

Lɛ n'a a po-tuurbɛ na tɩ ɓã taa a Yeezu zie a, tɩ sowr'ʋ: «Sore e, a ƴɛrɛŋa n'ɩ a daar ʋl fʋ na na lɛb zɩɩlɩ a Ɩsɩrayɛl bʋʋrɛ naalʋ a bɩɩ?»

Ʋrɔm 12:10

Nyɩ nɔnɛ taa mɛ̃ yɛbr a, nɩ nyɩ pʋɔ za, nyɩ ƴãwnɛ taa ciere taa.

Ʋrɔm 8:34

Ãa n'ʋ na maal'ɩ bɛ ƴɛ̀rʋ? Nɩr bɛ ka be ɩ. Bʋ̃ʋ n'ʋ vɛ̃, a Yeezu Kɩrɩta kpi na, mɔ̃ mɩ̀, ʋ lɛb'a yi a kũu pʋɔ, ʋ be n a Naaŋmɩn dʋrʋ lowr zɛlɛ ʋ a tɩ ƴãw.

Kɔlɔsɩ 3:1

Nyɩ na lãw nɩ a Kɩrɩta lɛb yi a kũu pʋɔ a, nyɩ bɔbr a saa-zu bome, be a Kɩrɩta na be zɩ̃ a Naaŋmɩn dʋrʋ lowr a.