Matie 19:21 - A SƐB-SÕW

²¹ A Yeezu yel ʋ: «Fʋ̃ʋ wa bɔbr kɛ́ fʋ vɩɛl fʋ za a, cen tɩ de a fʋ bʋ̃-tɛrɩ za kʋɔrɩ, de a libie kʋ̀ nan dem, ɛ́ fʋ na páw nɩ na-bome a tẽ-vla pʋɔ, al pùorí, wa, wa tuur mɛ̃.»

Matie 19:21 ပူးပေါင်းရင်းမြစ်များ

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Yele-za-pɛr-tib 6:9

A Nowe yele n'ɩ á ŋá: A Nowe tɩ ɩ n nɩ-mɩŋa nɩ nɩr na ɩrɛ a pɛlɛ a Naaŋmɩn pʋɔ a ʋ daar nɩbɛ pʋɔ a. Ʋ tɩ maalɛ nɩ a Naaŋmɩn pʋ-tɩɛrʋ.

A Zɔb sɛbɛ 1:1

Nɩr kãw tɩ be n Usɩ tẽw, a yúor dɩ kɛ́ Zɔb. Ʋ bɛ tɩ tɛr sãwna ɩ, ɛ́ tuur yel-mɩŋa. Ʋ tɩ ƴãwnɛ nɩ a Naaŋmɩn ɛ́ bɛ pɩɛlɛ ɩ-faa ɩ.

Sɛb-sõw yielu 37:37

Jɩ́rɛ a nɩ-vla, ɛ́ nyɛ̃ a nɩr na cere dẽdẽ a: a nɩr na nɔnɛ a ƴã-ɓaarʋ a mɩ́ tɛr'ɩ bʋʋrɛ.

Matie 16:24

Lɛ n'a a Yeezu tɩ yel a ʋ po-tuurbɛ: «Nɩr wa bɔbr k'ʋʋ tuur mɛ̃ a, ʋ ta cãà tɩɛrɛ a ʋl mɩŋa yele ɩ, ɛ́ de a ʋ da-gara tuur'ɩ mɛ̃.

Matie 19:20

A pɔlbile yel ʋ: «Ɩ̃ sàw nɩ a nɛ-ƴãwnɩ á ŋá za. Bʋ̃ʋ n'ʋ cãà cɛ m?»

Matie 19:22

Ɛcɛ a pɔlbile na wa wõ à à ŋá a, ʋ sãw nɩ niwn ʋ za lɩɛb cere nɩ, ʋ na tɩ tɛr a bɛ dɩ vuo a ƴãw.

Matie 19:28

A Yeezu tɩ yel bɛ na: «Yel-mɩŋa sɩza, ɩ̃ yere na kʋ̀rɛ nyɩ, a lɛn daar a yele nãà wa lɩɛbɛ paalɛ a, a lɛn daar a Nɩsaal Bie nãà wa zɩ̃ a ʋ yúor-vɩɛlʋ-danʋ naalʋ-dà-kɔw zu a, a nyɩɩm na tu m a, nyɩ mɩ̀ na zɩ̃ n naalʋ-dà-kɔwr pie nɩ ayi zu, kɛ́ nyɩ maal'ɩ a Ɩsɩrayɛl yie dɔwlʋ pie nɩ ayi a ƴɛ̀rʋ.

Matie 4:19

Ʋ tɩ yel bɛ na: «Nyɩ wa tuur mɛ̃, ɩ̃ɩ na ɩ na nyɩ lɩɛbɩ nɩ-nyɔwrbɛ.»

Matie 5:48

Lɛ so, a nyɩɩm a, nyɩ vɩɛl nyɩ za, mɛ̃ a lɛ a nyɩ tẽ-vla pʋɔ Sãà na vɩɛl ʋ za a.»

Matie 8:22

Ɛcɛ a Yeezu tɩ sɔw ʋ na: «Tuur mɛ̃, ɛ́ bɛr a kũuni bɛ ũùne a bɛ kũuni.»

Matie 9:9

A Yeezu na tɩ yi a be cere tɔlɛ a, ʋ tɩ nyɛ̃ nɩ dɛb kãw, a yúor na dɩ kɛ́ Matie a, ʋ zɩ̃ a ʋ tome zie, a zuru-yar deb zie. Ʋ tɩ yel ʋ na: «Tuur mɛ̃!» A Matie tɩ ìr'a tu ʋ.

Markɩ 10:21

A Yeezu tɩ bɛl ʋ na kaa ɛ́ nɔ̃w ʋ. Ʋ tɩ yel ʋ na: «Bʋ̃-been yõ n'ʋ cɛ fʋ: kul tɩ kʋɔrɩ a fʋ bʋ̃-tɛrɩ za, de a libie kʋ̀ nan dem, ɛ́ fʋ na páw nɩ na-bome a tẽ-vla pʋɔ. Al pùorí, wa tuur mɛ̃.»

Markɩ 2:14

Ʋ na tɩ tɔlɛ a, ʋ nyɛ̃ nɩ Alfe bidɛb Levi, ʋ zɩ̃ a zuru-yar-deb zie. Ʋ tɩ yel ʋ na: «Tuur mɛ̃.» Ʋ tɩ ìr'a tu ʋ.

Markɩ 8:34

Al pùorí, ʋ tɩ bʋɔl'ɩ a zu-sɛbla nɩ a ʋ po-tuurbɛ wa yel bɛ: «Nɩr wa bɔbr k'ʋʋ tuur mɛ̃ a, a fɛr'a k'ʋʋ ta tɩɛrɛ a ʋ mɩŋa yele ɩ, ʋ ɓáw a ʋ da-gara tuo tuur'ɩ mɛ̃.

Luka 12:33

Nyɩ de a bome nyɩ na tɛr a, kʋɔrɩ sõw nɩ nɩ-kɔmɛ. Nyɩ bɔ wɛr-wʋʋr na bɛ zawr a, nɩ na-bome nyɩ na kʋ̃ bɔ gù a tẽ-vla pʋɔ a, a be nyãnyuge na bɛ pɩɛlɛ a, be gume na bɛ dɩrɛ a.

Luka 14:33

Lɛ mɩ̀ n'a, a nyɩ pʋɔ a, nɩr bɛ wa zawrɩ a ʋ bʋ̃-tɛrɩ za bɛr a, ʋ kʋ̃ tʋ̃ɔ́ ɩ a ɩ̃ po-tuure ɩ.»

Luka 16:9

«Ɛcɛ mãa yere na kʋ̀rɛ nyɩ, nyɩ de a nyãnyu-libie á ŋá ír'ɩ bárɩ, alɛ bɛ wa cãà a nyɩ nũú a, a bárɩ bɛ ŋa bɛ̃ɛ de nyɩ a kpɛb ziir na bɛ tɛr sãwfʋ daar a pʋɔ.

Luka 18:22

A Yeezu na tɩ wõ à à ŋá a, ʋ yel ʋ na: «Bʋ̃-been yõ n'ʋ cãà cɛ b: kʋɔrɩ a fʋ bʋ̃-tɛrɩ za, de a libie põ nan dem, ɛ́ fʋ na tɛr'ɩ na-bome a tẽ-vla pʋɔ, al pùorí, wa tuur mɛ̃.»

Luka 5:27

A yele á ŋá pùorí, a Yeezu tɩ yi na nyɛ̃ zuru-yar-diere kãw, a yúor na dɩ kɛ́ Levi a, ʋ zɩ̃ a ʋ tome zie, ʋ yel ʋ: «Tuur mɛ̃!»

Luka 6:40

Po-tuure bɛ zuore ʋ nɩ-kpɛ̃ɛ ɩ, ɛcɛ po-tuure za, a ʋ nɩ-kpɛ̃ɛ na wul vla a, na ŋmɛ̃ na taa nɩ a ʋ nɩ-kpɛ̃ɛ.

Luka 9:23

Al pùorí, a Yeezu tɩ yel'ɩ a nɩbɛ za: «Ʋlɩ sob wa bɔbr k'ʋʋ tuur a ɩ̃ pùor a, ʋ bɛr a ʋl mɩŋa yele tɩɛrʋ, ɛ́ dier a ʋ da-gara bibi-vɩɛrɩ za tuur'ɩ mɛ̃.

Zã 10:27

A ɩ̃ píir bɛrɛ na wone a ɩ̃ ƴɛ̀rʋ, ɩ̃ bãw a na ɛ́ a tuur mɛ̃.

Zã 12:26

Nɩr wa bɔbr k'ʋʋ tone a ɩ̃ tome a, ʋ tuur mɛ̃, ɛ́ zie nɛ za ɩ̃ na be a, be n'a a ɩ̃ tõ-tone mɩ̀ na be. Nɩr wa tone a ɩ̃ tome a, a ɩ̃ Sãà na ƴãwnɛ ʋ na.»

Nɩ-toni 2:45

Bɛ mɩ́ tɩ de nɩ a bɛ bʋ̃-sori nɩ a bɛ bʋ̃-tɛrɩ za kʋɔrɩ, lãw põ a libie: bɛ mɩ́ tɩ kʋ̀ n ŋa za man a ʋ yel-fɛrɩ.

Ebre 10:34

Nyɩ tɩ lãw nɩ nɩ a gaso pʋɔ dem a bɛ kpɩɛrʋ pʋɔ, nyɩ tɩ sàw na bɛ fa a nyɩ bʋ̃-tɛrɩ ɛ́ nʋ̃ɔ̀ cãà ɩrɛ nyɩ, nyɩ na tɩ bãwnɩ a kɛ́ nyɩ tɛr'ɩ na-bom na vɩɛl zuo ɛ́ be be kʋralɛ a.