Matie 2:13 - A SƐB-SÕW

¹³ A Saa-pɛrɩ́ bãw-bãwnbɛ na wa kul a, a Zuzɛb nyɛ̃ nɩ a Sore malkɩ zánʋ pʋɔ ʋ yel ʋ: «Ìr tɛr a bie nɩ a ʋ mã zɔ cen nɩ Eziptɩ tẽw tɩ be n a be, ɛ́ gù ɩ̃ wa tɩ yel kɛ́ fʋ lɛb wa. Bʋ̃ʋ n'ʋ vɛ̃, a Erɔdɩ na ìr'a bɔbr a bie k'ʋʋ kʋ.»

Matie 2:13 ပူးပေါင်းရင်းမြစ်များ

1 Na-mɩnɛ 11:17

Ɛcɛ a Hadadɩ, na tɩ cãà ɩ pɔlbil-vɛlvɛl lɛ a, tɩ tʋ̃ɔ́ na zɔ cen Eziptɩ tẽw, ʋlɛ nɩ Edɔm tẽw nɩbɛ bɛ mɩnɛ na tɩ ɩ a ʋ sãà tõ-tõ-biir a.

1 Na-mɩnɛ 3:5

A Gabaɔ̃ be a, a Salomɔ̃ tɩ nyɛ̃ nɩ a Sore tɩ̃ɩsɔw, zánʋ pʋɔ. A Naaŋmɩn tɩ yel ʋ na: «Bʋ̃ʋ n'ʋ ɩ̃ na kʋ̀ b? Zɛlɩ.»

A Zɔb sɛbɛ 33:15

Ʋ mɩ́ ƴɛ̀r'ɩ zánʋ pʋɔ, tɩ̃ɩsɔw yel-nyɛra pʋɔ, a lɛn daar a nɩsaalbɛ na mɩ́ gúr kpalɩtam gã a, a lɛn daar bɛ na mɩ́ gúr gã a bɛ bʋ̃-gana pʋɔ a.

A Zɔb sɛbɛ 33:17

k'aa nɩsaalbɛ tʋ̃ɔ́ bɛr a bɛ ɩb, k'aa gãdaa ta ɩrɛ pɔ̀lʋ ɛ.

Eziptɩ tẽw yib 1:22

Ɛcɛ a Faarawɔ̃ tɩ ƴãw nɩ nʋɔr ŋa kʋ̀ a ʋ nɩbɛ za: «Ebre bi-pɩɩla za na dɔw ɩ dɛble a, nyɩ mɩ́ lɔb ʋ ƴãw a Nɩl pʋɔ. Ɛcɛ nyɩ mɩ́ bɛr a powli bɛ vʋʋrɛ.»

Matie 1:20

À ŋá n'a ʋ tɩ tɩɛrɛ, ɛ́ wa gã zànɩ nyɛ̃ Sore malkɩ ʋ yel ʋ: «Daviir bidɛb Zuzɛb i, ta zɔrɛ dɛ̃bɩ̃ɛ a fʋ pɔw Marya tɛrʋ ƴãw ɛ, a pʋɔ ŋa ʋ na tɛr a yi n Vʋʋrʋ Sõw zie.

Matie 10:23

Bɛlɛ wa diwr nyɩ tẽw kãw a, nyɩɩm zɔ cen tẽ-yũo pʋɔ, yel-mɩŋa sɩza, ɩ̃ yere kʋ̀rɛ nyɩ, nyɩ kʋ̃ zɔ cɔlɩ a Ɩsɩrayɛl ten baarɩ ɛ, ɛcɛ a Nɩsaal Bie wa.

Matie 2:12

Al pùorí, a Naaŋmɩn tɩ yel'a kʋ̀ bɛ zánʋ pʋɔ kɛ́ bɛ ta lɛb cen a Erɔdɩ zie ɩ, lɛ so bɛ tɩ tu sɔr-yũo lɛb kul a bɛ tẽw.

Matie 2:14

A Zuzɛb tɩ ìr'ɩ tɩ̃ɩsɔw tɛr a bie nɩ a ʋ mã cen nɩ a Eziptɩ tẽw.

Matie 2:16

A Erɔdɩ na tɩ nyɛ̃ k'aa Saa-pɛrɩ́ bãw-bãwnbɛ bɛlɩ ʋ na a, ʋ nyɛ̃ nɩ suur yaga, ɛ́ tõ nɩbɛ bɛ cen a Bɛtɩlɛm nɩ a ʋ tẽ-kpɔwlɩ pʋɔ, tɩ kʋ a dɛbli za na bɛ tɩ ta yome ayi a. A yome ayi á ŋá tɩ man na taa nɩ a lɛ ʋ na tɩ sowri a yele a Saa-pɛrɩ́ bãw-bãwnbɛ manɩ kʋ̀ ʋ a.

Matie 2:22

Ɛcɛ, a Zuzɛb na tɩ wõ kɛ́ Arkelayisɩ lɩɛr'ɩ a ʋ sãà Erɔdɩ ɩ a Zude tẽw nãà a, ʋ zɔ n dɛ̃bɩ̃ɛ a be cenu ƴãw. Naaŋmɩn tɩ lɛb'a yel kʋ̀ ʋ zánʋ pʋɔ ʋ cen Galile tẽw lowr.

Nɩ-toni 10:22

Bɛ tɩ sɔw na yel: «A sojarɩ kʋba nɩ-kpɛ̃ɛ ʋl na dɩ Kɔrnɛɩ a, ʋlɛ n'ʋ tõ tɩ. Ʋ ɩ n nɩ-mɩŋa, ʋ zɔrɛ nɩ Naaŋmɩn, ɛ́ a Zifʋ mɩnɛ za mʋʋrɛ ʋ. Malkɩ sõw wa na wa yel k'ʋʋ tõ bʋɔlɩ fʋ a ʋ yir, fʋ wa manɩ yele ʋ bɛr wõ.»

Nɩ-toni 10:7

A malkɩ na tɩ ƴɛ̀rɛ a ʋ zie a, na wa cen baar'a, daadaalɛ a, a Kɔrnɛɩ bʋɔl'ɩ a ʋ yir nɩbɛ ayi de nɩ soja kãw na nɔnɛ puoru ɛ́ be a ʋ zie koro za a,

Nɩ-toni 12:11

A Pɩɛr niwn tɩ cɩ na ʋ yel: «Ƴɛrɛŋa a, ɩ̃ bãwnɩ a nɩ yel-mɩŋa kɛ́ a Sore tõ n a ʋ malkɩ ʋ wa faa mɛ̃ a Erɔdɩ nuru pʋɔ, nɩ a lɛ a Zifʋ mɩnɛ na tɩ gùre kɛ́ bɛ wa ɩ m a.»

Nɩ-toni 12:7

Bɛ wa bere na k'a Sore malkɩ àr a be, ɛ́ a gaso caalɩ ʋ za. A malkɩ tɩ tɔ n a Pɩɛr lõbowrí sɩ̃w ʋ ɛ́ yel: «Ìr fɔ̃w!» A bamɛ tɩ yɔl'ɩ a ʋ nuru ƴãw lo.

Nɩ-toni 16:36

A gaso-gùre tɩ yel'ɩ à ŋá kʋ̀ a Pol: «A ƴɛ̀r-dɩrbɛ tõ na yel kɛ́ bɛ yuo nyɩ bɛr. A na ɩ à ŋá a, nyɩ yi cere nɩ ƴã-ɓaarʋ!»

Nɩ-toni 5:19

Ɛcɛ Sore malkɩ tɩ wa n tɩ̃ɩsɔw wa yuo a gaso dɩ̃dɛɛ pamɛ ɛ́ ƴãw bɛ yi, ʋʋ yel bɛ:

Nɩ-toni 7:19

A nãà ŋa tɩ bɛ̀lɩ nɩ a tɩ bʋʋrɛ ɛ́ dɔwrɛ a tɩ sãàkʋm-kore, mɩ́ tɩ fɛr bɛ ƴãw bɛ zawrɩ a bɛ bi-pɩɩlɛ bɛr kɛ́ bɛ kpi.

Zozue 3:13

A bàwr-maalbɛ na tuo a tẽ-daa za Sore wõ-taa daga a, gbɛnaɓɛl wa tʋɔr a Zurdɛ̃ kʋ̃ɔnɩ wa báarɛ a, a kʋ̃ɔnɩ na yi a man saa-zu siwr a na ŋmãa na, a na ɓã n taa àr mɛ̃ bɩwfʋ n'a bɛ bɩw a.»

Zozue 3:17

A bàwr-maalbɛ na tuo a Sore wõ-taa daga a tɩ tɛw na àr a Zurdɛ̃ bà-dĩo na ko ʋ za a pʋɔ, ɛ́ a Ɩsɩrayɛl nɩbɛ tɔlɛ gãwnɛ nɩ gbɛ-kon. A bàwr-maalbɛ tɩ àr'a, ɛ́ gù a nɩbɛ za tɩ gãw a Zurdɛ̃.

Zozue 4:10

A bàwr-maalbɛ na tɩ tuo a wõ-taa daga a tɩ tɛw na àr a Zurdɛ̃ sɔwlɩsɔw, ɛ́ gù a Sore ƴɛ̀rʋ ʋ na tɩ yel kʋ̀ a Zozue k'ʋʋ yel kʋ̀ a Ɩsɩrayɛl nɩbɛ a, tɩ tu ʋ za. À ŋá n'a a tu a lɛ za a Moyiir na tɩ yel kʋ̀ a Zozue a. A nɩbɛ tɩ páw nɩ fɔ̃w gãw a man,

Zozue 4:18

Zɩ̃ k'aa bàwr-maalbɛ na tɩ tuo a Sore wõ-taa daga na tɩ yire a Zurdɛ̃ sɔwlɩsɔw a, a bɛ gbɛnaɓɛl na dɛ wa tʋɔr a tẽsɔw-kõw a, a Zurdɛ̃ kʋ̃ɔnɩ tɩ lɛb'a zɔrɛ, ɛ́ yi paalɩ a man nɛ́ɛ mɛ̃ a dãwdãw a.

Yel-wula 12:14

Ɛcɛ, bɛ tɩ kʋ̀ n a sɩl-kpɛ̃ɛ pɩgɛ ayi a pɔw, k'ʋʋ ƴaw nɩ kpɛ n a wɛja-kpalɛ pʋɔ, a zie ʋl bɛ na cɔbrɩ a ʋ ƴãw a, bɛ tɩ guol'ʋ a be yome ata nɩ ŋmãa, zãá nɩ a waab.

Yel-wula 12:4

A salom zu ŋmar-bie na põ ziir ata a, ʋ tɩ pɩɩr'ɩ a zi-been dem lɔb a tẽw zu nɩ a ʋ zʋʋr. Ʋ tɩ àr'ɩ a pɔw na dɔwr a niŋé, kɛ́ ʋlɛ wa dɔwr a ʋ bie wa báarɛ a, ʋ̃ʋ nyɔw vɔl.

Yel-wula 12:6

A pɔw ʋl a, ʋ tɩ zɔ na kpɛ a wɛja-kpalɛ pʋɔ, a be Naaŋmɩn na tɩ cɔbrɩ zie bɛr ʋ, bɛ na tɩ guol'ʋ bibie túr'ɩ kɔbr ayi dɔwlɩ lɩz'a ata a (1 260).