Matie 18:10 - A SƐB-SÕW

¹⁰ «Nyɩ gù nyɩ tʋɔra taa wa jewre a bibi-cãpili bɛ ŋa been kãw za ɩ. Ɩ̃ sɩrɩ na yere kʋ̀rɛ nyɩ, a bɛ malkɩ mɩnɛ àr'ɩ a ɩ̃ Sãà na be a tẽ-vla pʋɔ a niŋé kʋralɛ. [

Matie 18:10 ပူးပေါင်းရင်းမြစ်များ

2 Samɩɛl 14:28

A Abɩsalɔm tɩ kpɛ n a Zerizalɛm yome ayi, ɛ́ bɛ yi a nãà niŋé ɩ.

1 Na-mɩnɛ 22:19

Ɛcɛ a Mise tɩ lɛb'a yel: «Bɛrɛ wone a lɛ a Sore na yere a. Bʋ̃ʋ n'ʋ vɛ̃, ɩ̃ nyɛ̃ nɩ a Sore ʋ zɩ̃ a ʋ naalʋ-dà-kɔw zu, ɛ́ a ʋ tõ-tõ-biir za, a salom zu, àr a ʋ dʋrʋ lowr nɩ a ʋ gʋba lowr.

Sɛb-sõw yielu 15:4

Ʋ bɛ ŋmɛlɛ kaar bɛlɩ dem Naaŋmɩn na bɛ de a bɛ yele a ɩ, ɛcɛ ʋ mɩ́ ƴãwnɛ nɩ a bɛlɩ dem na ƴãwnɛ a Sore a. Ʋlɛ wa pɔ, a lɛb wa fɛrɛ ʋ a, ʋ bɛ mɩ́ lɩɛbɩ a nʋɔr bɛr ɛ.

Sɛb-sõw yielu 17:15

Ɛcɛ mãa a, sɔ́r be n be, ɩ̃ na nyɛ̃ nɩ a fʋ niwn. A ɩ̃ ìru daar a, fʋ na sãá na ɩ̃ jɩ́r fʋ tɩ sɛw.

Sɛb-sõw yielu 34:7

Bãbàal'ɩ ŋan lɔb cɛl a Sore wõ, ɛ́ faa ʋ bɛr a ʋ kpɩɛrʋ za pʋɔ.

Sɛb-sõw yielu 91:11

Bʋ̃ʋ n'ʋ vɛ̃, a Sore na yel'ɩ a ʋ malkɩ mɩnɛ kɛ́ bɛ gùre fʋ a ziir za fʋ na cere a.

Zakari 13:7

À ŋá n'a a Sore, a Kpɛnʋ-za-sob, yere: «Zɛbr-sɔ-kpɛ̃ɛ ɛ, ìr a pi-cɩ̃ɩnɛ ƴãw, a ɩ̃ bá na kpɛ socir a ƴãw, kʋ a pi-cɩ̃ɩnɛ, ɛ́ a píir zɔ yaarɩ a ziir za, ɩ̃ɩ na lɩɛb'ɩ a péli ƴãw.»

Matie 1:20

À ŋá n'a ʋ tɩ tɩɛrɛ, ɛ́ wa gã zànɩ nyɛ̃ Sore malkɩ ʋ yel ʋ: «Daviir bidɛb Zuzɛb i, ta zɔrɛ dɛ̃bɩ̃ɛ a fʋ pɔw Marya tɛrʋ ƴãw ɛ, a pʋɔ ŋa ʋ na tɛr a yi n Vʋʋrʋ Sõw zie.

Matie 12:20

A bàa-kɛkɛr na gbɩɛlɩ a, ʋ bɛ nɛbr ʋ karɛ ɩ, a fɩ̃tɩlɛ vũu na ɩ kpɩ̃ɩkpɩ̃ɩ a, ʋ bɛ kpiire bɛrɛ ɩ, ɛ́ gù ʋ tɩ ɩ a lɛ na tu sɔ́r a tʋ̃ɔ́ bom za.

Matie 18:14

Lɛ mɩ̀ n'a, a nyɩ Sãà na be a tẽ-vla pʋɔ a bɛ bɔbr k'aa bibi-cãpili bɛ ŋa been kãw za bɔr ɛ.»

Matie 18:6

«Ɛcɛ sob nɛ za na ɩrɛ a bibi-cãpili bɛ ŋa kãw na sàw de m a, ʋ lore yel-bier pʋɔ a, bɛlɛ 'lẽ kʋsɛ-kpɛ̃ɛ ƴãw a ʋ kɔkɔrɩ́, ɛ́ dáa ʋ lɔb ƴãw kʋ̃ɔ-kpɛ̃ɛ pʋɔ a, alɛ sa.

Matie 2:13

A Saa-pɛrɩ́ bãw-bãwnbɛ na wa kul a, a Zuzɛb nyɛ̃ nɩ a Sore malkɩ zánʋ pʋɔ ʋ yel ʋ: «Ìr tɛr a bie nɩ a ʋ mã zɔ cen nɩ Eziptɩ tẽw tɩ be n a be, ɛ́ gù ɩ̃ wa tɩ yel kɛ́ fʋ lɛb wa. Bʋ̃ʋ n'ʋ vɛ̃, a Erɔdɩ na ìr'a bɔbr a bie k'ʋʋ kʋ.»

Matie 2:19

A Erɔdɩ kũu pùorí, a Zuzɛb tɩ nyɛ̃ nɩ a Sore malkɩ zánʋ pʋɔ a Eziptɩ tẽw

Matie 24:31

Ʋ na tõ n a ʋ malkɩ mɩnɛ nɩ a wɩ-kpɛ̃ɛ a tẽ-daa lõbowe anaar za, bɛ tɩ bʋɔlɩ a ʋ nɩ-kaa-íri a tẽ-daa zu ziir za ɓã taa.»

Luka 1:19

A malkɩ tɩ sɔw ʋ na: «Mãa n'ɩ a Gabɩyɛl na mɩ́ be a Naaŋmɩn niŋé a. Ʋ tõ m'a k'ɩ̃ɩ wa ƴɛ̀r sɔw fʋ, ɛ́ yel a yel-nʋ̃ɔ̀ ŋa kʋ̀ b.

Luka 10:16

A Yeezu tɩ cãà na lɛb yel a ʋ po-tuurbɛ: «Sob nɛ na bɛrɛ wone a nyɩ ƴɛ̀rʋ a, a ɩ̃ ƴɛ̀rʋ n'a ʋ bɛrɛ wone, ɛ́ sob nɛ na zawrɩ nyɩ bɛr a, mãa n'ʋ ʋ zawrɩ bɛr. Ɛcɛ sob nɛ na zawrɩ mɛ̃ bɛr a, a sob nɛ na tõ m a n'ʋ ʋ zawrɩ bɛr.»

Luka 16:22

Ɛcɛ a nã́w sob wa kpi na, a malkɩ mɩnɛ ɓáw ʋ cen nɩ a Abraham zie. A nãà mɩ̀ kpi, bɛ ũù ʋ.

Nɩ-toni 10:3

Bibir kãw, a na tɩ cen man zaanʋɔra gbele ata daar a, ʋ tɩ càar'a nyɛ̃ Naaŋmɩn malkɩ ʋ wa kpɛ a ʋ zie bʋɔl'ʋ yel: «Kɔrnɛɩ i!»

Nɩ-toni 12:15

A nɩbɛ tɩ sɔw ʋ na: «Fʋ yáar'a bɩɩ?» Ɛcɛ a tõ-tõ-bi-pɔwle tɩ cãà na yere kɛ́ sɩza n'a. A lɛ n'a bɛ tɩ lɛb yel ʋ: «Alɛ wa ɩ lɛ a, a ʋ malkɩ n'ʋ!»

Nɩ-toni 12:23

Ɛcɛ bɛ wa bere na Sore malkɩ ŋmɛ a Erɔdɩ, ʋ na bɛ tɩ sàw danɩ a Naaŋmɩn a ƴãw: zãzule tɩ dɩ ʋ na, ʋ kpi.

Nɩ-toni 27:23

Bʋ̃ʋ n'ʋ vɛ̃, a tɩ̃ɩsɔw a, a ɩ̃ Naaŋmɩn ɩ̃ na tone a malkɩ kãw wa n a ɩ̃ zie

Nɩ-toni 5:19

Ɛcɛ Sore malkɩ tɩ wa n tɩ̃ɩsɔw wa yuo a gaso dɩ̃dɛɛ pamɛ ɛ́ ƴãw bɛ yi, ʋʋ yel bɛ:

Ʋrɔm 14:10

Ɛcɛ fʋ̃ʋ a, bʋnʋ ƴãw n'a fʋ bãwnɛ a fʋ yɛb yele? Ɛ́ fʋ̃ʋ, bʋnʋ ƴãw n'a fʋ jewre a fʋ yɛb? Tɩ za na cen nɩ a Naaŋmɩn ƴɛ̀rʋ-dɩb zie.

Ʋrɔm 14:21

A ʋlɩ bom nɛ na vɩɛl a, ʋlɛ n'ɩ ta 'wɔb nɛn, ta nyũ dãa, ʋlɛ n'ɩ a bɛr bom za na na tʋ̃ɔ́ ɩ a fʋ yɛb ʋ lo a.

Ʋrɔm 15:1

A tɩɩm na tɛr fãw a sàw-deb pʋɔ a, a fɛr'a kɛ́ tɩ mɩ́ sõw a bãbàalbɛ a bɛ bãbàalʋ pʋɔ, ɛ́ ta bɔbr kɛ́ tɩ ɩrɛ lɛ na nʋmɛ a tɩ zie a ɩ.

1 Korɛ̃tɩ 11:22

A ɩ lɛ nyɩ dɛ bɛ tɛr yie na mɩ́ zɩ̃ a be dɩrɛ ɛ́ nyúur bɩɩ? Bɩɩ a Naaŋmɩn Lãw-yir'ʋ nyɩ bɛ bʋɔlɛ bom, ɛ́ bɔbr kɛ́ nyɩ tʋʋr a bɛlɩ dem na bɛ tɛr bom a? Ɩ̃ pãa yel kɛ́ bʋnʋ kʋ̀ nyɩ a? Ɩ̃ mʋʋrɩ nyɩ bɩɩ? Towtow! À á ŋá ƴãw a, ɩ̃ bɛ mʋʋrɛ nyɩ ɛ.

1 Korɛ̃tɩ 16:11

A na ɩ lɛ a, nɩr za taa wa manɛ k'ʋʋ bɛ tɛr bir ɛ. Nyɩ sõw ʋ ʋ lɛb wa a ɩ̃ zie nɩ ƴã-ɓaarʋ, mãa nɩ a yɛbr gùre ʋ na.

1 Korɛ̃tɩ 9:22

Ɩ̃ mɩ́ lɩɛb'ɩ bãbàal a bãbàalbɛ zie, k'ɩ̃ɩ páw a bãbàalbɛ. Ɩ̃ mɩ́ lɩɛb'ɩ bom za a bɛ za zie, kɛ́ alɛ saa ŋmɛ̃ ŋmɩŋmɩn a, mãa tʋ̃ɔ́ faa bɛ mɩnɛ.

2 Korɛ̃tɩ 10:1

A mãa Pol bɛ na yel k'ɩ̃ɩ mɩ́ siwre nɩ ɩ̃ tʋɔra yaga za mãa wa be a nyɩ sɔgɔ a, ɛ́ kpɛ pʋra a lɛn daar ɩ̃ na mɩ́ wa zãá a, mãa tɔr za n'ʋ kpaalɛ nyɩ a Kɩrɩta su-baalʋ nɩ a ʋ vɩɛlʋ zũú:

2 Korɛ̃tɩ 10:10

Bʋ̃ʋ n'ʋ vɛ̃, bɛ yere na: «A Pol sɛbr ƴɛ̀r-bie mɩ́ tɩbrɛ na ɛ́ kpɛmɛ, ɛcɛ a ʋl tɔr za wa be a tɩ sɔgɔ a, ʋ bɛ mɩ́ tɛr fãw ɛ, a ʋ ƴɛ̀rʋ bɛ mɩ́ tɛr pɛr ɛ.»

Galasi 6:1

Yɛbr i, alɛ wa ɩ mɛ̃ bɛ nyɔw nɩ nɩr sãwna pʋɔ a, a nyɩɩm na tɛr a Naaŋmɩn Vʋʋrʋ a, nyɩ tɛr ʋ lɛb wa ƴãw a sɔ́r vla pʋɔ, ɛcɛ nyɩ ɩrɛ bɛl bɛl a ʋ zie. Ɛ́ a fʋ̃ʋ mɩ̀ a, gùre fʋ tʋɔra vla: fʋ tɩɛr kɛ́ bɛ mɩ̀ kʋ̃ tʋ̃ɔ́ bɛlɩ fʋ bɩɩ?

1 Tesalonikɩ 4:8

Lɛ so, sob nɛ na zawrɛ a wulu á ŋá bɛrɛ a, nɩsaal bɛ n'ʋ ʋ zawrɛ bɛrɛ ɩ, a Naaŋmɩn na kʋ̀rɛ nyɩ a Vʋʋrʋ Sõw a n'ʋ.

1 Timote 4:12

Nɩr za ta ɩrɛ fʋ laar fʋ na ɩ pɔlbile a ƴãw ɩ. Nɩ̃ɛ ɩ a bɛlɩ dem na sàw de a Naaŋmɩn a cɔwrɛ fʋ a fʋ ƴɛ̀rʋ pʋɔ, a fʋ cenu pʋɔ, a fʋ nɔ̃wfʋ pʋɔ, a fʋ naaŋmɩn-sàw-deb pʋɔ, a fʋ vɩɛlʋ pʋɔ.

Ebre 1:14

A malkɩ mɩnɛ za bɛ ɩ bʋ̃-vʋbɛ na tɛr tõ-nɛ́ɛ, Naaŋmɩn mɩ́ tõ kɛ́ bɛ tɩ sõw a bɛlɩ dem na na nyɛ̃ a faafʋ a ɩ?

Ebre 9:24

Bʋ̃ʋ n'ʋ vɛ̃, a Kɩrɩta bɛ kpɛ zi-sõw pʋɔ nɩsaalbɛ na ŋmãa ɩ, zi-sõw nãá ɩ a zi-sõw mɩŋa ŋmɛ̃-ta-tɔ tɛwr a ɩ. A tẽ-vla tɔr za pʋɔ n'a ʋ kpɛ, k'ʋʋ tɩ be a Naaŋmɩn niŋé a ƴɛrɛŋa a tɩɩm ƴãw.

Yel-wula 8:2

Al pùorí ɩ̃ nyɛ̃ a malkɩ mɩnɛ ayopõi bɛl na mɩ́ àr a Naaŋmɩn niŋé a. Bɛ tɩ kʋ̀ bɛ nɩ wɩɩr ayopõi.