Matie 2:11 - A SƐB-SÕW

¹¹ Bɛ tɩ kpɛ n a yir pʋɔ nyɛ̃ a bie nɩ a ʋ mã Marya, bɛ tɩ puor'ʋ na nɩ bɛ tʋɔra-siwru, ɛ́ yuo a bɛ dawli ír bome kʋ̀ a bie: salm-zɩɛ, tɩ-suur-zɔ̃-na-nyùur-vla-vla-a, nɩ mɩ́ɩ̀r kãa-nyũu.

Matie 2:11 ပူးပေါင်းရင်းမြစ်များ

Yele-za-pɛr-tib 43:11

A Zakɔb tɩ yel bɛ na: «A na faa ɩ fɛrʋ a, nyɩ nyɛ̃ a lɛ nyɩ na na ɩ a: nyɩ de a tɩ tẽw bʋ̃-vɩɛlɩ vɩɛlɩ ƴãw a nyɩ tuor pʋɔ tɩ kʋ̀ a Eziptɩ tẽw nɩr ŋa. Nyɩ tɛr tɩ-suur-zɔ̃-na-nyùur-vla-vla-a blã, sɩwr blã de nɩ gɔm, ladanum, pɩsɩtasɩ nɩ amãdɩ.

1 Na-mɩnɛ 10:10

Al pùorí, a Saba tẽw pɔw-nãà tɩ kʋ̀ n a nãà Salomɔ̃ salm-zɩɛ tɔn ata nɩ ŋmãa, kãá-nyuure na yãwmɛ yaga a, de nɩ kʋsɛ-bi-nyɩlɩ vɩɛlɩ vɩɛlɩ. Nɩr bɛ lɛb dãw nyɛ̃ kãá-nyuure a kpɛ a Ɩsɩrayɛl tẽw pʋɔ man a al a Saba tẽw pɔw-nãà na tɩ kʋ̀ a nãà Salomɔ̃ a ɩ.

1 Na-mɩnɛ 10:2

Ʋ tɩ ta n a Zerizalɛm nɩ pùor dem na yãwmɛ yaga a, nɩ nyɔ̃wmɩ na tuo kãá-nyuure, nɩ salm-zɩɛ yaga nɩ kʋsɛ-bi-nyɩlɩ vɩɛlɩ vɩɛlɩ a. Ʋ tɩ wa n a Salomɔ̃ zie wa sowr'ʋ a sowru al za ʋ na cɔbrɩ a.

Sɛb-sõw yielu 2:12

Nyɩ ƴãwnɛ ʋ, alɛ bɛ ɩ lɛ, ʋ nãà mab'a nyɛ̃ suur nyɩ kpi a sɔ́r zu, bʋ̃-bile blã, ɛ́ a ʋ suur mɩ́ 'lere na mɛ̃ vũu a. Zu-nʋ̃ɔ̀ dem'ɩ a bɛlɩ dem za na zɔrɛ kpɩɛr a ʋ naayir a!

Sɛb-sõw yielu 45:8

Fʋ nɔnɛ nɩ a yel-na-tu-sɔr-a, ɛ́ hɩ̃ɛn a faalʋ. Alɛ n'a so a Naaŋmɩn, a fʋ Naaŋmɩn, cir a pʋ-pɩɛlʋ kãá ƴãw fʋ a zũú, kaa ír fʋ ɛ́ bɛr a fʋ taabɛ.

Sɛb-sõw yielu 72:10

Tarsisɩ tẽw nɩ a kʋ̃ɔ-kpɛ̃ɛ-sɔgɔ-ten na zãá a na-mɩnɛ na wa n nɩ bome wa kʋ̀ ʋ, Saba nɩ Seva ten na-mɩnɛ na ya n a zuru yar kʋ̀ ʋ.

Sɛb-sõw yielu 72:15

A nãà, ʋ vʋʋrɛ! Bɛ na kʋ̀ ʋ nɩ a Saba tẽw salm-zɩɛ, bɛ na puore na kʋ̀rɛ ʋ kʋralɛ. A Naaŋmɩn, ʋ maalɛ ʋ bibi-vɩɛrɩ za!

Sɛb-sõw yielu 95:6

Nyɩ wa, nyɩ ɩ tɩ gũu zu, tɩ siwri tɩ tʋɔra, tɩ lo gbĩ dume gũu tɩ tɔ tẽw a Sore na mɛ tɩ a niŋé.

Eziptɩ tẽw yib 30:23

«Bɔ parfɛ̃ na vɩɛl vɩɛl a: mɩ́ɩ̀r-kʋ̃ɔ kilo anũu, sɩnamɔm na nyùur vla a kilo ayi nɩ ŋmãa, kanɛl na nyùur vla a kilo ayi nɩ ŋmãa,

Eziptɩ tẽw yib 30:34

A Sore tɩ cãà na yel a Moyiir: «Bɔ bome na nyùur vla a: sɩtorasɩ, onisɩ nɩ galbanɔm. Ɩ tɩ-suur-zɔ̃-na-nyùur-vla-vla-a ƴãw, ɛ́ ɩ a zɛ̃ taa.

A Yielu za pʋɔ yiel-vla vla 3:6

Ãa n'ʋ yi a wɛja-kpalɛ pʋɔ dúor waar mɛ̃ zʋ̀ʋ́r na ŋmɛlɛ dúor, ɛ́ nyùur mɩ́ɩ̀r parfɛ̃ nɩ tɩ-suur-zɔ̃-na-nyùur-vla-vla-a, nɩ parfɛ̃ bʋʋrɛ za na yi tẽ-yoru wa a?

Ɩzayi 60:6

Nyɔ̃wmɩ na yɛ̀r'a pàw a fʋ tẽw, Madian nɩ Eifa ten nyɔ̃wmɩ-pɔlɛ. A Saba tẽw dem za na wa na. Bɛ na wa n nɩ salm-zɩɛ nɩ tɩ-suur-zɔ̃-na-nyùur-vla-vla-a, yiele danɛ nɩ a Sore.

Levitɩ mɩnɛ 6:15

Bɛlɛ wa cir a kãá ƴãw a Aarɔ̃ bidɛb kãw, ɩ k'ʋ ɩ sõw, lɩɛbɩ a bàwr-maal-kara lɩɛrɩ a Aarɔ̃ a, ʋ na tɛr'ɩ a tub ŋa: de-kʋ̀b bom na be be kʋralɛ bɛ na mɩ́ nyɩw ʋ za bɛr a Sore ƴãw a n'ʋ.

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Sɔr-nɛ́ɛ 7:86

Salm-zɩɛ koli-nyúura za tɩbrʋ tɩ ɩ n gɩram kʋba (100). A na ɩ lɛ a, a za pie nɩ ayi tɩbrʋ tɩ ɩ n gɩram túr dɔwlɩ kɔbr ayi (1 200). A tɩ paal'ɩ parfɛ̃ a nyɩwfʋ ƴãw.

Matie 1:18

À ŋá n'a a Yeezu Kɩrɩta dɔwfʋ tɩ tu. A ʋ mã Marya tɩ ɩ n Zuzɛb ƴãwnɩ-yúor, ɛcɛ bɛ bɛ tɩ lãw kpɛ sɛr ɛ, ɛ́ a Vʋʋrʋ Sõw ɩ a Marya tɛr pʋɔ.

Matie 12:46

A Yeezu na tɩ cãà ƴɛ̀rɛ a zu-sɛbla zie a, a ʋ mã nɩ a ʋ yɛbr tɩ ta na àr a yẽw, ɛ́ bɔbr kɛ́ bɛ ƴɛ̀r sɔw ʋ. [

Matie 14:33

A po-tuurbɛ bɛl na tɩ be a gbor pʋɔ a, tɩ lo na gbĩ dume a ʋ niŋé ɛ́ yel: «Yel-mɩŋa sɩza, fʋ ɩ n Naaŋmɩn Bie!»

Matie 2:10

Bɛ na tɩ nyɛ̃ a ŋmar-bir a, nʋ̃ɔ̀ tɩ kpɛ bɛ nɩ yaga bɛ dɩ vuo ɩ.

Matie 2:2

Bɛ tɩ sowr'a: «Nyɩnɛ n'a a Zifʋ mɩnɛ nãà na dɔw a daar yɩ̃ɛ ŋa a be? Tɩ nyɛ̃ nɩ a ʋ ŋmar-bir a Saa-pɛrɩ́ ɛ́ wa kɛ́ tɩ wa puor'ʋ nɩ tɩ tʋɔra-siwru.»

Luka 2:16

Bɛ tɩ paw na cen tɩ nyɛ̃ a Marya nɩ a Zuzɛb nɩ a bi-pɩɩla na gã a dʋ̃-laa pʋɔ a.

Luka 2:38

Ʋ na tɩ ta a be a ʋlɩ tɛm nɛ tɔr za pʋɔ a, ʋ danɛ nɩ a Naaŋmɩn ɛ́ manɛ a bie yele kʋ̀rɛ a bɛlɩ dem za na tɩ gùre a Zerizalɛm faafʋ a.

Zã 19:39

Nikodem mɩ̀ tɩ wa na, ʋlɛ nɩ a Yeezu na tɩ nyɛ̃ taa tɩ̃ɩsɔw kãw a. Ʋ tɩ tɛr'ɩ mɩ́ɩ̀r kãa-nyũu bɛ na dʋw nɩ alowɛsɩ váar a, ta mɛ̃ kilo lɩzɛr'ɩ pie a, wa n.

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.

Yel-wula 5:8

A Pele na tɩ dier a sɛbɛ wa báarɛ a, a bʋ̃-vʋʋrɩ anaar nɩ a nɩ-kore lɩzɛr'ɩ anaar tɩ lo na gbĩ dume a ʋ niŋé. Ŋa za mɩ́ tɩ tɛr'ɩ korijom nɩ salm-zɩɛ koli-nyúuri, a paalɩ tɩ-suur-zɔ̃-na-nyùur-vla-vla-a ɛ́ ɩ a Naaŋmɩn nɩ-bʋʋrɛ puoru a.

1 Samɩɛl 10:27

Ɛcɛ nɩbɛ kãw na bɛ tɛr pɛr towtow a, tɩ yel'a: «Ŋmɩŋmɩn n'a a nɩr ŋa na tʋ̃ɔ́ faa tɩ?» Bɛ tɩ jewr'ʋ na, ɛ́ bɛ wa n bom za wa kʋ̀ ʋ ɛ. Ɛcɛ a bɛ tɩ ɩ a Sawul bom za ɩ.