Matie 18:3 - A SƐB-SÕW

³ ɛ́ yel: «Yel-mɩŋa sɩza, ɩ̃ yere na kʋ̀rɛ nyɩ, nyɩmɛ bɛ wa lɩɛbɩ a nyɩ ɩb ŋmɛ̃ mɛ̃ a bibi-cãpili a, nyɩ kʋ̃ kpɛ a tẽ-vla Naalʋ pʋɔ ɩ.

Matie 18:3 ပူးပေါင်းရင်းမြစ်များ

Sɛb-sõw yielu 131:2

Ɩ̃ nɩ̃ɛ bɛ mɩ́ damnɛ ɩ, ɛ́ ɩrɛ zoom zoom, mɛ̃ bie na zɩ̃ a ʋ mã gbɛ́ɛ zu a, ɩ̃ bɛ mɩ́ damnɛ ɩ, ɛ́ zɩ̃ zoom mɛ̃ a bi-cãpile ŋa a.

Ɩzayi 6:10

Ɩ a nɩ-bʋʋrɛ bɛ ŋa socie a kpawlɩ, ɩ a bɛ tobe a wõw, ɛ́ a bɛ mimie zɔ̃w. Ta sàw a bɛ mimie nyɛrɛ ɩ, a bɛ tobe wone ɩ, a bɛ socie bãw a pɛr ɛ. Bɛ ta tʋ̃ɔ́ lɩɛbɩ a bɛ ɩb, ɛ́ sanɩ ɛ.»

Matie 13:15

A nɩbɛ bɛ ŋa kpɛ n mimi-kõw, bɛ fur'ɩ a bɛ tobe, bɛ pàw nɩ a bɛ mimie, kɛ́ bɛ taa nyɛrɛ nɩ a bɛ mimie ɩ, kɛ́ bɛ taa wone nɩ a bɛ tobe ɩ, kɛ́ a bɛ yã taa nyɛrɛ ɩ, kɛ́ bɛ taa lɩɛbɛ a bɛ ɩb ɛ alɛ bɛ ɩ lɛ, ɩ̃ nãà sanɩ bɛ na.”

Matie 18:2

A Yeezu tɩ bʋɔl'ɩ bi-cãpile wa ƴãw a bɛ sɔgɔ,

Matie 18:4

Lɛ so, ʋlɩ sob na siwre ʋ tʋɔra ŋmɛ̃ mɛ̃ a bi-cãpile ŋa a, ʋlɛ n'ʋ ɩ kpɛ̃ɛ zuo a bɛ za a tẽ-vla Naalʋ pʋɔ.

Matie 19:14

Lɛ n'a a Yeezu tɩ yel: «Nyɩ bɛr a bibiir bɛ wa a ɩ̃ zie, ɛ́ ta diwr bɛ bɛrɛ ɩ, bʋ̃ʋ n'ʋ vɛ̃, a bɛlɩ dem na ŋmɛ̃ taa nɩ bɛ a, bɛlɛ so a tẽ-vla Naalʋ.»

Matie 19:23

Lɛ n'a a Yeezu tɩ yel a ʋ po-tuurbɛ: «Yel-mɩŋa sɩza, ɩ̃ yere na kʋ̀rɛ nyɩ: nɩr na kpɛ naalʋ a, a ʋ tẽ-vla Naalʋ pʋɔ kpɛb na kpɛmɛ na.

Matie 5:18

Yel-mɩŋa sɩza, ɩ̃ yere na kʋ̀rɛ nyɩ: a lɛn daar za a salom nɩ a tẽw na na cãà be a, kan-bi-pʋrɩ kãw za nɩ kan-bi-ŋmale kãw za kʋ̃ yi zaa a Wulu pʋɔ ɩ, ɛ́ gù a yele za baarʋ daar.

Matie 5:20

Ɩ̃ sɩrɩ na yere kʋ̀rɛ nyɩ: a nyɩ yel-mɩnʋ bɛ wa zuo a Naaŋmɩn wulu sɛ-sɛbrbɛ dem nɩ a Faarizɩ̃ɛ mɩnɛ dem a, nyɩ kʋ̃ kpɛ a tẽ-vla Naalʋ pʋɔ ɩ.»

Matie 6:16

«Nyɩmɛ mɩ́ wa tɛr a mʋta-tuo a, nyɩ ta mɩ́ kʋɔlɛ mɛ̃ a nɩsaal-libelibe a ɩ, bɛ mɩ́ sãw nɩ niwn k'aa nɩbɛ za nyɛ̃ bɛ na tɛr a mʋta-tuo a. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ.

Matie 6:2

A na ɩ à ŋá a, fʋ̃ʋ wa kʋ̀rɛ bom nɩ-kɔmɛ a, ta ɩrɛ gɔmɛ a nɩbɛ niŋé mɛ̃ a lɛ a nɩsaal-libelibe na mɩ́ ɩrɛ a puoru-diru pʋɔ nɩ a sɛ́ɛ pʋɔ, k'aa nɩbɛ tʋ̃ɔ́ danɛ bɛ a ɩ. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ baarɩ.

Matie 6:5

«Nyɩmɛ wa puore a, nyɩ ta mɩ́ ɩrɛ mɛ̃ a nɩsaal-libelibe a ɩ: bɛ mɩ́ nɔnɛ na kɛ́ bɛ àr saaƴẽwn a puoru-diru pʋɔ nɩ a sɔ-carɩ pʋɔ puore, k'aa nɩbɛ za tʋ̃ɔ́ nyɛ̃ bɛ. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ baarɩ.

Markɩ 4:12

kɛ́ bɛ mɩ́ jɩ́rɛ ɛ́ ta nyɛ̃ bom ɛ, kɛ́ bɛ mɩ́ wone ɛ́ ta bãw a pɛr ɛ, bɛ nãà mab'a lɩɛbɩ a bɛ ɩb ɛ̀ Naaŋmɩn dɩ a bɛ yel-bebe suur kʋ̀ bɛ.»

Luka 13:24

«Nyɩ ƴãw fãw tu a dɩ̃dɔ-fɩɩra ƴãw kpɛ, alɛ bɛ ɩ lɛ, mãa n'ʋ yere kʋ̀rɛ nyɩ: nɩ-yaga na bɔbr'a kɛ́ bɛ kpɛ, ɛ́ kʋ̃ tʋ̃ɔ́ ɩ.»

Luka 22:32

Ɛcɛ ɩ̃ puor'a kʋ̀ b, kɛ́ a fʋ naaŋmɩn-sàw-deb taa bɔrɛ ɩ. Fʋ̃ʋ wa lɛb wa baar'a, fʋ̃ʋ tɩɛ a fʋ yɛbr.»

Zã 1:51

A Yeezu tɩ cãà na yel ƴãw pʋɔ: «Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩ na nyɛ̃ nɩ a salom ʋ yuo, ɛ́ a Naaŋmɩn malkɩ mɩnɛ be a Nɩsaal Bie zu-sɔw siwr ɛ́ dúor.»

Zã 3:3

A Yeezu tɩ sɔw ʋ na: «Yel-mɩŋa sɩza sɩza n'a ɩ̃ yere kʋ̀rɛ fʋ: nɩr bɛ wa lɛb dɔw a, ʋ kʋ̃ tʋ̃ɔ́ nyɛ̃ a Naaŋmɩn Naalʋ ɛ.»

Zã 3:5

A Yeezu tɩ sɔw na: «Yel-mɩŋa sɩza sɩza n'a ɩ̃ yere kʋ̀rɛ fʋ: sob nɛ za na bɛ lɛb dɔw kʋ̃ɔ nɩ Vʋʋrʋ Sõw pʋɔ dɔwfʋ a, ʋ kʋ̃ tʋ̃ɔ́ kpɛ a Naaŋmɩn Naalʋ pʋɔ ɩ.

Nɩ-toni 14:22

Bɛ tɩ ɩ na a po-tuurbɛ kpɛ socie ɛ́ bɛr dɛ̃bɩ̃ɛ. Bɛ tɩ kanɛ nɩ bɛ na yere kɛ́ bɛ ƴãw fãw tɛr a naaŋmɩn-sàwfʋ kʋralɛ, bɛ mɩ̀ tɩ yere nɩ à ŋá kʋ̀rɛ bɛ: «A fɛr'a kɛ́ tɩ nyɛ̃ dɔwrʋ yaga a Naaŋmɩn Naalʋ pʋɔ kpɛb ƴãw.»

Nɩ-toni 28:27

Bʋ̃ʋ n'ʋ vɛ̃, a nɩbɛ bɛ ŋa kpɛ n mimi-kõw, bɛ fur'ɩ a bɛ tobe, bɛ pàw nɩ a bɛ mimie kɛ́ bɛ taa nyɛrɛ nɩ a bɛ mimie ɩ, kɛ́ bɛ taa wone nɩ a bɛ tobe ɩ, kɛ́ a bɛ yã taa nyɛrɛ ɩ, kɛ́ bɛ taa lɩɛbɛ a bɛ ɩb ɛ, alɛ bɛ ɩ lɛ, ɩ̃ nãà sanɩ bɛ na.”

Nɩ-toni 3:19

A na ɩ à ŋá a, nyɩ lɩɛbɩ a nyɩ ɩb ɛ́ lɛb wa a Naaŋmɩn zie, ʋ de a nyɩ yel-bebe bɛr a baarɩ.

1 Korɛ̃tɩ 14:20

Yɛbr i, nyɩ ta tɛr bibi-yã a yele bãwfʋ ƴãw ɛ. Nyɩ ɩ bibiir a yel-faa maalʋ ƴãw, ɛcɛ a yele bãwfʋ ƴãw a, nyɩ ɩ nɩ-bɛrɛ.

1 Pɩɛr 2:2

Nyɩ bɔbr a Naaŋmɩn ƴɛ̀rʋ bʋ̀r-kʋ̃ɔ tɛwr mɛ̃ bi-pɩɩlɛ a, k'ʋʋ tʋ̃ɔ́ mɩ́ ɩ nyɩ kɛrɛ tɩ páw a faafʋ.

2 Pɩɛr 1:11

Ɛ́ lɛ n'a nyɩ na kpɛ a tɩ Sore nɩ a tɩ Faarɛ Yeezu Kɩrɩta naalʋ na be kʋralɛ a pʋɔ, mɔlɛ mɔlɛ lɛ.