Matie 19:17 - A SƐB-SÕW

¹⁷ A Yeezu tɩ sɔw ʋ na: «Bʋ̃ʋ n'ʋ so fʋ sowre mɛ̃ a yel-vla yele? A sob nɛ na vɩɛl a, ɩ n been yõ tẽtẽ. Fʋ̃ʋ wa bɔbr kɛ́ fʋ páw a nyɔ-vʋʋrʋ a, sàwr a Naaŋmɩn nɛ-ƴãwnɩ.»

Matie 19:17 ပူးပေါင်းရင်းမြစ်များ

Neemi 9:29

Fʋ zɛlɩ bɛ na kɛ́ bɛ lɛb tuur a fʋ wulu, ɛcɛ a bɛ pɔ̀lʋ zũú a, bɛ bɛ bɛr wõ a fʋ nɛ-ƴãwnɩ ɛ. Bɛ zawr'ɩ a tub fʋ na ƴãw kʋ̀ bɛ a bɛr, ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na tuur a a. Bɛ kpãa nɩ tobr ɛ́ gaarɩ, bɛ bɛ bɛr wõ b towtow ɛ.

Sɛb-sõw yielu 119:68

Fʋ ɩ n nɩ-vla ɛ́ maalɛ a nɩbɛ vla, wul mɛ̃ a fʋ pʋ-tɩɛrʋ ɩ̃ bãw ʋ.

Sɛb-sõw yielu 52:1

Yiel-yielbɛ nɩ-kpɛ̃ɛ sɛbɛ pʋɔ yielu. Daviir yielu kãw na wule yã a.

Ezekɩɛl 20:21

Ɛcɛ a bɛ bibiir mɩ̀ tɩ ìr'ɩ a ɩ̃ ƴãw. Bɛ bɛ tɩ sàw a ɩ̃ wulu ɛ, bɛ bɛ tɩ tu a ɩ̃ tub ɛ. Ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na sàwr a a. Bɛ tɩ jewr'ɩ a pɩ̃ɛnʋ-bibir. Tɩɛrʋ tɩ wa m'a k'ɩ̃ɩ bɛr a ɩ̃ su-yãyaar ʋ ìr a bɛ ƴãw, yɛ́r pàw bɛ a wɛja-kpalɛ pʋɔ.

Levitɩ mɩnɛ 18:5

«A na ɩ à ŋá a, nyɩ tɛr a ɩ̃ nɛ́ɛ nɩ a ɩ̃ tub. Sob nɛ na sàwr a a, a na ɩ na ʋ vʋʋrɛ. Mãa n'ɩ a Sore.»

Ʋrɔm 10:5

À ŋá n'a a Moyiir sɛb càar'ɩ a mɩnʋ na na tʋ̃ɔ́ yi a Wulu pʋɔ a: «Sob nɛ na sàw a Wulu nɛ-ƴãwnɩ a, a na ɩ na k'ʋ vʋʋrɛ.»

Zakɩ 1:17

bʋ̃-kʋ̀ra za na bɛ tɛr tɔ a, ƴãw-taa bom za na vɩɛl bɛ cɛ a, saa-zu n'a a yire siwr. Naaŋmɩn zie n'a a yire, ʋl na ɩ a salom zu bʋ̃-caalɩ Íre a, ʋl na bɛ bãw lɩɛbʋ, ɛ́ bɛ lɩɛbɛ kɛ̀ ɓaarʋ lɩɛbɛ tuur a.

1 Zã 4:16

A tɩɩm a, tɩ bãw na ɛ́ sàw de a nɔ̃wfʋ a Naaŋmɩn na tɛr a tɩ ƴãw a. Naaŋmɩn ɩ n nɔ̃wfʋ. Sob nɛ na tɛr a nɔ̃wfʋ a, ʋ lãw nɩ nɩ a Naaŋmɩn, ɛ́ a Naaŋmɩn mɩ̀ lãw nɩ ʋ.

1 Samɩɛl 2:2

A Sore bɛ tɛr ʋ tɔ ɩ, a tɩ Naaŋmɩn yõ n'ʋ ɩ Pìir. Naaŋmɩn bɛ be, a bɛ ɩ a ʋl yõ ɩ.