Matie 19:9 - A SƐB-SÕW

⁹ Ɩ̃ yere na kʋ̀rɛ nyɩ: nɩr wa zawrɩ a ʋ pɔw bɛr — lãw-taa kãw na bɛ tɛr sɔ́r a ƴãw bɛ wa n'a a — ɛ́ kul pɔw-yũo a, ʋ maal'ɩ pɔw-gaa yel-bier.»

Matie 19:9 ပူးပေါင်းရင်းမြစ်များ

Yele-za-pɛr-tib 20:3

Ɛcɛ a Naaŋmɩn tɩ ɩ na a Abimelɛkɩ nyɛ̃ ʋ zánʋ pʋɔ a tɩ̃ɩsɔw, ʋ yel ʋ: «Fʋ na kpi na, a pɔw fʋ na tɛr a ƴãw, bʋ̃ʋ n'ʋ vɛ̃, ʋ kul'ɩ sɩr.»

2 Bibie za yel-manɩ 21:11

A Yoram tɔr za tɩ maal'ɩ maalʋ-ziir a Zuda tan zu, bɛlɩ nɩ a Zerizalɛm nɩ a Zuda nɩbɛ bɛ tuur ŋmɩn-bɛlɛbɛlɛ.

Zeremi 3:1

A Sore yel'a: A ɩ mɛ̃ dɛb zawr'ɩ a ʋ pɔw bɛr, ʋ yi a ʋ zie tɩ kul dɛb-yũo a, ʋ tɛr'ɩ sɔ́r na lɛb kul a pɔw ŋa a? Ʋ̃ʋ'hʋ̃! A tẽw na dɛw nɩ ʋ za. Ɛcɛ a fʋ̃ʋ a, Ɩsɩrayɛl i, fʋ tõ n pɔw-yɛm tome nɩ nɩ-yaga ɛ́ bɔbr kɛ́ fʋ lɛb wa a ɩ̃ zie! A Sore n'ʋ yel.

Zeremi 3:8

Ɩ̃ zawr'ɩ a Ɩsɩrayɛl a tɩɛrʋ na lɩɛbɛ a bɛr, ʋ na tɩ maalɩ pɩ̃ɔ-yele a ƴãw, ɛ́ kʋ̀ ʋ a zawr-bɛrʋ sɛbɛ. Ɛcɛ, ɩ̃ nyɛ̃ na k'aa ʋ yɛb, a Zuda na bɛ tu a Sore a, bɛ zɔ dɛ̃bɩ̃ɛ kãw za ɩ. Ʋ mɩ̀ nɩ̃ɛ na cen tɩ tõ a pɔw-yɛm tome.

Ezekɩɛl 16:15

«Ɛcɛ, fʋ tɩ ɩrɛ na ƴãwn fʋ na pɔ̀l a ƴãw, Zerizalɛm i! Bɛ na tɩ bãw fʋ a ziir za a zũú a, fʋ tɩ tõ n pɔw-yɛm tome. Fʋ gã nɩ nɩ a dɛbr za na tɩ tɔlɛ a, bɛ tɩ so b'a.

Ezekɩɛl 16:29

Fʋ tõ n a pɔw-yɛm tome suwlisuwli taa a yɛ-yɛrbɛ tẽw kãw pʋɔ, a Babɩlɔn tẽw pʋɔ. Ɛcɛ fʋ mɔ̃ mɩ̀ cãà bɛ tɩ tɩw ɛ.

Ezekɩɛl 16:8

A tɩ kɔwr'a ɩ̃ɩ lɛb cen tɔl pɩɛlɩ fʋ, Zerizalɛm i. Ɩ̃ tɩ jɩ́r fʋ na kaa nyɛ̃ fʋ ta a dɛb nɔ̃wfʋ. Lɛ n'a ɩ̃ tɩ dɔl a ɩ̃ kpar-kpɛ̃ɛ a fʋ zu k'ɩ̃ɩ pàw a fʋ ƴã-gã-kpãkpol. Ɩ̃ tɩ pɔ n nɩ a ɩ̃ nyɔ-vʋʋrʋ k'ɩ̃ɩ na be n a fʋ ƴãw kʋ̃ lɛb pùor ɛ, ɛ́ maal'ɩ fʋ wõ-taa. Lɛ n'a fʋ tɩ be a ɩ̃ ƴãw, a mãa Sore Naaŋmɩn n'ʋ yel.

Matie 19:10

A ʋ po-tuurbɛ tɩ yel ʋ na: «A yele wa ŋmɛ̃ à ŋá a dɛb zie, ʋlɛ nɩ a ʋ pɔw cara pʋɔ a, a kul-taa maalʋ vɛb sa.»

Matie 19:8

A Yeezu tɩ sɔw bɛ na: «Nyɩ na bɛ wone ƴɛ̀rʋ a n'a so a Moyiir sàw kɛ́ nyɩ mɩ́ zawrɩ a nyɩ pɔwbɛ bɛr, alɛ bɛ ɩ lɛ a, a pɛr-tib daar a, a bɛ tɩ ɩ à ŋá ɩ.

Matie 5:32

Ɛcɛ mãa yere na kʋ̀rɛ nyɩ: sob nɛ za na zawrɩ a ʋ pɔw bɛr, ɛ́ a bɛ ɩ kul-taa na bɛ tɛr sɔ́r a ƴãw n'a a, ʋ ƴãw ʋ na ʋ na maalɩ pɔw-gaa yel-bier. Ɛ́ nɩr wa kul pɔw bɛ na zawrɩ bɛr a, ʋ maal'ɩ pɔw-gaa yel-bier.»

Luka 16:18

«Dɛb za na bɛr a ʋ pɔw ɛ́ kul pɔw-yũo a, ʋ maal'ɩ pɔw-gaa yel-bier, ɛ́ nɩr na kul pɔw a sɩr na bɛr a, ʋ maal'ɩ pɔw-gaa yel-bier.»

1 Korɛ̃tɩ 5:1

A nɩbɛ wone na bɛ yere a ziir za kɛ́ pɩ̃ɔ-ɩb kãw be n a nyɩ zie, ɛ́ a pɩ̃ɔ-ɩb nɛ kpɛ faa tɩ zuo. Nɩ-bʋʋr-yoru nɩbɛ tɛɛ za kʋ̃ sàw maalɩ a yel-bier ŋa tɔ ɩ. Bɛ manɛ na k'aa nyɩ kãw tɛr'ɩ a ʋ sãà pɔw ʋ ɩ a ʋ pɔw.

1 Korɛ̃tɩ 7:39

A pɔw be n a ʋ sɩr ƴãw lɛn daar za a ʋ sɩr na vʋʋrɛ a. A ʋ sɩr wa kpi a, ʋ so nɩ ʋ tʋɔra na tʋ̃ɔ́ kul sob nɛ ʋ na bɔbr a, ɛcɛ a sob nɛ a, ʋ ɩ kɩrɩta-nɩr.

1 Korɛ̃tɩ 7:4

A pɔw bɛ n'ʋ so a ʋ mɩŋa ƴã-gan ɛ, a ʋ sɩr so ʋ. Lɛ mɩ̀ n'a, a sɩr bɛ n'ʋ so a ʋ mɩŋa ƴã-gan ɛ, a ʋ pɔw so ʋ.