Matie 19:16 - A SƐB-SÕW

¹⁶ Nɩr kãw tɩ taw na ta a Yeezu zie sowr'ʋ: «Wul-wul-kara a, bʋ̃ʋ yel-vla n'ʋ a fɛr k'ɩ̃ɩ maalɩ tʋ̃ɔ́ páw a nyɔ-vʋʋrʋ na be kʋralɛ a?»

Matie 19:16 ပူးပေါင်းရင်းမြစ်များ

Matie 19:15

Ʋʋ na wa dɔwlɩ a nuru a bɛ zu baar'a, ʋ bɛr'ɩ a ʋlɩ zie nɛ ɛ́ tɔl cen.

Matie 19:26

A Yeezu tɩ jɩ́r bɛ nɩ gbẽgbẽ ɛ́ yel: «A nɩsaalbɛ zie a, a kʋ̃ tʋ̃ɔ́ ɩ, ɛcɛ Naaŋmɩn zie a, bom za na tʋ̃ɔ́ na.»

Matie 19:29

Ɛ́ sob nɛ za nãà wa bɛr yie, yɛbr, yeepuuli, sãà, mã, bibiir bɩɩ póru a mãa ƴãw a, ʋ na páw nɩ à á ŋá gb'a a kʋba (100) dɔwlɩ, ɛ́ cãà páw a nyɔ-vʋʋrʋ na be kʋralɛ a ƴãw pʋɔ.

Matie 25:46

A bɩɛrɩ bɛ ŋa na cen nɩ a dɔwrʋ na bɛ tɛr baarʋ a pʋɔ, ɛ́ a nɩ-mɩn cen a nyɔ-vʋʋrʋ na be kʋralɛ a pʋɔ.»

Zã 10:28

Ɩ̃ kʋ̀rɛ nɩ a ɩ̃ píir a nyɔ-vʋʋrʋ na be kʋralɛ a: a kʋ̃ kpi towtow ɛ, ɛ́ nɩr kʋ̃ tʋ̃ɔ́ faa a a ɩ̃ nũú ɛ.

Zã 12:25

Ʋlɩ sob na nɔnɛ a ʋ nyɔ-vʋʋrʋ a, ʋ bɔrɛ ʋ na bɛrɛ, ɛ́ ʋlɩ sob na hɩ̃ɛn a ʋ nyɔ-vʋʋrʋ a tẽ-daa ŋa zu a, ʋ na maal'a tɛr ʋ a nyɔ-vʋʋrʋ na be kʋralɛ a ƴãw.

Zã 3:15

kɛ́ nɩr za na sàw de a ʋ yele a, ʋ páw a nyɔ-vʋʋrʋ na be kʋralɛ a.

Zã 4:14

Ɛcɛ nɩr nãà wa nyũ a kʋ̃ɔ ɩ̃ na na kʋ̀ ʋ a, kʋ̃ɔ-nyúur kʋ̃ lɛb kpɛ ʋ towtow ɛ. Ɛ́ a kʋ̃ɔ ɩ̃ na na kʋ̀ ʋ a, a na lɩɛb'ɩ bul-nʋɔr a ʋ pʋɔ, a nyɔ-vʋʋrʋ na be kʋralɛ a bùle yire.»

Zã 5:39

Nyɩ ƴãw nɩ fãw vuole a Sɛb-son pʋɔ, nyɩ na tɩɛrɛ kɛ́ be n'a nyɩ na páw a nyɔ-vʋʋrʋ na be kʋralɛ a, ɛ́ alɛ n'a dɩrɛ a ɩ̃ dãsɩɛ.

Zã 6:47

Yel-mɩŋa sɩza sɩza n'a ɩ̃ yere kʋ̀rɛ nyɩ: ʋlɩ sob na sàw de a, ʋ tɛr'ɩ a nyɔ-vʋʋrʋ na be kʋralɛ a.

Zã 6:68

Sɩmʋ̃ Pɩɛr tɩ sɔw ʋ na yel: «Sore e, ãa zie n'a tɩ na cen? Fʋ tɛr'ɩ a nyɔ-vʋʋrʋ na be kʋralɛ a ƴɛ̀r-bie.

Nɩ-toni 16:30

Al pùorí, ʋ tɩ tɛr bɛ na yi n ɛ́ sowri bɛ: «Ɩ̃ bá mɩnɛ ɛ, bʋ̃ʋ n'ʋ a fɛr k'ɩ̃ɩ ɩ páw a faafʋ?»

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

Ʋrɔm 5:21

A na ɩ à ŋá a, mɛ̃ a lɛ a yel-bier na tɩ wul a kũu fãw ʋ na tɛr a, lɛ mɩ̀ n'a a Naaŋmɩn maalʋ wule faafʋ fãw, k'ʋʋ tʋ̃ɔ́ tɛr tɩ cen nɩ a nyɔ-vʋʋrʋ na be kʋralɛ a pʋɔ, a Yeezu Kɩrɩta tɩ Sore ƴãw.

1 Timote 1:16

Ɛcɛ Naaŋmɩn zɔ n a ɩ̃ nɩbaalʋ, k'aa Kɩrɩta Yeezu tʋ̃ɔ́ de niwn tĩ a ɩ̃ zie, mãa na kpɛ faa zuo a nɩbɛ za a, wul a ʋ su-bɛ-pawra ɩb za a sãá ɩ bãwfʋ a bɛlɩ dem za nãà wa sàw de a Naaŋmɩn, kɛ́ bɛ tʋ̃ɔ́ páw a nyɔ-vʋʋrʋ na be kʋralɛ a.

1 Timote 6:12

Zɛbr a naaŋmɩn-sàw-deb zɛb-vla. Ƴãw fãw páw a nyɔ-vʋʋrʋ na be kʋralɛ a, a ʋ páwfʋ ƴãw n'a a Naaŋmɩn bʋɔlɩ fʋ, a lɛn daar fʋ na hieri a fʋ naaŋmɩn-sàw-deb vla, yel-mɩn dem yaga niŋé a.

1 Timote 6:19

Lɛ n'a bɛ na páw na-bʋ̃-vɩɛlɩ na kʋ̃ sãw a gbõ taa, a bɛl mɩŋa ƴãw a nɩdaar ƴãw, kɛ́ bɛ wa tʋ̃ɔ́ páw a nyɔ-vʋʋrʋ tɔr za.

Títɩ̀ 1:2

kɛ́ bɛ tɩɛrɛ a nyɔ-vʋʋrʋ na be kʋralɛ a. A Naaŋmɩn na bɛ ŋmarɛ ziri a tɩ ƴãw nɩ nʋɔr k'ʋʋ na kʋ̀ bɛ nɩ a nyɔ-vʋʋrʋ ŋa, ɛ́ a dɩta-pɛ-yome za wa bãw be.

Títɩ̀ 3:7

k'aa ʋ maalʋ ŋa ɩ tɩ ɩ nɩ-mɩn a ʋ niŋé, ɛ́ ɩ nyɔ-vʋʋrʋ na be kʋralɛ a gbã-dɩrbɛ, mɛ̃ a lɛ tɩ na tɩɛrɛ a.

1 Zã 1:2

Bʋ̃ʋ n'ʋ vɛ̃, a nyɔ-vʋʋrʋ ŋa sãá na, tɩ nyɛ̃ ʋ na, tɩ dɩrɛ nɩ a ʋ dãsɩɛ, tɩ manɛ nɩ a nyɔ-vʋʋrʋ na be kʋralɛ a yele kʋ̀rɛ nyɩ, a nyɔ-vʋʋrʋ ŋa na tɩ be a Naaŋmɩn Sãà zie ɛ́ wa sãá tɩ nyɛ̃ a.

1 Zã 2:25

Ɛ́ a ʋlɩ bom nɛ a Kɩrɩta na yel k'ʋʋ na kʋ̀ tɩ na a n'ɩ a nyɔ-vʋʋrʋ na be kʋralɛ a.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:21

Nyɩ be a Naaŋmɩn nɔ̃wfʋ pʋɔ gùre nɩ kɛ́ a tɩ Sore Yeezu Kɩrɩta wa kʋ̀ nyɩ a nyɔ-vʋʋrʋ na be kʋralɛ a, a ʋ su-ɓaarʋ pʋɔ.